رواية طفلتي المجنونة الفصل التاسع 9 - بقلم زهراء السعيد

ريما: نننننننعم. مازن باستغراب: في إيه يا ريما؟ مالك؟ ريما بوجع في سرها: إنت غبي، إنت غبي مش عارف أنا مالي. أنا بحبك يا متخلف، كسرت قلبي ليه يا مازن؟ حرام عليك. ده أنا حبيتك من قلبي. مازن: ريييييماااا. ريما بتفوق من أفكارها: هااا؟ إنت بتكلمني يا مازن؟ مازن باستغراب: أنا بقالي ساعة بكلمك. مالك يا ريما؟ ريما بدموع في عينيها: لا ما فيش حاجة. تعبانة شوية. أه، ألف مبروك يا أبية. ربنا يسعدك ويفرح قلبك.

مازن: حبيبتي يا ريما. ريما: يريد بس، خلاص معتش ينفع. أنا هدخل أنام شوية عشان تعبانة. رشا بحزن على بنتها: ماشي يا قلبي. روحي معاها يا فرح. فرح بحزن: ماشي يا خالتو. يلا يا ريما. مازن: هي ريما مالها؟ محمود: لا ما فيش حاجة تستاهل. مازن: طيب إيه رأيك نروح بكرة ليهم وكده يعني؟ محمود بحزن: ماشي يا ابني. ربنا يسعدك. *** في شركة أزياء عالمية. مراد بغضب شديد: يعني إيه العرض اتلغى؟ أمال كنت بتعمل إيه؟

إسلام، إنت مش فاشن ديزاين بتاع أم الشركة دي؟ كنت بتعمل إيه يعني؟ لو مازن أو يوسف عرفوا دلوقتي هنعمل إيه؟ إسلام بزعيق: طب أنا أعمل إيه يعني حضرتك؟ ما جيتش امبارح، وهم بردك محضروش. أنا أعمل إيه بعد كده بقى؟ أعمل الاجتماع وأعمل العرض لوحدي؟ ما تقول. مراد ببرود: روح يا إسلام. ربنا يهديك. هتروح تصلي على الزفت اللي اسمه مازن؟ خليه يجي وانت روح حضر تصميمات جديدة.

إسلام: ماشي. اااه، عايز مصممات وعارضات جداد عشان اللي هنا مش عاجبني خالص. ما عدوش بيشتغلوا حلو. مراد: بعدين أشوف الموضوع ده. *** في غرفة ريما. كانت تجلس على السرير وتبكي. ريما بعياط: شفت يا فرح؟ ده عايز يتجوزها. وأنا كنت مفكرة إن هو بيحبها. حب مراهقة بس. فرح باستغراب: حب مراهقة إيه يا بنتي؟ هو شاب عنده 20 سنة؟

ده مازن عنده 29 سنة. ريما، الدنيا مش هتقف على مازن. الحب ما بيستناش. ربنا هيديك واحد ابن حلال بيحبك وتحبيه. ونسيت مازن خالص. ريما بدموع: مش هقدر أنساه. هو أول حب ليا. فرح بتحاول تخفف الجو: طيب يا ستي. أنا عايزة أقدم في شركة عشان تصميمات بتاعتي. وإنت كمان لازم تقدمي. ريما بدموع: مش مهم خلاص. حلم راح زي ما حلم الأولاني راح. فرح: يا بنتي، كان حلم؟ كانت تبقى عرضة أزياء. ريما بملل: ما عادش مهم يا فرح.

فرح: لا، بكرة أنا وإنت هنروح في الشركة نقدم على وظيفة. ريما: اعملي اللي تعمليه. *** في بيت يوسف. زينب كانت بتحط الأكل على السفرة: يلا يا حبيبي عشان تاكله. زياد بفرح: يا ترى عاملة إيه النهارده؟ أنا باحب ورق العنب قوي اللي بتعمليه. زينب بابتسامة: وهو بيحبك أكتر. زياد: عارفة يا تيته؟ كانت ماما ريما عاملة ورق عنب خطير. كان جميل قوي. زينب باستغراب: ريما؟ ريما مين يا حبيبي؟ زياد ببراءة: اللي شبه ماما. بابا كمان شافها.

وزياد بيتكلم ده، يوسف ورحمة راحوا. رحمة بتتكلم: أيوه يا ماما، إحنا شفناها. شبه مريم بالظبط. اللي يشوفها يقول دي. زينب حماس: يا عايز أشوفها قوي. خليتوني هاموت وأشوفها. يوسف في سره: قريب قوي هتشوفيها. *** تاني يوم الصبح. لبست ريما وفرح عشان يروحوا يقدموا على الوظيفة. قدام شركة تصميمات الأزياء. فرح بحماس: أنا مبسوطة قوي. يلا نخش. ريما بلا مبالاة: يلا نخش.