رواية ذنوب على قيد الغفران الفصل الثالث عشر 13 - بقلم براء

صعدت فوك خليت غراضي بالغرفه الي من شفتها لعبت نفسي عبالك داخله تواليت مو غرفه. ذبيت غراضي لبست دشداشه عريضه ولفيت شالي ونزلت اجيب غراض التنظيف حتى انظف اني مااتحمل ابقه بهالوصاخه. دخلت للممر لكيت الباب بس بيها مفتاح فتحت الباب ودخلت. وجان انصدم. بسم الله الرحمن الرحيم ياربي دخيلك. شفت واحد كاعد بالزوايه ومشـدود بسلاسل شفته شال راسه ولد جبير مو صغير. "منو انتي؟ شفته تحرك تجاهي طلعت ركض. "خاله خاله تعالي بسرررعه."

"شكو شكو مو كتلج اريد انام." "خاله اكو واحد بالغرفه الي دليتيني عليها." باستغراب. "واحد منو شو دوخري." فتحت الباب ودخلت. "هاا اخترعتي من امير. هذا ابن رجلي امير لتخافين." "بس الي اعرفه انتي عندج بس بنات." "مو رجلي جان مزوج قبلي ومطلك وعنده ولد والولد عايش عد امه وامه ماتت قبل اربع سنوات واهل امه جابو لابو لان ميكدرون يتحملون مسوؤليته خاصه هو مريض مو صاحي فخلينا عدنه." "سه سهاد جوعا جوعان."

"جوع ربوع مو قبل ساعتين انطيتك اكل." "خاله الولد شبي يتصرف بهالطريقه وليش شادي بسلاسل؟ "مو اسعد بالشغل واني اخاف منه ليروح يسويلنه مصيبه لو يذبحني تدرين مخبل وعندج الحساب فننجبر نشده ونخلي هنا." "خطيه ليش هيج مسوين بي خو انتي داري مو شرط اله زوجج يرجع." "والله انتي بطرانه اني بناتي ماداريتهن اداري ابن رجلي."

"زين ليش ماخليتي بمركز اعاده تأهيل خطيه اكو هواي هناك مثل حالته على الاقل يتوافق وياهم هنا وحده تسوء حالته اكثر." "واني اتعب واجيب الفلس بالكوه تالي اصرفه عليه شو دسكتي. يله انتي نظفي ومالج علاقه بي يصيح يصيح ويسكت وحده." "جو جوعان حبابه." "انجب لك شنو الاكل بس لحلكك." باوعتله خطيه يكسر الخاطر ملابسه وصخه وشعره مخربط وشحاله بس اريد افتهم شنو من كلب عد خالتي يخليها تتعامل ويه شخص مريض بهالطريقه.

اب اء عليه كام يبجي ويصيح تقربت منه مسافه. "ليش تبجي؟ "ج جوعان." "اجيبلك اكل." هز راسه. "ابتسمت بالاول عرفني عليك شنو اسمك." "ا ام امير." "اني اسمي غنى. شكد عمرك امير؟ "بال بالروضه اني." انقهرت عليه شكله شكل واحد عمره بالعشرين بس عقله عقل طفل. كمت اخذت المنظفات طلعتنهن بره خطيه خالتي مكعدته بغرفه كلش صغيره ووصخه وكلها تراب ياربي بس اريد افتهم هالاشخاص الله ساحب الرحمه من كلوبهم.

رحت للمطبخ لكيت على الطباخ مركه عدس حميتها هي والتمن وصبيتهن بماعون خليته بصينيه وطلعت راجعه للمخزن او الغرفه حسب كلام خالتي خليت الصينيه كباله يله اكل. "شك شكرا." "عفوا." اب اء عليه ياكل بشراهه عبالك مماكل قبل يمه كلبي وجر نار من شفت حالته الحمد لله الهي من انطيتنه صحه وعافيه خطيه بالكوه ياكل لان مسلسلي واني اخاف افتح سلاسله خاف يشرد لو يسوي شي ماكو دقايق وخلص الماعون. "شبعت." هز راسه. "تنام؟ "اي."

"باوعتلها منو انتي؟ "اني غنى بت اخت سهاد." "سه سهاد تضربني. وانتي هم راح تضر بيني." "اكيد لا لتخاف مني." اب اء عليه سند جسمه على الحايط وكام يهز بروحه. خطيه كسر خاطري صدك البشر يضيع بدون ام. اخذت المنظفات وصعدت فوك رفعت دشداشتي وشديت شعري بالشال حتى ميتوصخ وبديت انظف خرب يومج خاله شهالوصخ يمكن من عرسن بناتها لليوم هي ممنظفه.

ضليت ساعه بس اكنس بالغرفه طلعت السكراب الي بيها وغسلتها شفت بيها كنتور بي خانه وحده واكو دوشك نظفته من التراب وخليته على صفحه حتى ميتنكع كملت غسل الغرفه اب اء وجها وصارت ريحتها طيبه فتحت جنطتي طلعت فرشتي فرشتها لان ما استنظف انام على فراشها اذا بيتها بهالوصخ لعد فراشها شلون. كملت وره فتره كعدت هلكانه يمه الغرفه كسرت ظهري. بعد البيت مالتها شينظفه يرادلي اسبوع ياله اخلصه على هالوصخ هذا.

كمت نزلت جوه كنست غسلت البيت ونظفت المطبخ الطباخ عباره دهن دهن طاحت ايدي ياله نظفته والغرفه الي بيها امير لان خطيه شنو ذنبه كاعد بالوصاخه حتى الحمامات نظفتها.

كملت كل البيت اب اء يلمع باوعت على الساعه انصدمت بثمانيه بالليل عززه راح وقت الصلاه صعدت ركض لغرفتي اخذت ملابس وطلعت سبحت بسرعه واجيت صليت كملت وكعدت اقره قران فتره وكملت لميت سجادتي وتمددت اااخ يمه ظهري انكسر ستوهه غمضت عيني سمعت خالتي تصيح كمت خليت شالي على متني ونزلت. "ها خاله." "عاشت ايدج خوش منظفه البيت بس عفيه خاله سوي العشه بطريقج خوما اسوي اني." "بتعب شنو تردين اسوي." "هالقاسمه الله كلشي الجان."

فتحت الثلاجه لكيت بيتنجان وطماطه طلعتهن واخذت بتيته كشرتها وقلمتها. "خاله وين الطاوه والزيت." "الطاوه بالطباخ وهذا الزيت بس مو تخلين هواي شويه." هزيت راسي طلعت الطاوه وخليت زيت وبديت اكلي اريد بس اكمل واروح انام هلكت. رفعت ردانات دشداشتي لان اختنكت منهن. واكفه اكلي وما اسمع غير صوت رجال ورايه بسرعه خليت الشال على راسي درت وجهي شفت رجل خالتي عمو اسعد ورايه. "اباوعلها انتي غنى بت ختام مو؟ "بارتباك اي اني غني."

"ماشاء الله كبرانه وصايره حلوه قبل جم سنه جنتي طفله هسه لا صايره مره." "احم اي هو احنه نكبر منصغر." "بس مرات اكو اشياء من يشوفها الواحد ترجع شباب." مفهمت قصده ولا اريد افهمه غلست عليه ورجعت اكمل العشه كملته وشلته بصينيه طلعته للصاله لكيت خالتي ورجلها كاعدين خليت الصينيه وكمت. "شنو متردين؟ "لا شكرا عمو مو مشتهيه." رحت للمطبخ سويت لفه ودخلت لغرفه امير لكيته كاعد يحجي ويه الفراغ.

ي ربي صحيح اني اخاف منه بس كلبي مينطيني اعوفه جوعان صحتله. "هه ها ها." "انت جوعان؟ "ايي ك كلس." "تفضل هاي سويتلك لفه اكلها." اب اء عليه اخذها مني وكعد ياكل عفته وطلعت صاعده لغرفتي اول مادخلت نزعت حجابي وقفلت الباب كلشي يصير تمددت وجانت هاي اول مره بس اخلي راسه على المخده اغفه بنفس الدقيقه. ***

"كاعد بره ادخن وما ادري ليش اجت على بالي هالغنى. ساعات استخطيها واكول يتيمه وماعدها احد وساعات احسها ملعبه ومو راحه والمشكله بالحالتين اني ما اطيقها مع انو ما مسويتلي شي البنيه." "هاا فهد شو كاعد بره اليوم شعجب ماطالع؟ "مالي خلك." "خير شبيك؟ "لا مابيه شي بس ما عاجبني اطلع." "باوعت لبيت الجوارين صدك سمعت جوارينه شالو." "اي ادري." "شعجب شالو همه ما صارلهم حتى سنه." "احنه شعلينه هذا شي يخصهم."

"بتهم جانت حبابه وحلوه هم تدري طلعت حبيبة مرتضى ابن عمتي." "هذا مرتضى شبي مطي وين مايروح وكال غنى حبيبتي واني رايدها يااخي هسه تحبها اكل تبن ولتشهر بيها مو هاي راجعه عليك اذا تخطبها." "متعرف مرتضى انت واحد يحب يتباهه." "وعلى شنو يتباهه من جمالها هسه لو من الدكتورا الي عدها." "لا فهد البنيه حلوه تدري اني بحياتي ماشايف بنيه ناصعه البياض وعيونها سود وماشاء الله عليها ملامحها تجنن اكيد يتباهه بيها."

"يافهيم الي يحب ميشهر باليحبها. يضل ساكت ومنجب لحد مايجيبها لبيته وتصير حلاله." "يعني انت هسه لو بمكان مرتضى وعندك حبيبه مثل غنى ترفضها؟ "دخيل اهضمها هي ومرتضى بالاول وعود بعدين احاول افكر انو اتخيلها حبيبه." "والله انت بطران." "دكوم من يمي شكد تلغث ماسكتت لحظه." "يعني هاي طرده؟ "اي يله ولي." "رحم الله والديك." "والديك بالرحمه." *** صباحا

"كعدت من النوم اباوع للساعه حيل هاي اني شكد نايمه من البارحه لليوم نايمه 12 ساعه. كمت خليت شالي على راسي وطلعت من الغرفه دخلت للحمام غسلت وجهي وفرشت اسناني ورجعت للغرفه مشطت شعري ولفيته بدلت ونزلت لكيت خالتي كاعده هي ورجلها." "صباح الخير." "صباح النور بعد وكت." "والله جنت تعبانه من تنظيف البيت ومن نمت محسيت على نفسي غير هسه." "دعوفيها ياسهاد خلي تنام براحتها لتتقيدين سوي الي تردي اعتبري البيت بيتج."

"ماجاوبته. خاله متريكه انتي." "اي من زمان تريكت انتي تريكي وسوي ريوك لأمير." "خرب شلون نسوه نسيت امير بالمخزن ماطلعته." كمت بسرعه. "اي والله عود هذا ابنه من لحمه ودمه ذابه بالمخزن لعد لو مو ابنه شيسوي." اب اء راح شويه واجه لازم ايد امير اب اء امير طويل حتى اطول من ابو اجه كعده على الميز. "صباح الخير امير." "صب صباح الخير." "اسويلك بيض عيون لو خبط؟ "ع عيو عيون." "صار." "شدعوه هالكد مهتمه عوفي كلشي الجان ياكل."

"لا خطيه خاله سويتله ريوك وخليت الطاوه كدامه صبيت استكان جاي لروحي وكعدت اشربه لان ما اشتهي." "ليش متتريكين؟ "لا ما اشتهي." "شراح تسوين غده؟ "بكيفكم." "اكو بتيته سوي مركه." هزيت راسي وبديت اسوي الغده فزيت على صوت تكسير درت وجهي لكيت امير كاسر الستكان. "وجعه التوجع كلبك ان شاء الله شبيك اعمى." شلت الستكان اب اء امير كام يبجي. "شجاج خاله قابل هو متعمد شجاج بجيتي." "يطبه مرض بجه لا بجه كوم ولي لمكااانك ييييله."

"امشييي لك يله ولييييي كسرت المواعين." اب اء امير هد عليها يجر بهدومها يريد يضربها جريت تشيرته. "امير عوفهااا حباب كوه جريته دفعت بخفه عنها امشي للغرفه." "يهز براسه مم ما ما." "امشي امير حباب يله عفيه بالسبع." اب اء مشه راح دخل للغرفه كعدته وكعدت كدامه ليش هيج سويت مو حرام. "هي هي ضربتني وال والله الكلا ص ووكع وحده." تنهدت الي يشوف هموم الناس تهون عليه همومه.

"امير انت ولد حباب ومؤدب وتسمع الكلام والي سويته مو صحيح بس الاولاد المو حبابين يضربون الاكبر منهم." "يعني انتي هسه زا علتيني." "لا مزاعلتك بس بعد لتسويها." هزيت راسي. مديت ايدي نتصاحب. اب اء ميجوز الزم ايده يبقه رجال وجبير بس تعاطفت ويا ومردت افشله خليت ايدي بأيده مبتسمه نتصاحب. وخرت ايدي وكمت طلعت اكمل الغده وطبعا عمو اسعد جزعني ما سكت شكد يلغي. *** "سيدي احنه سوينه كل العلينه وبقه التنفيذ يمكم."

"وطبعا الخطه حاضره والضباط كلهم جاهزين." "عاشت ايدكم." "باوعت لفهد وانت سياده الضابط شو ساكت." "راح يتم زراعه ضباط اختصاص بين خلايا الارهاب وطبعا بعد التدريب الي راح اشرف عليه اني شخصيا وان شاء الله بظرف تلث اشهر يكونون جاهزين لكلشي وبالنسبه للتقارير اني جاي اشتغل عليهن." "بس هذا ثكل عليك خلي واحد من الضباط يساعدوك." "ماكو داعي شغلي اخلصه بأيدي احسن الي." "تدري اذا نجحت بهالمهمه راح تترقه."

"بهدوء متهمني الترقيه نهائيا." "لعد شتهمك واذا متترقه المن دخلت بالشرطه." "كتلكم اني من دخلت للشرطه علمود اثبت نفسي واخلي الي يسمع اسمي ترجف اصابعيه من الخوف." "سبحان الله نفس حجايه ابوك هم جان يكول هيج." "اكو فرق بين الحجي والفعل يا سيدي." "انت تدري بعد اشهر راح يصير دوامك على حدود الموصل وباقي المحافظات الغريبه." "اي ادري." "واحنه؟

"انتو الاربعه من قسم الاستخبارات راح تصيرون سوه ثنين يداومون سوه لمده عشر تيام وياخذون استراحه والثنين الباقين نفس الشي." "وشوكت دوامنه يتبدل." "اعتقد من نكمل تجهيز المتطوعين والضباط الباقين يبدي يتغير دوامنه لان من نزرعهم لازم نتم نراقبهم." "عفيه عليك." "اعجبك." "دومك عاجبني." "وهسه شباب عدكم اسئله او استفسار على شي معين." "اني ماعندي استفسار بس اتمنى اي معلومه تخص عوائلنه متنذكر حفاظا على سلامتهم."

"راح تتسوالكم تقارير بيها سكن محدد غير الحقيقي خاف يشكون انتو الكم يد بالعمليه." "كمت برأيي اذا ضليتو متحفظين على العمليه بسريه تامه محد راح يعرف غيرنه احنه والكادر المعني. وهسه يله من رخصتكم لازم ابلش بشغلي." "مرخوص الله وياك." "فهد على كيفك ويه المتطوعين خطيه."

ابتسمت بدون ما اجاوبه طلعت من المركز متوجه لمكان التدريب صفيت سيارتي ونزلت دخلت لساحه التدريب شفت المتطوعين متجمعين ابتسمت بداخلي شكد افرح من اشوف ولد بلدي عايفين بيوتهم واشغالهم ووظائفهم واجو حتى يدافعون عن بلدهم هالشي يحسسني احنه بالعراق كلنه ايد وحده. حمحمت بصوت عالي اب اء ولد وكفو عدل. "اعرفكم بنفسي اني الضابط فهد سالم قسم استخبارات وراح اكون المدرب مالتكم." "اخذوله تحيه تحياتي سيدي."

"اول شي اني راح التقي بيكم تلث مرات بالاسبوع فاتمنى تلتزمون بمواعيد التدريب واريدكم تشدون حيلكم وتابعون بهمه لان هالشي لصالحكم كلما تأخرتو كلما تتعاقبون واني احجي من صدك الي يتأخر او يتصرف بطريقه غير لائقه راح اتبع وياا غير اسلوب وسألو عني الضباط الباقين وشوفو شيكللكم فعدم التزام ما اريد خليكم ملتزمين شغلنه مابي تساهل ولعب." "مفهووووم." "مفهوم سيدي." بديت اشرحلهم وادربهم واحاول اوصللهم افكاري بصوره سهله.

استغفر الله للحظه حسيت روحي معلم الله يساعد كلبك منذر شلون متحمل الزعاطيط الي عندك ما ادري اني ذوله وراح يخبلوني المشكله اكو بيهم زلم كبار وما اكدر اعيط بيهم مهما يكن يبقون بكد ابويه. *** "بابتسامه شلونجن." "اني مشتاقتلج هواي." "والله حتى اني ليش متجين يمي." "افف حتى اني مشتاقتلجن رغم مصارلي هواي من عفت بيتنه القديم بس اشتاقيتله." "شنو رأيج اخلي فهد يجي عليج يجيبج تسيرين يمنه."

"لا طبعا على اي اساس يجيني عود اني اذا ردت اجي اشوفج اخلي خالتي تجيبني." "صدك على طاري خالتج شلونها وياج." "يعني لابأس." "هسه انتي متوازيه رحتي كعدتي عدها." "مو هو بكيفي شكد توسلت بخالتي كتلها خليني بذاك البيت ماقبلت." "همزين مابقيتي وحدج يمعوده يروح يطفر حرامي عليج تلجكج الكهرباء اسم الله كلشي يصير." "اي والله كلامج صحيح." "هسه عوفنه من هالموضوع اكلجن تدرن بعد شهر دوامنه." "يبوو لتذكريني." "ليش احسن حتى نخلص بسرعه."

"مو نرجس تسخت ومتقبل تقره تريد نجاح بدون دراسه وطبعا الاستاذ جعفر من دون الاساتذه دومه يرسبها." "اسكتي فد حاقده عليه ولج نجحني هالكورس بس شنو خلالي درجه على الحافه." "ياا هاي ليش؟ "لان طايحظه غير." سمعت صوت خالتي بنات لحظه اشوف خالتي شتريد واجي. "ها خاله شنو تردين." "نزلي سوي العشه." "خاله داحجي ويه صديقاتي من اكمل انزل اسوي العشه." "يمعوده كتلني الجوع دعوفي الموبايل من الصبح لليل عليه دكافي متملين."

"الخط مفتوح اعتقد البنات سمعن. احم اي هسه." "يله لتتاخرين." "اي. يله بنات اني اروح بعدين اخابرجن." طلعت من المكالمه ونزلت اسوي العشه ادري وين اكو واحد يتعشه الساعه بالسته. "سمعتي كلامها نرجس." "هاي خالتها والله بت كلب." "خطيه شلون تتامر عليها مبين عليها وكحه." "يمعوده الي تشرد بنيه شابه وتاخذ فلوس بيت بنيه وتطلعها منه شتسمه هاي." "اكلج صدك غنى وين اهل ابوها."

"اخذو بيت ابوها مقابل انو يتنازلون عنها وعن اخوها وتالي اختفو بعدين." "زين هسه ماحاولو يتقربون منها يحتضنوها بعد الي صار." "لا طبعا اصلا تدرين لو بيبيتها تدري جان كلبت الدنيا بس متدري هي حاولت هواي تاخذهم وهمه صغار بس الحجيه زكيه الله يرحمها ما قبلت خلتهم عدها." "عندي احساس انو غنى حتعيش هواي مغامرات بحياتها." "لا يمعوده عساها لاعاشت شي بعد كافي الي هي بي." "اي والله." ***

"واكف وكبالي فيصل يااهلا وسهلا نورت البيت لو باقي هناك مو احسن." "انت ليش دزيت عليه تريد تسلمني للشرطه." "دفعت الفصل وسوو تنازل عنك لتخاف ما اسلمك للشرطه واني الي راح استلمك شنو موبعينك اني يعني." "تهده بالرحمان فهد شبيك." "لحد يدخل. فيصل تحب نتفاهم هنا وكدام الكل اكسر مهابتك واولهم كدام جهالك ومرتك لو نصعد لغرفتك ونتفاهم هناك." "وليش مو بغرفتك."

"ما احب واحد يدخللها وماكو داعي اكول ليش انتي واني نعرف شنو السبب وهسه فيصل شتكول نحجي هنا لو فوك واني بكل الاحوال راح اسوي الي ابالي سواء قبلت او رفضت." "باوعت لامي والاء. يله امشينه صعدت لغرفتي واباوع لفهد يصعد بكل هدوء ولا كأن اكو شي صاير اني ادري وره هالوجهه البارد اكو بركان واج." "طبييت وسديت الباب وقفلته." "شراح تسوي." "اغتصبك حتى محد يكدر يدخل ويشوف." "احجي عدل فهد اني مو واحد من المسقطين الي تمشي وياهم."

"بهدوء بس اريد افتهم ليش سويت هيج انطيني سبب مقنع يخليني اسد حلكي واسكت واني والله كلشي ما اسويلك." "جان ابالي مشروع وعرضت على هالولد نفتح معارض سيارات. بعدين من بدينه نتفق اشترينا الكاع اني دفعت مبلغ لابأس بي والباقي هو دفعه وكلي انو الارباح مال المعارض اله تلث الارباع واني الي نسبه قليله لان المبلغ الي شاركت بي قليل ف." ضميت اديه. "ف كمل."

"ف بيومها تعاركنه اني وياا وصار مضارب بيناتنه فبدون قصد ركعت راسه بالباب وشفته وكع ومن حلات روحي اخذت الفلوس وشردت وهاي اني صارلي فتره مختفي." "اشستفاديت بله تنجه من السالفه عادي بس ما خفت يعيرون جهالك بيك بعدين متخاف يصيحولهم ولد الحرامي. احجي ليش ساكت." "كتلك فهد كل الي جان ابالي اكدر اربح ما كدرت اسيطر على نفسي." جريته من قميصه.

"تدري بعملتك هاي خليت العالم كلها تحجي علينه. الناس تكول طلع حاميها حراميها. بعصبيييييه تعررررف شيقصدووون يعني اني ضابط بس حرررراميي وبسبب من بسبب واحد زباله نعال ميسوه مثلك." "طز بالعالم وبيك الى متى اضل افكر بالعالم اني." ضربته كله بوجهه وكعته بالكاع اجيت ورا لزمت ايده وعوجتها بشكل معاكس بحيض حسيت صوت عضامه تطك. عرفت متنه انخلع ما كمت اسمع غير صوت صياحه. "ااااخ الله لايوفقك عساهاااا برجولتك يااسافل."

ضربته برجلي على منطقه بقوه. "خلي نشوف رجولتمن راح تنهتي هسه." "صيااااح ااااخ." فتحت الباب وطلعت لكيت سعاد وجناينها وبتها. "طبيت لكيت فيصل متمدد بالكاع ويصيح يمه شبيك شسوالك اخوك باوعت لفهد شمسويله فهيدان." "رفعت متني كلشي ماسويتله بس ضربته على وجهه شو هذا وكع اني شمدريني شبي." اب اء للالاء. "الاء انصحج تلكيلج غير واحد تره فيصل يجوز بعد مايشتغل." "شقصدك." "هسه من تفرغ الغرفه تفهمين قصدي يله مع السلامه."

نزلت من فوك صار بوجهي بتول. "بابتسامه هلو فهد." فتحت الباب هله بيج عفتها وطلعت. *** صباحا "كاعده اخيط بحدود الساعه بثمانيه وما اشوف غير الباب انفتحت عليه. خليت شالي على راسي. خير عمو شكو." "اباوع لاديها خرب يومج ادين لو مرر يربي اذا الايد هيج الجسم شلون. احم اليوم كعدت من وكت كالت اجي اصيحج تتريكين وياي." "نزلت رداناتي وانت شمدريك اني كاعده يجوز جنت نايمه." "هاا اي مو كالت اصعد واشوفج كاعده لو لا."

"كمت عمو صحيح اني كاعده ببيتكم بس مهما يكن ميصير تدخل عليه هيج اكو شي اسمه ادك الباب احمحم ادز خالتي تصيحني مو تجي جفت." "خلص اني اسف اهم متضوجين كلشي ولا زعلج ميهونلي." تنهدت شلون بيه ويه هذا المو راحه خلص عمو مصار شي من رخصتك عادي تطلع عندي شغل. "والريوك." "ما اريد عمو." "على الاقل كعدي كبالي فتحي نفسي على الاكل." "بنفاذ صبر مو كتلك مااريد." اب اء ونزلت.

"والله مبينه شرسه هالبنيه بس خرب يومها والله شايله جمال جاا هاي مره وسهاد مره تف على قسمتك يااسعد." *** "كاعده بغرفتي اسبح ودخل فهد." "بست راسها شلونج يمه." "شنو هذا فهد." "شنو." "شبي وجهك." "شبي باوعت للمرايه لكيت اكو جرح يم لحيتي مدري منين اجاني. والله ما اعرف منين اجاني." "دير بالك على روحك امي وانتبه." كعدت كبالها خير شبيج شو احسج ضايجه. "باوعتله اخوك علي يريد يتزوج." "اي شكو بيها خلي يتزوج ويستقر." "وانت؟

تنهدت يمه انتي ليش تطرقين لهالموضوع احنه مو سدينا.

"يايمه ياحبيبي قابل اني اكرهك انت ابني وصديقي وفرحتي الاولى شلون متريدني اشيل همك حبيبي فهد اني ما اضغط عليك بس انت اسمع كلامي وحاول تفكر بي. الانسان ميبقه شباب طول عمره ولا تبقه صحته سالمه لمدى الحياه انت جاي تكبر يابعد امك صار عمرك تلاثين كل جماعتك والي بكدك عرسو محسن ابن عمك ابسط مثال شكد جان شالع كلب امه بس تالي تزوج واستقر وهسه مرته حامل وحارث هم سمعت راح يخطب شهد بتك عمك مهدي وانت تبقه هيج طول عمرك."

بست ايدها يمه والله ازوج بس انطيني مجال حاليا حياتي عباره عن شغل ما عندي وقت اتفرغ لمره وبيت واكيد اني من اريد اتزوج لازم اداري مرتي وادير بالي على بيتي صدكيني من احس نفسي جاهز والكه الانسانه الي تناسبي اجيج اكلج روحي خطبيلي بس غير امشي وضعي. "يعني توعدني بس يتحسن وضعك تزوج." "وعد." مسحت على وجهه الله يحفظك ويحميك يايمه وعساني ماشوف يوم بيك مو زين. حضنتها بقوه. تدرين صار شكد ماحاضنج.

ابتسمت قابل هو صوجي انت تتكبر ومسوي روحك جبير يبعد كلبي. بست راسها. يله اني اروح من رخصتج. "وين؟ رفعت حاجبي عفوا. "بس لو اعرف ليش ماتقبل تكول." "ما احب احد يسألني وين وشلون ويمته اضوج تدرين بيه." "خلص براحتك يمه." *** تقريبا كملت دشاديش الحجيه ياسمين. كمت صفطتهن وطلعت. شفت خالتي خاله عفيه اريدج تجين ويايه اليوم. "وين." "اروح لبيتنه اودي الملابس للمره الي موصيتني عليهن اليوم كملتهن." "وتنطيج فلوس لو لا."

"اكيد تنطيني قابل اشتغل الها ببلاش." ابتسمت خلص لعد العصر اخذج حتى تستلمين فلوس وهم حتى نتسوك لان ما عندي مسواك. "بس." "شنو تستحسفين على خالتج الفلوس." "لا خاله عليمن استحسف." درت وجهي وصعدت فوك خابرت اروى بلغتها وكالت راح تجي العصر لبيت جدها حتى تشوفني صارت الدنيا عصر كمت بدلت واخذت دشاديش الحجيه وطلعنه اني وخالتي بتكسي وصلنه للمنطقه. "دفعي فلوس التكسي خاله اني ماعندي."

تنهدت فاتحه جنطتي انطيت للسايق كروه ونزلنه دكيت الباب. "لك شهالبيت معقوله اكو هيج بيوت." "صل على نبيج خاله حتهدمي على روسهم." "ديله عاد علساس اني احسد." انفتحت الباب طلعت ورده بسرعه حضنتني. "حبيبتي ورده شلونج." "مشتاقتلج رغم صار بس تلث ايام بس اشتاقيتلج." "يعمري فدوه لكلبج." "منو هاي الزركه." خزرتها خالتي ولج. "هلو خاله شلونج." "تره سمعتج ياقليله الادب." اب اء لخالتي بمعنى يله.

دخلنه جوه لكينه الحجيه كاعده ابتسمت على شكلها جانت لابسه دشداشه صيفيه سوده ومسويه شعرها كصايب شكلها لطيف. "السلام عليكم." "بوستها نونه حبيبتي شلونج." "يعمري الحمد لله وانتي." "هله بالكيمر هله خايبه وجهج ضوه البيت." ابتسمت حجيه شلونج. "الحمد لله انتي شلونج." "الحمد لله. اعرفج بخالتي خاله." "تباوع للبيت. هاا اي شلونج عيني." "الحمد لله." "تفضلي حجيه هذني ملابسج كملتهن."

"شو اشوف. الله عاشت ايدج بعد كلبي خوش شغل والله حتى احسن من الجاهزه." "ايدج العايشه حجيه." ضليت كاعده يمهم فتره اخذت الفلوس وطلعنه طلعت خالتي تأجر تكسي واني وكفت على جهه شفت فهد اجه. "وكفت خير حجيه صاير وياج شي." "اي ما جاي الكه تكسي." "تعالي حجيه اني اوصلج." "لا احنه هسه نلكه تكسي." اب اء الها ها غنى شلونج. "الحمد لله." "تعالي اوصلج انتي والحجيه الدنيا ليل هسه والوضع يخوف." "لا ماكو داع."

"شو دسكتي شنو ماكو داعي اي عفيه خاله ولو زحمه عليك وصلنه لبيتنه تره الطريق بعيد واني ما عندي فلوس." "لا حجيه ماكو زحمه تفضلو." اب اء لخالتي صعدت عززه شكد عيب. والله طبيت بهدومي من وراها عفيه شكد متستحي هالمره صعدت وره. "دلوني على البيت وصلت للمنطقه اب اء تخزي جهال بالشوارع وهوسه. وصلت لبيتهم." "رحم الله واليدك خاله." "ولو تدللين حجيه." نزلت خالتي واني نزلت وراها. "غنى لحظه."