رواية طفله خطفت قلبي الفصل الثاني والعشرون 22 - بقلم رحمه محمد

سليم: مستحيل يا جدعان بئا أنا سليم السيوفي اتجوز البت اللي شبه عبده موتة دي. ندى: يعني شايفة نفسي هموت وأتجوزك يا عم، روح. سليم: شايفة طول لسانها. وبعدين ده انتي شبر ونص أصلاً. ندى: مين قال كدا؟ ده القصيرة بتبقى دايماً حنينة كدا رومانسية. وبعدين خد القصيره وضمها وسيب الطويلة تمسح السقف لأمها عادي. سليم: 😲 بئا في بنت بتتكلم كدا! ليل: بسسس هوستوني انتوا الاتنين. وبعدين مالها يا أخت الطويلة؟ عمرك شوفتي أميرة أوزعة؟

ملاك: هههههه عوضاً عن إنكوا مسخرة، بس الطول والقصر دي حاجة بتاعت ربنا مش من حق أي حد إنه يتريق عليها. أكبروا شوية. ندى: عندك حق. وبعدين أنا أكبر بسنتين يعني المفروض تقولي يا أبلة. ليل: هما سنة و٩ شهور. ده انتي عجيبة. سليم: يعني انتي عندك ٢٣ على كده. ندى: آهـو شوفتي رجعنا للتنمر. //////////////////////////////////////////////////////////////// أحمد: كبرتي يا ندى وبقيتي عروسة. أنا مش مصدق إنك هتسبيني بجد.

ندى: مخلاص بئا يا عم أنت الميكب هيبوظ واحنا دافعين كتير أصلاً. أحمد: هيوحشني طول لسانك ده. بعدها نزل أحمد عشان يسلم ندى. وبعدها سما نزلت مع أبوها عشان يسلمها لأحمد. أما ليل فكانت لسه في أوضتها ومضايقة لأن أبوها مش موجود عشان يسلمها. صحيح هي زعلانة منه لأنه سابها مرة تانية ترجع مصر لوحدها، بس تمنت إنه يكون موجود ويسلمها لأدهم. سيف: يلا يا ليل متنسيش عشان أسلمك لجوزك. ليل: بجد؟ بس إزاي ده أنت أخوه. سيف: وجوز أختك صح؟

يعني أخوكي قبله كمان. وبعدين يلا وبطلي غلبه. بعدها نزل وسلمها لأدهم وكتبوا كتاب سليم وندي. وبعدهم أحمد وسما. وبعدين ليل وأدهم (مرة تانية ثائر: مبروك يا ليل. ليل: بابا.