رواية طفلة الرعد الفصل الثالث 3 - بقلم دنيا محمد

رامي بصدمة: مراتك ومتقوليش اخص. رعد بهدوء: معلش كل حاجة جت بسرعة بس هبقى أفهمك. رامي بضحك: ماشي ياسطا. رعد بقرف: مش هتبطل الألفاظ السوقية دي. رامي ببرود: لأ، ويلا بقى باي عشان هنام. رعد: تمام باي. قفل رعد مع رامي. رعد قرب من ملك ومسكها من وسطها. ملك بخوف: إيه؟ انت بتقرب كده ليه؟ رعد بخبث: مش المفروض النهاردة دخلتنا؟ ملك بخجل: آه، بس أنا مكنتش موافقة. رعد قربها منه أكتر: وأنا مكنتش باخد رأيك، كنت بقولك اللي هيحصل.

ملك بخوف ودموع: طيب ممكن بس تديني شوية وقت عشان أكون مستعدة. رعد برفعة حاجب: وماله، نديكي وقت. وباس خدها وبعدها عنه ودخل الحمام. ملك بخوف: يارب، ده إنسان بارد، ابعده عني. رعد خرج من الحمام وكان لابس شورت وعاري الصدر. ملك بكسوف: ممكن تلبس حاجة. رعد بزهق: بقولك إيه، نامي بقى ومتوجعيش دماغي. وبعدين أنا جوزك، ولا نسيتي يا ملك؟ ملك بتوتر: لا منستش، بس أنا كل الحكاية إني مبحبش أنام مع حد كده.

رعد بخبث: طب تعالي نامي بدل ما أقوم وأكمل اللي كنت عاوز أعمله. ملك بارتباك منه راحت تنام على السرير وغطت نفسها كويس. ورعد بص عليها بسخرية وطفي النور وناموا. تاني يوم الصبح صحي رعد ودخل ياخد شور وطلع لبس بدلة سودة وقميص أبيض وكان شكله وسيم جداً ورش عطره وطلع. رعد: ملك اصحي يلا عشان تفطري. ملك بنوم: اوف، سبني أنام. رعد بجدية: بقولك قومي يلا.

ملك قامت بضيق ودخلت الحمام وشوية وطلعت. كانت لابسة بيجامة بنطلون بعد الركبة بشوية وبلوزة نص كم. وكان رعد مستنيها. وأول ما شافها قربها منه وملك كانت متوترة جداً. فضل باصص في عيونها الجميلة وبعدين دفن وشه في رقبتها بيستنشق ريحتها بإعجاب. ملك بخوف وبتحاول تبعده: لو سمحت ابعد. رعد بهدوء: اهدي، متخفيش، مفيش حاجة. ملك بعدت بتوتر ورعد مسك إيديها ونزلوا يفطروا. ملك بزهق: هو انت كل يوم عندك شغل؟ رعد بهدوء: أيوه.. لي؟

ملك: عشان ببقى زهقانة وعايزة أقعد معاك. رعد بسخرية: وهو أنا اللي برضعك ولا بأكلك؟ ملك بهدوء: مش لازم تكون حاجة من دول عشان تخليني مزهقش. رعد: تمام، أنا كده كده هاخد أسبوعين كده أو شهر إجازة هنسافر فيهم. ملك بفرحة: الله بجد؟ هنسافر فين؟ رعد: هنسافر لندن، منها نتفرج على الجو هناك ومنها أتابع الشغل في الشركة اللي هناك. ملك بزهق: اوف بقى، يعني برضه هتشتغل. رعد: ده هيبقى شغل خفيف.

وقام رعد من مكانه ومسك المفاتيح وموبيله والسجاير. رعد: طيب أنا هروح شغلي دلوقتي ولما أرجع نبقى نشوف الموضوع ده. ومشي رعد وملك خلصت أكلها وطلعت أوضتها تكمل نومها. وبعد ساعات عاد رعد من عمله وطلع أوضته. دخل ولقى ملك نايمة بص عليها بهدوء ودخل يغير هدومه وشوية وطلع. ملك كانت صحيت من نومها لأنها حست بصوت رعد. ملك بابتسامة: حمد الله على السلامة. رعد: الله يسلمك، انتي نمتي كل ده؟ ملك باستغراب: لي؟ هي الساعة كام؟

رعد بسخرية: الساعة أربعة العصر حضرتك. ملك بشهقة: يلهوي! أنا نمت كل ده. رعد: انتي نايمة من ساعة ما أنا مشيت، ولا كأنك منمتيش بقالك سنة. ملك بكسوف: خلاص معلش، حتى لو صحيت مكنش هيبقى ليا حاجة أعملها. رعد بتساؤل: انتي المفروض سنة كام؟ ملك بحزن: المفروض داخلة أولى كلية. رعد بتساؤل: جبتي كام في الثانوي؟ ملك بحزن: 95%. رعد بصدمة: ده حلو جداً، ولي مكملتيش؟ ملك: عشان جوز أمي وأمي قالولي كده كفاية ولازم يهتموا بـ نانسي.

رعد: هي نانسي سنة كام؟ ملك: نانسي في تانية ثانوي. رعد: امم.. بص أنا هخليكي تكملي وأدخلك كلية. ملك بفرحة جريت على رعد وحضنته جامد لدرجة إنها اتعلقت في رقبته. ورعد حاوط وسطها ورافعها ودافن وشه في شعرها بيشمه بتلذذ. ملك بفرحة: شكراً أوي بجد، انت طيب أوي. وباست رعد من خده. رعد اتصدم من الحركة دي. ملك بكسوف: أنا آسفة، بس فرحت شوية. رعد بابتسامة: لا عادي، مفيش حاجة، وبعدين أنا جوزك. ملك هزت راسها بخجل.

رعد: بصي بقى، أنا فيه واحد صاحبي جاي هيتغدى معانا، عاوز لبسك يبقى طويل ومحتشم. وعلى الله أشوف سنانك دي. ملك بعدم فهم: يعني إيه؟ رعد مسك خدها برقة: يعني مشوفكيش بتضحكي يا عسل، فهمتي؟ ملك بارتباك: حاضر. رعد ملس على شعرها: شطورة. رعد نزل تحت وملك لبست عباية استقبال كويسة وطويلة وكان شكلها قمر فيها. وكانت عاملة شعرها كحكة فوضوية. ونزلت ورعد ابتسم على شكلها الطفولي الجميل. وشوية ورامي كان جه.

رامي بضحك: جيت لك أهو زي ما قولتلي. رعد بضحك: جدع، أخيراً بقيت بتفهم. رامي بص له بقرف وبعدين بص لملك بابتسامة ومد إيديه ليها: ازيك عاملة إيه؟ انتي ملك صح؟ ملك بابتسامة: أيوه. ولسه هتسلم عليه رعد مسك إيد ملك وقال: هي مبتسلمش على حد. رامي بخبث: يا خوتشي! اللي بتغيري؟ طب مبتسلمش لي؟ رعد بغيظ: أنا حر يا بارد. رامي بضحك: تشكر يا ذوق. رعد وملك ورامي راحوا يقعدوا على السفرة.

رامي بص لملك: بصي بقى، أعرفك عليا، أنا صاحب رعد من الطفولة، معاه يعني يجي كده 12 سنة، عشرة عمري، وكل مصايبنا بنقولها لبعض لحد ما بقى شحط وبقى ظابط وعنده بدل الشركة تلاتة غيرها. رعد بقرف: إيه شحط دي؟ وبعدين.. انت جاي تقر عليّ ولا إيه؟ رامي بضحك: وأنا أقدر يا رعودي. رعد بص له بقرف وملك ضحكت بصوت رقيق. رعد بص لها بغيظ: هو أنا كنت قايل إيه من شوية؟ ملك بإحراج: احم، أنا آسفة.

رامي هزار: يوه ما تسيبها تضحك يا خويا وتفرفش، دي حتة البت فرفوشة. رعد لكمه في بطنه: اتلم شوية. والأكل اتحط وبقوا ياكلوا والقعدة مخلتش من هزار وضحك. ملك ورعد اللي قاعد متابع ملك بهدوء. وبعد شوية جه تليفون لـ رعد طلع يتكلم. رعد: الو، جبتوه؟ ياسر (الحرس) : أيوه يا باشا، وحطيناه في المخزن كمان. رعد بخبث: حلو أوي كده، ليك مكافأة كبيرة أنت والرجالة. ياسر بشكر: ربنا يخليك يا باشا.

قفل رعد ودخل لقي رامي ماسك إيد ملك وبيلعبوا ريست. رعد بغضب: ملكي! رامي بخوف وبلع ريقه: ينهر أسود.