رواية ذيب الغربية الفصل الثلاثون 30 - بقلم طيبة وليد

على لسان أزل: شَـيصير لو؟ متنهَه مَن الطفولة وطِير مَن طيور الجنه صِرنا شَـيصير لو عَشنه اليتَامة بلا اهل ولا عَشنه اليتامى بنُص اهِـلنة " يمامه " مرت كم يوم طبيعي بعد ما رجعنا من الأنبار استقريت دخلت زهـراء بأيدهـا تلفون مدته ألي وحجت زهـراء: يمـامـه حبي هذه إبراهيم جابه الج يمامه: شنو هاي الزحمه شسوي بيً اني! زهـراء: اسكتي وأخذي ازل كرعت راسي تريد تحجي وياج يمامه: ههههه ، لا بس والله ماله داعي

زهـراء: غير تسكت وتأخذه اضل اقنع اليوم اني! أخذته من عدها اضحك وهي هم تضحك رادت تطلع ورجعت تحجي زهـراء: يمـامـه التلفون مابي غير رقمي ورقم ازل ورقم بابا جاسر ورقم هـيام يمامه: شاهين جابلهـا تلفون؟ زهـراء: اي حبي يمامه: ولمار لعد؟ زهـراء: مادري والله ماحجي ويا عمار ولا عندي تواصل ويا احد غير امي وأزل يمامه: زهـراء شنو ماعندج تواصل! اخوج شبيَ؟ ضامين شي علينا؟ ترا عدنا بنيه يمه ميلت شفتها بحزن وباوعتلي

زهـراء: والله مابي شي بس هو هيج طبعه بس هو يموت على لمار ميأذيها بتخافين يمامه: طبعا ميأذيها لعد ماندري قايل احنه وين أكيد لمار تكللنـا ! زهـراء: طبعا تكول حبي يمامه: وهسه هم وين؟ زهـراء: رجعو كلهم يمامه: صددك؟ زهـراء: اي والله خابرت ازل كالت عمار كايللهـم تعبت نفسيه لمار وره ما سقطت الطفل وهو مأخذها ومسافرين يمامه: اهاا ، وين مسافرين لتركيا؟ زهـراء: لا لايران يمامه: خوش الله يسعدهم كعدت كدامي تمسد على ضهري بحنيه

زهـراء شايله حنيه تخبل تحسها بيها حنيه ابتسمت وحجيت يمامه: هنيال طفلج على هيج ام عندها حنيه ام ! زهـراء: هههه إبراهيم هم يكلي يمامه: اي رغم اني مضايگه حنيه الام ولا اعرفها بس حسيت مثل حنيتج! برطمت زهـراء حزينه رغم اني ماحب احجي ولا انقهر بس من اسولف لاحد انقهر وأتندم واضل اندب بحضي وبروحي ليش حجيت وليش وليش! جرت راسي لحضنهـا زهـراء: تعاي حبيبي اني اربيج ويا ابني! يمامه: تربيني شنو محتاجه تربيه اني!!

ضحكت بصوت عالي وعدلت كعدتهـا باوعلي وحجت زهـراء: اسئلج وجاوبي. بصراحه وبسرعه ! يمامه: تمام زهـراء: توقعت تكون رده فعلج على هـيام اقوه من هيج يعني سالچن فتره طويله انتن محاچيت سوه شعجب لسه ما اتصلتـي؟ يمامه: احس لازم أتعود على اختفائهن وحياتهن الجديده ماريد أكون طرف ثالث بين علاقاتهـم واحط نفسي بنصهم وين ما يورحون واتصل واسئل والح هـواي تبقى حياتهن الخاصه بيهن! زهـراء: تفتـمين ، عندج فضول تعرفين اهلج؟ يمامه: لا

زهـراء: لو طلع عند اهلج عذر قوي تسسامحيهـم؟ يمامه: لا زهـراء: تحبين هـيام لو لمار اكثر يمامه: هـيام زهـراء: شكد صلفه عبالي راح تكولين ثنينهم نفس المعزه يمامه: حبي اني ما اجذب بسرعه احجي ماضل امسلت زهـراء: المهم ، تحبين ازل؟ يمامه: اي زهـراء: تحبيني اني لو ازل اكثر؟ يمامه: ازل زهـراء: طاحضج المهم ، تعرفين بعلاقه ازل ومؤمن؟ يمامه: اي.. زهـراء: عزا ، اي وشنو رأيج بيهم يمامه: حلوين حيل انشاءلله يكونون من قسمه بعض

زهـراء: اممم، شوكت ناويه تزوجين؟ يمامه: ما ناويه زهـراء: اممم، شتردين تصيرين؟ يمامه: دكتوره زهـراء: شنو نوع الورد المفضل الج يمامه: ورد الأصفر زهـراء: اييع ، شنو لونج المفضل يمامه: اييع بعينج ، الأصفر زهـراء: اييع! شنو مواصفات شريگ حياتج؟ يمامه: اهم شي أخلاق وخلص وهـاي بالمستقبل البعيد وإذا قبل احد يتزوجني بهت لون وجهه تباوعلي زهـراء: ليش محد يقبل يتزوجج شبيج ؟ ضحكت باستهـزاء

يمامه: ومنو يتزوج بنيه طالعه من جذر الحايط؟ زهـراء: اوووف. هـاي ليش تحجين هيج ترا تخبلين منو بجمالج وهسه احنه شعلينااا باهـلناا ! وبعدين زعلتي من كلام عمار مو؟؟ يمامه: هـاي الحقيقه زهور ماكو داعي واحد يحجي حتى اعرف اني منو! وبنت منو! اني اعرف نفسي كلش زين ويكفي اني راضيه نفسي وربي وخلص مو بحاجه زوج ولا بحاجه اهل رب العالمين موجود.. برطمت تباوعلي وشبگتنـي زهـراء: حبيتچن حيل انـي وانتِ اكثر واحده وبعدج لمار

يمامه: لمار ليش؟ زهـراء: هي السبب بزواجي من إبراهيم يمامه: الحمدالله الله عوضج زهـراء: ويا محلى العوض من رب العالمين .. ابتسمتلهـا وهي تحجي متحمسه ورجعت باوعتلي مبتسمه زهـراء: منتضره اشوف رب العالمين شلون راح يعوضج! يمامه: ليش اني بالذات! خوب لمار او هيام زهـراء: لا حبي لمار خلص تزوجت وهيام الله عوضها بشاهين وتعوضو بس انتِ بقيتي يمامه: تعتبرين الرجال عوض؟ زهـراء: غلط تفگيرج!

العوض الحقيقي من تلزمين شهادتـج رافعه راسج بالقسم التحبـي والرايدتـه! العوض الحقيقي من رب العالمين يحقق الي انت تتمناه مو شرط العوض رجال! رفعت اكتافهـا بمعنى ما تعرف زهـراء: مادري بالنسبه ألي عوضي بـَ إبراهيم يسوه الشهاده وابوهـا يمامه: هههههه بس مو الكل مثلج اني متأكده هـيام ولمار يردن يأخذن شاهـيدهـن تنهـدت بضيق تباوعلي زهـراء: تدرين بس ينفتح هذه الموضوع راح تقوم القيامه يمامه: ليش!!

زهـراء: عائلتنـا كلنا عمومتـي وبنواتهـن هم ما مگملين دراسه بس الولد يكملون والأغلب يبطلون امـا البنات يكملن ابتدائيه وهذيج من هذيج الي تكمل متوسطه وإعداديه يمامه: يعني شنو! زهـراء: يعني منو يكول هـيام ولمار يخلوهـن يكملن؟ يمامه: شنووو!!! زهـراء: اءء لا يعني اكيد لابد هـيام تكمل يمامه: ولمار؟ زهـراء: احم لمار هم

يمامه: احسج دا تجذبين عليه ، بس تذكري انتِ هم عندَج أخت وتخافين عليها اعتبري هـيام ولمار خواتج تضمين عن أهلج إذا بينهم وبين ازواجهـم مشاكل! تنهـدت تباوعلي بضيق مسحـت على بطنها وجاوبت زهـراء: ونبي ماعرف اي شي بس داحجيلج انً عمومتي مايخلون بناتهم وچناينهـم يكملن دراسه واصلا كلششَ زين هم مخلصات إعداديه! ولا تخافين هـيام وراها الذيـبَ ولمار انشاءلله هم يخليها تكمل يمامه: الله كريم انشاءلله كلشي يكون بخير ..

زهـراء: نكمل ؟ يمامه: تمام زهـراء: دكتوره مال شنو تصيرين؟ يمامه: اريد أصير صيدلانيه زهـراء: حلوو، هم حبيتي قبل؟ يمامه: لاا زهـراء: من اعز شي عندج بالدنيا يمامه: هـيام ولمار زهـراء: شنو مواصفات فارس احلامج وجاوبي لا بنعال ضحكت وجاوبتها يمامه: المهم الأخلاق زهـراء: اي يابـا الاخلااااق اهم شيي ضحكت عليها وهي تسوي بأيدهـا حركه فلوس هزيت ايدي وكتلها يمامه: يعني تحبين ابراهيم علمود الفلوس؟

زهـراء: حبي احنه حاله استثنائيه ، ترا ابراهيم يسوه كل اهلي تعرفين شنو معناها لو خيرونـي اهلي يموتون لو اترك ابراهيم اختار اهلي يموتون وما اتركه! وانتِ منا واخذي اني شكد احبه كلششَ احبه يمامه: الله يديمگم وتكتمل ثمره حبگم بـَ طفلگم.. هزت راسها تمسح على بطنهـا سولفنـا شوي وهي طلعت من اجه إبراهيم طلعت تلفوني بسرعه خابرت على هيام هـيام: يميم شلووونج يمامه: زينه رحمله والديج من تذكرتـي الچلبه الجايه وياج

هـيام: وحق هو الله أربعه وعشرين ساعه بكلبي انتِ وبالي هم مو تدرين بس البارحه جابلي شاهين تلفون وكتلهم يجيبولچ علمود نتواصل طول اليوم يمامه: وين جنتي؟ هـيام: جنه بمزرعه انـي وشاهين يمامه: شتسوون؟ هـيام: نلعب محيبس يمامه: اهووو ، لا صدك هـيام: يعني مزرعه حبي احجيلـج بالترگي؟ يمامه: لا راح انسه التركي أصلا هـيام: حقج غير مگايله وجهه زهـراء يمامه: لتحجـين عليها احسن منج

هـيام: عمتتتتت عيني علييييةة تاااالي وكت تصير زهـراء العوبةة احسن مننييي! يمامه: بدأت الدراما تحمحمـت وحجت بصوت متلهـف هـيام: يميم يمامه: ها هـيام: راح تصيرين خالـة سگتت ثواني استوعب حجم الگلمه وفعلا حسيت بـَروحي راح أصير خاله! وهيام راح تصير ام! هذيج الطفله التبچي على امها لسه راح تصير ام! غرغرت الدموع بعيوني ونزلن يأخذن مجراهـن على خدي هـيام: دتبچين يميم؟ يمامه: دموع الفرح هـيام: لا عوزچ اشلع عيونج إذا غير دموع

ضحكت عليها يمامه: هـيام راح تصيرين ام شوكت تعقليـن؟ هـيام: أخبلةة واخبل ابو ويا هيهيهاااهيييهي يمامه: عابت لهل ضحكه الشيطانـيه ضحكت على ضحكتهـا وسمعت صوت شاهين صاح شاهين: يولـي وخدر العلويه وريتي ور هساع بهاي ضحكتچ هـيام: شاهينووو كول وريتونـي ور احجي بـَ الجمع حبيبي شنو ممحترُِم ابنـي؟ يمامه: احم نحن هنااا!!!! هل تسمعونـيي ضحكت هـيام واسمعهـا تتحرك من مكان لثاني يمامه: وين رايحه؟ هـيام: انزل الدرج

يمامه: اممم، مشتاقتلج هواي هـيام: اضعاااف ، هسه اخلي ابراهيم يچيبج يمامه: لا ترا مسالنـا ثلاث ايامً من رجعنا من الأنبار خطيه الولد ابتله بينا هـيام: ابتله كلبي ابتله غير بت عمه هيااام يمامه: مسگين هل إبراهيم هـيام: ماكو غيرج المسگينه يماميم يمامه: لقب جديد يماميم! هـيام: حبي اسمج بيً طن تنمر أحير شطلع من القاب سكتت شويه اسمعها تسولف ويا واحده هـيام: زمزم اشتهـيت موز ونوتيلا اكو! زمزم: هساع اودي علي

هـيام: لا زمزم خلي لعد عليمن نطلع الرجال زمزم: لا لا هساع يمامه: هـيام هـيام: ها حبي يمامه: إذا مشغوله روحي هـيام: لا ماعندي شي ، عطاله بطاله هيهيهاهييي يمامه: اممم هـيام: شبيج؟ يمامه: احم، اءء هو شسمه منو زمزم؟ هـيام: شبيج زمرد أخت شاهين! يمامه: اهـا ما عرفتها لان تصيحيلها زمزم هـيام: يمامه: هو ليش تصيحيلهـا زمزم؟ هـيام: داتشميـن نفس الريحه الاشمها؟ يمامه: يا ريحه؟ هـيام: ريحه عطاب مال ناررر الغيييره

هيهيهاااهيييييييي يمامه: انجـبي انجبـي هـيام: ليش تأخذين كلمتـي؟ يمامه: سلامات دولي ودعنـا بعض وارتاحيت من ناحيه هـيام حامل هم راح أصير خاااله بس ناحيه لمار ممرتاحـه كلششَ من شفت تعامل عمار خفت وأزل وزهراء يكولن عمار يحب لمار وهسه هم رجعو ليش مدا تتصل؟ مادري معقوله ملت من عدنا وتريد تبتعد عنا! قاطع تفكيري صوت أشعار وصل لتلفونـي باوعتً منو؟ ازل! ازل: ياحلوووو كاعد مشتاقتلك يمامه: هـاا شنو مضيعه بين رقمي ورقم السيد

ازل: لا ما مضيعه هو صح حلو بس انتِ هم حلوه بس هو احلى ههه يمامه: عابت ، عبالي مضيعه شو تحجين وياي بصيغه ولد؟ ازل: متعوده هيج مؤمن كل شويه يكلي ابني ساعه مشتاقلك ساعه كذا لذالك احجي هيج يمامه: اهاا يعني تأثيرات السيد؟ ازل: ههههه اي يمامه: شلونكم؟ ازل: زينين ، والحياه جميلة يمامه: ايباااخ ازل: ههههههه لج يمامه ونبي راح اموت من الفرحه يمامه: ليش! شكو! ازل: عمار اجـا وكالي حضري روحج يمامه: على شنو حضري روحج؟

سكتت شويه وهمست بصوت خجول تضحك ببرائه ازل: كالي حضري روحج ازفچ بأيدي يمامه: عزاااااا يماااااا مبررررووووك واخيررررااااا ازل: هههههه لج ميتةةة فرح يمامه: الف الف مبروك واخيرًا صرتو لبعض بالإحلال ازل: انشاءلله تصير يمامه: اي لمار شلونها؟ ازل: زينه يمامه: بس؟ ازل: اي حبي زينه مابيهـا شي جانت مسافره بـَ ايران ومرتاحين هل فتره كلها يمامه: شلون جانـو مسافرين؟ غير عمار تعارك وياكم وهي كانت ما موجوده؟

ازل: لا هو ماخذهـا ببيته الثاني لان سقطت الطفل وضاجت من حوراء والزبايل البقيه وقبل سبوعين مآخذها لايران من رتاحت شويه يمامه: وهسه شلونها صحتها؟ ازل: زينه شبيج مابيها شي بس متأذيه شويه أشوفها لازمه بطنها يمامه: شبيهااا بطنهااا ازل: يمـامـه لان سقطت طفل شبيج! يمامه: ترا الطفل ساله شهر ! شنو لسه يوجعها ازل: طبعا شمدريچ انتِ؟ يمامه: هيج تكولين ازل: يمامه: خوش لعد تكدرين تخليني تحجي وياي؟

ازل: يمـامـه مو تدرين هذه تلفوني مبدون بيً يمامه: حبابه حتلو باليل كلش صيحليها بس احجي وياها ازل: تمام ادللي جم يمامه عدنا يمامه: اروحلج فدوه ازل: اهووو شلون بينا بذوله المعجبين يمامه: ايباااخ ازل: هههه المعچبين انتِ ومؤمنـي يمامه: صار بيها مؤمني ازل: اي حب ، مؤمنـي وحبـي وعشقي الوحيد وسيـد قلبي ومحبوبـي الجميل يمامه: الله يخليگم لبعض ويجمعگم بالحلال ازل: يارب ، والله احنه علاقته نضيفه ما رتگبنـا معاصي ابدد يمامه:

الله شكد حلو ازل: والله ابد ما فكرنا بـَ الحرام ابد ، سالنـا سبع سنوات سوه ولحد هاي اللحظه هو مشايف خصله من شعري ولا حتى يعرف لونه! تدرين ولا مره لامس إصبعي إصبعه! ولا حتى لامس بشرتي بشرته! امنيه حياتي الزم ايده يمامه: حبيييي ، امنياتـج شكد بسيطه ازل: انجـبي ما تعرفين شنو الحب إلا من تحبين يمامه: وعسانـي لا حبيت اشو منو الحب مارتاح

ازل: بلعگس الحب حلو ويا الشخص الصح ، مؤمني دائما الشخص الصح مؤمن إسم على مسما قلب وقالبـآ هو مؤمن بـَ رب العالمين يجمعنا ودائما يكلي " للحد وياج " وكتلج سالنـا سبع سنوات واحنه من نلتقـي اصفن بوجهه وهو يدنك مو المفروض العكس؟ بس شسوي حبيبته خفيفه بس مًو حقي؟ غير يموت يمامه: الله يحفظگم ازل: دوختچ بسوالفي بس ماعندي غيرج اسولف ويا لذالك انفتـك وياج ههههه يمامه: انجـبي حبيبي سوالفج تخبل! اسمعلج ساعات عندي جدا عادي ازل:

يابعد امي وابوي يمامه: عمت عين الباميه ضحكنا وهي رجعت تسولفلي على مؤمن ساعه على علاقتهـم ساعه على لقائهم لو تاخذ سكرينات وتدزلهـم ألي وتكتب " خليهم يمج لان احذف المحادثات اشوفهـم لأطفالي بالمستقبل " يمامه: شسمه عادي اقراهـن؟ ازل: ههههه طبعااا عادي يمامه: استحي خاف عيب؟ ازل: شوف هاييي لج هذه سيد حبي اقوه شي عنده حبيبتي احبج اريدج بالحلال ماعنده غير هذنـي يمامه: ايباااخ وعلى أساس انتِ ابد ممأثره بيج هذنـي؟ ازل: دطيري

اخررب على الثكييييل يمامه: خرب هههههه ازل راح اموتتتت لج انتِ شنووو؟ هههههه ازل: ونبي بس من يحجيهـم يصير هيج فراشات تطاير ببطنـي ومطايه تزاگط وجهي يبوخ ويصير احمر ومن مارد يكلي كومي اغسلي وجهج بمي بارد لان صخنتـي من الخجل وانـي اضحك واكوم اگمز يصنع يومي بكلمه منه اعشقه حيل حيل اموت بيً ممصدگُه راح ننجمع بالحلال!! يمامه: الله موجود طبعا تنجمعون حبگم نضيف ازل: يمامه: زين وابوج ما اله رأي؟

ازل: لا الرأي الأول والأخير بأيد عمار إذا راد شي يسوي وميهـتم لاحد ابد يمامه: وابن عمج الناهـي عليج؟ ازل: هي هنا السالفه من كالي راح ازفچ بأيدي فـ طبعا عمار راح يجيب سجاد يفك النهوه عني ويخلصنـي يمامه: سجاد ابن عمج؟ ازل: اي عار ابن عمّي العار الوسطانـي يمامه: ازل توبي يامعوده ازل: يمعوده هذوله عارات حتى ماعليهـم غيبةة يمامه: شنو بگيفج

ازل: طبعا اني اعرفهـم بس عمي الكبير الوحيد الزين وهم حرمته مو زينه بس هم ماعدهـم بنات ولا ولد لذالك يحبنا كلنا بس هو حنين اكثر واحد ومدللنـا كلنـا يمامه: الله يحفظه الكم ازل: ويحفظج أليييي يمامه: اوي هههه تسالمنا وسديت الاتصال منها ودخلت اقره المحادثات بينهم متتت عليهم كلامه وخوفه عليها وشلون هي تدلع عليً فد عجبونـي وحبيتهم ودعيت من كل كلبي الله يريحهم ويجمعهـم ازل: مؤمن مليت مني! مؤمن: ليش حاطه هاي السالفه براسج؟

كتلج ما أمل منج للحد وياج وداعـت عيونج ازل: خايفه خاف تعوفني لا تعوفني ابد ضل وياي حاول وياهم هم مؤمن: راح احاول علمودج مره ومرتين وعشره وحتى لو المحاولات خلصت وتعبت راح ابدّي من الثاني احاول علمودچ محبوبتـي تستأهل احارب الدنـيا كلها علمودها ازل: احبك هواي محبوبي مؤمن: الدنيا بكوم وانتِ بكوم حابچ حيل وداعـت ابو فاضل ازل: احب حلفانـك مؤمني مؤمن: ناويه تطلعيني من الإسلام؟ ازل: هههه لا شلون منشاقه وياك؟

مؤمن: تشاقي تشاقي جعل محد غيرچ يتشاقـة ازل: خجلتنـي سيييد مؤمن: ههههه يروحلچ فدوه السيد ازل: سيد مستهتر مؤمن: غادي تراب السيد يمج ازل: اهووو ، شوكت نتزوج مؤمن: شلون صلافه ازل: شنو صلافه ترا من جنت بكد إيدك احبك! المهم اريد عرس حبييير اني مؤمن: وحك ابو فاضل اجيب مشيه تسد عين الشمس ازل: شلون ؟ احنه أقارب ميصير تجيب مشيه؟ مؤمن: تروحلچ فدوه كل القوانـين جوه رچليج اعارض الدنيا والبسها واچيبلچ مشيه تسد عين الشمس

وعين الماردوچ الي ازل: فد متحمسسسه احرك بكلبهن اله اركص ركص اصفنهـم بيً مؤمن: انجـبي ماكو ركض ولا أغاني! ازل: لااااا بلا!! مؤمن: البدايه الترضي الله نهـايتها ترضينـا ، بدأيت حبنا رضينا رب العالمين ورب العالمين شاهـد عليه ما باوعتً عليج بطرف عيني بنضره سوء بس متلهـف عليج بالحـلال ومارايدچ بنضره بالحرام ، مثل ما الله ينطينا على كد مطالبنـا نضل على بدايتنـنا وما نلوث نفسنا بالحرام باشياء ما تستأهل مثل الأغاني!

ازل: قنعتنـي! مؤمن: الله ينطيني القوه واضل اقنع بيج طول عمري ازل: احبـك محبوبي هواي مؤمن: وحك داحي الباب احبج محبوبتـي ازل: إذن روح صلي وادعي يقرب زواجنـا مؤمن: بـَ كل صلاه ادعي بدون متحچين ناخي ابو فاضل بس اخذچ نذرت بـَ مشيه الحسين سلام الله عليه امشي من البصره لكربلاء ونذرت اذبح خمس خرفان ازل: خمس خرفاان! والخرفان شعليهاا يا مؤمن مؤمن: قربـان لطولچ الراح ينور بيتنـا ازل: أدلّلك دلال بس نتزوج

مؤمن: شلون بله تدللينـي؟ ازل: حبيبي الصبح اني ماكعد فـ تطلع بدون ريوگ هاي منتهـين منها غده تجيب وياگ وانتـه راجع لان بعدني ما كاعده والعشه اءءء مؤمن: اي شنو العشه؟ ازل: ارگصلك وتعوف العشه؟ مؤمن: هههههه لچ انتِ شنوووو دروحي بويه روحي صلي الله يهـديچ ازل: مؤؤمن شنو كدامك شيطان؟ مؤمن: ليش الهـدايه بس للشياطيـن ، الله يهـديج! ازل: بطلت مارگصلك مؤمن: لا بله؟ ازل: صاير كلشششَ خوش سيد صيد سمج احسلك مؤمن: هههههه هاي

منين تچيبين سوالفج ازل: من أمك مؤمن: لججج ازل: هاي شبيك؟ ترا والله عمتي تحشششَ عليگم تكول على ابوك حتى وهو جبير ما يكعد راحه وامي تكللها لا تحجين عليً سيد وهي تكل لامي صيد سمج احسن مؤمن: امي فضيحه بعد ، لا تتعلمين شي من امي بعد ، ولا تنقلين كلام ازل: وين نقلت كلام ما نقلت كلام اني! مؤمن: ادري بيج محبوبتـي بس اي كلام يصير ببيتگم لا تكولي الي ازل: تمام مؤمن: عفيه ببنيتـي السبعَه ازل: سبعه لو تسعه هههههههه مؤمن:

شوف التفاهه يربي ازل: تفاهـه لو رمانه؟ مؤمن: مو جانت برتقاله؟ ازل: بعد ازل لازم اغيررر ما ابقي شي نفسه هههه مؤمن: حتى انـي غيرتينـي ازل: شلون غيرتك؟ مؤمن: انـي سيد الناس تحلف براسي الحمدالله شاب ومهـيوب كدام العالم إذا امشي بشارع وزلم كبار واگفين يوگفولـي وكدام عيونچ رچفت ازل: منو مالك انتً شاب؟ مؤمن: عفتي حجيي كله ورگزتي على هاي؟ هم حضي هذه ازل: لا حبي ونبي احلا شاب بالدنياااا كلهااا تروحلك فدوه الشباب والشياب

غير من نسل رسول الله مؤمن: الحمدالله ، اهم شي من نسل الحبيب ازل: عفت كلامي كله ورگزت على هاي؟ هم حضي هاذا؟ مؤمن: هههههه اندارلچ فدوه محبوبتـي ازل: تعرف نقطه ضعفي هل كلمه ؟ مؤمن: اعرف ، أنا هم نقطه ضعفي عاشكهـا تذكرنـي بيج بكل وكت ازل: احسن بكل وكت تذكرنـي مؤمن: ليش هو انـا ناسيچ؟ ازل: لا تنسانـي ابد خليني بعقلك وبگلبك أربعه وعشرين ساعه بين عيونك خليني مؤمن: حتى إذا ميت اريدن اندفن وياچ بفد چفن وبفد لحد

ازل: لتچيب طاري الموت على لسانك كافي ورانـا عرس ! وركص! مؤمن: عجل سالي ساعه شاحجـي أنا؟ ازل: اءءء ها اي ماكو ركص صحيح بس ورانا عرس ومشيه وتوگلنـي كيك واوگلك كيك مؤمن: اهم شي بطنچ ازل: هههه مؤمنـيي اريد اروح شهر عسل مؤمن: عيوني إذا ترديهـن الچ ، اشري على دوله الرايدتهـا وتم ازل: اريد عيونك! مؤمن: ههه ادللي ازل: عاجبنـي لونهن مؤمن: كدامچ هن وصاحبهـن تحت امرچ ازل: اروحلهـن فدوة مؤمن: ازل!!!

راح نطلع من الإسلام روحي بويه الله يهـديج روحي ازل: استغفرالله تعال خل احجيلـك عن العرس شويه مؤمن: اسمعلچ كلي أذن صاغيه الچ ازل: اءء اي اريد بدله طويله ومنفشـة مؤمن: صار ازل: وبيوم العقد تدخل توگلني كيك واوگلك وتشربني عصير واشربگ مؤمن: جوعانه حبيبتي؟ ازل: اسمعنـييي مؤمن: اي صار ازل: اي ، واريد بيوم الحنه تدخل لحنتـي مثل شاهين

مؤمن: هو محد عاجبنـي بهل عشيره الفاگسه غير شاهين تزوجلـو ترگيه وخلص وعارضهـم ولطمهـم على حلكهم فرهم فر الذيـب ازل: عراقيه ترا! مؤمن: اي عايشه بتركيا ازل: اي المهم تدخل لحنتـي!!! لضل تدور سوالف من جوه الكاع مؤمن: صار ازل: احم اي واريد زفه جبيررره مؤمن: صار ازل: اي واريد نروح شهر عسل بألمانيا مؤمن: صار ازل: واريد نضل شهر هناك مو يومين وتضحك عليه ترجعنـي! مؤمن: انـا اضحك عليج؟ عجل انـا يمتى ضاحك عليج؟ ازل: ها لا

والله مو قصدي عليك مؤمن: افتهـمتچ محبوبتـي وصار وتدللين چم ازل عندي أنا؟ كلشي يهون لخاطر عيونچ ازل: يعني قابل على كلشي؟ مؤمن: قابل وانـا الممنون محبوبتـي ازل: عمرري ، يلا باي اريد اروح أحاجي صقيقتـي مؤمن: بعيدا عن مفرداتـج مادري بيا لغه ، منو صديقتج؟ ازل: يمـامـه مؤمن: هاي المفرعه؟ ازل: هههه اي هية مؤمن: استغفرالله انصحيها خل تلبس حجاب ازل: شعليك بالوادم مؤمن: استغفرالله راح اصلي ازل: روح صلي وادعي الله يجمعك

بيه هنيالك عليه مؤمن: صدك هنيالي ، رايح ادعي دعائي المعتاد ازل: شنو هو؟

مؤمن: " يارب الحـب رزق وانتً رزقتنـي حبهـا يارب اجعلهـا من نصيبي ويسر لنا الضروف وهيأ لنا الأسباب اللهـم سخر لنا اهلنـا وكل من وليته امرنـا يا جامع بين السموُات والارَض اجمعنـي بهـا واجعلهـا من نصيبي وحلالي وقر عيني بها وبشرني بها قريبا يا من لا يعجزگ شيئا اللهـم لا تخرجنـي من قلبها ولا عقلهـا اللهـم مثل ما علقتنـي بها علقهـا بيً واجمعنٌا بالحلال يارب " ازل: هاي شنوو تدعي اليه عليه؟ مؤمن: هـاا

ازل: شنو ها شنو علقها بيً واني اكول أشوف روحي مسودنه وكل ما انام أشوف روحي عروسه مؤمن: تشوفين نفسج عروس؟ ازل: مؤمن: واني موجود لولا؟ ازل: لا بس حتى ماكو ناس هواي بس زمرد واهـلهـا وما يركصون مؤمن: انشاءلله خير ازل: غير غير الموضوع مؤمن: رايح اطلعي حتى من دين الإسلام راح اطلعينـي ازل: ليش عيني شيطان كدامك؟ مؤمن: ملاگ كدامي ازل: ضل اضحك عليه بهاي سوالفك مؤمن: شعندي غيرچ احبل اجيب ازل: اني احبل واجيب هم اجيب زعاطيط إلك

مؤمن: شو دروحي شكد تچفصين ازل: والله مو صوجك مؤمن: احبج محبوبتـي ازل: اوووي ، احبك محبوبي طلعت من المحادثه مبتسمه كلامهم يخبل وعلاقتهم حيل حلوه دزيت رساله لازل " عمت عين الجذب على أساس احبج واريدك بالحلال مضلوم هل سيد " دزتلي ضحك وياها رساله

-" انجبـي لتگليله سيد هذه سيد كلبي بس اني " ضحكت وعفت التلفون تمددت مبتسمه آمنت على الكل وكلشي انحل هـيام حامل ومرتاحه وبدأت تتأقلم ولمار زينه ومرتاحه ورجعت وأزل مشكلتهـا انحلّت وراح يزوجون لفيت راسي ونمت.. " لمار " وصلنـا لـَ البيت واستقرينا كم يوم عمار يطلع من الصبح ويرجع لـَ اليل وما أشوفه هـواي انزل جوه اتسمم من الكلام وأصعب وأزل تضل تتعارگ وياهن احاول انسى كلشي عشته .. بس مستحيل كل ألم عشته كل ليله

أتذكره واشبع بچي اثر الشفره ابطني لسه وكل جسمي للان يوجعني مستحيل انسى كلشي عشته قبيح لابد الحدود كل شويه اصفن كل جرح بجسمي وابچي رغم سالي سبوعين هنا وما رحت لهيام ولا شفتها حتى ما اكدر اضم عنهـم شي ولا اريد احجي وياهن ما راح يجي من عندي الهن غير لمشاكل خليني أتحمل نتيجه أفعالي . ما انكر واكول شكد محتاجتهـن محتاجتهن حيل مثل البنيه من تحتاج امها محاچتهن ومشتاقتلهـن ومشتاقه انام بحضنهن روحي مشتعله عليهن وموجره نار هم

لفيت الشال على ركبتي من الآثار البيها ورحت لغرفه ازل دگيت الباب ثواني وفتحتهـا متعرقه ومرتبـكه من شافتني زفرت انفاسها براحه ازل: هاي انتِ كلبي وكف صدك جذب! لمار: شكو حتى الباب ما دكيتها حيل ابتسمت وجرتنـي من ايدي لداخل غرفتها طبگت الباب وراي وكالت مبتسمه ازل: عمار شكالج؟ لمار: شكالي؟ ازل: يوووه ، احجييي لمار: ونبي ما كالي شي حتى ماداشوفـه ازل: اممم بوزت وكعدت على الجربايه وكفت كدامهـا عاگده حاجبي لمار: شبيج؟ ازل:

ماكو شي لمار: ترا دتبينيـن على نفسج كلشَشش هذاك اليوم كالي اني مرخي الحبل لازل ازل: شنوووو!!! لمار: والله ازل: يمممةة عزااا عضت شفتها بخوف وسكتتت لون وجهه مخطوف عافتني وطلعت دقايق واجت بيدها سجاده ولابسه جادر باوعتلها فرشت السجاده وكعدت تصلي وتدعي وتبچي كعدت يمها وهي تناچي بصوت ناصي وتبچي مسدت على كتفها بأيدي وهمست لمار: الله يهونها عليج ازل: ما تهون راح اموت لمار: تهون تهون وداعتج ازل: تعبت بعد ماعندي طاقه لمار:

ربج قادر على كل شيئ لمار: رغم ماعرف شنو السالفه ولا كلشي بس اعرف انتِ شنو واني احبج فـ بكل وقت راح اوگف وياچ ازل: صدك؟ لمار: طبعا ازل: هنيالي بيچن ابتسمتهـا وهي تمسح بدموعهـا ويرجعن ينزلن ضحكت بدموعهـا بغصه تحجي ازل: اضحك واشاقه ويا ويا الكل بس بداخلي نار ما تطفي صعبه عليه اكثر من عليً اهلي متعبيني مراويني الويل منين اتلگاها من أبوي الأشوفه مره بألسنه؟ لو من اخوي النچر الوده اخته فصليه؟

وأخته الثانيه ناهـين عليها بسببه؟ لو من امي الساكته أربعه وعشرين ساعه وما تحجي عرف؟ نزلت دموعي حتى ماعرف شحجي وشواسـي حالتي أصعب من حالتها وحاسه بيهـاا كملت كلامها وهي تبچي بهدوء ازل: أريده اريد انجمع ويا ببيت واحد اريد اترس البيت جهال منه وكلهم يشبهوه ونسخه منه أربيهم خوش تربيه وماانقص عليهم شي احبهم وادللهم واي شي سوو الي اهلي راح اسوي الهم عكسه لمار: رغم ماعرف منو ، بس الله يريحچ ويصير البالچ

ازل: هيج ويصير البالـي وأتزوجه؟ ناخيه العباس والعباس مايردنـي لمار: انشاءلله مايردچ توكلي على الله وكلشي يصير زين ضحكت وباوعتلي ازل: صايره متدينه العفطيه لمار: مو دانحجـي مثل الاودام اله تاكلين نعل ازل: شسوي احب اگلج لمار: كبر لفج ولف اليحجي وياچ ازل: هههههه اكبر متناقضيـن بالعالم احنه هستونا جنه متحاضنين نبچي ثنينا لمار: دولي ولي ابجي اريد ازوچج وأخلص منج ازل: ايباااخ هو اني اريد اخلص منكم لمار: دروحي

غميتها وضحكت رحت لغرفتـي نزعت الشال وكعدت على الجربايه صافنه نبره صوتها ، غصتها بـَ الحجي ، دموعها ، تحط ايدهـا على كلبها من تحجي ، صوتها يرچف وشفايفهـا ترچف وهي تلهـج بالدعاء لخاطر يصير من نصيبها ، هيج الحب؟ مافهمت شنو السالفه بس اعرف تحب واحد من زمان واهلها ما يردو وابن عمها ناهـي عليها وخلص محد يفتح طاري هل موضوع بس حوراء مرات تحجي وتنغزهـا بالحجي وعرفت انـي اخذت ملابس ورحت اسبح بـَ الحمام الموجود بالطابق الثانـي

لان حمام غرفتـي مابي مي حار والدنيا بأرده هستوني دخلت الحمام وسبحت سمعت صوت الصايح قوي رچ البيت رچ من قوته وصوت صايح ازل تصيح بعلو صوتها صوت متوجع من الخرعه الاخترعتهـا لبست ملابسي شلون مچان وتركت حتى الشال ما لبسه بعدني ما متعوده عليً وصوت الصايح خرعنـي صوت صايح واحد متوجع مثل الصياح الچنت أصيحه.. نزلت اركض على الدرچ شعري مبلل وملابسي مبلله والهـدوم متبلله .. باوعتً على حوراء وجواهـر بنتها المتزوچه موجوده هنا.

لازمه ازل من شعرهـا تكتل بيها بكل قوتها وحوراء وياهـا رگضت اريد افرغ ازل من بين ايديهن وأزل مفرفحه من الصياح صياحها يسبب قشعريره . اريد افرغ ازل منهـن وحوراء عتتنـي كل قوتهـا من زندي اصابعهـا طبعن بزندي صحت اخخ وأزل تصيح اريد الزم ازل ماكو لزمتها جواهر كطعتهـا تكطع وأزل تصيح بعلو صوتها الكافر يشفق على صوتها وهن لا! دفعتها كل قوتي ورحت على جواهر اريد ادفعها ضربتنـي راشدي وصاحت جواهر: هساااع اجتمعووو الـ****

بلعت الغصه وكمت بسرعه بهـاي الأثناء دخل عمار اجـا بسرعه موسع عيونه وعيونه عليً جواهر تكتل بازل وحوراء لازمتنـي كل قوتها اول ما اجه عمار فلتت ايدهـا مني بنفس اللحظه جرنـي عمار من شعري كل قوته عطت بصوت عالي وصار صوت صياحي وصياح ازل يرچ البيت سحلنـي سحل لدراچ شعري تگطع بأيده فتح باب الغرفه وشمرنـي كل قوته وكعت بالكاع كأمشه بطني احسها نشگت شعري منثور نصه على الأرض بلكوه أتنفس اشهك النفس شهك

عمار: طالععععه هييييج بتتتت***** لج رائددددد هناااااااا وابووووووي هنااااااااا شلوووون تطلعييييين هييييييج ملابسسسسسج ملزوكااااااتتتت لزززززك على جسممممج انعععععل روحج انعللللل حتى ***** ما توبين انتِ ما توبييييين والله اربيچ اليوووووم اربيج تقدم يضرب بوجهي متخيل ويصيح عمار: شحاجييييي انيييي شحاجييييي فوكاههههااااا بدووووون حجااااااب وكل جسمج بيييين انعلللل ابوج لابووووو الفاچ هنااااا بت ****

حضنت رچليه على بطني وايديه هم على بطني اريد بس احمي بطني ألألم يكتل كتل صوته وهو يضرب بيً ويسب ويفشر بفشار عمري وحياتي ما سامعته ولا اعرفه ولا مطروق لاذنـي يضرب دفرات على ضهري ويچر بشعري ويصيح عمار: لچجججج انتِ حيوووان حيووووان ما تمشيييين غير بالضررررب غير بالضررررب ما تمشيييين مثلللج مثل المطييي نازللله تفرچيهم على جسممممج مووو؟؟؟؟ يضرب كل قوته بي صار طعم دم بحلكـي وعيوني غوشن بدأت عيوني تتگلب

بهل أثناء مد ايديه وسحلنـي من شعري يدخلنـي لـَ الحمام سحل شعري تگطع بأيديه ورچليه تنسحب سحب بالارض وهو يجر بيه من شعري شمرني شمر بالحمام ودفرنـي بضهري روحي شاغت وابچي واسهم والدم بحلگي وعيوني تتگلب اريد بس احرك ايدي ماكدر .. ضربني راشدي كل قوته وكدامي منجانـه مي جر راسي من شعري ودخل وجهي بمنچانه المي حسيت هاهيه خلص راح اموت ولهنا وخلص وبـَ هل لحظه تمنيت صدك اموت وأخلص من هل عذاب بس الروح غاليه

كنت ارفـس برچليه بس اريد اطلع اريد أشم الهوه الهوه خلص وبلعت المي من ما تحملت شهگت شهگت طلعت من عمق روحي من طلعنـي من المي بعدني اريد اخذ نفس ورجع رجعني للمي ونفس أالالم والوجع تنعاد عليه طلعتي مره ثانيه وضربني راشدي سحلنـي يطلعني خارچ الحمام من شعري وشعري متنگطع والمي بارد يصل صل وروحي انمردت مرد وبـَ هل لحظه ما طلعت من عندي غير جمله واحده لمار: اريـد من الله يوكعـك بمصيبـة اقوه من مصيبـة زينب

عمار: هههههههه ***** انعل حتى **** كفر كفران يقشر البدن بيً ومن يمي روحي طلعت بنفس اللحظه شمرني على الأرض وصار فوگي يشكك بملابسي بكل وحشيه وبدون رحمه بدون اي إنسانيه ولا كانً الكدامـهَ إنسان! ومثل كل مره اكره نفسييي أضعاف أضعاف وهل مره جان ماعندي اي قوه وبس ابچـي وهو بدون رحمه بدون إنسانيه عافني بالارض قطعه ملابس ماكو عليً وابچي جسمي مليان قطع زرگ والضرب ومن كل مكان انزف

زحفت زحوف اجر بـَ الملابس عليً مجرد تحرگت من مكاني حسيت بجسمي طگ بچيت بسرعه وحسيت بيً من جرنـي من شعري عمار: اشششَ لتبچين تعرفين شي؟ اكررره شعرررج اكررررة حجاهـا يسحلنـي كعدنـي كدام المرايا وهو بأيده سچينه عيوني نجحظت راح يرجع يدچني؟ جر شعري من وره خصله خصله وقطعه بالسچينه!!! كدام عيوني خصله خصله يقطع بيً وجر بي منا ومنا ويضرب بيً ويدفرني وصوتي رچ البيت زچ محد بيهم سمع؟ محد بيهم حن كلبه!

محد بيهم مال هاي يتيمه حرام الديصير بيها! طبعا محد .. شمرني بلارض بعد ما كمل شعري وصار لحد رگبتـي! متگطع بطريقه تلعب النفس خصله صاعده وخصله نازله واني شعري مثل الذهب هيج يصير بي ! وانـي المعتنيه بي! ابچـي وحاضنه رچليه لصدري وروحي رايحه منضري يصعب على الكافر ومهما كان عنده مشكله وياي راح يحن كلبه باوع عليه عمار بنضره مسستهـزئه همست لمار: شتريد!!! ليش هيج دسوي بيً؟ ضحك بصوت عالي يحجي مستهزئ عمار: شـريـد؟

ليش هو شباقي بيچ ما أخذته؟ أخذت شرفـجأخذت جسمچسچلتچ باسمي ملكيتي بـَكل زوايـة بـَجسمـج أخ... حطيت أيديه على اذانـي اشهك وابچي ماريد اسمع وضحك وطلع ابچـي بهـستيريه ودموعي على خدي شعري داير مداري واكع وجسمي مليان دم بهل أثناء دخلت ام عمار اجـت يمي وما حطت عينها بعيني دخلتنـي للحمام وحمت مي وغسلتلـي واني بأيدهـا مثل اللعابه! لا ارمش ولا احجي حرف! حتى دموعي جمدت وروحي جمدت والبرود استوطن روحي كلها تحجي وياي وما أجاوب

تسوي كلشي وما حصلت رد فعل مددتنـي وطلعت بره الغرفه ثواني وسمعت صوت صايح عمار جوه صاح بـَ صوت عالي عمار: الحاضـر يعلـم الغايب باچر عقد سچاد على ازل .. يتبع...