رواية طفله ارهقت رجولتي الجزء الثالث الفصل الثاني عشر 12 - بقلم ملك ايمن

غيث: أفندم. غرام بارتِبَاك: ها! لا ولا حاجة، أنا لازم أمشي بعد إذنك. ومشيت وهو ابتسم بحب. عند بسمه، إسر وصلها ع المدرسة ومشي بعد توصيات كتيرة. في الكلاس عندها. ملك: إيه يا سُومَا، غيبتك دي كلها ليه؟ خوفتيني عليكي. بسمه: أبدًا يا أوكَا، بس بعد اللي حصل أبيه مكنش هيجيبني هنا تاني. ملك: إيه اللي حصل؟ سيف: بقالك كتير غايبة. بسمه: تعالي أحكيلكم. وحكتلهم بسمه كل حاجة حصلت معاها لحد وقتنا الحالي. ملك: يا لهوي ده كله، وأنا كنت فين؟ معلش، حقك عليا أني مكنتش معاكي. سيف: ليه مقولتيليش يا بسمه؟ بسمه: خوفت أتكلم. ملك: الحمد لله يا روحي إنك بخير. بسمه حضنتها بحب. المهم إنك دلوقتي معايا، إلا قوليلي عملتي إيه مع جوز أمك عشان ينزلك تيجي المدرسة. ملك: كنت هموت نفسي لحد ما ماما أقنعته. بسمه: يخربيتك ليه كده يا أوكَا. ملك: تعبت أوي يا بسمه، يلا الحمد لله، يلا بسرعة عشان المستر دخل. عند إسر، وصل مكان الشغل ودخل المكتب، كان في بنتين قاعدين، استغرب ودخل قعد ع المكتب. إسر: أفندم، مين حضراتكم؟ بنت: حضرتك إسر بيه؟ إسر: أيواه، مين حضراتكم؟ البنت التانية: أنا بنت عم سيف، وجيت لحضرتك عشان تبعد بسمه عنه. إسر وحواسه كلها انتبهت لها. بسمه إيه دخلها بابن عمك؟ البنت: سيف كان خطيبني، ولما اتعرف ع بسمه سابني عشانها، وهي مدياله وش وحركاتها مش كويسة، جيت لك لما سألت عليها. إسر بغضب.