رواية طفلتي المنسية الفصل الخامس والعشرون 25 - بقلم هدير عبدالعليم

فهد: ياسمين تتجوزيني؟ ياسمين: بدهشة، ها؟ فهد: زي ما سمعتي. ياسمين: أفندم، يعني؟ فهد: بدهشة مستغربة، كده ليه؟ ياسمين: نسيت أقول لحضرتك إني... فهد: إنك إيه؟ ياسمين: خطوبتي الجمعة الجاية. فهد: بصدمة، أيه ده بجد؟ ياسمين: آه يا دكتور، نسيت آخد إذنك، قصدي رأيك. نسيت أقولك إني بنت دار... فهد: بعصبية، يعني إيه بنت دار؟ ياسمين: يعني يا دكتور لازم أتجوز حد زيي. فهد: بعصبية، بس أنا حبيتك. ياسمين: ما قولتلك حياتنا أقدار ومكتوبة.

فهد: ياسمين، بس أنتِ كمان بتحبيني؟ ياسمين: أقدار بقى، نعمل إيه؟ فهد: يعني إيه أقدار؟ يعني اللي بيحب حد يخليه يضيع منه عشان القدر؟ يعني نظلم نفسنا عشان القدر؟ يعني نسيب الناس اللي شبهنا عشان القدر؟ ياسمين: لا، بس إحنا يحكمنا الظروف، يا دكتور. إحنا مش زي بعض. فهد: بعصبية، مفيش ظروف تمنع جوازنا إلا لو أنتِ مش عايزة تتجوزيني. ياسمين: اعتبرها كده يا دكتور. فهد: بحزن، خلاص تمام، اللي يريحك. ياسمين: أنا لازم أمشي. فهد: ...

ياسمين: حضرتك معزوم على خطوبتي يوم الجمعة. فهد: ... ياسمين: في الدار، عنوان الدار. فهد: مبروك من دلوقتي عشان مش هقدر آجي. ياسمين: عشان بنت دار، صح؟ فهد: بعصبية وصوت عالي، أيه علاقة الدار بكلامنا؟ أنتِ ليه بتقولي كلام مستفز يحرق دمي؟ ياسمين: مش دي الحقيقة يا دكتور. فهد: بعصبية وصوت عالي، بلا حقيقة بلا نيلة بقى. ياسمين: ممكن تهدئ أعصابك طيب. فهد: أنا همشي أحسن يا ياسمين. حور: فيه إيه، صوتكم عالي كده ليه؟ فهد: الهانم.

حور: مالها؟ أيه اللي حصل يا ياسمين؟ ياسمين: أقولك اللي حصل. اللي حصل إن كلكم بتتعاملوا معايا على إني بنت دار، محدش بيحبني، كله ده عبارة عن تعاطف وبس. فهد: أنا همشي، مش قادر أتكلم ولا أرد. حور: لا استني يا فهد. ياسمين: آه الدكتور عايز يهرب من الحقيقة، ما هو هيقول إيه، لازم يمشي. فهد: (بدأ يرد بنفس استفزاز ياسمين وببرود) آه يا ياسمين، عايز أهرب عشان التعاطف هيزيد لو فضلت واقف معاكم هنا.

ياسمين: آه ما أنا عارفة إنك من الأول مش بتحبني، وكله ده تعاطف معايا أو عليا، مش فارقة. فهد: بابتسامة، آه، وإيه تاني؟ ياسمين: أنت فاكر إنك لما تتجوزني هتلمني من الدار؟ فهد: بضحك، تفتكري؟ حور: فهد بلاش استفزاز. فهد: يعني طريقة كلامك اللي مش مستفزة يا حور. حور: ياسمين غصب عنها يا فهد. ياسمين: أهو عشان تعرفوا إن كلكم بتتعاملوا معايا على إني بنت دار، يعني إيه غصب عنها؟

فهد: ضحك بصوت عالي، آه، ردي عليها يا حور، يعني إيه غصب عنها؟ حور: لا، أنا عايزة أعرف، هقول مبروك بقى ولا إيه؟ فهد: آه، قولي مبروك يا حور. حور: بجد، بجد ألف مبروك ليكم، فرحت أوي ليكم. فهد: لا، مبروك لياسمين بس، وافرحي بيها وليها. أنا ماشي. حور: إيه؟ مش فاهمه تقصد إيه يا فهد؟ فهد: خطوبة ياسمين الجمعة الجاي. حور: على ابن مديره الدار؟ ياسمين: أنا لازم أمشي عشان... فهد: مش محتاجة تبرير، امشي يا ياسمين.

مشيت بس قولت إني لازم أقطع علاقتي بيهم كلهم. وأول حاجة هعملها هي إني مش هعزم حد على خطوبتي. وفعلاً عدى وقت طويل جداً، تقريباً كنت نسيت فهد وحور ومحمد، لكن يشاء القدر إننا نتجمع تاني. في الأتيليه. السكرتيرة: أزيك يا ياسمين؟ عاملة إيه دلوقتي؟ ياسمين: الحمد لله. السكرتيرة: الأتيليه كان وحش أوي من غيرك. ياسمين: طمنيني عاملين إيه؟ السكرتيرة: إحنا الحمد لله، بس الأسبوعين اللي غبتي فيهم بوظوا الدنيا شوية في الشغل.

ياسمين: غصب عني بقى، ما أنا كنت عاملة العملية. السكرتيرة: خير إن شاء الله. ياسمين: آه، يلا نبدأ شغل. السكرتيرة: قبل ما نبدأ، فيه حد سأل عليكي كتير أوي. ياسمين: مين؟ أكيد زبونة؟ كنتِ تطلعي ليها أحسن الفساتين. السكرتيرة: تصدقي فعلاً، لأنها اختارت فستان، بس إيه، بنت ناس والفلوس معاهم، إنما إيه. ياسمين: أوعدنا يارب. السكرتيرة: ييي، بالحق، سابت الجواب ده ليكي مخصوص. ياسمين: بدهشة، جواب؟ وليا؟ السكرتيرة: آه، أهو.

ياسمين: ... السكرتيرة: فيه إيه؟ ياسمين: ... السكرتيرة: ي ياسمين، خير؟ ياسمين: أصل... السكرتيرة: تعرفيها؟ ياسمين: آآآ. السكرتيرة: هي مين؟ ياسمين: بعصبية، ملكيش دعوة. السكرتيرة: ... ياسمين: أنا آسفة، بس مصدومة. السكرتيرة: ولا يهمك. ياسمين: بس أنا عايزة أتكلم معاكي. السكرتيرة: في إيه؟ ياسمين: عارفة الجواب ده فيه إيه؟ السكرتيرة: معرفش والله، مفتحتوش. ياسمين: عارفة، دي دعوة لحضور فرح... السكرتيرة: فرح مين؟ ياسمين: ...

السكرتيرة: أوعى يكون الدكتور اللي كان بيحبك؟ ياسمين: بضحك، لا. السكرتيرة: هو ده المهم. ياسمين: ده فرح ح... السكرتيرة: يبقى أكيد حور. ياسمين: آه، للأسف. السكرتيرة: كان إمتى؟ ياسمين: لسه النهارده. السكرتيرة: أوووه، بالحق، دي فضلت تقول لي أحاول أبعته ليكي قبل النهارده، امم، عشان كده. ياسمين: مش فارقة. السكرتيرة: مش فاهمه؟ ياسمين: كده كده مش هروح الفرح. السكرتيرة: ليه؟ لا لازم تروحي، دي صحبتك. ياسمين: كانت صحبتي.

السكرتيرة: هروح معاكي، مش أنتِ عمالة تقولي عايزة فرح؟ أهو جه الفرح، يلا بقى. ياسمين: ... السكرتيرة: إيه رأيك، الفستان ده هيكون قمر عليكي، يلا نجرب كده. -معرفش إزاي لقيت نفسي في الفرح، بسلم على حور -حور: كنت متأكدة إنك هتيجي. ياسمين: مقدرش مجيش. حور: المهم، تعالي أعرفك على ماما. ياسمين: بدهشة، ماما؟ حور: اللي هي خالتوا يعني. ياسمين: إذا كان كده، ماشي. حور: يا ماما، دي ياسمين صحبتي. طنط: يا ها، أخيراً شوفتك.

ياسمين: أنا اتشرفت بحضرتك. طنط: حضنتني وهي بتقول، عقبال فرحك يارب، وتكوني عروسة قمر. ياسمين: ربنا يخليكي يا طنط، وعقبال ولادك. حور: اتضايقت أوي وبصت بصه افتكرت بيها إنها معندهاش ولاد. ياسمين: أقصد عقبال... حور: عقبال الحج يا ماما. -ياسمين: بجد، أنا آسفة، معرفتش أقول إيه. حور: ماما طيبة أوي، مش بتركز. ياسمين: أحسن حاجة إنك بتقوليلها ي ماما. حور: تعالي أعرفك على باقي الفرح. ياسمين: ياريت والله.

حور: ييي، دا أنا نسيت إني أنا العروسة. ياسمين: تصدقي، وأنا كمان نسيت، بس عروسة قمر. يلا نطلع على المسرح أحسن، واللي ييجي يسلم عليكي، أسلم عليه. حور: تصدقي فعلاً. -فضلت ساعة مع حور ومشيت -السكرتيرة: العروسة كانت قمر. ياسمين: آه. السكرتيرة: ومتواضعة كده ودمها خفيف. ياسمين: آه. السكرتيرة: ياسمين، مالك؟ ياسمين: أصلاً أول مرة أ...