رواية طلبني قلبي وعطيته وطلبته قلبه وتردد الفصل الثامن 8 - بقلم Misoo

خلصو الحريم العشا وقعدو يسولفون
شوق : بنات شرايكم نقعد بلحديقة ورا
غلا : ونلعب لنا لعبة حلوة
جوري : جرأة وصراحة
شوق : اووكي انتو طلعو وانا بجيب الحلا والشاي
حلا : بجي اساعدك
مها : واحنا نستناكم برا اوكي
شوق وحلا : تييب

ابرار : تعالو نقعد هنا تحت الشجرة
رانيا : تصدقون بنات زمان ما جينا هنا
سلمى : من يوم ما توفى ابوي ما رحنا للمزرعه
البنات : الله يرحمه
جوري تلطف الجو : ليش ما جبتو قنية
مها تضرب راسها : نسييت
جوري :برووح اجيب وحدة
رانيا : لا طولين بسرعه
جوري بضحك : صارووووووخ ههههه
وراحت المطبخ
شوق : شجابك
جوري :ابي قنية
حلا : سمعي في وحدة عند الباب الي ورا جيبيها
جوري :اووكي قلبو
راحت جوري ووصلت الباب وصارت دور على القنية : يا ربي وينهي حلا قالت هنا
جاها صوت من ورا : تدورين على هذه
جوري لفت بسرعه وانصدمت
بندر انصدم من الملاك الي قدامه ما قدر يشيل عيونه عنها
جوري تطالع في وقلبها من الخوف يدق بسرعه تحس انها تسوي شي غلط ونست ان زوجها بس خايفه منه وخايفه تطالع في
بندر حس ع عمره وقال : شتسوين هنا
جوري بارتباك من نظراته :ج...يت أأخذ ال...قنينه
بندر قرب منها وجوري تبعد
جوري : ب..بروح
بندر مسك يدها بسرعه وسحبها له : خذي
جوري مغمضة عيونها ما تدري ليش : ب..عد ع..ني
بندر فك يدها وطالع فيها وابتسم وراح
جوري واقفه محلها ومغمضة عيونها للحين
غلا جتها وهي تصارخ : كل هذا عشان قنينه
جوري فتحت عيونها بسرعه وطالعت حواليها وما لقته : الحمد الله
غلا : بسم الله شفيك
جوري وهي تتصنع الابتسامه : ولا شي مشينا
شوق : يلا بنلعب
جوري : جيت جيت
ابرار : ليش طولتي
جوري طالعت ابرار وتذكرت بندر وكيف كان يطالعها : لا لا ولا شي
ابرار هزت راسها
رانيا : انا ببدا
البنات : اووكي
رانيا لفت القنينه وجت على سلام
رانيا : هههه طحتي بين يديني
سلام : هههههه يلا
رانيا : اختاري جرأة ولا صراحة
سلام : اممممممم صراحة
رانيا : يسس اممم تحبين
سلام : ويييع اكره الحب
رانيا : وشووو
سلام تضحك : ههههه اكرره الحب
رانيا : لييش
سلام : سؤالك انتهى ههه
رانيا :انتظريني المررة الي وراها ههه
ابرار : دوري .....دورتها ابرار وجا ع شوق
شوق : يا مصيبتي هههه
ابرار : ههههه بس قبل ما نبي زعل وبصراحه
شوق: تييبب ...اختار صراحة
ابرار : امممم للحين تحبين سعود صح
شوق انصدمت من سؤال ابرار
ابرار : جاوبي
شوق رفعت راسها وجت عينها بعين ابرار : ما قدرت اكره
جوري : دووري .....لفتها وجت ع رانيا
رانيا : جووري لاااا
جوري : من تحبين
رانيا هنا فطست ضحك : هههههههههههههههههههههههه انا احب ههههه خيالك واسع
جوري : وليش يعني
رانيا : ما لقيت فارس احلامي بعد
جوري : طيب ليش صارختي يوم جا دورك
رانيا : دورك خلص
جوري : راجعتلك
سلمى : دوووري .....لفتها وجت ع ابرار
ابرار : الله يستر
سلمى : باين انك حزينة ليش حزينه
ابرار طالعت فيها وطالعت بجوري وقالت : فقدت قلبي
جوري طالعت فيها
مها :دوووري .....دورتها وجت ع جوري
جوري : ياا ليييييل استعد للتسليك
مها : ههههههه لا يا ماما بصراحه
جوري : هاتي سؤالك
مها : عندك امل تحبين بندر
جوري وابرار طالعو بعض
مها : يلا جاوبي
جوري طالعت فيها : ما ندري ايش يصير
سلام : دوووري ......لفتها وجت ع سلمى
رانيا : الله الله الخوات يلا نشوف
سلام : لو طلع هو القاتل وش بتسوين
سلمى انصدمت من سؤال اختها
والبنات انصدمن وهنن ما يدرن وش السالفه
سلمى ابتسمت وقالت : انا واثقة في ومتأكدة ببرائته
شوق : دووري .....لفتها وجت ع ابرار
ابرار : ههههههه حان وقت الانتقام
شوق :هههههه لو تقدملك احد توافقين
ابرار : ليش لا
شوق : ممتازة
غلا : دووري ....لفتها وطلعت لها حلا
حلا : هههههههههه الله يستر
غلا : يس لي ساعه ادعي
حلا : قولي
غلا : من هو الي بقلبك
حلا انصدمت : هاا ما في
غلا : كذااابه قولي الصدق
حلا : قلت ما في
رانيا : لاااا كلنا جاوبنا يلا
حلا : لا تحاولون
مها : يلااا قولي
حلا : نزلت راسها وقالت بصوت واطي س..سعد
رانيا : اخووووووي
حلا :منزله راسها ودموعها تنزل
غلا وقفت وراحت لها : لا تبكين خلاص
حلا حضنتها
رانيا : وناااسه يس يس يس
غلا : شفيك انهبلتي
رانيا بارتباك : ها لا ولا شي
شوق : يلا يلا نكمل لعب
رانيا :بروح الحمام < اكرمكم الله >
________________________________
عند الشباب :-
بندر بمزح : اقول دحووم
دحوم : سم
بندر : شلي مقعدنا عند الشيبان خل نقوم
سعود : اي والله صادق شمقعدنا
سامي يكمل معاهم : يعني حنا شباب وهم شيبان يعني نقوم نقعد بلحالنا
الجد : استح يا ولد انت وهو قال شيبان وش مفكرين نفسكم انتو كبرتو توكم بزران
دحوم : حنا بزران بس انتو شيبان
ابو عبدالرحمن : اهجد يا ولد
سعود : يبا ليش ما تقعدون برا احسن تشمون لكم هوا
ابو سعود : الحين اقوم الزغك بلعقال اعلمك من الشايب
سعود : افا يبا هذا وانا ولدك تبي تضربني
الجد : لا والله ما تلمسه
سعود : شف شف جدي ما يقبلها
الجد وهو يقوم يروح لسعود : انا بربي
سعود : عزز الله انتهينا قومو يا شباب خل نشرد
فيصل : هههههههههههههههههه انا برا الموضوع مالي دخل
بندر : قومو قومو نطلع نقعد بلحديقة احسن من قعدة هالشياب
الجد : قم اطلع لاجيك بلعصا
بندر : طلعت طلعت
طلعو الشباب وقعدو علكراسي الي بلحديقة
بندر : بدق ع راكان والحقكم
فيصل : بروح الحمام <اكرمكم الله >
سعود : ادخل من الباب ذا ع اليمين
فيصل : بجيكم
راح فيصل ودخل من الباب وشاف شي خلاه يوقف مكانه شي صدمه
رانيا : يا ربي شلون بشيله ذا اوووف اذا جا حد وشافني هنا وربي يذبحوني وانت الحين وقتك ما لقيت تنكسر غير الحين يا ربيييي والجوال موب معاي شلون بجيب كعب الحين يا ربي ااااي رجلي شلون بقوم
فيصل واقف محله مصدوم يشوف ملاك واقفه ودموعها تطيح وقف عقله عن التفكير نسا ان حرام يطالعها نسا ان حرام يطالع وحدة ما تحلله نسا ان حرام يطالع بنت ما تقربله
ما حس بنفسه غير وهو رايح لها
رانيا وهي تصيح : شسوي الحين اااي رجلي
فيصل : انتي بخيير
رانيا هنا خلاص ماتت حست نفسها بتروح فيها ودموعها زادت
فيصل : لا تخافين بساعدك
رانيا : لا تطالع تكفى لا تطالعني حرام تكفى
فيصل حس ع نفسه وهو يلف وجهه عنها : طيب شصار
رانيا : ك كنت ر...ايحة الح..مام وخاتمي ط..اح بس م ما ك..نت ادري ان كعبي بينكسر الحين و..اذا حد جا ب...يذبحوني اهي اهي
فيصل رحم حالها : طيب خلاص لا تصيحين خلاص
رانيا : رجلي تعورني وموب قادرة اوقف
فيصل : سمعيني بسوي شي بس لا تصارخين اوكي
رانيا خافت : ها لا لا لا لا تقرب مني
فيصل ابتسم : لا تخافين
راح عندها وفكك شماغه وحطه عليها ومسك رجلها وخلاها طق
رانيا جت بتصارخ وحط يده عفمها : يرحم امك لا تصارخين
رانيا تتطالع في وقلبها يدق بسرعه وهزت راسها بلموافقه
مها جت وشافتهم وبصدمه : شقااعد يصير هنا
فيصل نزل راسه بسرعه ولف ع الجهة الثانية وقال : اختي تعالي خذيها
مها شافت دموع رانيا : رنوو حبيبتي رانيا شصار شفيك
فيصل بقلبة " لبيييه رنوو بعد " : ممكن شماغي
رانيا : بس ادخل الغرفه واجيب عباتي ...مهوي ساعديني اقوم
قامت رانيا ودخلت الصاله وحطت عباتها ع راسها ومدت الشماغ لفيصل : مشكور
فيصل مد يده ياخذ شماغ : ما سويت شي انتبهي ع نفسك
فيصل ضبطت شماغه وطلع للشباب برا
________________________________
مها : منو هذا شصار
رانيا تبلع ريقها : مدري جا ساعدني
مها : شصاار تكلمي
رانيا : كنت رايحه الحمام وخاتمي طاح تحت فرحت اجيبه ويوم نزلت اخذه كعبي انكسر وطحت ورجلي صارت تعورني وهو جا وقالي بساعدك
مها قاطعتها : حراااام الي سويتي
رانيا : ي حمارة عطاني شماغه ما شفتي ويوم جيتي انتي ما طالع فيكي صح
مها : معاكي حق تصدقين ان مملوح
رانيا تبتسم "يا لبييه يخقق" : لا موب كل ذا
مها : يمكن اخو سلمى
رانيا : يمكن .....ما علينا خلينا نروح للبنات
مها : يلاااا
________________________________
ام راشد : غلا يا غلا
غلا : هلا خالتي
ام راشد : تعالي
غلا راحت لام راشد : امريييني
ام راشد : ما يآمر عليك عدو خذي الحلا ذا ودي للرجاجيل
غلا باستهبال : لا لا موب حق الرجاجيل حق عمي ابو راشد صح
ام راشد : يا بنت استحي وش هلكلام
غلا : هههههههه اي صح العيال بلمجلس
ام راشد : لا يا بنيتي العيال برا يلا روحي بسرعه
غلا : حااضر
راحت غلا وطلعت : ييييييي نسيت عباتي يلا مافي احد كلهم عماني
غلا دخلت المجلس : كييف يصير حلا ياكل حلا
الجد : هلا ببنيتي هلا والله تعالي تعالي
غلا راحت وحطت الصينية ع الطاوله وحبت راس جدها وعمانها
الجد : شلوونك يا بنيتي
غلا : تمامو جدو
الجد : عز الله لغتكم خربانه يا هالبنات
غلا : ههههههههه
الجد : جايبه الحلا
غلا : اي جبته يلا كلو
الجد : ان شاء الله.....يلا طلعي قبل ليجي احد
غلا : تيييب
طلعت حلا من المجلس وراحت
غلا وهي تغني : ما أهوى غيرك احد ما انسى حبك عهد ...أهواك انا دون البشر ما القى مثلك ابد ...وفجأة سكتت عيونها كانن بيطلعن من محلهن
سامي يتكلم علجوال : اي اي ابي التحاليل ....دكتور تكفى لا تعلم احد حتى فيصل لا تعلمه ....اي اعرف وهالشي يخصني ما ابي احد يعرف ......دكتور لا تخليني اعصب خلاص انا حر اسويها ولا لا .....اجل فمان الله
سامي لف وجهه وشاف شي ورا الشجرة
غلا : يا رب ما يشوفني يا رب
سامي يقرب بشويش وهو يمسك العصا
غلا : يا رب يا رب يا رب يا رب يا رب
سامي : اسمعني زين يا تطلع يا الحين ادعس وجهك هنا
غلا ماسكه نفسها هي مو خايفه منه هي خايفه احد يشوفها
سامي : بعطيك اخر فرصه اطلع احسن لك
غلا لسانها تحرك بلعافية : لا تقرب لا تقرب خلك بعيد تكفى
سامي استوعب الصوت وعرف انها بنت
غلا : رح رح منها
سامي : انتي هي شتسوين هناا ااه
غلا : احللف ومن انت حتى تسألني
سامي " نفس الصوت والله " : اقول انتي دخلي داخل بسرعه
غلا : كل تبن زين غمض عينك
سامي وهو يبتسم "اجلن تبن يا غلاتي " : بروح بروح
غلا : رح رح
سامي راح وهو يضحك عليها وعطفولتها وغلا حطت يدها عقلبها : وجعع يخووف
وراحت داخل
سلمى : كنا نحب بعض من يوم كنا بالثانوية وطبعا اعترفنا لبعض
رانيا : شلون اعترفتو لبعض
سلمى : كنا دايم هواش ما يرتاح الا لين يشيبني يظل يستفزني ويقولي ابي اتعرف ع صديقاتك واخذ ارقامهن وكذا
مها : هههههه وانتي تعصبين
سلمى : الا انحرق من داخلي بس اسوي نفسي موب مهتمه
جوري : وبعدين
سلمى : كان يشتغل مع ابوي وامي تحبه وااجد كانه ولدها ويوم امي تعبت واتصلت ع ابوي ما يرد وفيصل ما رد واتصلت في وجانا وخذانا للمستشفى وانا تعبت وقعد يواسيني طبعا يقولي يا قلبي ويا عمري وانا مو منتبه وهو بعد
وقالي حبيبتي لا تخافين امي بتصير بخير
ابرار : وانتي شسويتي
جوري : ههههه خطيرين
سلمى : بصراحه طالعته وقلتله انا احبك
شووق : وشوووو
غلا وحلا : من جدكك
سلمى : والله كنت خايفه افقدة كنت حاسه بالامان معاه حسيته قريب مني
شووق : يالرومانسيه حراااام ذا الشي
سلمى : ادري والله بس ما كنت صاحيه
مها : وبعدين
سلمى : طالع فيني وقال وانا بعد احبك
سلام : قولي والله
سلمى : والله
سلام : يعني من ايام الثانوي
سلمى هزت راسها : سلام بقولك شي
سلام : قولي
سلمى : هو ما قتل ابووي والله
البنات مصدومات : !!!!!!!!
سلام : سلمى خلاااص
سلمى : انا عندي دليل
سلام : وشوووو وش هو
سلمى نزلت راسها : تذكرين يوم جا يخطبني
سلام : اي
سلمى : ابوي قاله افكر واقولك ويومها ابوي جا وتكلم معاي وقالي وانا قلت لابوي اني موافقه
سلام : ويين الدليل
سلمى دموعها صارت تنزل : ابوي اخذ موافقتي وجا اتصال وراح الشركة بسرعه ونسي محفظته عندي بلغرفه - وصارت تبكي بقووة - اتصلت لابوي وجاوبني
( ابو فيصل : هلا بنيتي
سلمى : بابا نسيت محفظتك هنا
ابو فيصل : وانا اقول شناسي الحين اجي
سلمى : اوكي بابا
سلمى جت بتسكر الخط بس سمعت شي ما توقعته
ابو فيصل : شتبي جاي انت
*** : جاي اخذ شي كان لازم يكون لي
ابو فيصل : اقصر الشر ورح من هنا
*** : موب قبل لاخذه
ابو فيصل : شتبي
*** : رووحك

ابو فيصل : لا تتهور وتسوي شي تندم عليه
سلمى الي تصيح : ييبه ييبه رد علي يببه
*** : ههههه لا تخاف ما بلبسها انا
ابو فيصل : رااشد رااشد لا تقرب
سلمى : رااااشد !!!!!!
راشد : يببه لا تخاف انا هنا
ابو فيصل : ابعد يا وليدي ابعد
راشد : انت انجنيت شتبي تسوي
*** : هههههه كملت الحين جا من يلبسها عني
ابو فيصل : رااشد اطلع من هنا بسرعه
راشد : يببه ما بخلييييك
*** : تشههد يا ابو فيصل
ابو فيصل : رااشد انتبه للعيله انتبه لهم
راشد ما استوعب يوم شاف الرصاصات تفوت جسم ابو فيصل : يييييييييبه !!!!!!!!! )
سلمى قامت تصيييح بقوووة
سلام منصدمة والبنات بعد مو عارفات شيسون
سلام : وليييي ساكته للحين
سلمى وهي تصيح : سلام تكفين لا حد يدري تكفين يوم نلقا راشد بقول كل شي هو يبي يثبت برائته هو الوحيد يعرف القاتل
سلام حضنت اختها : سامحيني تكفين سامحيني
سلمى تصيح
شوق راحت لهم : سمعوني
سلمى وسلام طالعن فيها
شوق : لا تقولون ولا شي فاهمين علي ولا شي يوم يلقونه بتتكلمين فاهمه
سلمى هزت راسها
ابرار : بنات تعالو ندخل برردت
جوري : اي والله برررد
دخلو البنات الصاله
________________________________
سعود : هاا بشر رد
بندر وهو خايف : لا للحين ما رد لي يومين احاول معه ما يرد مغلق مغلق مغلق
دحووم : يا شباب ما يصير الي تسوو راكان وعارفينه
فيصل : يعني كل ذا شغل ما يصير
بندر : لا هو مسافر
سامي : يا رجال تلقا بالطيارة
بندر : اقولك لي يومين احاول ادق وبعدين طيارة بريطانيا وصلت من زماان
فيصل وسامي بصدمة : بريطاااانيا !!!!
بندر وهو يحاول يتصل : اي سافر امس بريطانيا
فيصل قام عن الكرسي لدرجة ان الكرسي طاح : بندر شقاعد تخربط من جدك انت
بندر : اي شفيك كذا
سامي : لا حول ولا قوة الا بالله
سعود : شفييكم انتو شصاير
فيصل وهو يمسك كتف بندر : بندر اسمعني الي صاير هو ان .....
عبدالرحمن وهو يوقف ويروح جهة فيصل :فيصل شصاير
سامي : يا جماعه هو ....
بندر بصراخ : تكلمممم شصااااير
الجد : ليش الصراخ يا ولد شصاير
بندر يصارخ : فيييصل تكلم شصاير
فيصل حط يده عكتف بندر : طيارة لندن صار فيها .....
عبدالرحمن وهو يصارخ : انت شفيييك ليش ما تكلم مثل الناس شصار فيها
سامي وهو منزل راسه : الطيارة تحطمت
بندر : !!!!!!!
سعود : وشووو
عبدالرحمن : تحطم !!!!!
الجد !!!!!!!
جاهم صوت صرااخ جوري : راااااااااااكاااااااان
ابو عبدالرحمن : يا وليدي انت متأكد
فيصل وهو يمسك ابو عبدالرحمن : اليوم اعلنو الخبر
ابو سعود :لا حول ولا قوة الا بالله
ام سعود جت : يمممه جووري شصاااير جووري ......رانيا يا راانيااا تعاالي
الجد : عبدالرحمن
عبدالرحمن : هاا
الجد : رح بسرعه وتأكد
عبدالرحمن سحب مفتاح سيارته وراح بسرعه
جوري : لااااا راااكان عااايش للاا
ام سعود : جووري شفييه راكان تكلمي
ابرار جابت عباة جوري ولبستها لانها طايحه عند الباب
ام سعود قامت وراحت لابو سعود : شصاير يا رجال تكلم شفيه ولدي
سعود راح لامه : يممه موب صاير شي لا تخافين تعالي
ام سعود : سعود وخرر عني .....تكلم يا رجال شصاار بولددي
ابو سعود يمسح دموعه بشماغه : طيارته صار فيها تحطم
ام سعود : ولددددددي وطاحت ع الارض
سعود : يممممه .........شووق شوووق تعالي
شوق لبست عباتها وراحت بسرعه شالت ام سعود معه
رانيا : لا اخوووووي ويينه
ابرار : جوووووووووووري
مها : يمممممه جووري جووري قوومي جووري
البنات خذو جوري داخل
سعود طلع وشاف بندر مكانه للحين ما تحرك خطوة وحدة : بندر بندر طالعني بندر
بندر طالع سعود : رااكان
سعود : بندر اصحى ع نفسك بندر
الجد : شوووووفو عبدالرحمن لييش تأخر
فيصل : اتصل في ما يرد
سامي : بسوي اتصالات واشوف
ابو سعود : اي يا ولدي شف شصاير
سامي راح وقام يتصل وفيصل يجرب وسعود واقف مع بندر الي للحين تحت الصدمه

* البنات خذو جوري ع الصاله وام سعود تصيح ورانيا فحضن مها والبنات قاعدات يواسن فيها
جوري غايبه عن الوعي وتهلوس : رااكاان عاايش ....رااكان ما مات هو عاايش
ابرار تصيح وتحاول تصحيها : جوور جووري قومي دخيلك جووري قوومي
شوق : خالتي ما يصير الي تسوي ادعي يكون بخير احسن من البكا
ام سعود رفعت يدينها للسما : يا رب يا رب ولددي لا تحرمني منه يا رب ضنااي يا رب لا تحرمني من شوفته يا الله رده لي يا رب العالمين يا رب رده لي
ام فيصل : قومي صلي وادعي
ام سعود قامت وتوضت وقعدت تصلي
جوري قامت بسرعه : راكان راكان وين راكان وينه
ابرار وهي تمسك فيها : جوري جوري نطري جوري
جوري قامت بسرعه وطلعت برا : جدي جدي تكفى قول راكان بخير تكفى جدي قول
الجد نزل راسه
جوري راحت لبندر : بندر بندر قول ان بخير بندر وين راكان بندر
بندر ما يسمع لها او بلاصح مو صاحي
جوري ما تحملت وضربته كف ومسكته من كتوفه : بننننندر اصحى قووم شف رااكان بسرعه رحح
بندر طالع فيها وحضنها بسرعه
جوري : !!!!!!
ابرار : !!!!!!
غلا : !!!!!!
الكل : !!!!!!
بندر : رااكان خلاااااص خلاني وراح راكان راح
جوري فكته وضربته بعد كف : لا تقول كذا لا تقول هو عايش بندر هذا اخوك صاحبك شلون تقول عنه كذا شلوووووون يلا امسح دمووعك ورح شووفه اكييد يستهبل علينا ويبي يسوي مقلب بندددر رح شووووووووفه رح
بندر طالع فيها وطلع بسرعه بس شاف عبدالرحمن بطريقه
بندر : شصاااااار
عبدالرحمن نزل راسه
سعود راح له بسرعه : عبدالرحمن تكلم لا تجنني
سامي : يا جماعه
بندر لف عليه
سامي : كلمت صديق لي بالمطار
سعود : طيب شقال لك
سامي : راكان حجز على بريطانيا
جوري طاحت ع الارض
بندر واقف محله
ابو سعود ما تحمل قعد علكرسي
الجد مسك عصاته وسند راسه عليها
جوري بصراااخ : راااااااااكااااااااان
ام سعود : ولدددددددي لاااااا ولددددي لاااا
رانيا : رااكان لاااااا لاااااا لاااااا رااااكان
جوري : لا يا رب لا لاااا يا رب خذ روحي واعطي وزد عمري على عمره يا رب بس لا يموووت لاااا يا رب لاااا لااااااااااااا
سعود قاعد ورا الشجرة يصيح كانه طفل شوق ما تحملت تشوف حالته كذا وراحت له بسرعه : سعوود سعوود طالعني
سعود طالع فيها : اخوووي اخوووي م...
شوق حطت يدها عفمه : اسكتت راكان عايش
سعود حضنها حضنها وبقووة بعد كانه طفل ماسك بامه وخايف تضيع منه وشوق بعد بادلته الحضنه وهي تصيح
سامي : جدي تكفى خليك انت قوي
فيصل : جدي اذا انت كنت ضعيف شلون بتساعد عيالك
ابو راشد : يا جماعه استهدو بالله ما يصير الي تسوو حرااام
مها راحت وحضنت ابوها : يبببه
ابو راشد : خلاص يا بنيتي خلاص
ام فيصل : قوومي معاي ام سعود قومي
سلمى : قومي تكفين يا خالتي حرام الي تسوينه
سلام : رانيا حبيبتي قومي يلا ندخل
ابرار : جوري جوري جوووووري
جوري بصراخ : وخررري عني
ابرار مسكتها وضربتها كف : خلااااااص خلااااص اصحي حرااااام الي تسوي انتي تقولين راكان عايش ليش الدموووع اجل لييييش قوووميي يلا
جوري تضحك : هههههه اي اي هو يستهبل صح ابرار -قامت تصيح - هو ما يخليني لحالي
ابرار : هو بخير بخير تعالي معاي يلا
جوري راحت مع ابرار ودخلو داخل

سامي : فيصل خل نروح احنا
الجد : خلك يا وليدي
فيصل : برووح اودي الاهل وارجع يا جدي
الجد اكتفى بهز راسه
فيصل يتصل ع امه بس قالت له بتبقى هنا
وبندر قاعد علارض وساند نفسه ع الشجرة
وعبدالرحمن قاعد علكرسي
شوق وسعود حاضنين بعض ويصيحون
ابو عبدالرحمن وابو راشد راحو يشوفون الوضع
الجد : العزا بصير هنا
ابو سعود : يببه ما بنسوي ليين نتأكد
بندر وقف : عمي ابو سعود معاه حق خل نتأكد
________________________________
ابرار : جوري حبيبتي تكفين خلاص
شوق جتهم : جوري جوري
جوري : خلاااني وراح خلاص ماات
شوق : لا تقولين مات لا تقولين مات ما تأكدنا
ابرار : يا قلبي هدي ما يصير الي تسوي بعمرك
شوق : جوري اذا راكان غالي عندك روحي توضي وصلي وادعي له
جوري قامت توضت وبدت تصلي ومسكت القرآن وقامت تقرا

*شوق : الساعه صارت ثلاث الفجر
ام فيصل : المسكينه ما نامت طول الليل
شوق : بروح اصحي البنات حرام نايمات كذا
رانيا نايمه علكنبه وجنبها مها وسلمى وسلام مع بعض علكنبه الثانيه وغلا وحلا جنبهم ونوف تصيح وام راشد وام فيصل يقرون قرآن
شوق : مها مهووي مها
مها قامت وهي تفرك عيونها : هاا
شوق : قومي وخذي رانيا معاكي فوق نامو
مها : زين .....قامت مها وخذت رانيا معها
شوق : سلمى سلام غلا حلا قومو
سلمى :هلا
شوق : يا قلبي قومي ارتاحي فوق
غلا صحت : بقوم حلا
سلمى : بقوم سلام
قامو البنات وطلعو فوق
شوق : نووف قومي ارتاحي فوق
نوف : ان شاء الله
شوق : خالتي قومي ارتاحي فوق احسن
ام سعود : من وين بتجي الراحه وولددي مدري وينه
شوق : ذكري الله يا خالتي ان شاء الله بخير
ام راشد : ي ام فيصل و ي ام سعود قومو معاي
شوق : اي يمما خذيهم
راحو الكل غرفته
جوري قاعدة تصلي وتقرا قرآن وابرار من التعب نامت
شوق : جوري
جوري : صدق الله العظيم .....عرفو شي
شوق : لا حبيبتي نامي ارتاحي
جوري : ما بقا شي ويأذن الفجر مابي انام
شوق : طيب تعالي نقعد عند جدي
جوري : يلا
طلعت جوري وهي لابسه جلال الصلاة وشوق حاطه العباة
شوق : جدي
الجد وهو يمسح دمعته : تعالي يا بنيتي
جوري : تكفى يا جدي لا تبكي هو بخير صدقني
شوق : جدي طلبتك ادخل داخل ارتاح لك شوي.
جا سعود : اي جدي شوق كلامها صح ادخل ارتاح موب زين لصحتك التعب
الجد ودمعته خانته : شلون برتاح وحفيدي رايح شلووون
جوري بصوت باكي : جدي عشاني قوم تعال معاي
جوري خذت جدها وراحت المجلس ولما دخلت شافت بندر نايم وباين عليه دموعه
جوري : جدي نام هنا بجيب شي اغطيك
الجد اكتفى بهز راسه
دخلت جوري وجابت شي تغطي جدها
غطت جدها ولما طلعت شافت بندر ورحمته وراحت جابت له شي تغطي وغطته
وطلعت لشوق
شوق تتكلم مع سعود : ما عرفتو شي
سعود : لا والله للحين ندور
فيصل وسامي راحو الجوازات عبدالرحمن راح الشرطه
جوري : يعني ان شاء الله هو بخير
سعود : ان شاء الله
شوق : تبي اسويلك شي
سعود : ما عليك امر ابي قهوة مييت تعب
شوق : اسم الله عليك الحين اسويها
جوري : ارتاحي انتي اسويها انا
شوق ابتسمت لها : مشكورة
راحت جوري المطبخ تسوي قهوة واخذتها ذكرياتها لي ورا
( راكان : تكفيين جوري سوي لي البحث
جوري : نب نب عشانك ترقم صديقاتي
راكان : كشش عليهم كلهم بس سووي
جوري : الحين انت جايني عشان بحث
راكان : اجل لي جاي عشان وجهك
جوري تضايقت بس ما بينت : زين حطه وبسوي
راكان : فديييتها بنت عمي
جوري : راكان
راكان : هلا
جوري : انا وش بالنسبه لك
راكان : هههه بنت عمي
جوري : وغيره
راكان : صديقتي المقربه
جوري : اجل رح الحين وتعال بكرا تاخذه
راكان : اووكي
جوري دموعها نزلن : اجل انا بنت عمك وصديقتك يا راكان بس )
قاطع عليها صوت القهوة وهي تغلي
جوري حطت الهيل وزبطت القهوة وحطتها بصينية وطلعت للحديقة
جوري : تفضلو
سعود وشوق : مشكوورة
عبدالرحمن : السلام عليكم
الكل : وعليكم السلام ورحمة الله وبركاته
سعود : هاا بشرر
عبدالرحمن : للحين يدورون
جوري وهي تمسح دمعتها : لعله خير ...بروح اعطي جدي
راحت جوري المجلس بس لقت جدها نايم
بندر صحا من النوم : جووري
جوري بصوت باكي : هلا
بندر وهو باين عيونه ان باكي : ممكن فنجال
جوري وهي تمد له فنجال : تفضل
بندر وهو يشرب : رااسي بيتفجر
جوري : ارتاح طيب
بندر : صار شي جديد
جوري وهي منزله عيونها : للأسف لا
بندر وهو يشرب القهوة مرة وحدة : اجل بطلع
جوري : الساعه اربعه ونص قم تجهز للصلاة وبصحي جدي
بندر : لا لا خلي مرتاح تعب امس
جوري : اي والله
بندر : تبين شي بطلع المسجد
جوري : انتبه لنفسك
طلع بندر وراح مع سعود وعبدالرحمن وابو سعود وابو راشد ابو عبدالرحمن المسجد وجوري وشوق وصحو البنات وقامن يصلن مع بعض
ام فيصل : الله يرده لكم بخير
ام سعود : يا رب يا رب
سلمى : يمما فيصل اتصل يقول نطلع
ام فيصل : اي يلا يمما
ام راشد : مشكور وما قصرتو
ام فيصل : اوخيتي راكان بعد مثل ولدي حنا الحين عيله
ام سعود : تشرفونا بأي وقت
ام فيصل : يلا فمان الله
الكل : مع السلامة