رواية طفلتي المنسية الفصل الثالث 3 - بقلم هدير عبدالعليم

يا طنط ممكن تاخدي بوكيه الورد ده هدية. = هااا..؟؟ _لازم تاخديه على فكرة. = ... _عارفة ليه لازم تاخديه؟ = لا مش عارفة ليه لازم أخده! _علشان أنتِ ست طيبة، ممكن أقعد جنبك بقا. بدموع وهي بتحضني: أكيد ممكن تقعدي جنبي يا حبيبتي ❤️ _مين مزعلك بقا؟ مش فضول بس، مفيش ست عسل كده تزعل. = والله أنتِ اللي عسل يا صغنن. _مين مزعلك بقا؟ = كلهم. _هم مين؟ = ولادي وجوزي. _ليه؟ = .... _بضحك: طب عندك كام ابن، يمكن يكون ليا عريس فيهم 😅😅

ضحكت وقالت: والله أنتِ حتة سكرة. _دي عيونك يا طنط. قوليلي بقا عندك كام بنوتة قمر زيي كده. = عندي بنوتة واحدة، ياريت كلهم كانوا بنات قمرات زيك. _بضحك: إحنا طبعاً بنريح في التربية 😅 = دي حقيقة مش هزار. _بضحك: طب العيال يزعلوا ماشي، لكن أبوهم يزعلك، كله إلا دي 😅 ضحكت بصوت عالي وهي بتقول: والله سنك صغير بس عقلك كبير يا... _اسمي ياسمين.

= بصي يا ياسمينة يا بنتي، عارفة شعور الأم اللي بتحارب في كل حاجة عشان ولادها يكونوا أحسن ناس، وفي الآخر كل حاجة تبوظ عشان الأب عصبي وعنيد. = .... _عارفة يا بنتي شعور إن الأب يبقى سبب دمار عياله وأنتِ مش عارفة تعملي حاجة. = إزاي؟!؟!؟؟؟ _من سنتين بالظبط كانت حياتنا ماشية حلوة جداً،

عندي ثلاث ولاد: ملك ومالك وأنس. مالك ٢٤ سنة خريج هندسة، وأنس ٢٦ سنة خريج تجارة، وملك لسه في إعدادية. من سنتين أبوهم صمم إن أنس يتجوز بنت عمته، هو كان رافض لكن اتجوز إجباري وحصلت مشاكل كتير وكل يوم في مشاكل. لكن من أسبوع عرفت إن أنس بدأ يشرب مخدرات، ومن هنا المشاكل بدأت تزيد. كل يوم بحاول أنه يروح مركز يتعالج فيه وأبوه مش موافق. بدهشة: يعني عايز يموت!!