رواية طفله غيرت شيطان الفصل الثاني 2 - بقلم بسملة حسن و منة سيد

كان زين واقف قصادها وعيونه كلها شهوة، وهي نايمة قصاده على السرير، لا حول لها ولا قوة. زين قرب منها وكان خلاص هيلمسها، بس الفون رن، وراح يكنسله، بس الفون رن أكتر مرة. زين بغضب: في إيه يا خالد بترن ليه؟ خالد بتوتر: الأوراق بتاعت شركة M.N مش موجودة. زين بعصبية: إزاي مش موجودة؟ قفل أنا جاي. قفل مع خالد وفضل يبص لسجدة. حظك حلو المرة دي عشان فلتي من إيدي. وأكمل بضحك: بس مفتكرش إن الحظ هيقف ضد زين تاني.

زين خرج من الأوضة ونده بصوت عالي على الخدامة. الخدامة بخوف: نعم.. نعم يا زين باشا. زين مسك إيديها ولفها ورا ضهرها. بقالي ساعة بنادي عليكي، إيه كبرتي وخرفتي؟ كوثر بوجع وخوف: أنا آسفة يا زين باشا، مش هتتكرر تاني. ساب زين دراعها. فعلاً مش هتتكرر تاني، عشان المرة الجاية هيكون فيها موتك. أنا رايح مشوار، خلي بالك من البت اللي جوه، وافهميها هتعمل إيه هنا. وسابها ومشي.

كوثر بدموع: ربنا يهديك يا زين يا ابني وتبعد عن السكة اللي أنت ماشي فيها. ودخلت عند سجده، فضلت باصة عليها. كوثر: انتي شكلك بنت ناس، مش زي البنات التانية. سجده بدأت تفوق أول ما فتحت عينيها. كوثر بهدوء: انتي كويسة يا بنتي؟ سجده بدموع: انتي مين وأنا بعمل إيه هنا؟ سجده افتكرت إنه حد شد النقاب من عليها. نقابي فين يا طنط؟ كوثر بصدمة: نقابك؟ انتي منقبة؟ عند زين، كان وصل الشركة ودخل بكل غرور وتكبر.

كان الموظفين بيبصوله بإعجاب، فزين رجل أعمال مشهور بجماله وأناقته، جسمه رياضي وعيونه بني غامق، فكان جذاب بمعنى الكلمة. ولكن مشهور بالشيطان، لما بيقلب بيبقى شيطان، مبسامحش حد، ده غير إن الستات عنده مجرد نده وتسالي. دخل المكتب وكان مستني صاحبه خالد ومساعده. زين قعد على المكتب وحط رجل على رجل بتكبر. اممم، أوراق الشركة اتسرقت. خالد: احممم، بصراحة يا زين مش لاقيين الأوراق خالص، وكمان الكاميرات متعطلة. متعطلة؟

زين قاطعه في الكلام. زين قام وقف بكل غرور قدام خالد. تو متعطلتش، في حد عطلها، وأنا عارف مين الشخص ده. خالد: عارف إزاي؟ زين خرج من المكتب وخالد وراه. أول ما خرج، كل الموظفين وقفوا باحترام. زين فضل باصصلهم، والموظفين خايفين من الشيطان اللي قدامهم. زين قرب من مدير الحسابات وحط إيده على كتفه. تعالى على مكتبي. حسام مدير الحسابات بتوتر: حا.. حاضر يا باشا. زين دخل وطلع من درج المكتب مسدس. في نفس الوقت اللي دخل فيه حسام.

حسام أول ما شاف المسدس خاف. زين: ها بقا يا حوسو يا حبيبي، هتقول وديت الورق فين، ولا المسدس ده يعرفك؟ حسام بخوف وتوتر مش عارف يتكلم: ي.. يا.. با.. شا. زين بشيطنته ضربه بالمسدس كاتم الصوت في دراعه. حسام بوجع: اااااااااه. زين: لو سمحت صوتك، هضرب الطلقة التانية في دماغك. بصوت عالي مليان غضب: اخلص، فين الورق يابن الـ*****؟ حسام: الورق اديته لشاهين باشا، بس سامحني يا باشا، مش هعمل كده تاني.

زين بهدوء قبل العاصفة: ماهي فعلاً مش هتتكرر تاني. زين نده على واحد من البودي جارد. زين بغموض: خد حوسو ووديه مخزن أكتوبر، وتوصوا بيه.. وبغمزة كلها شر: ده حبيبي. البودي جارد شال حسام وخرج بيه قدام الموظفين. خالد واقف مصدوم من زين: مش ممكن، إيه اللي عملته ده يا زين؟ كان في طريقة غير كده، كان ممكن توديه الشرطة وهي تتصرف معاه. زين: وأنا في قاموسي مفيش خيانة، ولا حتى سماح. أنا وقاموسي اللي يغلط يموت.

وسابه وخرج من الشركة كلها. سجده بصدمة لما سمعت هي جت هنا ليه: لا، انتي فاهمة غلط يا طنط، أنا مش البنات دي. وقامت تدور على النقاب بتاعها. أنا لازم أمشي من هنا، انتوا مجانين، أنا مش بنات الليل، أنا عايز أمشي من هنا. في نفس الوقت دخل زين الباب وسمع صوتها. زين: تمشي فين يا حلوة؟ هو انتي متعرفيش إنك متباعة ليا من أخوكي مقابل كوكايين؟ سجده بصدمة: 😳