رواية طفلتي اليتيمة الفصل الثالث 3 - بقلم سوسو

خرجت حياة من المطبخ على صوت رصاص. لقت كيان واقعة على الأرض. خرجت حياة على صوت الرصاص وقعدت جنب كيان، وقعدت تصوت وتقول: "إيه اللي انتي عملتي ده؟ انتي مين؟ كيان خرجت هي والحارس بتاعها، وكأنها عملت حاجة. حياة بدموع: "الو يـ أسر، تعال بسرعة وهات فارس. كيان واحدة ضربته برصاص." أسر بفزع: "انتي بتقولي إيه؟ اقفلي." جرى أسر على مكتب فارس. دخل أسر المكتب. فارس باستغراب: "في إيه يـ أسر؟ كيان فيها حاجة؟ أسر: "كيان اتضربت برصاص."

فارس بنغزة في صدره: "انت بتقول إيه؟ ونزل فارس يجري، وأسر وراه، وركبوا العربية، وأسر وراه بالعربية. وصلوا القصر ونزل فارس وأسر. دخل فارس زي المجنون، لقى كيان واقعة على الأرض وحياة قاعدة بتعيط جنبها. شال فارس كيان وكان في ثواني قدام المستشفى. فارس: "جروا بسرعة يـ بهايم." جاء دكتور. دكتور: "حطها هنا بسرعة." ودخل الدكتور غرفة العمليات. وفارس واقف مصدوم على صغيرته اللي بتموت. وأسر وحياة وصلوا.

أسر: "اهد يـ صاحبي، هيكون كويسة." فارس بعصبية: "هو أنا مش مقعدك معاها؟ حياة بدموع: "أنا والله كنت معاها، بس والله هي قالتلي إنها عايزة تاكل مكرونة بشاميل. دخلت عشان أعملها وأريح داده أحلام. وهي كانت بتتفرج على التلفزيون، ومرة واحدة دخلت واحدة وسمعت صوت رصاص. خرجت لقيت واحدة ومعاها حراس كتير وكيان مرمية في الأرض. وقولتلك إيه اللي انتي عملتي ده وانتي مين؟ مرتش عليا وخرجت ومشيت. وأنا كلمت أسر بيه." فارس: "يا والد...

دكتور مرة واحدة خرج والممرضين بيجروا. وفارس وأسر وحياة واقفين مش فاهمين حاجة، بس فارس حاس إن صغيرته بتروح منه. فارس: "ممكن أفهم في إيه؟ الممرضة: "البنت قلبها بيروح." فارس ساعتها حس إنه مكسور. ودخل فارس بسرعة الغرفة بتاعت العمليات وكان منهار. الدكتور: "لو سمحت اطلع برا عشان نشوف شغلنا."

فارس: "قومي يـ كياني، قومي. أنا محتاجك. انتي غيرتيني، انتي طلعتي فارس الوحش من جوايا. قومي متسبنيش. والله هعوضك عن كل يوم وحش وهخدلك حقك من كل الناس اللي جم عليكي." دكتور: "لو سمحت اطلع برا." ومرة واحدة القلب رجع تاني، وكأنها كانت سامعة فارس. وكيان دخلت العناية المركزة. فارس بحزن: "هي هتفوق امتى؟ دكتور: "بعد أربع وعشرين ساعة نقدر نحدد." فارس: "أسر خد حياة وروحوا، وأنا هبات مع كيان." خد فارس غرفة جنب كيان.

جاء يوم جديد. صاحي فارس خرج راح للدكتور. فارس: "هي كيان إيه أخبارها؟ دكتور: "المريضة فاقت من شوية ونقلت غرفة عادية." جرى فارس على الأوضة اللي فيها كيان، لقى نايمة. فارس: "قومي يـ كياني، كنت هموت من الخوف عليكي." كيان قامت من نومها. كيان بدموع: "أبيه أنا خايفة." فارس بحزن: "ششش، متخفيش. طول ما أنا معاكي. وانتي دلوقتي فهميني مين اللي عمل كده." دخلت كنزي وهي معاها ناس كتير ماسكين سلاح.

وأول لما شافت كيان: "انتي بقيتي اللي غيرتي ابني." كيان: "حضرتك مين؟ كنزي: "أنا هقولك أنا مين." طخ. كيان بدموع: "بس هو ده اللي حصل." فارس: "متخفيش يـ قلبي، أنا معاكي. أنا هخرج أشوف هنخرج امتى." خرج فارس. ومن هنا دخل واحد. كيان بصدمة: "انت."