رواية طفله خطفت قلبي الفصل التاسع 9 - بقلم رحمه محمد

أدهم: والله ما أسيبك يا ليل النهارده، أما أوريكي. ليل: يا عم اتكلم على قدك، ولا تعرف تعمل معايا حاجة. وبعدين كل ده ليه، يعني؟ كنت عملت إيه أنا؟ أدهم: هو إنتي بتعملي حاجة خالص؟ ده إنتي سو كيوت وعسل خالص، بتعلي عليا النعمة أما جبتي الجزمة بتاعتي مش هيحصلك طيب. ليل: يسـطا، دي لونها مش حلو خالص، ماله الأحمر جميل يا عم. أدهم: يا بت انتي مالك بتحطي الجزمة في الصبغة ليه؟

منك لله يارب، نفسي أفهم أنا عملت إيه في حياتي عشان تبليني بالبلوة دي. ليل: بلوة؟ تصدق يلا إنك مش بتفهم. أدهم: يلا يا بت احترمي نفسك وراعي فرق السن ده، إنتي المفروض تقولي يا بابا، ارحمي أمي واقف بئا، نفسي انقطع. ليل: وعمِلي فيها رياضي وبتاع، وانت بطة بلدي. أدهم: يا بت هجيبك من شعرك. ليل: ولا تعرف تعمل حاجة ياض. زينب: بسس، ممكن بئا تسكتوا؟ وانت عامل عقلك بعقل طفلة زيها؟ أدهم: طفلة؟

لا، مهو واضح أوي الصراحة، دي طفلة دي مصيبة، كارثة، جزمة إيه؟ أي حاجة زبالة وخلاص. ليل: وانت تلاجة فريزر، أي حاجة بدل على البرود والتناحة وخلاص. زينب: كفاية انتوا الاتنين، في حاجة مهمة لازم نتكلم فيها، وهي إنكم هتعيشوا مع بعض إزاي. أدهم: أعيش مع مين؟ سوري، مع الصرصارة دي؟ أخاف توسخ السرير ولا حاجة. ليل: الله يسامح حضرتك، وأنا خلاص يا ماما زينب هنام في أوضة تانية علشان أدهم يكون مرتاح، عن إذنكوا. ومشيت.

زينب: كده جرحت البنت ومشاعرها. أدهم: يارب أكون جرحت مشاعرها بجد، وميكنش اللي في دماغي صح. وبعدها جرى على أوضته. أدهم: آآآه يا بنت ********، ليييييييل. سيف: أدهم اتجوز ليل اختك بدالك يا ملاك. ملاك: انت بتقول إيه؟ دي طفلة إزاي يعني؟ وبعدين مين رضي يكتبلهم الكتاب أصلاً؟ سيف: مش عارف تفاصيل، بس كل اللي أعرفه إنها دلوقتي مراته. ملاك: وأنا كل اللي أعرفه إني عايزة أنزل مصر دلوقتي.