رواية طفلة النمر الفصل السادس 6 - بقلم بشري شريف

وصال وهي تلعب: أنت فين يا بابا بقى. وفجأة، حد شال وصال ورش عليها بنج وخرج من الفيلا، بس قبل ما يركب العربية، كان فيه شخص ماسك إيده. نمر: أنت بتعمل إيه. الشخص ده ادى وصال لنمر بخوف، وكان ها يركب العربية ويمشي. نمر بخبث: هو دخول الحمام زي خروجه. الشخص بخوف: يعني إيه. نمر بصوت عالي: سامي. سامي جاه بسرعة وقال: نعم يا بيه. نمر: خد الكلب ده على المخزن. وكمل للشخص وقال: أنت إزاي جاي تخطف بنت النمر من بيتها وبتيجي لوحدك.

سامي خد الراجل ومشي، ونمر دخل بوصال. وهو طالع على السلم، فاطمة شافته. فاطمة بقلق: مالها وصال. نمر بغضب: كانت ها تتخطف. فاطمة ضربت على قلبها بخضة وقالت: ينهار أبيض، إزاي. نمر قال بغضب: لما أنزل. وطلع ودخل الأوضة بتاعته، وحط وصال برقة شديدة على السرير، وبص عليها بحب وباس راسها، ونزل بغضب. نمر بغضب: سعااااااااااااد. سعاد كانت بتتكلم في الفون وبتقول: تمام يا باشا، آه، كل حاجة تمام. المجهول: يعني مافيش أمور جديدة.

سعاد: لا. أما عند نمر، فازداد غضبه لما سعاد ما جتش، وقال بصوت أعلى: سعااااااااااااااااد. سعاد قفلت بسرعة وخرجت تجري على نمر، اللي فاطمة كانت بتهدي. سعاد بخوف: نعم يا بيه. نمر بغضب: هو أنا مش قلت إنك تخليكي مع وصال طول الوقت، وما تخرجيش الجنية إلا وأنتي معاها. سعاد بخوف: آه. نمر بغضب أكتر: أمال ليه سبتيها تخرج لوحدها، ليه. سعاد بخوف: مـ مـ مـ ما هي خرجت من غير ما أعرف.

نمر بغضب: وأنتي كنتي فين، أنت شغلتك هنا إنك تكوني معاها. سعاد بخوف: غلطة يا بيه، ومش هاتتكرر تاني. نمر بغضب: ما هي مش هاتتكرر تاني، لأنك ها تمشي. سعاد بعياط: لا يا بيه، أنا محتاجة الشغل أوي، مش هأقدر. نمر بص عليها وقال: روحي لمي هدومك. وطلع. فاطمة: روحي أنتِ. فاطمة طلعت وراه عند سعاد، دخلت واتصلت على حد. سعاد: نمر بيه طردني. المجهول بغضب: يعني إيه. سعاد: يعني طردني، ورافض إني أرجع.

المجهول بغضب: اعملي أي حاجة علشان ترجعي، أنتِ لو جيتي ليا أنا هاموتك، أنتِ فاهمة. سعاد قالت بخوف: حاضر، حاضر. أما فوق، كان نمر قاعد جنب وصال، وفاطمة قاعدة قدامه. فاطمة: نمر. نمر: يا أمي، مش ها ترجع. فاطمة: معلش يا نمر، بس هي غلبانة ومش ليها حد. عارفة إنها غلطة، بس مش لدرجة الطرد. نمر بغضب: أنا كنت ها أموتها، يعني أنا لو ماكنتش وصلت، كانت وصال راحت في خبر كان.

فاطمة: خلاص، اهدى. بس إزاي دخل من كمية البودي جارد دي، وأنت جيت إزاي أصلاً. نمر بحيرة: مش عارف، بس اللي متأكد منه إن هو مش لوحده. والبودي جارد كلهم ها يتحسبوا ويمشوا. وأنا جيت إزاي، أنا ياستي نزلت من غير ما حد يعرف، لأني زهقت، وأنتوا وحشتوني، وحبيت أعملها ليكم مفاجأة. فاطمة بخبث: إحنا بردوا. نمر اتوتر. فاطمة ضحكت وقامت وقالت: أنا ها أخرج، وسعاد مش ها تمشي. نمر: حاضر يا أمي.

فاطمة ابتسمت وخرجت، ونمر بص على وصال وقام غير، وراح حضن وصال ونام. على الفجر، وصال صحت وحست إنها مربوطة. وصال بتوهان بسبب مفعول البنج: أنا فين، ومين ماسكني كدا. نمر صحي على الصوت اللي جنبه. نمر: وصالي. وصال بفرحة: بابا، أنت جيت. نمر: آه يا قلبي. وصال قامت حضنته ببراءة. وصال: يلا نلعب. نمر: لا، يلا ننام علشان نصحى بكرة بدري. وصال: علشان خاطري. نمر قام مع وصال.

عدى شهر على اليوم دا، ونمر بيحاول يعرف مين كان مع البودي جارد. وفي يوم. وصال: أعاااااااااااااا. وفجأة، أغم عليها. يتبع، يا ترى إيه اللي حصل، ووصال مالها، وليه كانت بتصوت، وليه أغم عليها. كل ده البارت اللي جاي. وأهو البارت طويل زي ما طلبتوا.