رواية طفلة البلال الفصل الثامن عشر 18 - بقلم وحيدة كالقمر

كرم بص لسمرا اللي قاعدة على السرير وقال: انتي مش مخبية حاجة عني؟ سمرا بلعت ريقها وقالت بتوتر: لأ. كرم: ماشي، مع إنّي مش مصدقك. كرم خرج وسمرا بقت تفتكر اللي حصل. *** **فلاش باك** كانت واقفة قدام البسين وهي بتفكر في كل اللي حصل. وفجأة جت فريدة من وراها وقالت بزعيق: متغيري وتحلي عننا بقى! سمرا جت تمشي. فريدة مسكت دراعها وقالت بزعيق: لما أكون بكلمك تقفي وتردي عليّ. سمرا: وأنا معنديش رد.

فريدة اتضايقت منها، راحت زقتها وقعت في البسين. وسمرا مش بتعرف تعوم. سمرا: الحقيني، مش بعرف أعوم. فريدة فصلت تبصلها، وبعدين سابتها ومشيت. وسمرا مش عارفة تطلع. *** **باك** سمرا: مش لازم أقول لكرم عشان ميحصلش مشاكل. *** في القسم. الضابط: سكوتك مش هيفيدك، بالعكس، فقوليلي ليه حاولتِ تقت*لي بلال؟ فتون بصتله ومكنتش عارفة ترد وتقول إيه. الضابط: اتكلمي. فتون دموعها نزلت، وفجأة وقعت على الأرض. *** في المستشفى.

عائشة بدموع وزعيق: انتي السبب، انتي وبنتك، لو ابني جرا له حاجة مش هرحم بنتك، صدقيني! عز بخوف: مش وقته يا عائشة. الدكتور خرج وهما جريوا عليه. عز: ابني كويس؟ الدكتور: متقلقش يا حج، هو بخير، والجرح مكنش عميق. كلها شوية ويفوق. *** بعد ساعة. العسكري زق فتون جوه الحجز، وهي وقفت قدام الباب. واحدة من الستات: واحدة جديدة يا بنات. كام واحدة قامت وقربوا من فتون اللي خايفة. فتون: انتوا عايزين مني إيه؟ الست:

هعوز منك إيه يا رو*ح أمك. فتون ضر*بتها كف وقالت: متجيبيش سيرة أمي على لسانك. الست مسكت شعر فتون ووقعتها على الأرض، وبقوا يضر*بوها. *** في بيت كرم. سمرا خرجت من الحمام وهي لافة الفوطة على جسمها، وكرم دخل. سمرا بلعت ريقها وجت تاخد هدوم. مسك إيدها وشدها ليه. سمرا بتوتر: كرم، لو سمحت. كرم دفن وشه في رقبتها، وهي غمضت عيونها بخوف. وهو شالها وحطها على السرير و.... *** في المستشفى.

بلال بدأ يفتح عيونه بو*جع، وبص حواليه ولقى أبوه وأمه وخالته فاطمة. بلال بو*جع: فتون. عائشة: قطعت وقطعت سيرته. بلال: فتون فين؟ فاطمة: في القسم. بلال قام بو*جع وقال: ليه؟ فاطمة مسكت إيد بلال وقالت: إيه اللي خلى فتون تعمل فيك كده؟ بلال بص في الأرض. فاطمة قالت: عملت إيه؟ رد. بلال نزل راسه وقال: أنا مقربتش منها، بس أوهمتها بكده. فاطمة ضر*بته بالقلم.