تقى بصدمة: فهد!
ونزلت تجري إليه.
قابلتها دادة مديحة: حصل إيه يا بنتي؟
تقى بدموع وعياط: فهد، فهد كان ماسك في البلكونة ووقع، والله كنت بهزر.
دادة مديحة: يا لهوي!
تقى نزلت تفتح الباب وتطلع بشعرها والبيجامة، فهد بتروح تلاقيه واقع وراسه بتنزف.
تقى: فهد، فهد قوم أنا آسفة والله.
فهد بيفوق: آااه راسي وجعاني منك لله يا حيوانة.
تقى بتحضنه وتفضل تعيط: أنا آسفة معتش ههزر تاني.
فهد بتصعب عليه فبيحضنها: تقى أنت مالك؟ دي وقعة بسيطة خلاص أنا مسامحك.
تقى بتقومه: تعالى أعقملك الجرح.
فهد بيبص عليها بعصبية ويشدها من شعرها: أنت إزاي تطلعي كده؟
تقى: طالعة إزاي؟
بتلاقي نفسها بشعرها والبيجامة والحراس واقفين.
فهد: لفوا وشكوا يا شوية حيوانات.
وبيجرها من إيدها يدخل جوه، بيزقلها على الكرسي.
تقى: آااه يا أخي، يعني وقعت وراسك اتفتحت وبرضه عليك صحة مش موجودة في جاموسة.
فهد بيبصلها بعصبية: أنت إزاي تطلعي كدا؟ إيه مراتى بتطلع تغري الرجالة؟
تقى: ما سمحلكش يا أخي! أنت مش بتهمد بقى؟ كل شوية حيوانة زبالة، أنت فاكرني زي اللي تعرفهم؟ أقولك اتفلق يا فهد، خليك كده شك في كل اللي حواليك.
وبتطلع فوق وتسيبه.
تقى بتكلم نفسها: واحد حيوان، كل شوية يشد في شعري لحد ما اتخلع في إيده.
دادة مديحة بتجيب المعقم والشاش وبتفضل تطهرله الجرح.
دادة مديحة: خف على تقى شوية يا فهد، دي غير اللي تعرفهم، أنا عمري ما شفت واحدة طيبة زيها.
فهد: ما يغركيش وشها البريء، كلهم خاينين زي بعض.
دادة مديحة: لا يا ابني مش كلهم، تقى طيبة والله، هي بس بتعند معاك علشان أنت عصبي، اتعامل معاها بحنية وهي هتحطك جوا عينيها.
وبتقوم بعد ما بتخلص لف الجرح.
فهد بيفضل قاعد يفكر في كلامها وبيطلع ينام.
تقى بتكون نايمة في أوضتها، فجأة بتلاقي حد حضنها من ورا، بتقوم مخضوضة: ابعد عني!
فهد: اِهمدي بقى، ده أنا.
تقى: نعمم، عاوز إيه؟
فهد: عاوز أنام واتخمدي بقى لأني تعبان.
تقى: أنت أهبل يا ابني؟ أنت مش قلت لي ما أجيش نحايتك؟ إيه بقى مين العيل اللي بيرجع كلامه؟
فهد بنوم: احترمي نفسك واترزعي نامي بدل ما أقوملك، لسانك طول قوي وإن شاء الله هربيك.
تقى بتنام بخوف.
فهد شدها عليه في حضنه وهي عمالة بتتحرك.
فهد: اثبتي بقى.
تقى بخوف: حاضر.
وبتنام.
فهد بيبصلها وبينام.
تقى: لا إزاي.
وبتحضنها.
فهد بينزل: بس كفاية أحضان بقى.
وبيشدها تقف جنبه وبيسلم عليهم.
نرمين: بيغير عليكي قوي يا حبيبتي.
تقى بسخرية: آه جدا يا ماما.
وبتبص له بقرف وبتاخد باباها: تعالى نتكلم يا بابا.
جمال: تعالي يا حبيبتي.
بعدها وهما قاعدين.
تقى: بابا.
جمال: نعم يا حبيبتي.
تقى: أنا عاوزة أتطلق.
نرمين: يا لهوي!