بعد شهر كان كتب كتاب حور وزين وفرحهم.
محور اقل حاجه تتقال عليها زي القمر بفستانها الأبيض الرقيق.
وتمارا كانت القمر ذات نفسه بفستانها الأسود الضيق الطويل ذو الأكمام الشفافة.
وزين كان قمور اوي بالبدلة الكحلي والقميص الأبيض.
وأسد كان لابس بنطلون اسود وقميص أبيض وكان برضو قمور.
والأغاني اشتغلت وكل واحد اخد حبيبته يرقص معاها.
وقضو ليلة جميله كلها فرح ورقص.
***
بعد 10 شهور.
أسد بيصحى من النوم مفزوع على صريخ تمارا.
أسد بفزع: ايه في ايه؟
تمارا بصريخ: هيكون في ايه هولددد هولدددد منك لله اههههه.
أسد شالها بسرعة وراح بيها على المستشفى.
أسد ماشي جنبها وماسك ايديها وهي على التروللي.
تمارا: لو مت متجيبلهمش مرات اب سامع اهه.
أسد بخوف: بعد الشر عنك هتقومي بالسلامه ربنا مش هيرضى بكسرتي متخافيش هتقومي وهنربي ولادنا سوا.
تمارا وهي داخلة العمليات خلاص: لو حصلي حاجة خلي بالك منهم يا أسد حبهم عشان خاطري ومتنسانيش انا بحبك.
أسد: وانا بعشقك هتقومي بالسلامه هتقومي متخافيش.
ودخلت العمليات.
فون أسد رن.
أسد: الو يازين.
زين بذعر: حور بتولددد اعمل ايه اعمل ايه.
صوت حور في الخلفية: هتكون هتعمل ايه ياغبي وديني المستشفى اهههه منك لله يا زين يا ابن طنط فريال متجوزه واحد غبييييي.
أسد ضحك: هو انت كمان؟ اجري بيها على المستشفى يا غبي.
وقفل معاه.
وكلم هدى وجلال وجم وفضلو معاه.
وزين اخد حور المستشفى وكمان كلم فريال والمنشاوي وجم وفضلو معاه.
***
بعد ساعتين.
أسد بقلق: هما اتأخرو ليه.
وفي اللحظة دي طلعت الممرضة وفي ايديها تؤام ولد وبنته.
هدى بفرحة: يا ما شاءلله يا ما شاءلله بسم الله الرحمن الرحيم.
وشالت البنت.
جلال: بسم الله الرحمن الرحيم.
وشال الولد.
أسد جري على اوضة تمارا من غير ما حتى ما يشوف ولاده.
أسد دخل وإبتسم لما لقاها مبتسمه له.
تمارا: مبروك علينا ياحبيبي.
قرب منها وخدها في حضنه.
أسد: حمدالله على سلامتك ياحبيبتي مش قولتلك هتقومي وهنربي ولادنا سوا.
وطلعها من حضنه وباس راسها.
تمارا: ولادنا فين؟
أسد: مشفتهومش من لهفتي عليكي بس اكيد معاهم برا.
وفجأة الباب اتفتح وكان مروان.
أسد لسا هيزعقله ازاي يدخل كدا لقا هدى وجلال داخلين وهما شايلين ولادهم.
ابتسم وبص لتمارا بفرحة وراح لجلال شال منه الولد.
هدى: متنساش تكبر في ودنه.
أسد كبر في ودنه.
اخد منها البنت وكبر في ودنها وبقا شايل ولاده الإتنين على الدراعين.
اتجه ناحية تمارا واداها الولد.
هدى بفرحة: هتسموهم أيه.
أسد: مكة.
تمارا: فادي.
مروان بمرح: طب ماتسموه مروان عشان يطلع شبهي؟
ضحكو كلهم وقال أسد: لا.
***
في جهة أخرى عند زين وحور.
زين واقف شايل الولد وحور شايلة البنت.
فريال: هتسموهم ايه؟
زين: أسرحور: هدى.
فريال: ربنا يحميهم لكم يا حبايبي.
***
بعد 6 سنوات.
أسد كان واقف في مكتبه بيتكلم مع زين.
وفجأة دخلت عليهم مكة وهي بتجري من أسر ومسكت في رجل أسد.
مكة: بابي بابي أسر بيجري ورايا.
أسر: بقا كدا يا مكة قولتيله.
أسد: تقوليلي ايه.
مكة ببراءة: بابي أسر عايز يبوسني قولتله عيب جري ورايا.
أسد: ما هنعمل ايه ما هو ابن زين لازم يطلع شبهه.
زين بضحك: أسر عيب كده.
أسد: عالله يالا اشوفك بتقرب من بنتي تاني فاهم؟
أسر: حاضر يلا يا مكة نروح نلعب.
ومشيو الإتنين.
وشوية ودخلت هدى وهي بتعيط.
هدى: بابيي بابيي.
زين شالها: مالك بس يا دودو.
هدى ببكاء: فادي ضربني بالقلم يابابي.
زين: ضربك؟ ضربك ليه؟
فادي بعصبية: ضربتها عشان مش عايزة تغير الإسكيرت القصيرة دي.
زين: زي أبوه.
أسد: ماله يعني لما يبقا زيي حمش زيي شاطر ياولا.
زين: يلا يا دودو انزلي العبي معاه بس عالله تضربها تاني يالا يا فادي.
فادي: حاضر انا اسف يا هدى.
هدى: يلا نلعب.
وخرجو عشان يلعبو.
***
بعد 20 سنة.
كان فرح فادي وهدى وأسر ومكة.
فادي وهدى بيرقصوهدى مبوزة.
فادي: مالك بس؟
هدى: عشان مرضتش تخليني البس الفستان اللي عجبني.
فادي: يرضيكي يعني تبقي قاعدة معايا في الكوشة ولابسة فستان كب؟ مينفعش يا دودو.
أسر ومكة برضو بيرقصو.
أسر بدون مقدمات باسها من خدها.
مكة بخجل: انت مجنون إزاي تعمل كده قدام النااس.
أسر بضحك: دي البوسة دي كنت هموت عليها من واحنا صغيرين فاكرة؟
عند أسد وتمارا.
تمارا: تقدر تقولي بقا ياسي أسد ابنك اتأخر ليه؟
أسد بإبتسامة: ما انتي عارفة ابنك مبيحبش الواسطة وبعدين اهو جاي هناك اهو.
ودخل شاب وسيم عنده 25 سنة.
تمارا حضنته: أدم حبيبي إيه اللي اخرك؟
أدم: معلش يا أمي عقبال ما خدت اجازة من الشغل.
تمارا: طب يلا روح سلم على اخواتك.
وراح سلم علي فادي وهدى وأسر و مكة.
أسد بإبتسامة: تعالي.
تمارا: هنروح فين؟
أسد: تعالي بس.
وخرجو من القاعة واتمشو سوا.
تمارا ماسكة ايده.
ساب إيده منها وحطها على كتفها وضمها ليه.
تمارا: لسة بتحبني بعد كل ده.
أسد اتنهد ووقف قدامها ومسك وشها بين إيديه وقال بحب: وهفضل احبك لحد أخر نفس في عمري.
وباس راسها.