رواية طفلة العاصم الفصل السادس والعشرون 26 - بقلم ندى احمد

دخلت ندى الغرفة و خرج عاصم. بعد عدة دقائق خرجت ندى من الغرفة. ندى: حور مش حامل، وهي بنت. تغيرت تعابير وجه عاصم، وفهد وقف بدون أي تعابير. عاصم: انتي متأكدة يا ندى؟ ندى: أيوه متأكدة طبعًا. عاصم بجدية: هسالك السؤال تاني يا ندى، انتي مش بتحاولي تساعدي حور وتخبي عني حاجة؟ فهد: انت ازاي تقول كده يا فهد؟ وبعدين ندى مصلحتها إيه لما تقول كده؟ عاصم مسك دراع ندى بجدية: انطقي، انتي بتخبي عليها ولا لأ. ندى بدموع

من عنف عاصم وهو ماسكها: والله يا عاصم دي الحقيقة، حور بنت يا عاصم. جيب أي دكتورة تانية هتقول نفس كلامي. عاصم انبسط وساب إيد ندى، اللي أول ما سابها جريت تعيط في أوضتها. عاصم دخل لحور. وأول ما شافها جرى عليها حضنها كأنه طفل ولقى أمه. حور: أنا قولتك يا عاصم، والله كنت مظلومة. عاصم: أنا مش عايز نفتح الموضوع تاني، وأنا هعرف أجيب لك حقك يا حوري. يلا قومي بينا نروح بيتنا، مش عايز نقعد هنا ثانية واحدة كمان.

حور: يلا يا عاصم، أنا كمان مش عايزة أقعد هنا. عاصم: طب يلا اجهزي، هنزل أشوف الحسابات عقبال ما تجهزي. عاصم راح دخل أوضة الدكتورة اللي قالت إن حور حامل. الدكتورة: إزاي يا أستاذ تدخل كده من غير استئذان؟ عاصم: لو مقولتيليش مين قالك تقولي إن حور حامل، هضيعك إنتي فاهمة؟ الدكتورة: مش فاهمة تقصد إيه. عاصم بنظرة تهديد وماسك طرف بالطو الدكتورة من فوق: شكلك هتعبيني، ولسه متخلقش اللي يتعبني، ولو اتخلق همحيه من على وش الأرض.

الدكتورة: لو مطلعتش بره أنا هنده الأمن يشيلك. عاصم: انطقي بدل ما أنا اللي هقبض عليكي بنفسي، دي قضية يا حلوة وفيها سين وجيم، والله ما هتعرفي تخرجي منها، لكن دي فرصة أخيرة ليكي. الدكتورة: والدة حضرتك هي اللي قالتلي أقول كده، أنا مليش دعوة بحاجة، هي قالتلي مش هتجيب سيرتي بحاجة. عاصم: إنتي بتقولي إيه؟ الدكتورة: والدتك حضرتك أستاذة ثريا، اللي كانت مع البنت الصبح. عاصم ساب الدكتورة وخرج مش فاهم حاجة ومصدوم في والدته.

عند فهد، دخل لقى ندى مغمى عليها وسايحة في دمها. فهد جرى شالها بين إيديه: ندىااااااا. خرج، خلى الدكتورة تشوف اللازم وتوقف النزيف. الدكتورة: للأسف حصل إجهاض للجنين. فهد بعدم فهم: جنين؟ الدكتورة: أيوه، دكتورة ندى كانت حامل في شهرين. فهد: طب شكرًا يا دكتورة. ولما فاقت ندى، ملكتش حد جنبها غير فهد. ندى: إيه اللي حصل؟ فهد: قولتلك كام مرة حرام عليكي نفسك، إيه اللي يخليكي تعملي كده؟ ندى بدأت تعيط وساكتة.

فهد: ممكن أفهم، يمكن أساعدك. ندى: مش هتقدر، اللي حصل مش بالسهولة دي يرجع يتصلح. فهد: إنتي خلاص أجهضتي، مش هي دي المشكلة اللي مكنش لها حل؟ ندى 😳😳😳 يا ترى عاصم هيواجه ثريا؟ وإيه حكاية ندى؟