رواية طفلتي الخائفة الفصل السادس 6 - بقلم شهد عبدالسلام

حور: ابيه عايزه ارجع. اسد بعصبيه: حور في ايه؟ حور: انا مش عايزه ادخل هنا. اسد بياخد نفس عميق: ليه يا حبيبتي؟ في ايه؟ حور: لا، في ناس كتير اوي. اسد: انتي بتخافي وانتي معايا؟ حور: تؤتؤ. اسد: طب يلا ننزل. ونزل هو واتجه ناحية حور وفتح لها الباب ونزلت. اسد دخل بهيبته المعتادة في الشركة وهو ماسك حور من وسطها. كل الموظفين عيونهم في الارض احتراما لاسد. في الاسانسير (المصعد) حور كانت بتفرك في ايديها بتوتر. اسد: ينفع تهدي؟

حور: ... اسد: يلا. وشدها واتجه لمكتبه. قمر: اهلا يا مستر اسد. اسد: قهوتي على المكتب بسرعة. نظرت قمر لتلك الواقفة بين يد اسد والتي تمتلك الكثير من الجمال. قمر: حاضر يا فندم. واتجهت للمكتب. اسد: انا كلها كام ساعة وهخلص ونرجع. حور: ماشي. اسد: تعالي. وشدها على رجله. اسد بهدوء: في ايه بقى مالك؟ اتوترتي ليه؟ حور: ا... اصل. اسد: اهدي ومن غير تهته. حور بسرعة: مش بحب الزحمة. اسد ضحك على طريقتها الطفولية. حور: بتضحك ليه؟

اسد: هو كده زحمة يا حوري؟ كده الشركة رايقة (فاضية) خالص. الباب خبط. حور بتحاول تقوم من على رجل اسد. بس اسد مسكها بحركة سريعة. حور بتبص له: الباب. اسد: اتفضلوا. دخلت قمر بالقهوة. قمر باستغراب من قعدة حور: القهوة. اسد: سيبها. سبتها وخرجت من المكتب. وكل ده وحور دافنة وشها في رقبة (عنق) اسد. اسد: خرجت. حور بكسوف ووشها كله أحمر: طب سبني بقى. اسد أطلق سراحها. حور كانت قدامه. مازن في المكتب مرة واحدة: إيه يا عم فين....

ووقف مرة واحدة لما شاف حور. مازن وعينه على حور: مين القمر؟ حور وشها كله أحمر ونزلت عينيها في الارض. اسد من غير انذار قام ناحية مازن و ضربه بالبوكس: غور برا يا مازن. مازن: في إيه يا اسد؟ اسد ضربه مرة كمان وطلعوا وقفل باب المكتب. وبدأ يقرب من حور وهي بتترعش. اسد شدها وخدها على أركيه في آخر المكتب. اسد بهدوء عكس النار بداخله: مش عايزك تتحركي من هنا، فاهمة؟ حور بهستيرية: فا... هـ... مه... (فاهمة)

اسد بيحاول يشتغل بس مش عارف من كتر العصبية ومسك كل حاجة على المكتب كسرها. وهي مازالت بتترعش من خوفها من اسد. واسد غير منتبه لحالتها. وخرج اسد متجه للاجتماع. وحور في المكتب نامت من كتر العياط. بعد ساعتين تقريبا رجع اسد المكتب. اسد قرب عليها وبيرجع شعرها لورا. حور قامت مفزوعة من لمسات اسد. اسد: اهدي. حور بتعيط: وربنا ما عملت حاجة يا اسد. اسد: اهدي. وكل ما يجي يلمسها أو يقرب عليها تبعد. اسد: هو انتي خوفتي مني؟

حور بتحرك رقبتها: لا. اسد قرب منها بحركة سريعة وهي في الحيطة. حور بمجرد قربه ومن كتر خوفها منه غابت عن الوعي. اسد بمجرد ما غابت عن الوعي، شالها ونزل بيها قدام كل نظرات الموظفين. ودخلها العربية واتجه للبيت. في شقة حور واسد: اسد نيمها على السرير وحاول يفوقها ونجح. اسد: انتي كويسة؟ حور بهستيرية: انا ان... انا عايزة أمشي. وبتحاول تنزل من على السرير. اسد بحنية: ينفع تهدي؟ أنا ضربته بس من غيرتي عليكي. حور: ...

حور: أنا عايزة أمشي. اسد: هتروحي فين؟ حور: ... في أي أي حتة. اسد وبيحاول يبقى هادي بعض الشيء: مش احنا اتفقنا إن ده بيتك؟ لو مش عايزة تشوفيني أنا ممكن أمشي. حور: وتسبني؟ اسد بيحاول يقرب منها بس هي بتبعد. بس بحركة سريعة قدر يخليها في حضنه. حور بعياط بتحاول تفك حصرها. اسد فضل كل ما عياطها يزيد ياخدها بين أحضانه أكتر وأكتر. حور حست إن ضلوعها اتكسرت. وشوية وسكتت عن العياط. اسد: انتي كويسة؟ حور: اممم.

اسد: بقى كل ده عشان ضربته بالبوكس قدامك؟ حور ومازالت بين أحضانه: خوفتني منك. اسد: مش قصدي. كان غصب عني. حور: إزاي غصب عنك؟ اسد: بيعاكسك. عايزني أسكت؟ احمدي ربنا إن لسه عايش. حور بدأ الخوف يدخلها من تاني. اسد: يخربيتك. اهدي كده. وبيكمل بكذب: مش كل كلمة تاخديها بجد. حور: ماشي. سبني بقى. اسد: أنا عايزك طول ما أنا جنبك ما تخافيش من أي حاجة. وأنا هفضل جنبك وماحدش هيقدر يقرب لك. حور: ... اسد: انتي واثقة فيا يا حور؟

حور رافعة راسها وعينيها في عين اسد: آه. اسد: يبقى ما تخافيش من حاجة طول ما أنا معاكي. أنا بسافر كتير ومش عايز أسيبك وأنا خايف عليكي. حور: ... اسد: إيه رأيك أساعدك على كده؟ موافقة؟ حور: بس أنا... اسد بمقاطعة: أنا قولت ما تخافيش. حور بشوية من الشجاعة: مش خايفة وموافقة. اسد مسكها من وشها وقبلها على خدودها اللي اتحولت لفراولة من القبلة. اسد: بصي، أول حاجة أنا هاخدك للدكتورة تغذية أطمئن عليكي عشان بتغيبي عن الوعي كتير.

حور: ماشي. اسد: طب أنا جعان وممكن آكلك بعد شوية. حور بضحكة كلها سحر: أنا هدخل أعمل الأكل. اسد قبلها في خدها: طب بسرعة. هاخد شاور، ماشي؟ حور: حاضر. وطلعت من أوضة اسد ودخلت أوضتها فضلت سرحانة في كلام اسد وقد إيه هي بتحس معاه بأمان. حتى وقت خوفها منه هو برضه اللي طمنها. ودخلت الحمام على طول تاخد شاور. اسد طلع من الأوضة عرف إنها في الحمام بسبب صوت المايه. حور في الحمام: يلهوي! أنا نسيت الهدوم. أعمل إيه دلوقتي؟

بعد شوية تفكير قررت إنها تلف المنشفة عليها وتخرج. وإن لسه اسد في الشاور بتاعه لأنه بيتأخر أوي. وبدأت تخرج بخطوات بطيئة جدا وطلعت من الحمام. اسد من وراها: ما تخافيش. لسه باخد الشاور. حور لسه هتجري مسكها بحركة سريعة. حور بتوتر ووشها أحمر من خجلها واسد مسكها من وسطها وتقريبا رفعها عن الأرض: وربنا والله كنت بحسبك. لسه بتاخد شاور. اسد بصحكة خبيثة: اهدي. في إيه؟ ده أنا ربنا بيحبني عشان طلعت أشوف القمر ده.

حور بتوتر: طب سيبني وأنا هدخل جري على الأوضة. اسد: مين قالك إن أنا عايزك تدخلي جري ليه يا روحي؟ حور وبتحاول تمسك المنشفة كويس: طب عايز إيه؟ اسد بخبث: عايز أكل. حور: هغير بس وهعمل الغدا. اسد: تؤتؤ. أنا جعان. حور بنرفزة بعض الشيء: يعني أعمل إيه أنا دلوقتي؟ اسد بيحاول يكتم ضحكته: اعمليلي أكل. هموت من الجوع. حور: ماشي. سيبني بقى ألبس هدومي. اسد: تؤتؤ. أنا جعان. بسرعة على المطبخ اعمليلي أكل. حور: مش هقدر. اسد: ليه؟

حور: الجو برد أوي. وعطست في وشها. اسد: يخربيتك. ادخلي البسي بسرعة وأنا هقفل التكييف. وبيكمل بخبث: هسيبك المرة دي بمزاجي. وفجأة حصرها. حور جريت على أوضتها. بعد شوية خلصت بس مش قادرة تطلع من خجلها من اسد. بس اتشجعت وخرجت وكان اسد في المطبخ. حور من على باب المطبخ: بتعمل إيه؟ اسد قرب عليها: انتي كويسة؟ حور: آه. اسد: اشربي ده. حور: إيه ده؟ اسد بضحكة خبيثة: منوم عشان آكلك. حور نزلت وشها في الأرض.

اسد: اشربي عشان البرد يا حبيبتي. حور: حاضر. اسد: برضه شعرك ده. حور: نسيت أعمل + الاستشوار في أوضتك. اسد خدها من إيديها ودخلها أوضته: استني هعملهالك. حور: مش وقت يا ابيه. هعمل الأكل. اسد بغضب بعض الشيء: اسمي اسد يا حور، مش ابيه. في واحدة تقول لجوزها يا ابيه؟ أنا سمعتها كتير بس لو سمعتها تاني هعاقبك بطريقتي. حور حست بفرحة تدخل قلبها. حور: حاضر. اسد: تعالي أعملك شعرك. حور: مش انت جعان؟ اسد: سيبك مني دلوقتي.

وبدأ ينشف لها شعرها. حور: براحة. اسد: هو أنا لمستك يا بنتي؟ حور بضحك: أنا بقولك يعني. اسد بيعمل لها شعرها وببيقرب منها يستنشق عبيرها. حور: كفاية بقى. اسد فاق من سرحانه: ها؟ بتقولي إيه؟ حور بهزار ولاول مرة تهزر: اللي واخد عقلك يا أبي... اسد: ده مش عقلي بس دي كل حاجة فيا. حور حسيت بزعل. حور: طب كفاية. اسد: تمام كده يعني؟ حور: آه. أنا هدخل أعمل الأكل. هو أنت طلعت إيه؟ اسد: طلعت برجر. حور: ماشي. أنا هدخل أعمل أنا. وخرجت.

بعد شوية وبيحضنها من ضهرها. اسد: بتتخضي بسرعة يا حوري. حور: لا بس انت... اسد ومكتفها من الحركة: أنا إيه؟ حور بتوتر: انت بتوترني. اسد فضل يضحك: بوترك ليه بقى؟ حور: مش عارفة. اسد وبيحضنها أكتر: طب اعرفي وقوليلي. حور: حاضر. اسد قبلها قبلة كلها رقة من رقبتها (عنقها) اسد: اعمليلي قهوة وهاتيها المكتب. حور بتحاول تلف وشها ناحيته واسد اداها شوية من المساحة عشان تعرف تبصله. حور: ينفع بعد الأكل؟ اسد: ليه؟ حور: أنا خلاص خلصت.

اسد: واضح إنك خلصتي. حور: ثواني والأكل هيخلص. اسد: ماشي. أنا هطلع. وهو طالع. اسد: براحة عشان الزيت ما تعمليش بسرعة. حور: حاضر. بعد شوية حور خلصت وطلعت. حور: إيه ده؟ انت نمت؟ وبتقرب منه وبتلمس وجه بكل رقة بكفوفها الصغيرة. وبصوت هادي: ابيه يا أبي. اسد بنوم مسك إيديها وباسها برقة: إيه يا حوري؟ حور بتوتر بتسحب إيديها: الأكل جاهز. اسد: لا. كلي انتي يا حوري. حور بزعل: مش انت كنت عايز تاكل؟ اسد: عايز أنام. حور: ...

اسد: خلاص. أنا ماقدرش على زعلك يا صغنن. انتي تعالي ناكل. وشدها. حور وقعت عليه. حور: براحة. اسد: براحتي عندك مانع؟ حور: تؤتؤ. اسد: طب يلا ناكل. وخدها تحت دراعه وحور مايلة عليه وبدأ ياكل وياكلها. وشوية وفونه رن. اسد: عامل إيه يا عمر؟ عمر: الحمد لله يا كبير. انت عامل إيه؟ اسد وهو بيحرك إيده في شعر حور: الحمد لله كويس. إيه في حاجة؟ عمر: في شغل متعطل عليك وأنا صعب أنزل مصر دلوقتي. اسد: هجيلك في أقرب وقت. عمر: تمام.

اسد: يلا سلام. وقفل. اسد بابتسامة: انتي نمتي؟ شالها ودخلها على السرير وهي بين أحضانه. بعد كام ساعة. حور: آه. اسد بخضة: مالك؟ حور: مافيش. اسد: طب مالك؟ حور: مافيش حاجة. اسد: طب نامي. حور: هو أنا نمت إزاي؟ اسد: أنا كنت معايا تليفون وخلصته. ببص اتلاقيتك نمتي. حور: آه. انت فضلت تلعب في شعري. اسد بضحك: انتي بتنامي من الحركة دي. حور: آه. هي الساعة كام؟ اسد: 12. حور: يلهوي! أنا نمت كل ده. اسد: آه يا غيبوبة. حور: أنا غيبوبة؟

اسد: آه. حور: يوو بقى! هعمل إيه أنا دلوقتي؟ ما تيجي ننزل. اسد: نروح فين؟ حور: الملاهي. اسد بيرجع للسرير وبيسحب حور: نامي يا حبيبتي. حور: أنا هقوم أشرب. اسد سبها: آه. اهربي يا حبيبتي. حور: باي بقى. وجريت. اسد طلع وراها وبمشاكسة: بت. بت. بتعملي إيه؟ حور بصتله بقرف: شايفة إيه؟ بشيل الأكل. اسد: ماشي يختي. وسبها واتجه في أوضة الرياضة. بعد شوية. حور من على الباب: ينفع أدخل؟ اسد: ادخلي. حور: قهوتك أهي اللي طلبتها مني.

اسد: شطورة يا حوري. وبتقرب منه عشان ياخد الفنجان. اسد مسك من معصمها. حور: في إيه؟ اسد خد منها الفنجان بإيده التانية ولسه ماسك معصم إيديها: كنتي بتقوليلي إيه وانتي بتصحيني؟ حور: قولت آه وانت صحيت. اسد: تؤتؤ. قبل الأكل. حور بتوتر: مش فاكرة. اسد: تمام. أفكّرك بطريقتي. وثبتها في ثانية وقبلها قبلة كلها شغف وغضب منها في نفس الوقت. وطالت لدقائق. وبعد عشان حور تقدر تتنفس. اسد بجمود: افتكرتي؟ حور بنفس غير منتظم: آه.

اسد: قولتي إيه بقى؟ حور بتوتر ولسه بتاخد نفسها بصعوبة: مش فاكرة والله. اسد قطعها بنفس الشئ. اسد بعد عنها عشان تاخد أنفاسها: ما بحبش الكذب. حور بنفس متقطع: حاضر. اسد وبيزيد الضغط على وسطها: حسابك لسه. وسبها. بمجرد ما اسد سبها حور وقعت على الأرض. شالها ودخلها الأوضة. اسد: نامي وحاولي تفتكري. حور بتحرك رقبتها: حاضر. سبها وخرج. اسد: امسك نفسك يا اسد. في إيه؟ مش هيحصلها حاجة يعني من حاجة بسيطة كده. هي بس عشان أول مرة.

وحرك راسه عشان يطلع كل الأفكار دي ودخل المكتب. حور: يا ربي! أنا قولت إيه؟ وبتحاول تفتكر بس مش قادرة. وقامت دخلت أوضتها. اسد فتح الباب عليها بعصبية: طلعتي من الأوضة ليه؟ حور: ... اسد شالها: انتي اللي جبتيه لنفسك.