رواية طفلة القاسي الفصل العاشر 10 - بقلم دنيا محمد

تاني يوم الكل صحي بنشاط. مي وسهي كانوا بيبصوا لبعض بخبث، وغرام كانت قلقانة منهم. فطروا، ومراد قال لغرام إنه هيروح الشركة هو وأسر. غرام كانت مطمنة إن معاها منة وياسمين وبيحبوها وهيدافعوا عنها. مي بتلقيح: بس تعرفي ي كنط ياسمين إن كلاب الشوارع بقت هوانم. ياسمين فاهمة هي تقصد إيه، فردت: آه، زي كده كلاب الشوارع اللي بنعطف عليهم ويبقوا قاعدين عندنا ليل نهار. مي اتحرجت هي وسهي، بس سهي اتكلمت.

سهي بخبث: دي غرام، كنت بديها هدوم مي بعد ما اتبهدلت. غرام، وكانت خلاص هتعيط: أنتي كدابة، أنا عمري ما أخدت منك حاجة، وأصلاً عمري ما شوفتك، أنا ماما وبابا كانوا مقفلين عليا مبطلعش. سهي بقلة ذوق: تصدقي إنك بنت قليلة الأدب، ولازم أقوم أربيكي. قامت ولسه هتضرب غرام بالقلم، بس إيد مسكتها، وكانت إيد مراد اللي رجع من الشركة ياخد ملف.

مراد بصوت جهوري: أنا من أول يوم ساكتلك أنتي وبنتك، إنما تتعدي حدودك وتيجي تمدي إيدك على مراتي، لا، دا أنا أنسفك أنتي وبنتك من ع الدنيا. سهي بغضب: ما أنت مسمعتش قلة أدبها، كانت بتقولي إيه. مراد زاح إيديها بسرعة وربع إيده وقال: وقالت إيه بقى. سهي بمسكنة وخبث: بتقولي إني بخلي مي تروح تسرقها، وبتقول عليا ست كدابة وقليلة الأدب.

ياسمين بتدخل: لا طبعًا، الست دي كدابة ي مراد، غرام معملتش حاجة، بلعكس، بنتها دي، وشاورت على مي بقرف، بتلقح عليها بالكلام، وحكت له كل اللي حصل. مراد بعصبية: آخر إنذار ليكم، لو إيدك اتمدت على مراتي، أنتِ أو بنتك، ولو سمعت كلمة مش تعجبني، صدقيني، تصرفي مش هيعجبكم. مي بانفعال: على فكرة بقى غرام مش بنت بنو. مراد برق بصدمة من كلامها. غرام شهقت بانكسار وعياط. ياسمين ضمتها ليها هي ومنة.

محمدي وعمران كانوا خايفين من رد فعل مراد. مراد قرب من مي بهدوء، وفجأة قلم قوي نزل على وشها لدرجة إنها وقعت. مراد مسكها من شعرها. مراد بغضب جحيمي: دي مراتي يابنت ال.... دي أشرف منك ومن أي حد، وأه، على فكرة بقى، أنا اتدخلت على مراتي، ومراتي شريفة وأشرف منك يا و.... مي كانت بتعيط، وسهي بتترجى مراد يسيبها، ولعنتها إنها اتسرعت بكلامها. محمدي بزعيق: مراد سيبها، وأنا هتصرف.

مراد بغضب: لا ي جدي، أنا اللي هتصرف، المشكلة دي معايا أنا. محمدي سكت لأنه عارف عصبية مراد. مراد مسك مي وسهي وشدهم: تطلعوا دلوقتي حالا تلموا هدومكم القذرة دي، ومش عايز أشوف وشكم تاني، بدل ما والله لحبسكم. مي أخدت سهي وجرت على فوق. مي بعياط: لا ي ماما، أنا مش هسكت، دا أنا هوريه إزاي يعمل معايا أنا كده. سهي بشخط: اسكتي بقا، لولا كلامك كنا هنفضل موجودين، بس خلاص، أنا هتصرف، المهم قومي نحضر هدومنا.

تحت عند مراد: تعالي ي غرام معايا. طلعت غرام ورا مراد ع الأوضة. مراد أخده في حضنه بحنية: خلاص ي غرامي، متزعليش. غرام بشهقات: أنت لو مكنتش لمستني، كنت هتصدقهم. مراد بلهفة: لا لا ي غرام، أنا واثق فيكي وبحبك. مراد أخدها نايمها على السرير لأنها تعبت من العياط. مراد اتصل بـ أسر: تعالي خد الملف ي أسر، أنا عندي مشاكل. أسر بتعب: حاضر ي صحبي. أسر وصل البيت وأخد الملف من مراد. ومي وسهي نزلوا من ع السلم، ومراد شافهم.

مراد بقرف: أيوه جدعين، يلا غورو في داهية، واوعوا أشوف وشكم تاني، بدل ما والله لحبسكم. سهي أخدت مي بغل وخوف. مراد طلع لمراد، غرام كانت لسه نايمة، ومراد غير ونام بجانبها وخدها في حضنه. جه بليل وغرام طلبت من مراد تنزل يجيبوا شوية حاجات هي محتاجاها. مراد وغرام نزلوا من العربية، ولسه هيدخلوا السوبر ماركت. لكن عربية جت بسرعة وضربت نار على غرام. مراد بخوف: غراااام.