رواية ذيب الغربية الفصل الأربعون 40 - بقلم طيبة وليد

اتعنى لمكان الي كعدته وياكما الكاك بس رايد اثر منكبلچت چلمه ضلت ما نكلها الريح! الكاها وتجاوب بالنشد عنك! لو ادور عطر منك بقى اعلى الكاع؟ احط نفسي عليها افيييش اشمنك..! ": كُل شييهونبَسالعيونلو رآدتعَزيز شلون"" -فراش الفاتحه لو شفته ملموم بنص گلوبنه تلكه الجوادر .." لمــار بعد تعب وإرهاق جسدي وفكري حسيت بروحي تخطيت كلشي مريت بي وتقويت أكثر وصرت اعرف الزواج مو كلشي! وابتعدت ابتعاد تام عن هاي الفكره.

كعدت بالغرفه واحس بروحي ما مرتاحه وهنا احس بتعب أكثر. هيام ما موجوده واني اشتقتلها واحس روحي ثگيله عليهم. فرشت سجادتـي ودعيت رب العالمين يرحمني ويحفضلي خواتي ويبعد عني عمار ويقدم الي بي الخير. واني اصلي لا إرادي صرت أتذكر شسوه بي وابچي. اني ضعيفه مو مثل هيام ولا مثل يمامه. لمار: الله يلوع كلبك مثل لوعة زينب على اخوتهـا عساك بضيم كلبي. مسحت دموعي بلگوه ولميت سجادتـي. ودخلت يمامه باوعتلي وكلبت عيونها الكبار تهمس:

-شبيج ليش عيونج حمر؟ -احس روحي ثگيله عليهم.. يمامه: ثگيله الايام ما تمشي شوكت نخلص. لمار: يمامه احس بغربه.. -غربتنا الحقيقه هنا ولا يكلك هذا بلدنا! -ما عدنا احد، اليتيم وين ما يروح يحس بغربه. -الله موجود. -ما باقي شي، فتره قليله ونرجع. -نرجع احس روحي راح ارجع لاهلي على كد ما مشتاقه. -تصدقين حتى اني الما أحب تركيا وناسها اريد ارجع. -أصدك من عشتي طبعاً أصدك. لمار: دكي على هيام مشتاقتلها. -خوش.

كعدت يمي تدك على هيام وتدك وما تشيله. لمار: ليش ما ترد؟ -ملتهيه ويا الحوب. -ايع كبر انعوج حلكي. -انچبي انچبي. لمار: خلص لتدكين بعد عليها علمود لا نسبب ازعاج الهم. -تمام. دخلت الحمام تجدد وعمو جاسر مسافر وابراهيم اربعه وعشرين ساعه بشغل. زهراء حامل وابراهيم ما يقبل تتحرك ويخاف عليها كلش وموصينا ما نخليها تسوي شي. لذلك حالياً هي نايمه ومحد بالبيت. تململت وطلعت للحديقه أدور بعيوني على جمالها وترتيبها شكد حلوه!

ابتسمت اتلمس الزهور واشم ريحتها. ملأت ملابسي اخذت واحده ودخلت انطيتها ليمامه. هيام: -ضايعين لا فرح يندل دربنـا ولا حزن فك ياخة عنه. -بگيت من كل حواسي نسيت من أي مكان أدمع! من عيوني! أم قلبي! أم روحي! گلي انزف... عيوني جمدت على مكان زمزمتي الطاهرة ومنظر دمها وهو يتفاقم ويفوح من رگبتها ما يطلع من راسي. جمدت عيوني وفكرة موتها وذبحته ظلم أكلت روحي!! حاوطني السواد من كل الجهات. فزيت واني بصاله نايمه على صوت صريخ عالي!!

كدرت اميز صوت منو؟ وعرفت صوت ام شاهين! وام حر وام مؤمن! روحي احسها تنسحن سحن وتتقطع. لملمت روحي وحاولت اگوم بس فشلت بسبب ألم بلاعيمي واختنقت مو وكتها مو وكت الربو هسه!!! وكعت بالارض أكح كل قوتي وأشحرچ الهوة تشحرچ. اصوات النسوان داخل الغرفه لسّه مقفوله عليهن الباب بس هيدعاء والبنات وينهن!! بنص ضيمي واختناقي نزلت رنين وياها بنت ما أعرفها من فوك بيدها حبل نجاتي بيدها الاوكسجين!

وكفت كدامي مبتسمه بحقاره لوحت عبوه الاوكسجين بالهواء وهمست بفحيح: -تردينو؟ هزيت راسي أي عده مرات. ادك على صدري وأكح بعلو صوتي وأصيح وأبچي. رنين: ما كان لازم تتزوجينو هو الي من طفولتووو الي ماااات ماتتت وما حصلتووووو كنتي عقبه بطريقنااااا سوووة مااات ماااات تركنيي تركنيي. كامَت تصيح البنيه البصفها دفعتهه وجرت العبوه من ايدها. كعدت كبالي اخذتها من ايدها واستشقت الهواء. اخذت نفس بقوه وهدأت من روعي.

بينما رنين وكعت بالارض تصيح مات تركنيي تركنيي. وسعت عيوني ولزمت البنيه الكدامي من أكتافها بقوه أبچي. هيام: اسمعي اسمعي أنيي جنتتت بحلم مووو؟؟ حلم من احلاممممي العاديه؟؟ زمررررد زمرد وينهااااا وينهااااا زمررررد!!!!! -ماتت ماتت. عاطتهه البنيه وصارت تبچي بحركه. تركتها ورحت ركض اطلع ليبره حاولت افتح الباب مقفوله. رفعت انضاري وجمدت عن الحرگه وجمد الدم بعروقي من شفت الدم!! الدم مالي كل مكان..

كعدت بالارض ما مستوعبه الصار ولا مستوعبه موتها شلون تموت! قبل ساعه جنت اسولف وياها! قبل ساعه چنه منتظرين جيه شاهين! قبل ساعه وافقت على حر! قبل ساعه حضنتني! بهل سرعه البشر يموت! هيام: لااااااااااااا زمرررررررررررد زمرررررررد مااااااا تمووووووووت عمممممممممه. ركضت بهستريه ادك على باب الغرفه وأحاول افتحها بلا جدوى الباب مقفوله. أضرب بيها بأيديه ورجليه والنسوان يصرخن صريخ ويزداد صريخهم ويا صريخي.

أضرب على الباب بأيديه لدرجه ايديه تملخن وصارن يجرن دم. ام شاهين: وينها زمرد هيام بنيتي وينها؟ گعدت وره الباب أبچي بحرگه دم وأعض بأصبعي وأحس روحي تتآكل من الدخل. أريد أگول جلدي مثل ما روحي تتأكل. صرخت بقهر. هيام: ذبحوووووها ذبحوووووها ماتتتتت زمزمتي ماتتتت والله مالها ذنب والله كتلووووها كتلوووووها والله حاولت احميهااااا والله هاج شوفي شوفي وجهي وأيديه ورجليه يجرن دم بـ بس قـ قفلو البـ الباب..

صرخت بعد كلامي تصيح بكلام يقشعر البدن. خشمي وحلكي وحواجبي يجرن دم وأيديه واصابعي واضافري واصابـع رجليه كلهن يچرن دم. أقنع بروحي ما ماتت وشاهين راح يجي وينقذها. -باچر عگب باچر چايــك للبيـت فرغلـي روحَك خل أحاجيها لتگـلي الگـبِر والچـفَن والتابـوت فگـره موتـك ما مقتنعَ بيها ! عَدل وضل عَدل لو تندفـن مرتيـن يامحبـوب عيني ومُي سواچيها روحـي رافضه فگـره موتها رغَـم منضر قتلها ما يطلع من راسي ودمها موجود لسه!

بـَس عقلي وكلبي ليش رافضين يصدگون! ام شاهين: ردتهــم يزفوهــا تالـي ذبحوهــــا..! صرخن النسوان واني صرخت وياهن. أحسر شسوي عقلي رافض وجسمي يهتز من وحده. أنزف من كل مكان نسيت نفسي حامل ونسيت كلشي. هيام: لااااا تبجوووون يجوووز ما ماتتت يجوووز ما ماتتتت. اسمعي عمممه هييي هسه ما موجوده ولا هم موجودين هو اخوهاااا اخوووووها مايسويهاااا بيههههاااا يجوووز اخذوهاااا لـَ المستشفى اي اي.

زاد الصريخَ بعد كلامـي يدگـن على الباب كل قوتهن ويصرخـن ويلطمـن. البيت مقفل منَ كل الجهات. صوت وبچي وصريخ التؤؤام ما توقف. صرخت أبچي ساده أذاناتي راح أتخبل والله راح أتخبل. -مااااريد مااااريد يمه يمه وينج يمه اريدج يمه. رنين: هيام هيااام. -يمـه الليله زمزم خطار يمچ تعودت كل عزيز ياخذه التراب. شهگت أبچي وحطيت راسي بين رجليه أشگگ وأبچي أعض بأيديه ملختهن تملخ والدم يجري منهن.

سديت أذاناتي كل قوتي أضغط على راسي وأحس أريد أركع راسي بالحايط. رفعت راسي شفت رنين والبنيه البصفها صافنات عليه بخوف. هــذه الموقف بذات رجعَــني سنيــن ليـوره..! حاوطني السواد من گُل الاتجاهات. ورجعت فزيت على صوت صريخ قوي. ام شاهين: أحَــير بمنهوووو بـَ وصلـة چبدي المفگـود والا أحَير ببنتي الذبحووووووها.

لطم ، صريخ ، صريخ أطفال ، صريخ بنات ، تعب ، هلاك ، حزن ، وفاه ، ذبح ، فقد ، جنون ، موت ، ام ، تعاسه ، انتضار ، فقدان ، خوف ، هلاك. گـل هذه عشناة بهاي اللحظات. باوعتً على روحي بعدنـي بنفس مكاني ونفس كعدتي. الفرق رنين والبنيه ماكو! زوجه حرَ وين!! هيدعاء وين! ما كان عندي فكر وأفكر كل تفكيري بشاهين وزمرد وما مستوعبة فكره أعز اثنين على قلبي ماتو! واحده انذبحَت گدام عيوني!! صافنه بالارض وعقلي ما مستوعب.

بدأت أراجع كل ذكرياتنا وكل لحظه جنت ويا زمرد بيها. زمرد حبيبة گلب شاهين زمــرد عزيزه عيونه. هيام: وينك ياحبيبي شوف شصار بينة ذبحَو عزيـزة عيونك گـدام عيوني. حجيتهـا وشهگت بالبجي دموعي تنزل روحي فارت واحس بغليان صار بكلبي وروحي توجعني. وينهه زمزتـي وينهه حبيبتنا وينهه!! هيام: چنت أخر ضوه بروحّي. انهدت عيوني تبچي من سمعت ام شاهين تصيح مهدوَد حيلها. ام شاهين: ولچ هيـام هـاي زمزم مو زمزمتـچ؟

ولچ عَش ما كلتيلهـم ما تسويها بنيتـي تربيه ايدي ما تسويها. -كتتتتلهههم والله كتلللههههم كتلهم مالهاااا علااااقه كتتتتلللهم زمززززم اطهرررر من مييي زمزم وماااا تسويهاااااا ذبحوووووها ذبحوووووها كداااممممي!! والله توسلت بيهم والله والله كتلهم لا تذبحوها كتلهم هاي زمزم ما سمعونـي.. ما كدرت أكمل كلامي واندفرت باب الصاله دخلو عمار وصگر وابو عمار وابو رنين. نسيت وجع رجليه وجع بطني وكلشي بيَ نسيته.

ركضت ركض أوكف كدامهم وامسح وجهي بأيديه. هيام: وينها زمرد وينها ليش مو وياكم!!! صگر باوع على عمار وعمار صفَن عليه. خنزر ابو رنين. ابو صگر: عار علينا ما عدنا بنوه اسمها زمرد. هيام: شتحجييييييي انتتتتتتت شتحجييييييي زمرررررد تشرررررفك وتشررررررف عشيرررررتتتتك ماكووووو غيررررك عااااررو. خنزر عليه بعيونه ورفع ايده ضربني راشدي خدي اشتعل شعل وهو يغلط ويسب. دكيت ايدي على الارض وصحت بقهر وروح رايحه.

هيام: تــريـد تخلص سلفَـك من العار؟ اكتل روحك. ابو عمار: انتِ شنهوووو هل عررررامه ذبحچ حلال على هچلام. هيام: اذبحنننني يلااااا اذااااا انتتتتتَ رجااااال اذبححححننننييييييي. تقرب صگر جر ايدي يگومني من الارض وابو رنين جرني من شعري كل قوته حسيت بفروه راسي حَـ تنشلع وصكر يجرني منه.

هيام: انتَ عااار وحتى كلمه عاار قليله بحَقك انتَ خنزيرررر مثل الخنزيرررر بضبط لا غيرررره ولا خلقُ ولا اخلاقُ بـَس يجي شاهين مثل الفاااار راااح تضمممم نفسسسسك!!! بييييييك خيررررر وتممممد ايددددك عليييييه هسسسسه اخاااابرررر عمامـي يجوووون يسحلوووووك يااااخنزيرررر.

هد شعري من عنده صكر وضربني راشدي حسيت وجهي اشتعل من الراشديات وهذه الگتل رجعني لايام كتل الطفــوله نفَس الدم اليسيـل من خشمي ووجهي ونفَس الايد الخشنه التضربني. صكر: امسحو لگلامها بشواربي. هيام: تف على شواربـك. تفلت على شواربه وما حسيت غير جرني من شعري يضرب بوجهي ومحد بيهم يضرب على جسمي خوفا على الطفل! كل هذه واني حامل! حامل يا ماعدگم مخافه الله.

هيام: جلااااادب كلللكمممم جلااااااب وحيوووونااااات وقنااااادر ماااابيكممم واحدددد رجاااال هههههه صكرررر صارررر رجاااال ويمَد ايددده عليه تذكر بأخر مره مديت أيدك عليه شلون داَس شاهين على رأسك؟ لو تذكر شلون كسر أيدك؟؟ ضربني راشدي طگـن سنوني دم من كثر الدم الصار بحلگي صرت أبلعَه وكعت بالارض وراد يرجع يجرني صگُر وگمشه عمار. هيام: هههه لو عمار صار رجال؟

تذكر من شاهين دره انتَ كتبت لمار كسرك تگـسر وحرك ايديك وكسر فكك ورجليك ودخلك مستشفى تدري لو دره انتَ ضربت مرته تتوقعَ شيسوي؟ هل مره يذبحَك ذبح مثل ما ذبحتو زمرد يا عاااارراااات ياااا خوانيث يا.. بعدني أريد أكمل وترك صكر وجرني من شعري يكومني صار بوجهه ابو يصيح عليه يگله حااامل حااامل. عمار: خللل تحترررررم روحههههاااا إذا حاااامل انيييي ابنيييي كتلتتتته تريد اهتتتتم بأبن شاهين.

هيام: شاهين تاچ رأسك شاهين الراح يجي ينعنع ضلوعك. عمار: هههه مات شاهين مات بحح. وكعَت بالارض أزوع دم! حسيت راح أزوع حتى كبدي. سحَلهم بره ابو عمار فات صكر فتح باب الغرفه وطلعت النسوان كلها تصيح وتلطم وتصيح ليش كتلتوها ويلطمـن ويصرخن. ام عمار: ووولك ليششش خلصووو بناتناااا خلصووووو كتلتوههههن كلهن. صكر: اششش ولا چلمه. عـار وغسلنـا عارنـا. ترگهن وطلع من البيت. وگعت ام شاهين بالارض تلطم على صدرها وتصيح بكل علو صوتها.

هليوم جان فاجــعة بمعنى الكلمة. الدم يوكع من حلكي والگل يبچي ويلطم ويصيح. اسوددت الدنيا بعيني وهل إغماء استمرّ يومين. أفز وأكعد على صوت الصريخ رعَـب عشت هنا. هيام: عَليلـة وفـوك عَلتي عَلعلونـي. گعدت واني بغرفه على صوت صياح عالي فزيت مخروطه وگـل وعقلي شاهين اخيرا أجه وراح أشگيله شسوو بينه. طلعت أمشي وأتعثر وأول ما لمحَت منو بالباب وگعت بالارض. صكر! عمار! ابو عمار! ابو رنين! وشيخ!! ماكو نسوان هنا وماكو احد غيرهم.

باوع عليه صگر ابتسم وعمار ربت على كتفه لا إرادياً عرفت شنو راح يصير. بسرعه ابتعدت أرجع للغرفه. هستوني ارجع للغرفه وحط رجله صگر. ردت أصرخ دفعَ الباب وسد حلگي بأيده. رفعت ايدي وضربته راشدي صك على اسنانه وابتسم. صگر: تعجبنـي قوتچ. -عاار وتضل عااار والله تخسَي أتزوجك يااعااار. صگر: عجل هـو بكيفج؟ إذا ما تصيرين حرمتـي اقتلو لابـنج.

-أصحى أصحى انتَ شتحجيييي يا اببببن التگتتتله يا مجرررم قتلتتت اختتتك وتريد تتزوج مرت اخووك مرت اخوك اني يانذذذل ياخسيسسسس. صگر: اشششَشش شاهـين مات مات تا چثه ما ألو هساع تصيرين حرمتي وتنسيـن الي شفتينـو گبل إذا ما تصيريلي حرمه اگتلـو لابـنچ. -تهـددني تهدد؟ تهـدد بنت لـ الفهـــد! لك عار هسه اخابر عمامي يدوسون على راااسك يا قندررره باااابه اني وراي ذيابه واسود مو جلب المثلـك يخلوني.

صك على اسنانه وجرني من شعري فروه راسي حسيتهه انشلعَت الالم اگُل روحي آكل وبطني بدأت توجعني. هـمس بفحيح: ومنهو گال عمامچ يدرون؟ هـساع تطلعـين لشيخ وتنطيـنو موافقتچ وتصيرين حرمتـي تا لا نقتلـو لابنچ. من شده الالم الصار بببطنـي خفت اي اول مره بحياتي اخاف وحسيت هاي امانه شاهين لازم احميها. هزيت راسي وقبلت. كالي البسي حجابچ واطلعي وطلع. وكعت بالارض ملخت روحي تملخ شعري صرت أجرجره بأيديه وأجرح بروحي بأضافري من وجع روحي.

عضيت ايديه وخليتهـن يجرن دم. -: وينـك يا وطُــن روحَــي يا شمَس العَافية المتغـيب وينك يا جرحَ عُمري يا جرحَ الما أريده يطيبَ مثلـك وطـن ويِن الگُه ؟ لبست حجابي وطلعت. الشيخ گاعد وصكر يمه وعمار وابو وابو رنين واگُفين. كعدت وعيوني على الارض. بدأ الشيخ يحجي ماعرف شيخ شنو هذه حگـم شنو هذه؟ يعقُد لبنيه على حماها ورجلها ما ساله سبوع متوفي؟ وحتى الأربعين ما طالع!

الشيخ: هـيام فراس فهــد هل تقبلين الزواج من صگر فهــد اسگندرهـيام: لا. عـَم الهدوء التـام بعَد كلمتـي والشيخ سگت. رفعت راسي اباوع على صگر اليياوعلـي وعيونه ناطه وعمار طك رگبته وابو رنين وابو عمار صارو يتعذرون من الشيخ. تركت كلشي وحسيت بكسره كلبي هنا. حسيت بمعنى " اليتيم الحقيقي ". لو عندي اب جان صار كل هذا؟ لو عندي ام جان ما حس كلبها؟ ام شاهين وين ليش ساكته مو كالتلي بنتها اني؟ وينها؟ زمزمتي وينها؟

وينها تدافعلي من صكر كل مره؟ ليش هل مره محد يمي ليش هل مره كسره كلبي كسرتـي؟ بنص افگـاري وكسره كلبي وحسيت براشدي شلعَ خدي شلعَ. غمضت عيوني مستسلمه للموت. هل مره ماريد أدافع وأصيح وأعيط مثل كل مره. هل مره اريد اموت منو بقالي حتى أعيش؟ خليني اروح يمهم وأرتاح. لزم الفـازه مال الورد وطشرها بالارض. جرني من ايديه وصرخت من مشيت على الكزاز مال الفـازه ورجليه تجرحَن وصارن يجرن دمايَه.

انضربت ضربه على وجهي جرا الدم كله من خشمي وگعَت بالكاع. هستوه يسحَبني من شعري صكر وصَوت السلاح ملئ ارجاء البيت..! وكعت بالارض وخشمي وحلكي ورجليه يجرن دم. گلي انزف.! ولا واحد يضرب على جسمي كلهم على وجهي. وجهي ينزف من گُل جهه وأحس بروحي طلعت وبطني بدأت توجعني. طلعو كلهم يتراگضوون مراگُض ويشوفون شنو اصوات الاسلحَه الي ملأت البيت. بچيت بضعف وحطيت ايدي على بطني امسِد عليها وابچي.

-لا ماما لا حبيبي كلشي ولا انتَ انتَ أملي بيك لا تعرفني الله يخليك لا تعوفني لا تسويها بيَ لا تسويها ازعل عليك تقبل ماما تزعل؟ لا تسويهااا لا تسويها. قطعت كلامـي ورفعت انضاري الملهـَوفه وشهگُت شهگُه من اعماق قلبيُ. من شفت هـذه حبيب روحَي حبيب عَيوني الاثنين. نزل خله ايد جوه رجليه وإيد جوه راسي وشالنـي بين ايديهـه وهمس. شاهــين -وداعَـت خضــار عيونــچ يالنبــض لخليچ تدوسين روسهـم برچليچ.

هيام: ز .. زمزم ذ. ذبحو.. ذبحو زمزم. اخَـر كلام اتذگـر حچيته ومن بعدها أغمى عليه وما حَسيت بدنيا. گـعَدت فازة باوعتً على روحي رچليه مضمددات بضمَاد ابيض وأيديه گذالك. شعري ممشَط ولابـسه بجامه سوده وفالينه سوده وبأيدي كانونه ومغذي. باوعت عَلى غرفه مو غرفتـي ما كدرت احرك روحي من الالم. غمضت عيوني مستسلمه ورجعت فتحَت عيوني من سمعت فتحَه باب.

فتحَت عيوني شفته كدامـي شفت شاهـيني بـَس مو شاهيني القوي شاهـيني المهـدوم شاهـيني المهـدود حيله العَيونه حمَر دم! شاهـينـي الي ملابسـه متربه! شاهيني الي شعره مخربط وأيده مضبره! رفعَ عيونه يباوعلي وابتسـم بقهر. گعد على الجربايه ودموعَه تنزل. دفـن راسه بركبتي ودموعهَ بللـن رگبتي. بچيت وياه. -: حميتها والله حميتها. استمرّ يبچي بدون لا يباوعلي. شهگُت بالبچي وكملت:

-حميتها ودافعَت عنها بـس والله ضربوني والله ضربوني عمار دفعَني وقفل الباب عليها وصگـر.. صكر ذبحها وما أتذكر شصااار. كعدت أدور عليها مالكيتها وما لكيت واحد منهم. وصكر صكر گالي يريد يتزوجني وإذا ما اتزوجته راح يكتل ابنا بـس ما قبلت والله كتله اكول لعمامي ما .. ما خلوني اتصل بأحد وضربني شوف وجهي شصار بيَ وهم ما قبلت من سئلني الشيخ والله وا.. رفع راسه من رگبتـي عيونه حَمر دم شرار صار يطلع من عيونه.

عيونه تريد تنط ويا كل كلمه احجيها. رفعَ ايده مسَد على راسي وباس كصتي وأردف. شاهين: دموعچ تيزاب عليهـم وحك داحَي الباب. حجاهـا وطلع. البيت ما عرفه والمكان ما اعرفه. لا اكدر اكوم ولا اكدر أتحرك. مر وقت طويل وخلص المغذي شلته من ايدي وحرگت ايديه وجسمـي وطلعت من الغرفه اسحَل بروحي. البيت هذه بيت هـيدعاء!! نزلت من الغرفه وشفت هـيدعاء گاعده وحدها. مسحَت دموعي ونزلت راسي. أهـمس: خاله تعرفين شاهين وين؟

هـيدعُاء: يولي دحگـي ذيب چتال اخو واخو شارد من هين وذيب ما يلفي البيت إذا ما يچتلو. -وشاهين وين أريده؟ باوعتَلي بنضره غريبــة مريبُه. گدامهـا عصير برتقـال قدمت ايدها اخذتـه وانطتـه ألي وحچت: -اشربي چدامـي انتِ حبله يولي. -ماريد. -اشربينـو. اخذته من ايدها بدون ما أناقش زايد بـس حسيت بـَ لعبان نفَس طعمه غريـــب!! ومو طيب!! مثل البرتقال المعفن!!

بـس استبعدت كل الافگـار من راسي زمرد ماتت وشاهين بهل حاله وام شاهين بهل حاله منو يفكر يسوي شيئ بنص هل فوضى؟! هـيدعاء: اشربينـو گلـو. هزيت راسي وشربته وصعدت ليفوك. سديت الباب وكعدت ملخت روحي تملخ. صيحت وعيطت وانفچرت بچي. الگانونه انشلعت والدم انفچر بـس ما هتميت. رحت للحمام نزعت ملابسي ودخلت جوه الدوش أبچي كل قوتي وأتذكر شلون ذبحوها. تشوف دمـي دم الكانونه يوكع ويا المي وأتخبل بزايد من أتذكر دمها شلون يتناثر من رگبتها.

ملختَ جسمي تملخَ وكعدت أبچي وحسيت دموعي نشفن من گـد ما بچيت. -منـو الكالـك من تبچي ترتــاحهـاي نضحَـك بيهه على المساگــين الدمـعَ ماله علاقـه بنـار الگلـوُب المَـطر لو طاح ما يطفـي البراگـين. لبست ملابسي نفسهن ورجعت أمشي جسد بدون روح. شمرت نفـسي على الجربايه ودموعَي صارت تنزل وحدها لا إرادي. أتذگر كلشي عشناه. ما تستاهل زمزمتي الطاهره روحها الحلوه وجها البريء. رفضت عشق طفولتها لخاطر مشاعر مرته التسببت بقتلها ظلم!!

ختمت القرأن لخاطر تنساه. تعبت بحياتها طاهره زمزمتي طاهره روحها إذا حجيت وياها كلمه تخجل وخدودها تورد وهسه شلون بيهه؟؟ شلون بيهه بلگبور ؟ حمامتـي الحلـوه وينها ووين الگبور بعدها ما صارت 20 بعدها ما دخلت عمر الشباب بعدها ما شافت شي بحياتها. روحَـي يا حمامتـي رفرفي بـجنه. -اموتـن الف موته بعَتبه الدار لان كل ذكرياتـك ساگنه البيـت مره هـنا گُـعدنا هـنـــاك مرات ومـره هنا نمـتَ ومره هنا تعَشيت

هـنا مـَره لمحَتك تگتب سـَطور. ذكرياتها اخخ يا وجع روحي على ذكرياتها. ذكريات صارت زمزم؟ بعد ما أتشاقى وياها؟ بعد ما أضحك وياها؟ بعد ما أسولف وياها؟ بعد ما تحجيلي بعد ما تورد خدودها من أضحك وياها؟ بعد ما تضوچ من أگلهـا زمزم؟ خلـص؟ رفـرف جناحهـا لـجنـة؟ شددت لزمتي على بطني خايفه على طفلي. ابتسمت بنص دموعي وهمست: -شكرا ماما لان ما تركت امك بأصعب أوقاتها احَــبك. وهنا كان عُوض رب العالمين.

ما خسرت كلشي عندي صحَ خسرت أغلى ماعندي وخسرت زمزمتـي بـس شاهين رجع وابني ما مات! والحمدالله على هاي النعمه. كل هذه الضرب وما تركني متمسـك بيَ. ابتسمت أمُسد على بطني بهدوء وأحجي ويا. -عمتـك جانت متحمسه تشوفك وتلزمك وتلعَبك بـس ما لحكت.. جنة نكعد اني وياها ونسولف ونتخيلك بحضنا وهي تتحَمس وتكول جيبي بسرعه واني اضحك عليها. احبها اني كلش احبها جانت اختي اختي. بچيت بقهر وغطيت وجهي بأيديه أبچي وأشهك.

تعَبت من البچي جبت عمري ضيم بضيم. : شكد ايام مرت فاركيناه. ودورنه بمكانه ومالكينا. يادفان كلي هم يرد ردود؟ عميانه على الزينين عيني. أبچي بقهر ودموعي تنزل. أريد أفكر بشي غير زمرد عقلي ما يستوعب موتها ما يستوعب الطريقة الوحشَيه الي ماتتت بيها " بنـيه بريئه طاهـره مثلها تنقتـل ضلم". عيوني أريدها تسكن ما تسكن وروحي احسها توجعني من گـد التعَب. -هل كُسر قلبك؟! _لا، إنهُا احترق سبب تكرار الخذلان والحزن ومرار الفقد

وألم النهايات. مرت ساعه وساعتين واني نفَس كعدتي ونفَسي. عيوني بدأت تغمض وحدها ووجهي بدأ يتعَرق بشكل مو طبيعي. بدأت اتخـيل أشياء مو طبيعَيه!! حَــيونات!! بشـَر بوجهه حــيَوان!! عيوني تتگـلب وحدها واحَس براسي صار غليان!! ما اكدر انطقَ كلمه ولا اكدر احجي حرف. بيـن الصاحَيه والنايمه حَسيت بشخص يبدل ملابسي. فتحت عيوني بـَس كلشي مغوش! حسيت بشخص يجرني ليمـه وشخص يعدل بشعري. شخص يهـمس بأذني لحَد ما فقدت تماما.

فزيت موسعَه عيوني بـس شفت ملابسي نفسهـم والغرفه ما مفتوحَه. عيوني انمُلت دموع واحَس بألم راسي راح ياگلنـي. نزلت بسرعه مگمشـه بالحيطان وامشي بلگوه. وصلت لدرچ واسمع صوت رنين تحچي. رنين: عمـه عَش سويتو هـچ! هـيدعاء: اسَ ولا حَرف هـل چلام تنسينـو تـا ما اشلعـها لاذنچ. رنين: عمـه شعيصير هساع! هـيدعاء: ننتظر ننتظــر مو هســاع لچمتين على كلبٌو لشاهـين چثير چثير. رنين: خلي ينلچم تـا اعالچـو أنا. هيدعاء: ههههههه.

هـستوها رادت تحجي ودخلت اني على الصاله. ما دققت بگلامهـن بـَس رنين ارتبگُت من دخولي. ردت احجـي بـَس ما لحكت احجي بسبب صوت السلاح القوي!!! رچ المنطقه رچ. عيونـي جمدت من الموقف ومن خوفَي على شاهين. أفعالي صارت مو مدركه وحقَي الشي الي مريت بيَ مو سهل. عيوني صارت تذرف دموع. طلعت ارگُض لشارع حُافيه ودموعي تنزل لازمه بطنـي وبـَس اريد أوصل لبيتنا. دخـلت البيت ارگـض فتحَت الباب وعيونـي جمُدت على المنظر الگدامـي.

رجليه رچفت وعيوني ذرفـت دموعها وگُعت بالارض من هول الموقف. نفـس الموقف تگرر!!! شاهــين لازم صگـر من رگبتـه وبأيد شاهـيـن خُنچر! بلحظه سريعه خرز الخنچـر برگبـه صگُر وگـَع صگر بالارض ورگبته تتناثـر منها الدم يفوحَ فوحَ!!! گـام شاهـين من مگُانه بدون ما يلاحظ وجودي. جر سلاحَ موجود بأيد علي الگُان برمَي بالجو. وبلظه سريعه رمه طلقَه على عمار المدمـُي بالارض وبس نفس يصعد وينزل.

بلحظه سريعه طلعـو علي وعمر وشاهين اسلحَتهم ورمـُو بچو. صاح شاهين. شاهين: هــساع تنضــف السلــف من العَــــار!!! يتبع.