شروق بدموع: أنا نزلت ابنك اللي في بطني يا حسن، عشان أنت متستاهلوش.
حسن بص لها بصدمة. نفسها تطلع بتهزر. زعق أوي: إيه! بتقولي إيه! إزاي تعملي كدا!
شروق اترعبت منه، لكن تماسكت: أنت كنت فين دلوقتي؟
حسن مسك شعرها: انطقي، عملتي كدا إمتى؟ وإزاي؟
شروق بألم: آآآه، حسن سيب شعري بيوجعني.
حسن قومها وماسك شعرها: انطقي وإلا هقتلك النهاردة.
شروق بعياط شديد: عاوز مني إيه؟
حسن بعصبية شديدة: انطقي عملتي إيه وعملتي كدا إزاي؟
شروق: حركات بنات بقى، دي حاجة سهلة أوي إنها تحصل.
حسن عيونه دمعت: انتي بتهزري صح؟ مهو أكيد بتهزري، وبعدين انتي إزاي مش تعبانة؟ انتي بتكذبي. يا شروق ريحيني.
شروق: نزلته يا حسن.
حسن سابها وخبط الكرسي برجله: لييييه، لييه يا شروق؟ دا اللي كان هيرجع لي الحياة تاني. كان هيعوضني وهييعوضك. كان هيقربنا من بعض. كان هيخليكي تحبيني. عملتي كدا لييه؟
شروق بعياط: عشان تفوق، تفوق وتبطل تعلق كل حاجة بتعملها غلط على شماعة شروق. شروق هي السبب في كل حاجة صح؟
حسن قرب عليها بزعيق: آآآآه، انتي السبب! انتي اللي غيرتيني، أنا مكنتش كدا، وانتي أكتر واحدة عارفة.
شروق بعياط: مهو عشان عارفاك بقول كدا. انت مكنتش بتسيب صلاة يا حسن. مكنتش بتشرب سيجارة واحدة. مكنتش كدا يا حسن. أنا آه غلطت، بس انت كمان غلطت ولازم تتعاقب.
حسن: أتعاقب على إيه؟
شروق: على علاقاتك اللي بتعملها حرام. على حبستك ليا طول السنين دي.
حسن: وانتي فاكرة إني مبتعاقبش؟ أنا من زمان وأنا بتعاقب على حاجات معملتهاش. عيشت أيام سودة. ربنا عوضني عنها. بس كان دايماً فيه جرح كبير، وهو انتي يا شروق. انتي هتفضلي النقطة السودا في حياتي. الوحيدة اللي بحس قدامها بضعف. الوحيدة اللي سبب تعاستي وقرفي. لما جالي أمل شوية النهاردة إنك ممكن تحبيني، انتي قتلتِ الأمل دا دلوقتي. نهيتي على كل حاجة. أنا مش عارف بتعملي فيا كدا لييه. مش عاوزة تحبيني لييييه!
شروق بسرعة: أنا بحبك يا حسن. أنا عملت كدا عشان بحبك. زعلانة منك إنك بتقرب من واحدة غيري عشان بحبك. بعمل كل دا عشان بحبك والله بحبك. افهم بقى.
حسن الكلمة دي هديته خالص. كلمة بقاله سنين هيموت ويسمعها منها. فضل ساكت كدا ومقدرش يتحرك ولا يتكلم ولا يعمل حاجة.
حسن أخد علبة السجاير وخرج وقف في البلكونة. مش عاوز يفكر، مش عاوز يعمل أي حاجة. حاسس إنه طهقان. حاسس إنه رجع لنفس إحساسه بتاع زمان، اليأس والحزن. بس كل دا قصاده كلمة بحبك من شروق. كل دا يهون قصاد الكلمة دي. بس اتنكد أوي بسبب ابنه اللي راح.
فضلت هي قاعدة جوا تعيط. حطت إيديها على بطنها وقالت لنفسها: مقدرش أعمل كدا. بس انت لازم تفوق يا حسن. بتغضب ربنا وأنا مقبلش عليك كدا. وزي ما أنا السبب إنك تكون كدا، أنا بردو هبقى السبب إنك تكون كويس تاني.
رامز: لييه بس، إيه زعلك أوي كدا؟
ليان: مش قادرة أشوف البنت اللي كانت سبب في عدم ثقتي في نفسي وأنا صغيرة وكمان كانت بتخنقني ومفيش يوم يعدي من غير ما ترخم عليا. مش قادرة أشوفها قدامي كدا.
رامز: يا حبيبتي وحنا مالنا ومالها. انسي كل دا.
ليان دمعت: مش قادرة أنسي يا رامز. بجد كانت أيام وحشة أوي.
رامز بحنية: تعالي يا حبيبتي.
راحت ليان لرامز. قعدها في حضنه وباس راسها وملس على شعرها: يلا احكي اللي انتي عاوزاه.
ليان بدأت تحكي كل حاجة كانت بتضايقها من شروق وعمها وكل حاجة. تحكي براحة فالكلام معاه. وتتكلم وتعيط وتفضفض أوي. هو سمعها للآخر.
ليان وشها كان اتملى دموع: وكنت بتعب أوي وأحس إني لوحدي يا رامز. محدش كان جنبي.
رامز طبق إيده عليها أوي وقربها عليه أوي ومسح دموعها بحنية: طب أنا سمعتك للآخر. ممكن بقى تسمعيني. بصي أنا عاوزك متفكريش في أي حاجة حصلت قبل كدا. كل دا كان زمان. وبعدين أنا كمان وأنا صغير كنت ديما بحس إني لوحدي، بس ربنا عوضني عن كل دا بيكي يا حبيبتي. نفسي أكون بالنسبة ليكي بردو العوض عن اللي فات. ولا أنا بقى بحبك أكتر ما بتحبيني؟
ليان بسرعة: لا يا حبيبي. والله أنا بحبك أوي. أنا بس بحب أففضفض معاك، برتاح فالكلام معاك.
رامز بابتسامة حنية: وأنا بقى مبسوط إنك بتفضفضيلي أنا. أنا بحبك أوي يا ملكتي. انتي ملكتي يا ليان.
ليان كانت مبسوطة أوي بكلامه اللي هي بتعشقه.
خلص حسن علبة السجاير كلها تقريبا. فونة كان جنب شروق. رن. سمع هو الصوت وخرج لقى شروق مسكته وردت.
شروق بحدة: آلو.
صوت: انتي مين؟
شروق: أنا اللي مين؟ أنا عاوزة حسن.
شروق بعصبية شديدة: أنا مراته. وإياكي ترني على الرقم دا تاني، وربنا هقتلك.
وقفلِت ورمت الفون في الأرض.
حسن: انتي بتعملي إيه؟
شروق بزعيق: اسمع بقى، انت مش هتكلم ولا بنت تاني من النهاردة، فاهم؟
حسن: ودا لي بقى؟
شروق بزعيق: عشان مراتك.
حسن بزعيق: مراتي آه، مراتي سبب قرفي في الدنيا.
شروق: كل دا عشان الجنين؟ بردو مش هتكلم غيري.
حسن بزعيق: أنا حر. أعمل اللي أنا عاوزه.
شروق: لا مش حر.
حسن جاي ممشي من قدامها مسكته.
شروق: تعالي هنا رايح فين؟
حسن ماخدش باله وزقها. اتخبطت في السرير ووقعت في الأرض.
شروق اتوجعت أوي: حسن. الحقني.
حسن بص لها بسرعة بقلق شديد: مالك؟
شروق بتعب وبتفقد وعيها: أنا منزلتوش يا حسن. أنا لسه حامل. الحقوني.
حسن بص لها بصدمة. مبقاش عارف يعمل إيه. شالها بسرعة وجرى على المستشفى و.