رواية طفلتي المجنونة الفصل السادس 6 - بقلم زهراء السعيد

يوسف: تسلم ايدك يا أمي، الأكل جميل جداً. رشا: بألف هنا يا يوسف بيه. يوسف: إيه يا أمي، في أم تقول لابنها يا بيه؟ أنا بجد زعلت منك. رشا: وأنا ما يرضينيش زعلك يا روحي. مراد: الله! بقا وأنا روحت فين؟ بقا يعني هو روحك وأنا إيه؟ رشا: لا، أنت قلبي يا مراد. مراد: ماشي يا ستي. بس بقولك إيه؟ رشا: بقول؟ مراد: تتطلقي من محمود ده وتجوزيني، وأنتي حلوة كده. هيا البنات في البيت ده كلهم حلوين ليه؟

رشا: ههههههه يخربيتك يا واد يا مراد، بقا أنا حلوة وعايز تطلقني من محمود جوزي؟ مراد: أه، بس انتي وفقي بس. وأنتي إيه رأيك يا رشا هانم؟ العرض حلو؟ رشا: والله أنا... محمود: والله انتي إيه يا ست هانم يا محترم؟ سيبه الواد ده يعاكسك وانتي قاعدة تضحكي؟ رشا: والله أنا أنا... ريما: مالك كده بس يا حج؟ إيه الست حلوة وبتحب الله؟ محمود: (ينظر لريما بحدة) ريما: هههه، لا والله ما قصدتش حاجة، انت اللي حلو. مراد: وهوا مين الراجل ده؟

ريما وسارة: باباا! مراد: (يبتلع ريقه) احم، إزيك يا عم محمود؟ محمود: (ينظر لمراد بغضب) مراد: والله قاعد أقولها انتي عايشة مع راجل محترم جدا وبيحبك، وهي تقولي لا. خلاص أنا هطلق يعني هطلق، أه والله. رشا: ده أنا والله ما حصل يا محمود. محمود: عارف يا روحي، انتي عمرك ما فكرتي تسبيني ولو يوم واحد. رشا: أنا أقدر أعيش من غيرك ولا يوم واحد، وانت حياتي يا حودة. محمود: بعشقك بجنون يا أم البنات. رشا: وأنا أكتر يا روحي.

يوسف ومراد وريما: (مندهشون) مراد: إيه ده؟ مش كان متعصب دلوقتي؟ أنا فكرت هيطلقني أو يموتني. ريما: لا عادي، كل يوم كده يا أخويا. بس أنا اللي بقول أو أبيه مازن، عشان كده بابا مش بيحب يوم ما بيجي فيه مازن هنا. يوسف: ومازن بيجي كل يوم على كده؟ ريما: لا، بس هو يوم الجمعة بس بيجي من الصبح ويروح تاني يوم الصبح. يوسف: إيه؟ يا روحي، بيبات عندكم هنا في البيت وانتي؟ ريما: أه، وبينام في الأوضة اللي جنبي. يوسف: (يكلم نفسه بغضب)

والله العظيم لأعرفك يا مازن. مراد: أنا آسف يا أستاذ محمود، بس والله رشا هي اللي حلوة بجد. أنا بتمنى ربنا يخليك ليها وتحبو بعض كمان وكمان عشان معتش من الحب ده كتير. محمود: ربنا يسعدك ويفرح قلبك يا ابني. وفجأة دخلت بنت جميلة جداً، بس مجنونة. فرح: ياااااااا بت يااااااا ريمااااا! ريما: نننننننعمممم يااااااا فررررررررح! فرح: انتي بتعملي إيه من الصبح؟ بدور عليكي من بدري. ريما: كنت بجيب سارة من الحضانة.

فرح: اممممم، ماشي. أمال مين دول؟ (تشير إلى يوسف ومراد) مراد: احم، وانتي مين بقا في العيلة الحلوة دي؟ فرح: وروح أمك انت بتقول إيه يالا؟ مالك كده؟ انظبط. مراد: يالا وانظبط؟ لا، ده لسانها عايز القطع. فرح: ......... مراد: بقا أنا يابنت...