رواية طفلتي اليتيمة الفصل الخامس 5 - بقلم سوسو

دخل البوليس مرة واحدة. فارس بجمود: في إيه يا حضرة الظابط؟ الظابط: إحنا جايين عشان ناخد كيان، لأن عمه مقدم فيك بلاغ بخطفها. أسر: خطف فين حضرتك؟ ده سوء تفاهم مش أكتر. فارس: حضرتك أنا مش خاطف حد، كيان عندك اسألها لو أنا فعلاً خطفتها. دخل عم كيان. كيان أول ما شافته استخبت ورا فارس. رضوان: ما ممكن يا ابن الأنصاري تكون قايلالها إن لو حد سألك هضربه أو تعمل فيها حاجة. فارس بعصبية: مش فارس الأنصاري اللي يهدد طفل يا رضوان بيه.

فارس شال كيان. فارس: كيان يا حبيبتي، انتي عايزة تروحي مع عمو رضوان؟ كيان بدموع: لا لا، ده وحش وبيضربني هو ومراته، وحطوني في ملجأ. أنا مش عايزة أروح معاهم، أنا عايزة أفضل مع بابي فارس، وبابي أسر، وأبلة حياة، ودادة أحلام. ونزل أسر لمستوى كيان. أسر: تعالي يا كيان يا حبيبتي. جريت كيان عليه. كيان: نعم يا أبية؟ أسر: مش انتي بتحبيني أنا وبابي فارس؟ كيان بدموع: أنا بحبكم.

أسر: اطلعي مع أبلة حياة، وأنا وبابي فارس هنروح مع عمو الوحش ده ونيجي نلعب أنا وانتي. كيان بفرحة: بجد يا أبية؟ أسر: بجد يا عيون أبية، يلا بقى. وخرج أسر وفارس والظابط ورضوان. الظابط: فارس بيه، أنت متهم بخطف كيان محمد. فارس: يا حضرة الظابط، أنا ما خطفتش حد. البنت قالتلك إنها عايزة تقعد معايا. رضوان: خلاص أنا موافق، بس هي مالهاش دعوة بالورث. فارس: هي مش عايزة من وشك حاجة. ودخل فارس وأسر. جريت عليه كيان.

كيان: هو أنت يا بابي فارس هتوديني للراجل الوحش ده؟ فارس: يا قلب بابي، انتي هتفضلي معايا. يلا اطلعي بقى، يلا، وهبعتلك الفستان بتاعك وبتاع أبلة حياة. كيان بفرحة: ماشي يا بابي، يلا يا أبلة حياة. حياة: يلا يا عيون أبلة حياة. وطلعت كيان وحياة. وطلعت دادة أحلام عشان تديهم الفستان بتاع حياة وكيان. دادة أحلام: طق طق طق. حياة: حاضر يا دادة أحلام. فتحت الباب. دادة أحلام: خدي يا بنتي الفستان. حياة: ماشي يا دادة أحلام.

كيان شافت الفستان اتصدمت من جماله. تسريع الأحداث. لبست كيان وحياة، كانوا عاملين زي الحوريات. ونزلوا كيان وحياة ومسكين إيدين بعض. أسر أول ما شاف حياة اتصدم. حياة كانت واخدة بالها واتكسفت. كيان جريت على فارس، وكان شكلهم كلهم جميل. خرجوا وركبت حياة مع أسر، وكيان مع فارس. أسر: إيه الجمال ده؟ أول مرة أشوف واحدة بالجمال ده. حياة بكسوف: شكراً. أسر بغمزة: ونبي أهدي وخبي الفراولة دي عشان ممكن أتهور 😉.

حياة انكسفت وبصت من الشباك. عند فارس وكيان. كيان: إيه رأيك يا أبية في الفستان؟ فارس: قمر يا قلب أبية. وصلوا الحفلة ودخلوا. وكانوا كل الصحافة هناك. وسلم فارس على كل الموجودين هو وأسر، وبعد كده قعدوا. جدة ميار: تسمحيلي برقصه دي يا فارس بيه؟ فارس: طبعاً طبعاً. كيان كانت هتعيط، بس قامت وطلعت برا الحفلة ومشيت، ومرة واحدة اختفت. حياة: أسر أسر، أنا مش لاقية كيان. وهنا كانت الصدمة على الكل.