رواية طلبني قلبي وعطيته وطلبته قلبه وتردد الفصل التاسع عشر 19 - بقلم Misoo

سعد : يمااا تكفين
ام سعود : يا ولد اهجد ما تمل انت
سعد يسوي فيها زعلان : الحين كذا لونه راكانو تقولين له من عيوني يا حبيبي
دخل ابو سعود : السلام عليكم
الكل : وعليكم السلام
ابو سعود : شفيكم
ام سعود : ولدك جنني تقول بزر يصيح هنا
سعد : افااا يا يمما هذا وانا بتزوج بعد يومين
ابو سعود : فيصل ورانيا وصلو
ام سعود : اشتقت لها والله البيت من دونها ما ينعاش
سعد : اي والله يمما لها وحشه
ابو سعود : سعد الحين تتصل ع راكان ابيكم بموضوع مهم
سعد : عسا ما شر يبا شصاير
ام سعود : شصاير يا رجال
ابو سعود طالع ام سعود : الموضوع الي بدينا وانتهينا منه
ام سعود بان عليها الحزن : قلتلك انسا هلموضوع
ابو سعود : سعد جمع العايله كلها اليوم
ام سعود بصراخ : هلمووضووع منتهي
ابو سعود طالع فيها : اهجدي يا حرمة نتكلم يوم يجتمعون الكل
________________________________
بندر منصدم : اختي غلا وسامي
فيصل : اسمعني يا بندر اعرف الشي الي سوو حرام بس والله حبهم كبير وانا ابي ازوجهم تكفى يا بندر وافق
بندر : بس شلون وهو حالته خطيرة و....
فيصل قاطعه : تكفى يا بندر طلبتك انت شف ابوك واختك مابي سامي يتعذب اكثر من كذا
بندر يفرك يدينه ببعض : ان شاء الله بكلمهم وارد لك جواب و....-قاطع عليه جواله - هلا ....اي لي ....عمي ....ان شاء الله بجي ...لا الحين قاعد مع فيصل ....خلاص بجيبه معاي لا تخاف ....مع السلامه
فيصل : وين اجي معاك
بندر : هذا سعد عمي يبينا كلنا اليوم بعد صلاة العشا ضروري يقول
فيصل : ان شاء الله خير
بندر : امش ندخل لسامي
راحو الشباب ودخلو لسامي
سامي بتعب : وين انا
فيصل الي دمعته عطرف عينه : تعرف شنفسي اسوي الحين
سامي بتعب : وش
فيصل : نفسي ادوس ببطنك
سامي ابتسم : كيف لقيتوني
بندر : لقيناك بالبر احمد ربك ما مت
سامي : ابوي درا بشي
فيصل : لا ....ياخي ابوك له شهرين مختفي
سامي : مو جديدة عليه
فيصل : سامي بخليك الحين وبرجع لك الساعه 10 بلييل
سامي : خذ راحتك
بندر حط يده ع كتف سامي : ابشر بالي يسر خاطرك
سامي ابتسم لبندر
بندر يطالع فيصل : نطلع
فيصل : امش
________________________________
جينا بزعل : انت كذبت علي قبل والحين تكذب
فارس : افاا يا شيختنا انا اكذب عليك
جينا : شف كرستين تحبني بس انت ما تحبني
فارس ابتسم : ومن قال اني ما احبك
جينا : بابا بقولك سر
فارس : وش هو السر
جينا : شفت كرستين تبكي
فارس : لي تبكي
جينا رفعت كتوفها : مادري كانت تتكلم علجوال وقامت تبكي
فارس : جنون خلك هنا الحين اجي
جينا : اوكي
راح فارس علمطبخ وكانت كرستين تسوي العشا : كرستين
كرستين بصوت باكي : هلا
فارس قعد علكرسي : شفيك
كرستين : ما فيني شي
فارس : كرستين تراني اعرفك زين انتي اختي الي ما جابتها امي تكلمي شصاير
كرستين طالعت فارس : وين بعتو
فارس فهم عليها وابتسم : ذا الي مكدر خاطرك
كرستين نزلت دمعتها : حرام عليك النا اكتر من عشر سنوات مع بعض وانخطبنا من سنتين وخطيبي ما بعرف عنو شي لي هيك عم تعمل فارس بترجاك اشتئتلو كتير وبدي شوفو
فارس رحم حالها : كرستين خلاص لا تبكين اول شي هو بيجي اليوم
كرستين بصدمة : اليووووم عم تحكي عن جد
فارس : اي وبعدين في لك عندي مفاجأة حلوة
كرستين : اييمتا بدو يوصل
فارس جا بيتكلم بس جرس الفلله قاطعهم
كرستين طالعت فارس : هوو
فارس هز راسه ب اي
كرستين خلت كل شي بيدها وراحت تركض تفتح الباب
كرستين فتحت الباب ورمت نفسها بحضنه وهي تبكي : ويين رحت لي هيك تركتني لك حتى ما اتصلت فيني من سنتين ولا كأني خطيبتك حرام عليك لي هيك عملت فيني
فارس قطع عليهم : ها ست كرستين ارتحتي
كرستين طالعت فارس : بشكرك من كل ألبي عنجد انت عملتلي خدمة كتيير كبيرة استاز فارس انا بشكرك كتيير
فارس : افا يا كرستين انتي وسيف اغلا اثنين عندي
سيف راح لفارس وحضنه : اشتقت لك يا طويل العمر
فارس ضرب سيف عظهره : اسمي فارس يا درج
سيف ضحك : هههههههه ناوي انك تتصفق
كرستين : بترجاكن لا تعملولي فيها محاربين يلا رح حط العشا ونتعشا مع بعض
سيف : وين شيختنا
فارس جا بيتكلم بس جت جينا : سيييييييف
سيف فتح يدينه لجينا : هلا وغلا هلا بشيختنا
جينا تبكي : اشتقتلك كثييير
سيف يمسح دموعها : يا قلبي انتي وانا اشتقتلك كثييير
جينا تضحك : اليوم احسن يوم اول شي جا سعود والحين انت
سيف طالع فارس : سعود جا
فارس : جينا يلا نتعشى وبعدين نتكلم
كرستين : العشا جاهز تفضلو يا جماعه
________________________________
الجد : لي مجمعنا كلنا هنا
ابو سعود : بقولك يبا بس لين يوصلون فيصل وبندر
راكان : يبا شصاير
ام سعود تصيح : لي تسوي كذا لي
راكان بخوف : يمما لي تصيحين يبا شصاير
دخلو فيصل وبندر وجوري ورانيا
الجد : العيال وصلو شعندك
ابو سعود وقف بصدر المجلس وكان الكل مجتمع
بندر وجوري .راكان وابرار.سعود وشوق .عبدالرحمن وبيان .ابو عبدالرحمن واحمد وغلا وحلا ونوف وسعد وفيصل ورانيا وام راشد وابو راشد ومها والجد
ابو سعود : يبا الي بقوله صعب علي وحرمتي وعليكم كلكم وصعب على عيالي كلهم لان الي بقوله كان لازم اقوله لكم من زمان بس ...بس ما تجرأت
الجد : ادخل بالموضوع
ابو سعود : يبا رانيا
رانيا دموعها تنزل بقوة : سم يببا
ابو سعود والعبرة خانقته : سامحيني يا بنتي
رانيا وقفت وراحت لابوها ومسكت يده : يبا تكفى لا تقول كذا والله .....-وما قدرت تكمل لانها كانت تصيح بقوة -
فيصل قام وراح لها
ام سعود تصيح : هذه بنتي بنتي انا بنتي
رانيا تصيح : يمما يببا انا ادري بكل شي
ابو سعود : سامحيني يا بنيتي
راكان وقف : شصاير تكلمو لي تبكون
ابو سعود : رانيا مو بنتي
الكل انصدم من الجملة هذه
راكان منصدم : ككيف يعنني
ام سعود طاحت تبكي ورانيا تبكي
ابو سعود : يوم انولدت رانيا الي هي بنتي ماتت وانا كنت خايف انك تنهارين لان كان ودك ببنت وبنفس اليوم جت حاله علمستشفى الام ماتت وبقت البنت وانا اخذت البنت وطلبت من الدكتور يساعدني
راكان منصدم : ش..شقاعد تتق..ول
ام سعود تصيح : اسكت ..اسكت هذه بنيتي
رانيا تصيح : يم....
ام سعود قامت وراحت لها : انا امك انا امك انتي بنيتي
راكان راح لابو : انت شلون تسوي فينا كذا تخلينا نعيش مع وحدة ما نعرفها
رانيا طالعت براكان منصدمة : مم..تعرفها
راكان طالع فيها
رانيا تصيح : ما تعرفني يا خوي ...ما تعرفني يوم كنت اجيب لك العشا لين غرفتك ما تعرفني يوم كنت اخذ عنك الضرب من امي -وتصيح بقوة - ما تعرفني يوم اخبي كل مصايبك عن امي وابوي الحين صرت وحدة ما تعرفها يا خوي الحين ما تعرفني يا راكان
راكان طاحت دمعته وحضن اخته : سامحيني تكفين سامحيني انتي عيوني انتي اختي الوحيدة من امي وابوي بعد انتي كل شي بحياتي
سعد راح لهم : سمعيني يا حمارة انتي اختي وعيوني فاهمه
رانيا حضنته : يا حمار انت اخوي وحبيبي بعد
الجد وقف وبحدة : وخرو عن هالبنت
الكل انصدم
راكان : جدي شفيك
الجد راح لرانيا : هلبنت هذه مو بنت ولدي بس يشهد الله انها اغلا من الكل هنا
رانيا حضنت جدها : جددي
الجد : جاكم العلم يا عيال هلبنت اغلا بناتي والي يزعلها ترا زعلني انا قبل ليزعلها
جوري وقفت : جدي بالسرعه ذي نسيتني
الجد : يا ليييل ترا شكلي ما بخلص منكم الحين ..
جوري : جدو عرس احمد ومها وسعد وحلا باقي له يومين وعشان كذا قررنا احنا والشعب ذا نبقى عندك هنا
الجد : يعني بتحملكم يومين امري لله
بندر : افاا يا جدي الحين حنا مضايقينك
الجد : ومن قال اني بشوف وجيهكم انتو بتنقلعون للشركة تداومون فيها والبنات هنا بجهزون للعرس
راكان : جدي يطردنا بس بطريقة راقية شوي
الجد : متعشيين يا عيال
الكل : تعشينا يا جدي
الجد : اجل الحريم يطلعون فوق والرجاجيل يبقون هنا عشان تحضرون لكل شي
الحريم طلعو والبنات راحن بغرفة لحالهن
جوري : وااااو بنات لنا فترة ما اجتمعنا مع بعض كذا ...برووو مشتاقتلك
ابرار : وانا اشتقتلك موووت
شوق : جوجو شقاعد يصير من ورانا
جوري : ما فهمت
شوق : انتي وبندر شقاعد يصير من ورانا
جوري طالعت ابرار بتوتر : مو قاعد يصير شي مها : جوجو شايفتنا نايمين
جوري : بصراحه حنا ...يعني انا وبندر بصراحه شوق : الزبدة
جوري : حنا زوج وزوجه حقيقي
رانيا فتحت عيونها : صار كل شي
جوري وجهها قلب الوان : ب..بع..دنا
ابرار قاعده تسمع وهي تتقطع من داخلها
شوق : يعني بندر وانتي تحبون بعض
جوري : اي
غلا : شلون كذا صار وابرار وراكان
جوري : ابرار وراكان متزوجين
ابرار : بروح الحمام -عزكم الله -
شوق : الله يهنيكم يا رب
جوري من قلب : اميييين
ابرار طلعت من الغرفه ودموعها بعينها
جوري : بنات انا مدري كيف حبيت بندر صدقوني للحين مو مستوعبه يعني كل الي صار صدفة حسيت اني لقيت نصي الثاني انا مو احب بندر الا اعشقه والله يا بنات صرت اعشقه بجنون
شوق : اخر شي كنت اتوقعه
نوف بقرف : برجع البيت احس اني مخنوقه
حلا : لي خلك معانا
نوف طالعت فيها : خلك بنفسك زين
غلا : انقلعي زين
نوف طلعت وصفقت الباب بقوة
شوق : الله يهديها
نوف كانت ماشية وشافت شي صدمها ورجعت الغرفة بسرعه
نوف : جوري جدي يبيك عند الدرج بسرعه
جوري : جايه
نوف راحت وجوري نزلت من الدرج بس وقفها شي ما كانت متوقعته ابد
ابرار تصيح : لي خليتني انا لي انا احبك والله احبك لي كذا سويت فيني ليي
جوري بصدمة : بب..ندر
بندر وخر ابرار من حضنه وطالع جوري الي كانت دموعها تطيح
ابرار راحت لجوري : انتي سرقتي حبي مني انتي سرقتي مني الي كنت احبه اخذتي مني لي كذا سويتي فيني ليي
بندر راح لجوري : جوري جوريتي اسمعيني والله ما صار شي هي جت وحضنتني مدري وقامت تصيح
جوري مسكت يد بندر وطالعت في : انا واثقه فيك
ابرار : ما حسامحك يا جوري ما بسامحك سامعه
قاطعها راكان : ابراااار شقاعدة تسوين هنا
ابرار : انت مالك دخل فيني فاااهم
جوري مسكتها من كتوفها : بروو حبيبتي تكفين ان....
ابرار قاطعتها : انتي وحدة خاينه تعرفين شنو يعني خاينه
بندر قاطعها : ابرار احترمي نفسك فاهمه جوري حرمتي وحبيبتي وانتي مثل اختي بس
ابرار : مثل اختك انا مثل اختك وين وين حبك لي وين حبنا الي كان
بندر : انتي قلتيها الي كان
ابرار : اكيييد ساحرتك هذه اكييد هي هي مسويه لك شي صح قول اي اكيييد
جوري كانت تصيح من كلام صديقتها اختها تتهمها اتهام زي كذا
راكان مسك ابرار من يدها : ابرار سكتي لا اسمع لك صوت
ابرار تطالع براكان : شف شف حبيبتك حبت واحد غيرك خانتك
راكان : جوري الحين مرت اخوي وصديقي وهي الحين مثل اختي وبس
ابرار : وحبك ااه وين حبك راح
راكان طالع فيهم : حبهم يكفي
جوري مسكت ابرار : برو حبيبتي لا تسوين كذا تكفين انتي اختي وصديقتي كيف تفكرين كذا
ابرار تبعد عنها : انتي خاينه يا جوري خطفتي حبيبي والحين سحرتي عشان يحبك
ابرار ما حست الا بالكف الي نزل عوجهها
جوري بصدمة : ابراار
ابرار طالعت شوق : تضربيني
شوق : اولا اعتذري وثانيا هلكلام مابي اسمعه مرة ثانية وراكان خذ مرتك وطلعها من هنا شكلها فقدت عقلها وجايه تنجن عندنا
جوري تصيح : لا ابرار خليكي هنا
بندر حضن جوري : حبيبتي خليها تروح احسن
راكان بأسف : سامحوني يا جماعه عالي صار يعني مدري وين اودي وجهي منكم
بندر فك جوري وراح له : لا تتأسف يا راكان ما صار شي
جوري : بطلع للغرفة .....نسيت جدي يبيني
راكان : بس جدي نايم مساعه
جوري : كييف ونوف قايلتلي جدي يباك تحت
بندر فهم السالفه : نادتك عشان تشوفينا انا وابرار
جوري : معقوله
بندر : نوف اختي واعرف سوالفها
جوري : حبيبي خلينا نطلع غرفتنا
بندر بتعب : مشينا والله اني مكسر الف
جوري وبندر وهم يطلعون الدرج : عسا التعب فيني ولا فيك
بندر : والله انك ناوية تجيبين العيد
جوري صارت الوان
بندر وجوري دخلو الغرفه
جوري : بجهز لك ملابسك حق بكرا واذا تبي تدخل تتروش اجهز ملابسك
بندر حاوطها من خصرها : ابي شي واحد
جوري حاوطت رقبته : وش تبي يا قلبي
بندر قرب منها وباسها
جوري ذابت
بندر : ترا احلا وانتي مغمضه عيونك ومستحيه
بندر قرب منها وهمس باذنها : احببگ يا جوريتي
جوري بهمس : وانا بعد
بندر يطالع بعيونها : انتي وش
جوري بحب : اموووت فييگ