كنت أظن الحظ جابك و | إبتسَم
أثر أنا و ( الحظ ) . . . مانواطن بعض !!
الأمل في دنيتي .. يامـا .. إنهدَم .
و " الفَرَح " ما يوم في عمري – ومَض
جرح ( غيري ) بـ إختياره : إلتئَم !!
و آنا جرحي ؟ ليه عـ القلب / إنفرَض؟!
ليت قلبي من جروحه , إفتهَم ,
غيري عـاش الجرح .. مرّه .. و إتّعَض
مايحس [ القلب ] من كثر | الألَم
راحت الراحه . . . وعلى اللـه العَوَض.
جيت من أقصاي وماكان العشَم
تصدِم إللي صوبك إحساسه - رِكَض ،
من يعلّم { طيبتي } :: درب الندَم ::
دام صارت " نيتي البيضه " ~ مرَض!
ما ألوم القلب عايش في وهَم
يكفي .. يثبت لي [ حياتي ] لا نُبَض
قلبي من دنياي " عمره " ما : سلَم
.. كل ما زانت .. لي الحظ - إعتَرَض !
كنت أظن الحظ جابك و | إبتسَم
قبل مايقفي بك و ( نخسِر ) . . . بعض !!
قاعد بالمكتب وتعبان مو عارف وش يسوي اكثر شي يكره بالحياة ان ينغصب على شي " سمع صوت هواش برا " يا ربي شصاير برا -راكان وقف وراح يشوف - شصااير هنا
السكرتير : طال عمرك ذول يبون يدخلون غصب
راكان يطالع فيهم : من انتوو
ابراهيم : راكان انا ابراهيم ما تذكرتني
راكان : اي تذكرتك ...ادخل
ابراهيم سحب سلمان ودخلو
راكان : عسا ما شر شصاير في شي
ابراهيم : بصراحه ...انا ...مدري شقولك
راكان : وش صاير
ابراهيم : راكان الي ابي اقولك اياه شي حساس ...وله دخل بحياتك الشخصية
راكان مو فاهم شي : ياخي تكلم زين مو فاهم شي
ابراهيم : راكان كل شي صار بسببنا حنا
راكان : صار ب وشو
ابراهيم : ابرار ما لها دخل بشي ..هي ما سوت شي
راكان : شقصدك
سلمان : انا سلمان ...انا الي اتصلت فيك ..
راكان : طييب
سلمان : ابرار ما سوت شي ...هي بريئة انا ...انا سويت كذا عشان ابراهيم ...نوف هي السبب بكل شي طلبت من ابراهيم يتصل ب ابرار ويدمر حياتكم بس ابراهيم تعلق فيها وحبها ...وانا شفته كيف تعذب بدونها وقلت بساعده وما لقيت غير هذه الطريقه بس ما كان قصدي اخرب كل شي ...كل الي فكرت في انك تطلقها وبس ...بس صار شي غير الي متوقعه
راكان يطالع في منصدم : شلووون
سلمان : ما تحملت اشوف ابراهيم كذا قلت بساعده بس مدري كيف كل شي انقلب
راكان بصراخ : شقصدددك يعني ..
ابراهيم : راكان ...ابرار تحبك بس انت وانا حاولت معها بس هي ما قبلت فيني هي تحبك انت بس ..!!
راكان مسك سلمان : تعررف شسوييت انت خليتني احرررم البنت الي تحبني من العياال شككت بزوجتي ...شككت بولددي
سلمان بندم : سامحني ...ما كان ودي تخترب الامور ...انا ..انا ما كنت اعرف انها حامل صدق قلت كذا عشان اخليك تطلقها بس ...والله ما كنت ادري انها حامل
راكان ضربه : انت دمرررت كل شي
ابراهيم مسك راكان : راااكان فككه ...امش لزوجتك اعتذر منها ...لان الي سويته غلط
راكان بعصبية وصراخ : اعتذذر ...الاعتذار برجع لها طفلها ...الاعتذار بخليها ترجع تجيب عيال
ابراهيم : اعرف والله صعب ...والله
راكان طلع من المكتب وراح لسيارته " وش سويت انا ...يا ربي انا دمرت كل شي بيديني دمرت كل شي ...ابرااار ..." وصل الفلله وطلع على غرفتها بسرعه : ابراااار
ابرار كانت ترتب شنطها : راااكان ....
راكان قرب منها : ابرااار
ابرار فقدت اعصابها وقامت تصارخ : برااا ...اطلع برااا مابي اشوفك اطللععع
راكان مسك كتوفها : سمعيني
ابرار زاد صراخها : وخخر عني تكففى وخخخر ابعععععد -ابرار فكته وطلعت للدريشه - والله ان ما طلعت لارمي نفسي اطلللععع
راكان بندم : ابرااار تكفيين سامحيني انا انا غلط بحقك انا عرفت كل شي بس بوقت متأخر ابرااار تكفيين سامحييني
ابراار تصارخ : اسااامحك ...اساامحك ...زين بسامحك بس بس رجع لي ولدددي ...رجع ليي حياتي الي دمرتها
راكان ندمان : تكفيين يا ابرااار لا تسوين فيني كذا والله ندماان ...
ابراار تصارخ : وخخر عن طرييقي ابععد عني
راكان بخوف : طييب نزلي من عندك
ابرار وقفت : تصدق ...المووت ارحم لي
راكان انصدم : ابرااار لا تنجنيين نززلي من عندك
ابرار ضحكت : هههه انا اصلا فقدت عقلي يوم حبيت واحد مثلك ...واحد اناني
راكان وقف جمبها : زيين يلا نطي
ابرار طالعت في : رااكان انززل
راكان : ماني ناازل ...انزلي انتي اول
ابرار تصيح : رااكان انززل
الكل طلع للغرفة
جوري تصارخ : ابراااار انزززلي يا مجنووونه
بندر بخوف : رااااكان وش تسوي انت
راكان : تنزل هي وبعدين انا
الجد : انجنيتو انت وهي نزلووو بسرعه وش بقولو الناس
ابو سعود : رااااكان يببا انزززل
ام سعود : يمما ولددي برووح ...انززل يا راكان
ابراار تصيح : شتبي مني ااه ...دمرت كل شي فيني ...دمررتني يا راكان دمرتني ...والله حبييتك والله ...رغم كل الي سويته فيني ..ضربتني وسكت خذيت مني شي غصبن علي وما قلت شي ...حتى يوم حملت كنت مبسوطه وقلنا بنبدا حياة جديدة بس ..بس انت جيت وضربتني ...خليتني انزل ...ومو كذا وبس حرمتني من الاطفال طوول عمري ما بسامحك ابدا ...ما بسامحك يا راكان -وفجأة حست بشي يسحبها تحت - ااااااه
جوري تصارخ : ابراااااار
راكان حضنها : سامحييني ..سامحييني يا ابرار والله ندمان يا ابرااار والله ندمان
ابرار تضرب راكان عصدرة : والله حبيتك ..والله حبيتك يا راكان ليي دمرت حياتي لي
راكان حضنها : سامحييني ...سامحييني يا ابرار
ابرار حضنت راكان : اكرررهك يا راكان اكرهك
...مابي اشوفك ابدا ...وخخخر من طريقي ولا تخليني اشوف وجهك ...
راكان طالع بعيونها : برووح يا بروو ...بروح ..بس ابيك تسامحيني
ابرار تطالع بعيونه : صعب اسامحك ...الجرح الي جاني منك كبير ...كبير
راكان باسها " متجاهل وجود الكل ..ابو وامه وجده واعمامه والكل " : احبببگ
ابرار دمعتها طاحت : اكرررهگ
راكان فكها وطلع من الفلله بكبرها وابرار دخلت بدوامة بكا
________________________________
احمد حاضن مها : ليي تبكين
مها مسحت دموعها : احس ما لنا نصيب بالفرح ابدا ...كل شي يصير معانا عكس الي احنا نتمنا ...شوف جوري وبندر صار معاهم مشاكل كثيرة بس هم دايما مع بعض ولا فكرو يبعدو عن بعض ...بس لي ابرار وراكان مو قادرين يكونون مع بعض
احمد : بس راكان سوا غلط كبير يا مها ...تعرفين شنو يعني تنحرمين من العيال طول حياتك
مها : والله صعبه والله ...
________________________________
راشد : ياخي قسم بالله شي يحرق القلب
سعود : اي والله ...
بندر : راكان قرر يسافر لندن ...بيطلع بعد شوي
ابو سعود : لا حول ولا قوة الا بالله
راكان دخل : بطلع
الجد بحدة : راااكان وقف
راكان طالع بجدة
الجد : طلقها قبل لا تروح
راكان انصدم والكل بعد
الجد : مابي بنيتي تبقى معلقه
راكان بحدة : وانا ما بطلق وذا اخر كلام عندي
الجد : بس يا راكان...
راكان كمل بنفس النبرة : قلت ما بطلقها ...طيارتي بعد شوي - وطلع -
الجد ابتسم " هذا عشمي فيك يا راكان "
بندر تنهد : ياخي تعبت ...ابي اغير جو
راشد : فيصل سحب علينا بعد ما حرمته ولدت ...وراكان سافر واحمد مدري وينه
سعود : دحووم وينه
بندر : طلع مع غلا يغيرون جو
سعود : زين زين
بندر : شباب شبنسوي الحين
راشد : نطلع المجمع
سعود : لا ياخي موب ناقص مشاكل ...شرايكم نروح الاستراحه
بندر : ونلعب بلايستيشن
راشد : زين ...بس نروح نتروش ونلتقي بعد المغرب زين
سعود : زين
بندر : اووكي
________________________________
شوق : بنات غلا وين
جوري : غلا طلعت مع عبدالرحمن يغيرون جو
سلمى دخلت : السلام عليكم
البنات : وعليكم السلام
ابرار : بنات راكان سافر
جوري بعصبية : بعدك تفكرين في ...بروو اذا سمعتك جبتي اسمه ع لسانك يا ويلك
ابرار حضنت جوري : بس انا احببه والله
جوري بصراخ : تحبينه ولا ما تحبينه ما تفرق معاي ...هو ما يستحق الحب ابدا
شوق قرصت جوري
جوري : اااي
شوق : وش هالكلام
مها نادت سلمى
سلمى طلعت : شفيك
مها : تعالي معاي
سلمى : ويين
مها وسلمى راحو المطبخ
سلمى : وش بتسوين
مها خذت طحين : نبي نغير جو ...زهقت من جو الكآبه ذا
سلمى ضحكت : هههه من جد انتي غبيه
مها حطت الطحين بصحن : خذي ذا وانا باخذ ذا
سلمى عجبتها الفكرة : مشينا
طلعو البنات للغرفه
شوق : يا ربي طفش
سلمى : لا تخافين بروح الحين الطفش
شوق : وش الي ورا ظهرك
سلمى مسكت طحين بيدها ورمته ع شوق
شوق بصراخ : يا كلللبه
مها قامت ترمي عالبنات بالطحين
جوري بعصبية : تعرفين لو امسكك لادوس ببطنك
ابرار قامت ومسكت طحين وحطته بوجه مها : خذي
مها شهقت : يا الدوووبا مو بوجهي
البنات قامن يرمو بعض بالطحين وصراخهم مالي البيت
سلمى ومها نزلو المطبخ
مها تصارخ : خذذي الكااتشب بسرررعه
سلمى خذت الكاتشاب وقامت ترش على ابرار
ابرار بعصبية : يالنذلله انا اوريييك -وخذت المويا ورشتها عليها -
سلمى شهقت : يا دوووبا بااردة
جوري جابت طحين وحطته بوجه مها
مها صرخت : يا نذلله ووخخري
شوق اشرت لجوري -ومسكو مها -
مها تصارخ : فككووني ويين بتاخذوني
شوق : طحييين يا حيوانه ...تحملي
مها تنادي على سلمى : سلممممى ساعديني
ابرار جت ماسكه سلمى : ما في فكككه ابدا
البنات رمو مها بالمسبح
مها صرخت : امااااانه لاااااااااااااااا
وابرار جابت سلمى ورمتها ورا مها
جوري وشوق غمزو لبعض ورمو ابرار بالمسبح
ابرار شهقت : يالنذلات تخوونوني
جوري : ولا تزعلين -ورمت شوق بالمسبح -
شوق : ااااااه ....- شوق مسحت المويه عن وجهها - يا حيوااانه ...قسم لو كنتي تعرفين السباحه لكن غرقتك بالمووويه يا كلبه
جوري جتها فكرة : خلاص ما بخليها ببالكم بس تمسكوني
ابرار بخوف : جوري لا تنجنين انتي ما تعرفين تتحكمين بنفسك
جوري جت تركض ورمت نفسها بالمسبح : ااااه
سلمى بمزح : يمممما تريلا نزلت بالمسبح
ابرار ضحكت : ههههههههههههههه الا دووب نزل علينا
مها تضحك : هههههههههه يمما اشكالنا تخووف
سلمى فطست ضحك : بناااات شوفو الكاتشاب على وجه شوق هههههههههههههههههه شوق ضحكت : ههههههه كاني مجنونه متغطسه بالكاتشاب
ابرار تضحك : ههههههههه قسم بالله كاننا انجنينا
جوري حضنت ابرار : هذه بروو حبيبتي الي تضحك
شوق قامت ترش عليهم مويه وابرار وجوري بالجهة الثانية
كان يطالع فيهم من بعيد " يا رب ادم عليهم الفرحه "
سعود ينادي جده : جددي ..
الجد : ها يوليدي ما في شي امشي ...
سعود : جدي حنا بنطلع انا والشباب تبي شي
الجد : الله يوفقكم يا عيال ...
سعود طلع
________________________________
مرت ايآم واسآبيع وشهور عشتو مع ابطالنا احلا اللحظات ...بحلوها ومرها شينها وزينها
★ عشتو مع جوري وراكان الحب الطفولي الي كبر معهم من هم وصغار ...بس القدر لعب لعبته ★
★ وعشتو مع بندر وابرار الحب النقي الحب الطاهر ...بس القدر لعب لعبته معهم بعد ★
★ شوق وسعود حبهم الغريب الي تفاجأنا ان خلاها بليلة العرس رغم كل هذا بقى الحب عايش بينهم ★
★ شفنا الحب الرائع الطفولي بين سعد وحلا الحب الي ما نقص رغم البعد ...شفنا خوفهم على بعض وشفنا غيرتهم بس حبهم باقي لين الأخير رغم موت حلا وزواج سعد ★
★ شفنا حب فيصل ورانيا رغم الاصابة الي تعرضت لها ما خلاها بقى معاها وما تخلا عنها رغم كل شي وقف معاها وساعدها لين تتخطو المصاعب مع بعض ★
★ عشتو الحب الحقيقي مع جوري وبندر الحب الجميل الحب الي خلق بعد الكره الحب الي ولد بإحساس صادق بين قلبين ★
★ عشتو الكره الي بدر من ابرار وراكان وكانت تجربتهم صعبة مع بعض الكره استولا قلوبهم بس علمونا ان الشك يدمر كل شي ★
★ شفنا تضحية راشد وحبه الكبير لـ سلمى وشفنا ثقتها في براءة راشد رغم ايمان الكل ان هو المذنب بس الحب تغلب على كل شي★
★ عشنا الحب مع غلا وسامي الحب اللطيف الحب الصادق حتى بعد مرض سامي حارب المرض وتعالج عشان البنت الي يحبها ★
★ شفنا احمد والخطأ الي سوا ورغم هالشي عايلته ما تخلت عنه وقفت معاه وساعدته لان العيال يخطون بس الخطأ اننا نتخلا عنهم وما نعلمهم الصح من الخطأ وشفنا حبه لمها رغم كل شي ما رفضت بقت معه وساعدته ★
★ عشنا المشاكل مع بيان وعبدالرحمن علمونا ان مهما تأخر الشي بالأخير بجي علمونا ان رحمة الله واسعه وعلمونا ان الحب ما يموت حتى لو احد الطرفين راح الحب يبقى ★
★ شفنا الحب العظيم بين ليين وفارس الحب ما يعتمد على السنوات احيانا ساعه كفيله على ان تحب شخص علمونا ان الحب تساند الطرف الثاني بكل شي تكون معه وتدعمه ★
★ عشنا الكره مع نوف شفنا الكره وين يودينا احيانا نكره شخص بسبب شي بسيط احيانا الحقد والحسد والكره ياخذونا لطريق مسدود طريق يخرب حياتنا ويأدينا لطريق ثاني ★
________________________________
★ بعد مرور سنتين ★
سلام : فارس يلا بنتأخر
فارس : جيت جيت
سلام : وين كنت كل ذا
فارس : رحت اضبط الشنط
سلام : اشتقت للسعودية
فارس : كله شهر لحقتي تشتاقي لها
سلام ابتسمت : شهر ...
فارس طالع فيها : في شي
سلام هزت راسها ب لا
فارس سند راسه على الكرسي وتذكر وش صار من سنه
( فيصل يمسح دموعه : امي الله يرحمها توفت وخلتنا
فارس : يا فيصل اذكر الله وش هالكلام
فيصل : والله يا فارس مدري وش اسوي سلام حالتها صعبه ...كانت متعلقه بامي واجد
فارس : وش بتسوي الحين
فيصل : مدري يا فارس مدري ...سلمى تزوجت وانا اعرف سلام عنيدة ما بترضى تتزوج اي احد
فارس : يعني تبي تزوجها
فيصل : يعني بخليها عندي ...هذه بنت ولازم تشوف نصيبها
فارس : فيصل ...يعني ...انا اذا ما تمانع بتزوج اختك
فيصل يطالع في : شلوون
فارس : تعرف انا وجينا لحالنا وابي حرمة
فيصل ابتسم : متأكد بتتحملها
فارس ابتسم : افاا عليك )
سلام : فاارس
فارس فز : وش صار
سلام : ما في شي شفيك
فارس : اسف بس كنت سرحان
سلام : لا عادي
فارس : كنتي تبين شي
سلام : لا بس شفتك ساكت كذا قلت يمكن في شي
فارس ابتسم : لا تخافين ما في شي ...
سلام : مطوليين
فارس : لا
سلام " لي تعاملني كذا يا فارس ..دامك ما تحبني لي تعذبني معاك ...تحملت جفاك متى بتحس فيني متى ......"
فارس : وصلنا نزلي
سلام وفارس نزلو ودخلو الفلله
جينا جت تركض : باااابا
فارس حضن بنته : شلووونك
جينا : بخيير ...ماما اشتقتلك
سلام حضنت جينا : وانااا اشتقتلك
جينا : لي تأخرتو
فارس : ما تأخرنا انتي منتظرتنا من الصباح ...سلام خذيها لغرفتها انا بروح شوي وارجع
سلام هزت راسها وخذت جينا وطلعت
جينا : لي زعلانه
سلام : انا ...موب زعلانه ...يلا ننام
سلام : ليي ما تبين
جينا : كذا
سلام : ليي كذا طييب
جينا : لاني زعلانه منك انتي وبابا
سلام : يا وييل حالي ولي زعلانه منا
جينا : لانكم رحتو بدون ما تاخذوني معاكم وخليتوني لحالي
سلام : طيب انا اسفه وحقك علي بليييز سامحيني
جينا : افكر اسامحك
فارس جاهم : شفيكم شفيكم
سلام : جنون زعلانه
فارس : يا دافع البلا جنون زعلانه خلاص بتقلب البيت فوق روسنا
جينا : انتو خليتوني هنا لحالي ورحتو عني
فارس : وخالتك ما كنتي معاها
جينا : الا بس كنت ابي اكون معاكم
فارس : طيب لك عندي مفاجأة
جينا : وش هي
فارس : لا مفاجأة
جينا بزعل : لا لا الحين
فارس : لا مابي
جينا : بابا بليييز الحين
فارس : لالا والحين قومي تنامين
جينا تتحلطم : اوووف بابا
سلام : يلا يا قلبي
جينا : تصبحون ع خير
فارس وسلام : وانتي بخير
فارس : اااخ تعبت
سلام : احط لك شي تاكله
فارس : لا ما يحتاج ...بس ابي مساج لراسي
سلام : تعال
فارس : شفيك
سلام تخفي زعلها : ولاشي عادي
فارس : سلام شفيك
سلام : مافيني شي تكفى لا تسألني
فارس قام وقعدها قبالها : لي تخفين عني انا زوجك صح
سلام طالعت في وطاحت دمعتها : زووجي اي زووج الي تتكلم عنه ااه اي زوج ...لنا سنه متزوجين عمرك اعتبرتني زوجه لك عمرك حاولت تفهمني كزوجه انت هنا مخليني مربيه بس عمرك ما استوعبت اني زوجه لك ...حتى نوم ما انام بالغرفه وانت ما تلاحظ وتقولي زوجي انت للحين ما نسيت حرمتك الاولى ...بس في شي ابي افهمه لي تزوجتني كانك ما تبيني ليي تزوجتني ....
فارس طالع فيها قام اخذ شماغه وطلع
سلام قامت تصيح ....
فارس جاها : لي تصيحين
سلام قعدت : ما اصيح
فارس قعد عركبته : اقدر اخذ فرصه ثانيه
سلام طالعت في : شقصدك
فارس : قلت لجينا في لها مفاجأة والمفاجأة هي ان بجيها اخ جديد
سلام استحت : شلون
فارس حضنها
________________________________
جوري : حبيبي خلاص
بندر حاضن جوري : مابي افكك
جوري : بندر حور نايمه خلينا نطلع طيب
بندر سحبها برا الغرفه : كذا ارتحتي يعني
جوري باست خده : يب ...امش ننزل تحت
بندر : مشينا
جوري نزلت تحت مع بندر
عبدالرحمن : بندر تكفى خذها تعبت
بندر اخذ بيان : شفيها حبيبة عمو
بيان تضحك
بندر : يا لببى قلبك انتي
عبدالرحمن : غلا وين
جوري : غلا نامت من زمان هي وسامي
عبدالرحمن : وانا بروح انام بعد ...بندر نيمها وحطها بسريرها ...تصبحون ع خير - وطلع -
بندر يطالع في : حللله امها انا ...وش ذا
جوري تضحك : نيمها بروح انا هههه
بندر : امشي امشي
________________________________
شوق : حبيبي وش بنسمي
سعود : الفهد
شوق : وشوو لا موب حلو
سعود : وليي يا مدام شوق وش بتسمينه
شوق بدون تفكير : يززن
سعود بعصبية : وشوو يزن ذا لا الفههد
شوق : يزن
سعود : فهد
شوق : يزن
سعود : فههد
شوق : يززن ....اااااااه ...
سعود بخوف : شفييك
شووق تصارخ : اااااه ...بطني ...بوووولد
سعود فز : شلووون يعني
شوق بعصبية : وشووو الي شلوون اقولك بولد بسررررعه ااااااااه ....سعووووود سووو شييي اااااه ...
سعود شالها وطار للمستشفى
________________________________
★ يوم جديد ★
رانيا : يا ماما وقفو زين
فيصل : انا مو عارف شلون يتلبس ذا
رانيا : حبيبي حطها من فووق مو من تحت
فيصل عصب : خذي عيالك لبسيهم انتي
رانيا : الحيين صارو عيالي
فيصل : شسوي طيب ما عرفت البسه
رانيا : دحوم قوم جب عزوز
فيصل : عطيني دحوم خلصتي وخذي عزوز
رانيا : يا زينه الحلو لابس ثوب يجننن
فيصل : عاد مو قادر افرق بينهم انا
رانيا : تذكر يوم قالت لنا انها بنت طلعو اثنين توأم
فيصل يضحك : هههههه ما انسا هالحظه
رانيا : يجننون عيالي ....يشبهوني
فيصل : نعم نعم يشبهوني انا
رانيا : لا انا
ام فيصل جتهم : شفيكم
رانيا : ماما طالعي بالحلوين ذول يشبهوني انا ولا هو
ام فيصل : الا يشبهونك من وين يشبهون ذا
فيصل : الله يمما كذا تحرجيني
رانيا تضحك : هههههههه
فيصل : اقووول لا يكثر بس
رانيا وام فيصل يضحكون : هههههههه
________________________________
الجد : ها يا احمد شلون حرمتك الحين
احمد : خنقتني يا يبا
مها شهقت : اناا يا ظالم
احمد : اجل يا يبا حرمه تصحيك الساعه ثنتين تبي باسكن شتكون والله تكون مجنونه
مها : اجل خل يطلع ولدك براسه باسكن زين
احمد : ها لالا خلاص اجيب له باسكن وابو بعد لبى قلبه هو وامه
مها استحت
الجد : استح يا ولد انت
احمد انحرج
سعود يصارخ : يبااا يبااا
الجد : شفييك شفييك
سعود : شوووق جابت ولد جابت ولددي جابت الفهد يا يبوووي
الجد : مبااارك يا ولييدي مباارك
احمد : الله يقومها بالسلامه
سعود : امييين يا رب
مها : سميته الفهد
سعود : ايي
مها : يتربى بعزكم
احمد : اقوول مها سالي وين
مها : تلاقيها مع سامي تلعب
احمد : اها كويس
سعود : بروح اخذ امي استودعناكم
الكل : مع السلامه
________________________________
راشد يتكلم بالجوال : خلاص ولا يهمك ...اي حجزت التذاكر ...اقول فيصل بتاخذ عيالك ...زين بدبر كل شي ...مع السلامه
سلمى : مع من تتكلم
راشد طالعها : عفواا
سلمى : وش تخطط
راشد : اقول لا يكثر ...كان الملف هنا وينه
سلمى : قولي وش تخطط اعطيك الملف
راشد : سلمى لا تخليني اعصب
سلمى : ما بقولك وينه
راشد بصراخ : حطييت الملف هنا ويين رااح
سلمى بعناد : ما بعطيك لين تعترف
راشد يمسح وجهه : لا حول ولا قوة الا بالله
سلمى بترجي : تكفى تكفى طلبتك
راشد ضحك عشكلها : هههه زين زين
سلمى : كلي آذان صاغية
راشد : انا وانتي وفيصل وحرمته بنطلع جزر المالديف
سلمى بصراخ : واااااااااااااااااو
راشد : وجعععع صرعتيني كنك بزر
سلمى تنط عالسرير : ياااااااي جزر المالديف
راشد : لا حوووول متزوج بزر انا موب ببنت
سلمى : اقووول لا يكثر وقم نجهز
راشد : هووو هوو. ويين وين يابوي
سلمى : بجهز شنطتي
راشد : اقوول انتي ضايعه علاخر موب الحين اسبوع كذا وبنروح
سلمى بتحلطم : لييي طييب
راشد : في عندنا شغل ولا تنسين بنروح نشوق سامي
سلمى بحزن : برووح معاكم مسكينه غلا للحين ما نست الي صار
راشد : والحين ممكن الملف
سلمى تضحك : بلملف بالدرج يا حبيبي
راشد : مجنونه
سلمى : مجنونه فييك
راشد : بخلي شغلي واجيك ترا ....من سنتين ابي طفل
سلمى صرخت وطلعت برا الغرفه بسرعه
راشد ضحك عليها
________________________________
★ لندن ★
سعد : حبيبتي بنتأخر حلاتي يلا
حلا : جيت جيت
سعد : لبسيها زين لا تبرد
الريم : بابا مدفية
حلا : شف ما صار لها سنه وتتكلم
سعد : طالعه لامها مرجوجه
حلا شهقت : الحيين انا اجييب العييد
سعد : نسيتي بلمستشفى شسويتي
حلا : سعد تكفى خلاص لنا سنتين ونص متزوجين وكل شوي تذكرني خلاص
الريم : بابا اش صار
حلا : ولا شي ماما يلا بنطلع تأخرنا
سعد يضحك : هههههه
حلا وقفت : اووووف نسيت صورة حلا
سعد : لي جايبتها
حلا وهي ترجع للغرفه : احب احتفظ فيها
سعد : يلا بسرعه بنتأخر
حلا تحط الصورة بشنطتها : مشينا حبيبي
سعد يحط يده بيدها : شفيك
حلا : ولا شي بس تعرف الطيارة وكذا
سعد : افاا تخافين وانا معك
حلا ابتسمت : دام انت بجنبي ما اخاف ابدا
سعد ابتسم لها
الريم : وانا اخاف
سعد وحلا ضحكو
________________________________
ابرار : جوري
جوري : عيوني
ابرار : تعالي معاي
جوري : ويين
ابرار : المكان السري ( الي قرا الرواية من البداية بيعرف وش المكان السري )
جوري ابتسمت : صدق
ابرار هزت راسها
جوري : امشي
راحو البنات ورا الفلله مكان كبير ووسط الشجر في بيت صغير ...هالبيت بنو بندر وراكان وجوري وشوق وسعود ما حد يتجرأ يروح هناك ...مكان كله اشجار خضرا والورود مزروعه بطريقة تجنن
ابرار : كم لنا ما جينا هنا
جوري : ثلاث سنين او اكثر ...
ابرار : من يوم ما تزوجتي انتي وبندر ثلاث سنين
جوري : مشتاقه له
ابرار ابتسمت : بتفرق يعني
جوري : تحبينه
ابرار : اي ...احبه
جوري مسكتها من يدها : بروو تحبينه صدق
ابرار بحزن : سنتين يا جوري كل يوم اقول بيجي ...كل يوم اقول بيجي بس انكسر يوم اطالع الباب وما اشوفه
جوري رحمت حالها : بروو سامحيني
ابرار : لا يا جوري انتي كنتي خايفه علي مو ذنبك
بندر جاهم : اشتقت لهلمكان
ابرار وجوري طالعو جهة بندر
ابرار بصدمة : رااكان
جوري : كنا بنسوي مفاجأة اكبر بس راكان خربها بدخوله للمستشفى
ابرار بخوف : المستشفى ليي
راكان قرب منها : خايفه علي
ابرار بخوف : وش صاير شفييك ...
راكان حضنها بقوة : اشتقتلك
ابرار دموعها طاحت : وخخر عني
راكان بتعب : سنتين بعييد ...يكفي
ابرار قامت تصيح وحضنته
راكان : اشتقتلك ...
ابرار تصيح : والله موب كثري والله ..
راكان طالع بوجهها : لي كذا نحفانه
ابرار : انت لي تعبان كذا
راكان : البعد وما يفعل
ابرار : انت مو حلم
راكان قرصها
ابرار : اااي
راكان بحزن : سامحتيني
ابرار تصيح : اي
راكان : احبببگ
ابرار تصيح : لي خليتني
راكان : كنت مو طايق نفسي
ابرار تضربه عصدره : انت كذاب ما تحبني لو تحبني ما خليتني ما تتركني سنتين وتروح عني
راكان : سامحيني يا بروو
ابرار تمسح دموعها : لي رحت المستشفى
راكان : قصة طويله
ابرار : وذا اخو جوري شلون طلع
راكان : سعود كان يعرف بكل شي وانا كنت معاهم بس كاني دلة قهوة بينهم
ابرار ضحكت : هههه اشتقتلك
راكان بغرور : انا لا
ابرار شهقت : تدري انك ما تنعطى وجه
راكان حضنها : تدرين اشتقت حق شنو
ابرار : حق شنو
راكان ضحك : هههه اني اكفخ فيك
ابرار ضحكت : هههه تصدق مثلي
راكان : سامحيني ابرار والله اني اتندم عكل شي خلال هالسنتين تتصلين فيني وانا ما ارد عليك حاولت اخلي قلبي ينساك بس ما قدرت كنتي معاي بكل لحظه بكل نفس اتنفسه كنتي في بكل مكان اشوفك ....ندمت اني شكيت فيك وبسببي انتي الحين .....
ابرار قاطعته : دامني معاك ما يهمني شي
راكان بندم : حرمتك الاطفال
ابرار ببابتسامه : الله كريم ...
راكان حضنها : احبببگ
ابرار طاحت دمعتها : وانا اعشقگ ....
بندر : الحب شي كبير ...
جوري : شي صعب نفهمه احنا
راكان : الحب اننا نكون مع بعض
ابرار : الحب حب طاهر ونقي ...
★ تمت بحمد الله ★
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!