رواية طفلة القاسي الفصل الثامن 8 - بقلم دنيا محمد

الست اللي دخلت كانت خالة غرام. الست دي اسمها سهى، ست شرانية عايشة عشان تأذي غرام وأمها وبنتها بتغير من غرام لأنها أحلى وأجمل منها وأشطر منها. مي دي بنت سهى، بتكره غرام وأمها بشدة بسبب أمها اللي كرهتها فيهم. مي عندها 20 سنة، في تانية كلية تجارة. مراد استغرب خوف حنان وغرام منهم، راح ميل على غرام. مراد بهمس جنب ودن غرام: "خايفة لي كده؟ غرام بخوف: "ها، لالا مفيش." مراد بهدوء كان بيبص عليهم.

محمدي بارتياح: "أهلاً، اتفضلوا، نورتوا البيت." حنان بطمع: "بنورك يا حج، ده البيت جميل أوي.. إحنا هنبات معاكم أسبوع." محمدي باستغراب من طريقتها: "آه طبعاً، تنوروا." غرام خافت ومسكت إيد مراد. مراد استغربها، قام ومسك إيد غرام. مراد باستئذان: "هطلع أنا وغرام نريح شوية، لأنها تعبانة." مي كانت بتبص بحقد عليهم وبتتوعد إنها مش هتخليها تتهنى بمراد. مراد وغرام دخلوا الأوضة، وغرام راحت قعدت على سرير بتوتر.

مراد بشك: "قوليلي بقا مالك؟ كنتي خايفة كده أول ما الست دي وبنتها جم؟ غرام بعياط: "عشان مش بيحبوني وكانوا بيعملولي مشاكل و... مي كانت بتحاول تسقطني في الكلية وتأذيني." مراد بهدوء: "امم، طب طول ما أنا معاكي وعايش، متخافيش، مش محدش يقدر يهوب ناحيتك أو أمك." غرام بشكر وخوف: "ماشي، شكراً يا مراد."

مراد قعد جنبها وقال: "غرام، أنا.. أنا آسف. أنا عارف إني كنت قاسي معاكي في الأول وضربتك جامد، بس والله لما اتخطفتي أنا كنت هجن عليكي، أنا آسف بجد." غرام برقة: "خلاص يا مراد، أنا عارفة إنك مكنتش متقبلني بسبب إنك اتغصبت عليا ومش بتحبني." مراد بسرعة: "مين قال إني مش بحبك؟ أنا آه مكنتش بحبك في الأول، بس صدقيني حبيتك، حبيت حنيتك وطيبتك." غرام كانت مكسوفة من كلامه. مراد قرب منها وباسها. غرام بتوهان: "مراد، ابعد."

مراد: "هش، اهدّي." نسيبهم ونروح عند مي وأمها تحت مع العيلة. ياسمين بقرف من طريقة أكلهم. حنان كانت مكسوفة: "أنا آسفة يا ياسمين هانم، أنا عارفة إنهم تقال عليكي وأنا كمان." ياسمين بصتلها بحب زي أخوات: "عيب يا حنان اللي أنتِ بتقوليه ده، وبعدين قوليلي ياسمين بس، إحنا أخوات، وبنتك ما شاء الله قمر ومراد شكله هيحبها أوي." حنان بشكر: "ربنا يخليكي يا رب يا حبيبتي." عند مراد وغرام. مراد كان صاحي وبيبص على غرام اللي في حضنه.

مراد في نفسه: "معقول حبيتها في أقل من أسبوع جواز؟ وأنا عمري ما شوفتها ومعرفش غير اسمها." غرام صحت وبصت عليه بكسوف: "صباح الخير." مراد بضحك: "لا صباح الخير إيه ده؟ الساعة 2 الضهر." غرام باستغراب: "أنا كنت بصحى دلوقتي؟ مراد: "خلاص ماشي، هقوم أستحمى وأنزل أشوف بقا الدنيا عاملة إيه تحت." مراد قام وأخد شور، وغرام قامت وأخدت شاور ونزلوا. كانت مي وسهى والكل قاعد في الصالون، مراد وغرام قعدوا. مي بوقاحة: "هو أنتو طلعتوا لي؟

الكل بص لها باستغراب ودهشة من جرأتها. مراد بقرف: "أظن إني قولت طالع عشان غرام تعبت." مي بغل: "امم، لا، ألف سلامة عليها." غرام بصت لها بقرف. مي كانت طول القاعدة عمالة تبص على مراد بإعجاب. وغرام مدايقة وقامت وقالت.