رواية تجربة ما الفصل الرابع 4 - بقلم ميرا ابو الخير

هشام وقف وبص للأشخاص: اهي قدامكم عاوزاكم تعلموها الأدب. عزة بخوف: وحياة ابنك ما تأذيني أنا خلفت وأنت في المستشفى. هشام: إنتي بتقولي إيه يا بت انتي. عزة بتوتر: أنا خلفت عيل والله معقولة هتأذي أم ابنك. هشام بسخرية: اممم يا اللي خلعتني ورمتني في المستشفى ومش بس كده واحدة خاينة تفتكري هصدقك؟ تؤ تؤ أنا مش عبيط. عزة برجاء: طب سيبني أمشي والنبي. هشام بسخرية: مش بعد ما أشوف ابننا الله هو فين؟

عزة بدموع: كانت كذبة عشان تسيبني أنا ما بخلفش أصلاً والله. هشام ببرود: طب مانا عارف يلا باي باي يا قطة. سابها ومشي مع الرجالة دي. بعد شوية. صوت صراخ قوي والكل اتلم حوالين جثتها. أخري: اطلبوا البوليس. عند هشام. كان قاعد مع مي بهدوء: ماتت كافرة. مي بحزن: ربنا يسامحها هي خافت منك ومن رجالتك. هشام: والله العظيم ما كنت هعمل حاجة أنا كنت بخوفها هي اللي نطت من الشباك. مي بهدوء: ربنا يرحمها طب وجوزها فين.

هشام بسخرية: أول ما سمع الخبر تجاهله وهرب. مي بهدوء: احم ناوي تعمل إيه. هشام بابتسامة: أكمل نص ديني. مي: يعني إيه. هشام بحب: تتجوزيني. مي بكسوف: احم ابقى قابل الحاج والحجة سلام. هشام بضحك: يا ولية استني خدي يابت انتي. جريت وهو راح وراها. بعد مرور سنة. كان واقف ع البحر وهي في حضنه وشايل طفل صغير: الحياة حلوة بس مع اللي ربنا هيعوضنا بيه. مي بحب: وأنا عوضك ياترا.

هشام بحنان: إنتي أجمل وأحن عوض في الدنيا دي كلها على الأقل جيتي بعد تجربة ما.