رواية طفلتي المدلله الفصل الخامس عشر 15 - بقلم دعاء التهامي

في مكان بقالنا زمان بعيد عنه، كان جلال بيتكلم في التلفون. _يابيه أنا بقالي فترة بدور ومش لاقيهم. جلال: اتبخروا يعني؟ _معرفش يا بيه، بس أنا كل يوم بدور عليهم ومفيش حد يعرفهم هنا. جلال: خليك عما تدور لحد ما تلاقيهم. _حاضر يا بيه. جلال: امتى بس تقعوا في إيدي. الدكتور: السلام عليكم. جلال: وعليكم السلام، مفيش أي تقدم في حالتها يا دكتور؟ الدكتور: والله مش عارف أقولك إيه، العلم عند الله. جلال: مفيش أي حاجة تقدر تصحيها؟

الدكتور: في الحالات اللي زي دي منقدرش نحدد هتفوق إمتى، بس إحنا بنقول لأهل المرضى إنهم يتكلموا معاها وكده يمكن تستجيب ليهم. جلال: ماشي يا دكتور. الدكتور: ربنا يشفيها. عند ليا وشهاب. ليا: هو ممكن ننزل نتفسح شوية؟ شهاب: بس هننزل ناكل الأول. ليا: هييي، موافقة. شهاب: طفلة، امشي قدامي. ليا: أنا مش طفلة، أنا كبيرة أهو. شهاب: باين عليكي. ليا: نينينيني. شهاب: بلاش ننزل طيب. ليا: لا، أنا بهزر يا رمضان، مبتهزرش. ههههه.

شهاب: لا. 😂 نزلوا المطعم عشان ياكلوا. ليا: تعال نقعد على الترابيزة دي، بتطل على البحر. شهاب: اتفضلي. ليا: المكان يجنن. شهاب: هتطلبي إيه؟ ليا: اطلب أنت. شهاب: أوك. طلبوا الأكل وكانوا قاعدين ياكلوا في جو جميل، وليا تركيزها مشدود للبحر. شهاب: تحبي ننزل نسبح؟ ليا: هاا، أنا مبعرفش أسبح بس بحب المية أوي. شهاب: تحبي تتعلمي السباحة؟ ليا: آه طبعاً. شهاب: تعالي أعلمك. ليا: بس أنا مش معايا هدوم السباحة، وغير كده في ناس كتير.

شهاب: هننزل نشتري هدوم إسلامي للسباحة وهعلمك في المسبح مش في البحر. ليا: اوكي، يالا. نزلوا اشتروا هدوم وغيروا وراحوا المسبح. شهاب: جاهزة؟ ليا: لا، أنا خايفة. شهاب: متخافيش، انزلي. ليا: لا، خلاص أنا مش عايزة أتعلم. بحركة سريعة شهاب شالها ونط بيها في المية وليا ماسكة فيه. شهاب: اهدى، متخافيش، سيبي نفسك في المية، متخافيش. ليا: لا، طلعني بسرعة، أنا مش عايزة أتعلم. شهاب: واثقة فيا؟ ليا: هزت راسها بـ آه.

ابتدا يبعدها عنه وهي بتغوص لتحت. شهاب: ارفعي راسك فوق المية. ليا: بحاول أهو. عدى وقت وهو بيعلمها وابتدت تتعلم معاه. ليا: المية جميلة. شهاب: مش كفاية كده؟ ليا: خلينا شوية تاني. شهاب: طب أنا هطلع من المسبح وإنتي خليكي شوية. ليا: هتسيبني لوحدي؟ شهاب: لا، هقعد معاكي أهو. عدى وقت وهما لسه في المسبح. ليا: كفاية كده، أنا تعبت، بس بجد مبسوطة أوي. شهاب: دايماً يارب. ليا: شكراً ليك بجد. شهاب: إيه رأيك نبقى أصحاب؟ ليا: أصحاب؟

شهاب: آه، يعني مفيش شكراً بينا. ليا: اتفقنا. شهاب: تعالي بقا غيري هدومك بدل ما تتعبي. ليا: يالا.