تحميل رواية تلاتين يوم جواز بقلم اميرة محمود pdf
بقلم اميرة محمود
جارٍ تجهيز التحميل... برجاء الانتظار
سيظهر زر التحميل خلال 10 ثانية
جارٍ توليد الملف...
التحويل يتم بالكامل داخل متصفحك — لا يُرفع أي شيء للسيرفر.
عن الرواية
الحق يا أنور أخوك تعبان وبيموت. أنور، أخيراً. سمية، إيه اللي حصل؟ ده أخوك. أنور، أخويا اللي معاه ملايين وإحنا مش لاقيين قرش. أخيراً هنبقى أغنياء. سمية، طب يلا نروح له. اتصلوا بيا من الفيلا وعايزيننا نروح له حالاً. أنور، إياكش بس منقبلش اللي ميتسموش. سمية، طب يلا يا راجل البس بسرعة عشان نروح قبل ما يقوّشوا كل حاجة. أنور، ماشي، بس روحي خلي ولادك يلبسوا ونكمّل الدور إننا زعلانين وكده. سمية، من غير ما تقول. بس مقصوفة الرقبة بنتك ماسكالي يا منافقين يا كدابين يا معرفش إيه. بنت كلب صحيح. أنور، تشكري يا...
رواية تلاتين يوم جواز الفصل الأول 1 - بقلم اميرة محمود
الحق يا أنور أخوك تعبان وبيموت.
أنور، أخيراً.
سمية، إيه اللي حصل؟ ده أخوك.
أنور، أخويا اللي معاه ملايين وإحنا مش لاقيين قرش. أخيراً هنبقى أغنياء.
سمية، طب يلا نروح له. اتصلوا بيا من الفيلا وعايزيننا نروح له حالاً.
أنور، إياكش بس منقبلش اللي ميتسموش.
سمية، طب يلا يا راجل البس بسرعة عشان نروح قبل ما يقوّشوا كل حاجة.
أنور، ماشي، بس روحي خلي ولادك يلبسوا ونكمّل الدور إننا زعلانين وكده.
سمية، من غير ما تقول. بس مقصوفة الرقبة بنتك ماسكالي يا منافقين يا كدابين يا معرفش إيه. بنت كلب صحيح.
أنور، تشكري يا غالية.
سمية، والنبي ما تزعل يا خويا، بس هي بتخرج الواحد عن شعوره.
أنور، ماشي، يالا يا ولية روحي اجهزي وخليهم يجهزوا على ما أخلص. حاكم أنا عارف إنك لو قعدتي تتكلمي مش هخلص. روحي يا ولية.
سمية، ماشي يا خوي.
محمد، يلا يا يسرية، أجرى نلحق قبل ما الروح تطلع.
يسرية، أهو أديني بجري. والنبي ما قادرة.
سيف، والله ما أنا عارف انتوا بتعملوا كده ليه. عمالين تجروا ورا بعض. كنتوا فين أما كان عيان؟ دي الوقت حلو عشان الفلوس. ملعون أبو الفلوس اللي تخليكم تعملوا كده.
محمد، والنبي نقطنا بسكاتك وامشي وانت ساكت.
يسرية، عارف يا سيف، إن فتحت بؤك جوه أنا هقاطعك العمر كله، انت فاهم؟
سيف، أديني ماشي زي الأهُطل في إيديكم اهو.
محمد، أيوه، ويا ريت منسمعش حسك خالص. يلا قدام.
سيف، لسه كتير؟
محمد، لا، أهو القصر اللي هناك ده.
سيف، أووه، القصر ده بتاع أخوك؟
محمد، عرفت بقا. إحنا كنا بنتمناله الموت ليه عشان ربنا فتحها عليه وكان حرمنا. وأهو ربك حرمه من الخلفه. وأدينا هنقش كله.
يسرية، أكيد اللي ميتسموش جوه عمالين يتسهوّكوا عشان يقشوا الورث كله وميسبولناش حاجة. أنا عرفتهم.
سيف، مين دول؟
يسرية، عمك ومراته وولاده.
سيف، اممم. ماشي.
محمد ويسرية دخلوا بسرعة لقوا أنور وسمية وولادهم واقفين.
سمية، الحمد لله لحقنا قبل ما يطلعوا.
أنور، أه، ده أنا كنت مرعوب ليجوا قبلنا.
سمية، الحمد لله.
الممرضة، أيمن بيه بيحتضر ونفسه يشوفكم قبل ما يموت. ياريت تطلعوا كلكم تطمنوا عليه.
محمد، يا حبيبي يا خويا، أنا جيلك يا حبيبي.
سمية، مصمصت شفايفها. شوف الراجل.
أنور، يلا، مالناش دعوة. يلا يا بت يا هنا، انتِ وحسام قدامي.
هنا، ياربي، ماشي يا بابا.
ماشي.
الكل طلع فوق غرفة أيمن.
محمد، سلامتك يا حبيبي. أشاله كنت أنا وأنت لا.
أنور، سلامتك يا غالي. هتسيبنا لمين بعدك يا حبيبي؟ قوم اقف على رجليك، قوم.
هنا، بهمس لأخوها، والنبي ده لو قام كلكم هتموتوا من الحسرة.
حسام، بس اسكتي لابوكي يسمعك. إحنا مش قده.
هنا، ومش قده ليه؟ سحبنا زي الخرفان.
أيمن، سامحوني يا إخواتي، سامحوني. أنا قسمت التركة وكل حاجة عليكم وكله مع المحامي. سامحوني يا حبايبي.
محمد، لا والنبي متسبناش يا غالي.
أنور، هنعيش لمين بعدك يا حبيبي.
هنا، يخربيت النفاق ده، إيه القرف ده.
سيف، مش عيب تقولي كده بردك على أبوكي وعمك؟ أنا واقف وسامع كل حاجة.
هنا، وانت مين إن شاء الله انت كمان؟
سيف، أنا سيف ابن عمك.
حسام، إحنا ملناش ولاد عم. إحنا جايين هنا لمهمة ومروحين تاني.
سيف، اممم، شكلك زي أبوك وعمك.
حسام، ملكش دعوة بيا ولا بأبويا، فاهم ولا لأ؟
هنا، هشش، خلاص. يالا يا جدع انت روح اقف هناك مع أبوك ومتجييش تقف جنبنا تاني.
سيف، ويعني أنا اللي هموت واقف جنبكم أوي؟ ده إيه الجحود ده. وراح وقف جنب أبوه وأمه.
يسرية، إيه اللي وقفك جنب اللي هناك دول؟
سيف، ليه؟ حصل إيه أما وقفت جنبهم؟
يسرية، اقف جنبنا هنا متتحركش.
سيف، لا والله لا ناقص. هتقوليلي لو اتحركت من جنبك هضربيني؟
يسرية، لا، انت كبرت عالضرب يا سيف. بس دي الوقت أو من بكرة هيبقي معانا ملايين. ولو الكلام متسمعش هيبقا فيه حرمان.
سيف، يارب صبرني عليهم الاتنين.
سيف بيبص لهنا، راحت بصاله من فوق لتحت، راح واقع على نفسه من الضحك.
أنور، هو إيه ده؟ انتوا جايين تضحكوا على أخويا وهو تعبان؟
محمد، سيف بتضحك على إيه؟ جبتلنا الكلام من اللي يسوى واللي ميسوا.
أنور، مش هرد عليك احتراما لأخويا الكبير. سلامتك يا حبيبي.
أيمن، بطلو خناق. حبوا بعض بقا. انتوا كبرتوا وبقيتوا معديين الخمسين وشعر كل واحد فيكم بقا أبيض. وبردك شغل الأطفال اللي فيكم مرحش. حبوا بعض بقا. وراحت الروح طالعة.
سمية، ده إيه ده؟ هو كده مات؟
أيمن، مش عارف.
الممرضة، البقاء لله.
محمد، بتمثيل، أخويا حبيبي. سبتنا لمين يا غالي.
أنور، مع السلامة يا حبيبي. مع السلامة يا غالي.
خلصوا شغل التمثيل بتاعهم وخلصوا إجراءات الدفن وراحوا دفنوه ورجعوا القصر بسرعة.
محمد، خلاص القصر ده كله بقا بتاعنا.
يسرية، أخيراً هنعيش في عز يا محمد. أخيراً.
سيف، تعرفوا انتوا الاتنين، أنا مش مصدق إن في حد زيكم كده. انتوا الاتنين عديتوا الحدود. ده أخوك يا بابا. للدرجة دي مفيش وفاء خالص ليه؟ كله تمثيل.
أنور، أخوه؟ وهو من إمتى أبوك يعرف أخوه؟
محمد، انت إيه اللي دخلك في كلامنا أنا وابني؟
أنور، ماهو قال حاجة غير الحقيقة.
محمد، اسم الله عليك. انت بقا اللي كنت بتود أخوك وبتراعيه؟ انت اللي شيلت مسؤوليته؟ لا بجد، أنا مش عارف إيه ده. بص لنفسك واحكم عليها قبل ما تبص على غيرك وتحكم عليه.
أنور، لا هبص ولا هتزفت. ومتتكلمش معايا يا جدع انت تاني، فاهم ولا لأ.
محمد، انت اللي خسرت نفسك فينا.
المحامي، بس إيه؟ انتوا لسه دافنين أخوكم وجايين تمسكوا في بعض؟ طب احترموا الميت اللي قاعدين في بيته وبتتخانقوا.
محمد، وانت مين انت يا جدع انت كمان؟
المحامي، أنا محامي أيمن بيه ومعايا ورق الوصية وفي كل حاجة عن التركة وإزاي مقسمها عليكم.
أنور، اتفضل اقعد يا حضرت، اتفضل.
محمد، اقعد يا حبيبي وعرفنا إيه اللي في الأوراق دي.
المحامي، أول حاجة هقرأ ورقة الوصية الأول دي اللي هتحكم تاخدوا التركة ولا لأ. لأنها في إيديكم تاخدوها أو ترفضوها. والطرف اللي هيرفض التاني هياخد نصيبه.
رواية تلاتين يوم جواز الفصل الثاني 2 - بقلم اميرة محمود
بسم الله الرحمن الرحيم.
اخواتي الاعزاء، ارجو منكم تسامحوني على اني بعدت عنكم. انا بعدت عنكم لأن كل واحد فيكم بيكره الآخر.
وانا عارف انكم جايين انهاردة مش حب فيا، عارف ومتأكد انكم جايين عشان فلوسي. عشان كده انا عملت ليكم شرط عشان التركة تنقسم بينكم انتوا الاتنين.
أنا شارط أن سيف ابن أخويا محمد يتزوج هنا بنت أخويا أنور. ده شرطي الوحيد.
سمية: استحالة بنتي تتجوز ابن أخوك يا أنور، ده على جثتي.
يسرية: على أساس إننا هنوافق أصلاً إن سيف ابني الدكتور المشهور اللي آلاف البنات بيجروا وراه يتجوز بنتكم.
سمية: ابنك الدكتور المشهور اللي كل يوم مع واحدة شكل وسمعته طين.
يسرية: أنا عايزة أمشي عشان مبحبش أتكلم مع الأشكال دي.
المحامي: أكمل قراية ولا أمشي؟
محمد: كمل بس بقا انتوا الاتنين، سكت مراتك يا أنور.
أنور: أما تسكت مراتك الأول.
هنا: لا ده كده كتير، أنا بقول لكم إيه؟ تعالوا نروح ويا دار ما دخلك شر وكأننا ما عشناش حاجة.
المحامي: أكمل ولا أمشي؟
أنور: كمل، أما نشوف آخرتها إيه.
المحامي: وفي حالة رفض طرف الزواج من التاني تكون نصف التركة له، والنص الآخر للجمعيات الخيرية. أما إذا اعترض الطرفين فتكون التركة كلها للجمعيات الخيرية. وخلافه، علماً بأن التركة ٣٥٠ مليون جنيه مصري.
وإذا وافقوا الطرفين على الزواج فتكون لهم التركة كاملة، على أن يكون الزواج على يد مأذون ويطيب خاطر من الطرفين ويكون زواج رسمي.
وإذا لاحظ المحامي أسعد السلاموني أنه زواج صوري على ورق، فإنه زواج باطل ولا ورث لهم.
وإذا كان زواج حقيقي كامل بجميع شروطه فمن حقهم أخذ التركة كاملة، ولا يتم الطلاق قبل ثلاثين يوم من تاريخه.
ولكم مني خالص الحب وسامحوني على ما فعلت، لأني فعلت هذا عشان أبقى ريحت ضميري ناحية كلا الطرفين.
والسلام عليكم ورحمة الله وبركاته.
هنا: أوعوا تقولوا إنكم هتوافقوا، لا ده أنا أنتحر لكم فيها.
سمية: هنديكي ٥٠ مليون جنيه ليكي لوحدك بس، وافقي.
هنا: هتبيعيني بخمسين مليون يا ماما؟ انتي كده يا ماما؟ إزاي؟
محمد: انت هتعمل إيه يا سيف يا ابني؟
يسرية: طبعاً موافق صح يا حبيبي؟
سيف: ده بيقول لك على أن يكون الزواج حقيقياً، طب واللي مش بيحب الجواز ولا عايز يتجوز؟
يسرية: لا لازم تتجوز يا حبيبي، دول ١٧٥ مليون جنيه. عارف يعني إيه؟ يعني أبوك كل اللي في جيبه ميجيش ١٧٥ جنيه. لازم توافق يا حبيبي عشان خاطري.
المحامي: وفي شرط كمان في الوصية إن لازم الزواج في خلال ٢٤ ساعة.
هنا: أنا ماشية، اتجوزيه انتي يا ماما، ده على جثتي اتجوز ده.
يسرية: وماله ده يا روح أمك.
هنا: بصي، انتي ست كبيرة ومش هرد عليكي.
سيف حب يغيظ هنا: أنا موافق أتجوزها.
الكل بص بصدمة لسيف.
المحامي: في الحالة دي الورث بتاعكم هتاخدوه كامل، وانتوا مش هتاخدوا مليم.
أنور: آه قلبي قلبي، هموت.
هنا: مالك يا بابا؟ في إيه؟
سمية: ربنا ينتقم منك، هتموتي أبوكي.
حسام: متوافقي يا ستي، مكنوش تلاتين يوم وبعدها هنعيش في مستوى تاني بدل الحارة الفقر اللي إحنا عايشين فيها.
هنا: حتى انت يا حسام؟
حسام: اسمعي الكلام، أبوكي هيموت فيها.
سمية: خد يا حبيبي اشرب، ربنا يهديكي يا هنا يا بنت قلبي.
هنا: برضه مش هتجوزه، ده لو آخر راجل في الدنيا، ده معروف بالبنات اللي بيمشي معاهم.
يسرية: وانتي عرفتي منين؟ انتي كنتي من البنات دي؟
سمية: قطع لسان أي حد يقول أي كلمة وحشة على بنتي.
هنا: دكتور سيف، أنا أبقى دكتورة هنا، دكتورة في نفس المستشفى اللي حضرتك فيها، بس الحمد لله مليش علاقة بأشكالك القذرة.
سيف: أنا أشكالية قذرة؟ اممم، أنا هزود فوق ١٧٥ مليون بتوعكم ٢٥ مليون من عندي مقابل إني أتزوجك وأعرفك مقامك كويس.
هنا: لا ده ٢٥ مليون دول، روح اصرفهم على الشمال اللي زيك حضرتك.
سيف: أقسم بالله لولا إنك بنت كنت عرفتك قيمتك.
هنا: لو راجل وريني هتعمل إيه؟ أقسم بالله إن مالميت نفسك لهديك باللي في رجلي، انت فاهم ولا لأ؟
سيف: ماما، أنا همشي، معدتش قادر أقعد مع البني آدمة دي.
المحامي: لا حضرتك، القصر ده، دي الوقت من حقك انت لوحدك. لو هي وافقت تتجوزك كان هيبقى ليها النص فيه.
سمية: وافقي يا بنت الكلب، وافقي، هتضيعي كل حاجة من إيدينا، وافقي يا بنتي، الله يهديكي، دول تلاتين يوم وهتبقى كل حاجة بتاعتنا، لو بتحبيني وافقي.
هنا: مش هقدر، ده يبقى جوزي إزاي يعني أبقى معاه في أوضة واحدة إزاي؟
سيف: أنا اللي مش عارف إزاي هصحى كل يوم على وشك ده يا أوزعة، ده انتي وصلالي لوسطي، أومال لو كنتي طويلة شوية كنتي عملتي إيه؟
هنا: والله ده حاجة مفرحاني أصلاً، أما أبقى قصيرة أحسن ما أبقى زرافة ماشية أخبط في النجف.
سيف: اللهم طولك يا روح، ماما أنا مش فاضي، عايز أروح المستشفى، ورايا كشوفات، أنا مش فاضي للعب العيال ده.
يسرية: خلاص يا حبيبي، دي الوقت إحنا موافقين وهما رافضين، هتعمل معانا إيه يا حضرت؟
المحامي: تمام، هخلص إجراءات الميراث، وباذن الله من بكرة القصر هيبقى باسم الدكتور سيف، و١٧٥ مليون هيكونوا في حساب الأستاذ محمد باذن الله.
أنور: طب واحنا؟
المحامي: للأسف مش هتورثوا حاجة، بدال الآنسة هنا رافضة الجواز، لأن لازم يكون جواز رسمي وبطيب خاطر منها.
سمية: عجبك كده يا ست هانم؟ أهي حياتنا كانت هتتغير للأحسن، كنا هنحس لمرة واحدة إننا بني آدمين، ربنا يسامحك يا شيخة، ربنا يسامحك.
حسام: يعني مافيش أمل خالص يا هنا؟ مافيش أمل أتوزج اللي بقالي سنتين خاطبها، أما خللت جنبي، مافيش أمل.
هنا: طب انت عايزني أتوزج واحد مبطيقوش عشان تتوزج اللي بتحبها يا حسام؟ يعني على حسابي يا أخويا؟ على حسابي؟
حسام: لا حسابك ولا حسابي، خلاص يا هنا، يلا نرجع للفقر تاني يا أختي، يلا.
أنور: خلاص يا حبيبتي، محدش هيرغمك على حاجة، انتي حرة، بدالك مش موافقة خلاص، انتي حرة، يلا بينا يا حبيبتي.
سمية: يعني كده خلاص يا أنور؟
أنور: خلاص يا سمية.
المحامي: يعني رفضتم العرض بتاع الجواز؟
أنور: للأسف.
هنا: موافقة.
أنور بفرحة: إيه؟
هنا: خلاص يا بابا موافقة أتوزج البني آدم ده.
المحامي: جواز حقيقي، ولو شكيت فيكم إنكم بتلعبوا بيا، للأسف ملكمش حق في جنيه واحد.
هنا: موافقة.
المحامي:
رواية تلاتين يوم جواز الفصل الثالث 3 - بقلم اميرة محمود
يعني كلكم وافقتوا عالشروط اللي المرحوم كتبها؟
محمد، أيوه.
نور، تمام.
المحامي، الفرح هيكون الصبح بإذن الله. المأذون هيكتب الكتاب وتلاتين يوم بالضبط وهتستلموا الورث، شرط أن الجواز يكون حقيقي.
محمد، تمام بإذن الله.
هنا، هنروح ولا هنبات هنا؟ أنا ورايا شغل.
المحامي، خد خطيبتك يا سيف وروحوا الشغل سوا.
هنا، خطيبة مين؟
المحامي، ماهو فرحكم بكرة، كده خلاص بقيتي خطيبته وبكرة هتبقي مراته. وياريت تعزموا زمايلكم.
سمية، البنت قدامها دقيقة وهتمسك المحامي وسيف وهتديهم حتة علقة.
حسام، وربنا أنا نفسي خايف منها.
سيف، ياللا يا آنسة هنا.
هنا بصت للمحامي، ماشي ياللا.
المحامي، استنى يا سيف. وراح مطلع مفتاح عربية أيمن وراح عطيها لسيف.
سيف، إيه ده؟
المحامي، دي عربية أيمن باشا الله يرحمه بقت من حقك أنت والآنسة هنا.
سيف بفرحة، ده بجد؟ هروح بعربية عمي.
محمد، طب وعربيتك يا سيف؟
سيف، دي أصلاً تعتبر عربية شحتاها لأي حد يا بابا. ياللا يا بنتي عشان نروح شغلنا.
المحامي، تيجوا مع بعض.
سيف، تمام ماشي. سلام.
سيف خرج راح قدام الفيلا وقف قدام العربية وهو متنح.
هنا، في إيه؟
سيف، إنتي مش شايفة؟
هنا، أه عادي يعني، في إيه؟
سيف، العربية اللي قدامك دي معدية المليون جنيه. عارفة يعني إيه مليون جنيه؟
هنا، ولا تفرق معايا أصلاً. أنا مش مادية حقيرة زي ناس.
سيف، أه ده على أساس إنك رفضتي إنك تتجوزيني.
هنا، أنا مضطرة.
سيف، لاحظي إن الجواز لازم يكون حقيقي، فاهمة يعني إيه يا دكتورة؟
هنا، إنت لو فكرت تقرب مني أنا هقتلك. فاهم؟ مش أنا اللي أبيع جسمها عشان فلوس.
سيف، اومال هنعمل إيه بكرة؟
هنا، أما يجي بكرة هبقى أعرفك هنعمل إيه. وياللا عشان هنتأخر على الشغل.
سيف، تمام ياللا اركبي. هتفضلي تتكلمي كتير؟
هنا، ياللا أديني سكت. بس هتعرف تسوقها ولا هتموتنا؟
سيف، اركبي وأنا هبهرك.
هنا، ربنا يستر.
سيف مشي بالعربية بسرعة رهيبة.
هنا، في إيه؟ إنت اتجننت يا سيف؟ هنموت يخرب بيت***ك.
سيف، مش كنتي بتهنيني جوه في القصر؟ أنا بقى هوريكي. يا تتأسفي يا هيبقى يا رحمن يا رحيم.
هنا، إنت لو آخر راجل في الدنيا مش هتأسفلك.
سيف، طيب أهو. وسرع أكتر بالعربية.
هنا غمضت عينيها جامد وهي ساكتة.
سيف بص عليها لقاها مش فارق معاها بس مغمضة عينيها من الخوف.
وصلوا لحد المستشفى وهنا لسه مغمضة عينيها.
سيف، إحنا وصلنا يا خوافة. قومي يا لهوي.
هنا فتحت عينها، أشهد أن لا إله إلا الله وأشهد أن محمداً رسول الله.
سيف، إنتي رايحة فين؟ خدي ندخل سوا.
هنا بصت له من فوق لتحت وراحت داخلة.
دكتور رنا، دكتور سيف، إيه اتأخرت ليه؟
هنا بصت لهم وراحت رايحلهم.
سيف، أصل أنا...
هنا، دكتور رنا إزيك عاملة إيه؟
رنا، الحمد لله. أخبارك إنت إيه؟
هنا، الحمد لله. بالحق بعزمك على فرحي بكرة.
رنا، إن شاء الله هاجي. فين وأنا أجيلك أنا والدكتور سيف؟
هنا، ماهو دكتور سيف هيكون عريس.
رنا بصدمة، إيه؟ العريس؟ إنتوا هتتجوزوا؟
هنا، أه.
رنا، مش ده الدكتور الصايع اللي مش***ه سمعة المستشفى؟
هنا، اممم. وياريت يا دكتور سيف تبعد شوية عن الكلام عن البنات اللي في المستشفى. وياللا اتفضل على مكتبك واحترمني شوية.
سيف، لا والله. إني نسيتي إنه جواز على ورق بس.
هنا، لا منستش. بس وحياة أمي لهربيك من أول وجديد يا سيف بيه. والله لهاخد حقي منك كويس.
رنا، اممم. يعني أفهم من كده إن الجواز على ورق بس لسه بقى؟
هنا، وإنتي مالك أصلاً؟ ياللا امشي يا دكتور سيف.
سيف، والله أنا هتجوز مجنونة.
هنا، ماشي. وراحت سايباه وطلعت مكتبها.
/////////////////////
المحامي، أنا هحضر التحضيرات كلها بتاعة الفرح الصبح. والغرف كلها نضيفة وجديدة يعني مش هنحتاج عفش.
محمد، طب إحنا هنبات هنا ولا إيه؟
المحامي، طبعاً اتفضلوا. في جناح للأستاذ محمد وجناح للأستاذ أنور.
حسام، طب وأنا؟
المحامي، نقيلك أي غرفة تعجبك وبات فيها. بس ياللا اتفضلوا ناموا عشان بكرة اليوم طويل.
سمية، طب إزاي كان في حالة وفاة النهارده وبكرة فرح؟ طب كنا صبرنا للأربعين إن شاء الله.
المحامي، المرحوم هو اللي طالب كده. تاني يوم من وفاته كتب الكتاب.
يسرية، والله أخوك ده شكله كان مجنون.
محمد، بس يا يسرية. مهو لو كان عاقل كان فات عنده العز ده كله ومن غير وريث.
يسرية، على رأيك والله.
المحامي، ياللا اتفضلوا على غرفكم. وأنا هروح وهاجي الصبح بإذن الله ومعايا المأذون. ياللا تصبحوا على خير.
سمية، خير. هو ده خير بعقل؟
أنور، بس يا ولية. وياللا نطلع ننام.
سمية، هو أنا هيجيلي نوم؟ ده أنا حاسة إني نايمة. مش قادرة أصدق. والنبي اقرصني عشان أصدق إني صاحية. والنبي.
أنور، اتهدي واطلعي ننام. أنا هموت وأفرد جسمي على السرير.
سمية، ماشي ياللا بينا.
حسام، الو. أيوه يا ياسمين.
ياسمين، في إيه يا حسام؟ مكلمتنيش ليه النهارده؟
حسام، أنا هقولك على حاجة ومش هتصدقيني.
ياسمين، إيه؟ في إيه؟ خير؟
حسام، عمي اللي كنت قولتلك عليه الغني ده مات. وسيلته 175 مليون جنيه.
ياسمين، إيه؟ بتقول إيه؟ مية إيه؟
حسام، ده غير القصر والعربيات والشركات. أنا مش مصدق نفسي والله.
ياسمين، يعني أخيرا هنتجوز يا حسام؟
حسام، دول مش يجوزوني إنتي بس، دول يجوزوني أربعة كمان.
ياسمين، أربعة إيه يا حسام؟
حسام، في إيه يا بنتي؟ بهزر. المهم فرح هنا بكرة.
ياسمين، هنا مين؟ إنت مين اللي معايا؟
حسام، أنا حسام يا هطله. أنا نفسي بقولك مش مصدق نفسي. عمي شارط علينا ناخد الورث بشرط جواز هنا من سيف ابن عمي محمد لمدة شهر.
ياسمين، وهنا وافقت؟
حسام، دي طلعت عين أبويا عما وافقتي.
ياسمين، طب الحمد لله.
حسام، أنا هاجيلك بكرة آخدك وأجيبك القصر اللي هنعيش فيه سوا.
ياسمين، شوف حكمت ربنا. مكناش لاقيين شقة نأجرها. دي الوقت هنسكن قصر.
حسام، ده ربك. قولي الحمد لله. ياللا ونامي عشان هاجيلك بكرة آخدك من بدري.
ياسمين، ماشي يا حبيبي. تصبح على خير يا باي.
حسام، وإنتي من أهلي يارب. باي.
رواية تلاتين يوم جواز الفصل الرابع 4 - بقلم اميرة محمود
ياللا أنا مروح، الساعة بقت 12.
هنا: ملكش دعوة بيا، اتفضل امشي.
سيف: أمشي أنا إزاي؟ إنتي نسيتي كلام المحامية؟
هنا: المحامي زمانه روح، فمش هيعرف روحنا مع بعض أو مروحناش.
سيف: طب سيادتك المفروض بكرة فرحنا، إزاي هتعرفي تركزى وإنتي سهرانة هنا؟
هنا: أركز في إيه؟
سيف: والله المحامي قال إن الجواز يكون حقيقي.
هنا: اممم، شكلك مش هتجيبها لبر. آخرك معايا وحشة يا جدع إنت.
سيف: صباعك ده ميعلاش في وشي تاني، فاهم؟
هنا: امشي من قدامي بدل ما أزعلك بجد.
دكتور يوسف دخل عليه.
يوسف: هنا مش هتروحي؟ ياللا عشان أوصلك.
هنا: تمام، ثواني يا يوسف.
سيف: هو إيه اللي تمام؟ إنتوا بتستهبلوا؟
يوسف: في إيه مالك؟ أنا وجهت ليك كلام.
سيف: لا، وجهت الكلام للي الصبح هتبقى مراتي.
يوسف: مراتك إيه؟ على ورق تلاتين يوم، هنا قالتلي كل حاجة.
سيف: امم، يعني إنت عارف إنها هتبقى مراتي تلاتين يوم، ممكن أعرف إنت مش مراعي ليه إنها هتبقى مراتي؟
يوسف: عشان هنا هتبقى خطيبتي والكل هنا عارف كده، وبعد ما تطلقوا هتجوزها.
سيف بزعيق: أمم، طب ياللا يا دكتورة قدامي.
يوسف: مش من حقك.
سيف هجم عليه وثبته في الحيطة وضغط على وشه جامد في الحيطة.
هنا: سيف ابعد عنه، ابعد يا سيف، خلاص هروح معاك.
سيف بص لها بغل وراح سايب يوسف وراح شاددها من إيدها وخدها ونزل.
هنا: إنت يا أستاذ إنت ساحب جاموسة في إيدك.
سيف: يابن*** أيدي بقولك.
هنا: سيف، إنت تخرسي خالص واتفضلي اركبي.
هنا: لا مش راكبة، بس كده.
سيف: لا هتركبي وياللا عشان الناس بتتفرج علينا، بلاش تخليني أركبك غصب عنك العربية.
هنا: اووووف بقى.
سيف رفع حاجبه.
سيف: ياللا اركبي.
هنا: أمم، ماشي يا سيف، ماشي. وراحت راكبة.
سيف مشي براحة لحد ما وصلوا الفيلا.
هنا نزلت من العربية وقفت قصاد القصر.
سيف: شكله حلو بليل صح؟
هنا: فعلاً، ده خرافة.
سيف: اهو بقا بتاعنا إحنا الاتنين.
هنا: لا خليهولك، أنا مش عايزة حاجة تجمعني بيك، أنا هتجوزك بس عشان بابا ياخد الفلوس، وأول ما المهلة تخلص هروح أتجوز يوسف حبيبي.
سيف: امم، وأنا كمان هتجوز رانا حبيبتي.
هنا: هو إنت بتعرف تحب؟ ده إنت كل يوم مع واحدة شكلك.
سيف: امم، بحب نوع فيكم، بس الصراحة مفيش واحدة قبلتها عجبتني لسه.
هنا: يا حرام، طب ورانا؟
سيف: مانا لو ملقتش حاجة عجبتني هضطر أتجوز رانا وخلاص، أهي دكتورة جميلة وطويلة مش أوزعة.
هنا: أوزعة؟ امم، شكلنا هنبتدي الغلط، أنا ماشية عشان مبحبش أسمع حاجة تزعلني.
سيف: متنسيش الجواز حقيقي يا دكتورة، أظن إنتي فاهمة يعني إيه حقيقي، ياللا تصبحي على خير.
هنا: باااايه. بني آدم رخم والله. وراحت داخلة القصر وطلعت تجري تدور على أي غرفة فاضية تبات فيها.
سيف: اي ده، إحنا هنبات جنب بعض، يعني هتبقي جارتي في الغرفة، وبكرة هتبقي معايا في نفس الغرفة، لا وهتبقي في حضني كمان.
هنا: اللهم طولك يا روح. وراحت داخلة ورزعة الباب.
سيف وقف ابتسم على منظرها وراح داخل غرفته.
رواية تلاتين يوم جواز الفصل الخامس 5 - بقلم اميرة محمود
يوم الفرح
"هنا، ياربي بتخبطي ليه بدري كده يا ماما؟"
"قومي يا بت انتي، المحامي تحت مستنيكي."
"محامي مين يا أمي، دي الساعة تمانية الصبح."
"سميه، هيعمل الإجراءات بدري عشان هتسافري مع عريسك أسبوعين الساحل."
"ساحل مين وبتاع مين، أنا مش هينفع أسافر، أنا ورايا شغل وعيانين."
"يولع الشغل وسنينه يا بنت، دول ملايين، متجييش تبوظي كل حاجة كده، يالا قومي."
"ماشي يا ماما، ماشي، ولعلمك انتي جاية عليا أوي، أوف، ده الواحد جاي من المستشفى الساعة واحدة."
"محدش قالك تروحي، كان ممكن سيادتك تاخدي امبارح إجازة عشان فرحك الصبح."
"ده المفروض اللي أنا معملتوش ومش هعمله، يالا انزلي، أنا هغير هدومي وأنزل وراكي."
"كويس إنك عرفتي إن دي أوضتك، أصل حطتلك الهدوم وخفت تيجي وأنا نايمة ومتعرفيش تغيريه."
"ماشي يا ماما، هصدق إنك خايفة عليا، هصدقك."
"طبعاً يا حبيبتي، والله خايفة عليكي، وعمري ما خفت على حد أكتر منك انتي وأخوكي."
"اومال هتجوزوني ليه للبني آدم ده، أنا بحب يوسف خطيبي."
"ده شهر وهترجعي ليوسف، شهر وكل حاجة هتخلص خالص وهنعيش مرتاحين."
"ماشي يا ماما، يالا يا حبيبتي انزلي، وأنا هنزل وراكي."
"ماشي يا حبيبتي."
راحت سيباها ونازلة.
دخلت الحمام، أخدت شاور، واتوضت، وصَلت ركعتين لله، وراحت خارجة عشان تنزل.
"سيف، صباح العسل."
"صباح الزفت."
"اممم، مش هتتظبطي معايا صح؟"
"أيوه، مش هتظبط، عندك مانع؟"
"لا، معنديش، خليكي كده بال**نين."
"مش هرد عليك أصلاً."
"أصلاً، طب بصي يا حلوة، المفروض إن بداية التلاتين يوم النهارده، يعني المفروض تغيري المعاملة وتحبيني شكلياً عشان المحامية."
"معدش غيرك انت اللي أحبه."
"وأنا مالي يا أوزعة."
"أنا بحذرك، لو قولتي أوزعة دي تاني هوريك اللي عمرك ما شفته."
"أوف، هتوريني إيه بالظبط، عشان هموت وأشوفه."
راحت عطياه بو** في مناخيره وسابته ونزلت.
"آآآه يا بنت ال**، وربنا ماسيبك."
كانت بتجري وراها.
"سميه، إيه ده في إيه؟"
"مالك يا سيف، مناخيرك بتنزف ليه، وبتجري ورا البت دي ليه؟"
بصتله بغل وهي واقفة ورا أبوها.
"اقعد يا حبيبي عشان الدم ده يقف، هو إيه اللي حصل؟"
"مفيش، أصل حلمت إن قطر خبطني في مناخيري، صحيت لقيتها بتنزف."
"قطر يشيلك يا بعيد."
"وربنا ما هسيب حقي، وربنا لهوريك باللي في بالي."
"المحامي، خلونا في المهم، هتعملوا إيه؟ أكلم المأذون؟"
"آه طبعاً، كلمه يالا."
"أنا كلمت خبيرة تجميل وحجزت فستان وكل حاجة جاية في الطريق، وطبعاً أستاذ سيف جابله بدلة على ذوقي، وإن شاء الله ذوقي يعجبكم."
"ربنا يستر."
"في حاجة يا أستاذ سيف؟"
"لا أبداً، حاجة إيه، أنا بقول ربنا يستر في اليوم الجميل ده."
"تمام، بصوا بقا انتوا الاتنين، هتسافروا الساحل الساعة تمانية، هتقعدوا هناك أسبوعين، وأنا مسافر معاكم وحاجز الجناح اللي جنبكم عشان أشوف الجواز ده هيبقى لعبة ولا حقيقي، أنا المراقب ليكم."
"ده لو كنتي دعيالي في ليلة القدر ميبقاش كل ده قصر وفلوس وعربية وساحل، لا وايه وعروسة كمان قمري."
"قمر أوي."
راحت مم**صة شفايفها.
"ماهو باين."
في سرها.
"أهو القمر ده هيوريك النجوم في عز الضهر."
"المأذون وصل."
"مأذون الساعة تسعة، أول مرة أشوف كده."
"لا ده إحنا هنشوف العجب."
"شوفه لوحدك."
"هههههه، ماهو كل حاجة شركة، إحنا الاتنين."
"اللهم طولك يا روح."
"أين العروس ووكيل العروس والاتنين شهود؟"
"ماما، متفكري كويس."
"إيه، هتيجي للآخر وترجعي في كلامك؟"
"أنا مش هرجع في كلامي، بس أنا حاسة إني بتظلم."
"خلاص بقا يا ست هنا، خلاصة."
"ماشي يا ماما، ربنا يسامحكم."
حسام دخل بياسمين.
"ياسمين، بجد القصر ده بقا بتاعكم؟"
"آه، بس قولي ما شاء الله."
"ما شاء الله، بجد ده جميل أوي."
"طب يالا ندخل المأذون جوه عشان أنا شاهد."
"يالا لازم تدخلي."
"ماشي."
راحت داخلة معاه.
"والد العروس، حط إيدك في إيد العريس."
أنور مد أيده وهو جواه نار أن يجوز بنته لابن أخوه اللي بيكرهه. سيف مدوا إيده في إيد أنور وكتب المأذون الكتاب.
"بارك الله لكما وبارك عليكما وجمع بينكما في خير."
سيف راح جنب هنا.
"بدأنا اللعبة يا مراتي يا حبيبتي."
بصتله وعنيها حمرا وكلها دموع.
"للدرجة دي بتحبيه."
"ملكش دعوة انت فاهم."
"لا، ليه دعوة، انتي نسيتي إنك مراتي، نسيتي ولا إيه؟ ده المأذون لسه موجود حتى."
"العروس تيجي تمضي."
بصتلهم كلهم بعين م**ورة. أبوها بص في الأرض عشان بنته صعبت عليه، وراحت ماسكة القلم ومضت، وراحت سيباهم وطلعت جري أوضتها.
بعد ساعة، الميكب ارتيست وصلت والفستان وصل.
"أهلاً يا حبيبتي، تعالي هطلعك أوضتها."
"تمام."
وطلعت معاها.
طلعت خبطت على هنا.
"هنا، لا رد."
"هنا يا هنا."
وراحت فاتحة الباب، لقتها واقعة في الأرض مغمي عليها. فضلت تصرخ جامد. دخل سيف لأنه كان في الأوضة اللي جنبها.
"في إيه."
"بفتح الباب لقيتها واقعة في الأرض كده."
"يا هنا، فوقي."
"عن إذنك حضرتك كده."
وراح موطي، شالها، وراح منيمها على السرير. وشعرها جه على وشها، راح مرجعه لورا.
"بص لهنا، يخربيت جمال أمك، إيه الشعر ده."
"أجبلك إيه تفوقها؟"
باصص وسرحان في هنا.
"يا حضرة، أجبلك إيه؟"
"هاا، هاتي إزازة برفان كده، وأنا هحاول أفوقها."
وقعد يفوق فيها لحد ما فاقته.
"آآآه، راسي."
"حمد الله على السلامة."
بصدمة.
"انت إيه اللي مدخلك هنا؟"
وراحت شادة فوطة حطاها ع راسها تداري شعرها.
"أمم، سيادتك كنتي واقعة مغمي عليكي وأنا كنت بفوقك."
"خلاص فوقنا، يالا بالسلامة بره."
"هي د*كلمة شكرا بتاعتك، ده انتي حقنة."
"حمد الله على السلامة يا عروسة."
"إيه القمر ده، انتي مين، أوعي تكوني قريبتي، أصل قرايبي كلهم قصيرين، أنا بس اللي طويلة."
"لا، أنا الميكب ارتيست اللي هزوقها."
"تشرفنا يا قمر، مانا بقول مش معقول الجمال ده من العيلة دي."
"ميرسي ليك يا فندم."
"أجبلكوا اتنين لمون."
"ياريته."
"اطلع بره أوضتي يا دكتور سيف لو سمحت."
"ماشي، ماشي."
خرج. والميكب ارتيست بدأت تزوقها ولبست الفستان وخلصت.
"إيه العروسة خلصت؟"
"آه خلصت ونازلة حالا، ورايا."
سيف عاطي ضهره للسلم وواقف بيكلم المحامي. وفجأة نور نزلت بفستان الأميرات. كانت تشبه بجمالها أميرات ديزني، العيون الزرقاء والفستان المنفوش والملامح الربانية الغاية في الجمال.
"بسم الله ما شاء الله، إيه الجمال ده كله."
"بيبص، أوف، مين دي."
المحامي حب يختبر سيف يشوف هيغير ولا لا.
"تخبل صح، أنا كنت عارف إن الفستان ده هياكل منها حتة."
"ماتلم نفسك يا جدع انت، احترم اللي واقف قدامك."
"يا بختك."
"لا إله إلا الله."
وراح سايبه وراح لهنا.
"إحنا هنبتدي من دلوقتي التمثيل، معلش يا بنتي حاولي تبيني إنك بتحبيه."
"ماشي يا ماما."
سيف راح مد أيده لهنا.
"بجد برنسيسة."
"شكراً."
"ماشي، يالا تعالي نقعد."
"ماشي، بس ابعد شوية كده، انت لازقة كده ليه."
"لازقة، يارب صبرني."
فضلوا قاعدين شوية لحد ما الحفلة خلصت.
"الساعة بقت تسعة، يالا بينا."
"أنا هروح الساحل إزاي وأنا مش معايا هدوم."
"عامل حسابي، هدومكم انتوا الاتنين في الجناح بتاعكم هناك متعلقة في الدولاب."
"ده انت مخطط كل حاجة."
"طبعاً، ده شغلي، يالا بينا عالعربية."
"استنوا، هو مين."
رواية تلاتين يوم جواز الفصل السادس 6 - بقلم اميرة محمود
رواية تلاتين يوم جواز الفصل السادس 6المحامي ، عامل حسابي هدومكم انتو الاتنين في الجناح بتاعكم هناك متعلقه في الدولاب
سيف ،. ده انت مخطط كل حاجه
المحامي ،. طبعا ده شغلي ياللا بينا عالعربيه
هنا ، استنوا هو مين