رواية تخطى حدود العشق الفصل السابع 7 - بقلم يارا عبد العزيز

نزلت صفعة على نقابها من وائل، من قوة الصفعة نقاب ملك شبه اتفك. بصت بصدمة كبيرة، وكذلك كل اللي في الكلية اتجمعوا. منهم اللي بصوا بشفقة على ملك، ومنهم اللي بصوا لها بشماتة، وخصوصًا روان اللي بصت بشر وشماتة. بصت ملك لكل الطلبة، محسّتش بنفسها غير وهي بيغمى عليها. راحت واحدة صاحبة ملك، نزلت لمستواها بخوف شديد. منار: ملك يا ملك ردي. حد ينادي دكتور أسر بسرعة. حد يطلب الإسعاف. أحد الدكاترة: هاتيها بسرعة على غرفة العميد.

منار ببكاء: حد يطلب الإسعاف. وقتها أسر جيه على اللمة الموجودة، بص بصدمة أما لاقى ملك مغمى عليها. جري عندها بخوف شديد. أسر: ملك. ملك ردي. خدها يا دكتور أسر على مستشفى الجامعة، هي قريبة من هنا. أسر شالها بسرعة وحطها في عربيته في الكنبة اللي ورا. منار ركبت معاه العربية جنب ملك. أسر ساق بسرعة جنونية ووصل المستشفى في رقم قياسي. حطوها على الترولي ودخلوا بيها غرفة الكشف. كان هيدخل معاهم بس الممرضة وقفته.

الممرضة: ممنوع يا أستاذ. أسر: عايز أطمن عليها. الممرضة: الدكتورة هيشوفها وهيطمنك. انتظر هنا. فضل رايح جاي في طرقة المستشفى، لحد ما خرجت الدكتورة. أسر: ها يا دكتورة مالها؟ الدكتورة: انهيار عصبي. أنا اديتك مهدئ، ولما تصحى ابعدوها عن أي ضغط. أسر سمع كلامها بصدمة، لأنه مكنش يعرف اللي حصل. دخل لملك بسرعة، بص لها بحزن كبير ومسك أيديها. بص لمنار واتكلم بجدية. أسر: إيه اللي حصلها؟

منار بدأت تحكي لإسر اللي حصل مع ملك. أسر كان معظمه بغضب مفرط. أسر: خدي بالك منها. مش هتأخر. منار: ماشي. خرج أسر من المستشفى بغضب كبير. ركب عربيته وراح الكلية. راح لاقى وائل قاعد في الكافتريا، راح عنده بغضب. مسكه من لياقة قميصه ووقفه. أسر: تعال بقى يا حليتها، بقى بتضرب مراتي. يالا أنا هوريك. وائل: انتوا مش مكسوفين من نفسكوا بعد اللي عملتوه مع روان؟ أسر: وانت بقى اللي هتعلمنا الصح من الغلط.

قال كلامه ونزل فيه ضرب. اتجمع حوليه أمن الكلية والدكاترة اللي بعدوا أسر بالعافية. أسر: الواد ده لازم يتفصل من الكلية فورًا. ولا يتفصل دا أنا كدا رحمته. تعالي معايا بقى على القسم. وائل بخوف: قسم؟ خلاص يا دكتور أنا آسف مش هتتكرر تاني بس بلاش الشرطة. أسر: انت عايز تضرب مراتي وأسكت لك يا زبالة، والله ما هسيبك. العميد: خلاص يا دكتور أسر أنا هعمله فصل أسبوعين. أسر: أسبوعين سيادة العميد؟

الولد ده يتفصل كليًا من الكلية، وإلا أنا اللي هستقيل. العميد: تمام هعملك اللي انت عايزه. أسر ضرب وائل اللي كان واقع على الأرض ومش قادر يقوم بقوة في بطنه. أسر: أي حد هيتكلم مع ملك أو هيغلط في حقها هيكون ده مصيره. قال كلامه وطلع من الكلية وراح عند ملك المستشفى. الدكتورة: هو جوزها راح فين؟ منار: مشي، بس هو راجع تاني. الدكتورة: أنا عايزة حد يمضي على ورق حجزها، لأنها هتتحجز هنا النهاردة. منار: أنا ممكن أمضي.

الدكتورة: لازم قرايب درجة أولى. رني على حد منهم. منار: تمام. مشيت الدكتورة ومفضلش غير منار مع ملك. منار: أنا مش معايا رقم دكتور أسر. هرن على جدو عادل. منار رنت على عادل اللي اترعب جدا على ملك وراح المستشفى مع مجدي ابنه. عادل بخوف شديد: ملك يا حبيبتي ردي. هي مالها؟ منار بدأت تحكيلهم اللي حصل. عادل بغضب: إيه؟ إزاي يعمل كدا؟ وأمن الكلية والعميد كانوا فين؟ منار: معملوش حاجة، بس دكتور أسر جابها هنا المستشفى.

مجدي: وهو فين دلوقتي؟ منار: هو أنا حكيتله اللي حصل، وهو تقريبا راح يضرب وائل. عادل بغضب: استغفر الله العظيم. هو أنا هلقيها منين ولا منين بس يا رب. مجدي: اهدى يا بابا. عادل: رن على ابنك، انت عارفه ممكن يرتكب جريمة. رن عليه خليه يجي. مجدي: حاضر. أسر وقتها دخل، بص لملك بحزن. عيونه كانت مليانة بالحب والخوف عليها، لدرجة إن عيونه دمعت. عادل بغضب وهو بيقف قدام أسر: ضربته؟ أسر: لو كانوا سابوني عليه كنت قتلته بإيديا.

عادل: وتودي نفسك في داهية. هو كله بالضرب، مفيش حاجة اسمها شرطة. استغفر الله العظيم الذي لا إله إلا هو الحي القيوم وأتوب إليه. أسر بصوت عالي وحمقة: ضربها وبتقولي شرطة؟ بقولك إيه يجدي، العالم دول مش عايزين غير كدا، وأنا جبت حق مراتي. ملك وقتها بدأت تفوق. منار: ملك يا حبيبتي انتي كويسة. راحوا كلهم عندها. عادل قعد جنبها. عادل: ملك يا حبيبتي انتي كويسة. حضنت جدها بسرعة وفضلت تعيط بشدة وتتنفض. عادل: اهدي يا حبيبتي اهدي.

ملك ببكاء: خليك معايا يا جدو متسبنيش أنا خايفة. عادل: أنا معاكي يا حبيبتي. حقك عليا يا حبيبتي حقك عليا. أسر راح عندها وقعد قدامها، مسك أيديها بحنان. أسر بحنية: خدتلك حقك وضربته قدام الكلية كلها. متعيطيش. ملك بشهقات: بس هو... هو كان معاه حق. أنا واحدة خاينة. أنا خنت صاحبتي. أنا واحدة مش كويسة. وقتها دخلت روان واتكلمت بشماتة وسخرية. روان: كويس إنك عارفة نفسك. عادل: انتي إيه اللي جابك يا روان؟

روان: جاية أطمن أو أشوفها في الحالة دي. متتصوريش يا ملك بفرح قد إيه. أسر راح عندها واتكلم بغضب. أسر: امشي. اطلعي برة. روان: راحة على نفسك شوية يا دكتور أسر. ملك بدموع: أنا آسفة يا روان سامحيني. روان بغضب: أسامحك؟ انتي متستاهليش يا ملك. انتي تستاهلي كل حاجة وحشة. تستاهلي كل دا. واللي حصل النهاردة دي بس البداية. أسر: انتي اللي عملتي كدا.

روان: آه، ولسه. انتوا لسه مشفتوش مني أي حاجة. مش هرحمها وهخليها تندم ندم عمرها على اللي عملته فيا. ملك ببكاء: والله كان غصب عني. إحنا جوزنا مش حقيقي، سنة وهنطلق، وبعد كدا اتجوزيه. روان: دموع التماسيح دي مش هتدخل عليا. انتي واحدة حقيرة. خاطفة رجالة. متستاهليش إنك تعيشي معانا. أسر بغضب كان هيروح عندها: انتي زودتيها أوي. عادل راح وقف قدام أسر: خلاص اهدى. امشي يا روان من هنا لو سمحت. روان بصت لملك بصة غضب ومشيت.

عادل: بطلي عياط يا ملك. ملك: أنا عايزة أخرج من هنا يا جدو. مش طايقة المستشفى. عادل: مجدي روح كلم الدكتورة وأقولها تكتبلها على خروج. مجدي: ماشي. الدكتورة كتبت لملك على خروج، بس منعت عنها أي ضغط عصبي. روحوا البيت وطلعوا كلهم شقة ملك وأسر. مجدي: نقعد سارة معاكي يا حبيبتي. ملك: لا يا خالو أنا كويسة. مفيش داعي. خرجوا كلهم من البيت بعد ما اطمنوا عليها، ومفضلش غير ملك وأسر. أسر: أعملك حاجة تاكليها.

أسر وهو بيخبط على الباب: انتي كويسة يا ملك. افتحي. ملك ببكاء: سيبني يا أسر عايزة أبقى لوحدي. أسر: طب متعيطيش. اهدي وافتحي الباب. ملك ببكاء: أنا مستاهلش أعيش. أنا واحدة خاينة. أسر: متقوليش كدا. انتي ست البنات. ملك ببكاء: لا، انت بتقول كدا عشان تصبرني. بس روان معاها حق. ووائل. كلكم. حتى انت. كلكم شايفني وحشة. حتى بابا برضوا. فضل يتردد في دماغها كلام أسر، أبوها، روان، ووائل، وسوزي. كلهم عليها.

بصت لعلبة المنوم. مسكتها وبصتلها بتفكير. فرغت كل حبوب المنوم الموجودة في العلبة. بصت لحبوب المنوم. ملك ببكاء: أنا واحدة خاينة. مستاهلش أعيش. هخلصكم كلكم مني وهروح عند ماما.