رواية طلبني قلبي وعطيته وطلبته قلبه وتردد الفصل الثاني عشر 12 - بقلم Misoo

بندر يحب راس ام سعود : ما عاش من يرد يالغاليه
جوري قاعدة كانها تمثال :!!!!!!!!
بندر مسكها من يدها وهي مستسلمة له وقامو يرقصون
ابرار عيونها دمعت وراكان يطالع فيهم كانه خلاص فقد اخر حبل يخلي متمسك بهلحياه

♪ كم من عروسه بالفرح ماهي عروس تبتسم لاجله وهي غيره تحب ...
وكم عريس حبيبته ضمن االجلوس حيل يعشقهااا وربك ماكتب ♪

راكان يشوفها كيف يحركها بندر كانها لعبه بين يدينه
بندر قرب لجوري : تكفين حاولي
جوري : لا رد !!!
بندر : جوري عشان راكان
جوري دموعها متحجرة :!!!!!
بندر : نرقص شوي ونقعد
جوري اخيرا نطقت : تعبت بقعد
بندر : لا حول ولا قوة الا بالله ....تعالي
راح بندر واخذ جوري وقعدو كانت تتطالع فيه والحسرة باينه عليها جوري طالعت ابرار وابتسمت بس ابتسامة سخرية ابتسامة خسارة ابد مو ابتسامة حب ابرار فهمت هذه الابتسامه
جوري الي وقفت وراحت لابرار وحضنتها وبهمس : العروسه انا والحبيبة انتي الزواج لي والحب لك الكره لي والود لك النوم لي والسهر لك
ابرار تخفي دموعها : زوجك ينتظرك
جوري : تدرين نفسي اضربك كف اصحيك
ابرار : تكفين سويها يرحم امك سويها
جوري وقفت قدام ابرار وجت بتضربها وابرار غمضت عيونها بس تفاجأت بجوري لما باستها على خدها
جوري : يا عسا يدي بلكسر قبل لتنمد على اختي
ابرار حضنتها : ترا بندر يكره الكذب وحساس انتبهي عليه
جوري : بحاول
رجعت جوري على الكوشه وقعدت جنب بندر )
ابرار مسحت دموعها وراحت توضت وصلت ودعت وحطت راسها ونامت
________________________________
كنت واقف اطالعها شلون عيونها تدمع لا والله ما دمعت الدمع متحجر بعيونها تبي تصارخ تبي تقوم وتحضني عيونها تناديني تقولي تعال اسرقني ليش كذا صار فيني بودي اروح اخذها ونشرد والي يصير بهلعالم خله يصير وربي بودي اخطفها وما اخلي عين تلمحها ما ادري كيف جتني الجرأة اروح ابارك لها ابارك لحبيبتي ابارك لمرت اخوي وصديقي ابارك للانسانه الي عشقتها وحبيتها وقفت قدامها بثقة وكاني اقول لها ما سوا زواجك فيني شي وانا قلبي يصرخ ترا ربك ما يحب الكذاب ودي احضنها بطرحتها بس ...بس بأي حق رحت وانا كلي شوق لها رحت وببالي قصيدة
قلتها وانا متألم قلتها وقلبي مكسور رحت لكن صوت وقفني صوت شخص عزيز وغالي اااخ يا جووري لو اسمع اسمي منك ما امل وربي ما امل قالت الي ببالها وانا اسمعها ومن داخلي اتحطم ما قدرت اتحمل الي يصير وطلعت من الصاله بكبرها مدري وين بتاخذني رجولي
________________________________
بيان : دحووم ذي مو فلتنا
دحووم : انزلي
بيان نزلت وهي ساكته ومشت جنب عبدالرحمن
عبدالرحمن : ادخلي
بيان : شقاعد يصير هنا
عبدالرحمن مسك يد بيان وطلع عالغرفة
بيان : عبدالرحمن شفيك
عبدالرحمن حضن بيان بقوووة وبيان بادلته الحضن
بيان ودموعها قامت تنزل : اشتقتلك
عبدالرحمن فكها ومسك وجهها : سنه يا ظالمة سنه ما شفتك تدرين بهالسنه سافرت وانا اقنع نفسي اني نسيتك
بيان وهي تصيح : تبي تنساني
عبدالرحمن : انسا اتنفس ولا انساك
بيان : ليي خليتني
عبدالرحمن وهو يمسح دموعها : لا تبكين دموعك سكاكين وتنغرز بقلبي
بيان : احببببك
عبدالرحمن : الحمدالله انا ما احبببك
بيان طيرت عيونها : وشوووو
عبدالرحمن : تعديت مرحلة الحب انتي الحين النفس حقي
بيان استحت
عبدالرحمن : يا بنت صار لنا خمس سنين متزوجين وللحين تستحين
بيان غطت وجهها بيدينها
عبدالرحمن : تدرين بيونه شنفسي اسوي
بيان : شنوو
عبدالرحمن سحبها : قعدي هنا
بيان تضحك : ههههه ذا
عبدالرحمن حط راس بيان على رجوله وقام يلعب بشعر بيان
________________________________
بندر : انزلي يلا
جوري : ليي جينا هنا
بندر : كيف يعني
جوري : ليي ما رحنا جناحك
بندر : بنسافر بكرا
جوري : بهالسرعه
بندر : اي
جوري : ابي ابدل
بندر : تعالي نطلع
جوري نزلت من السيارة والبدلة كانت مضايقتها
بندر : اساعدك
جوري طالعت في كانها تقول له يا ريت بس ما تكلمت ....ساعدها بندر وطلعو للفندق
بندر : سمي باسم الله ودخلي
جوري : بسم الله
بندر : ذي غرفتك ادخلي بدلي
جوري راحت بدون ما ترد عليه
بندر راح جلس علكنبه وسند راسه علكنبه
جوري كانت واقفه قدام المرايه وتشوف نفسها كيف صايرة ضعفانه ورغم المكياج الي هي حاطته الا ان وجهها تعبان
جوري تهندت وبدت تفك تسريحتها وجت بتفتح البدلة من ورا بس ما قدرت
جوري : اوووووف يا ربي شسوي الحين
بندر كان يطالعها وهي تحاول تفتح البدله ومو قادرة رحم حالها وراح صار صدرة لاصق بظهرها
جوري ارتبكت من قربه : ش...قاااعد ت..تتسوووي !!
بندر : قاعد اساعدك شبسوي يعني
جوري وهي تبعد عنه بقرف : وخرر عني ما له داعي تساعدني وتثبت انك الرجال المثالي
بندر : ترا بساعدك ما باكلك انا
جوري بصراخ : لا تحسب نفسك زوجي فاهم انسااااا
________________________________
سعد بغرفته : اشتقت لغرفتي وسريري والنوم فيه ولامي ورانيا وراكان وسعود ولكل شي بالسعودية .....ااه تدرين وربي اشتقتلك موووت سنتين حارمتني صوتك ....ليي ساكته ومخليتني اتكلم مع حالي مثل المجنون ....حلاتي ترا بسمع صوتك مو صوتي
حلا : اشتقت لصوتك عشان كذا ساكته
سعد : يا حلااااتي انتي وربي احبببك
حلا : اصدق انك ما طالعت الاجنبيات
سعد بكذب : ذوول كانو مؤقتات
حلا شهقت : وشوووووو
سعد كاتم ضحكته : اي يعني مدري رجال كان ودي بحرمة تونسني بلغربه
حلا : ونسووك جنان الانس والجن قل امييين
سعد ضحك : هههههههههههههههههههههههههههه تغااارين
حلا بقهر : وعلى شنو اغار عااادي ما تفرق
سعد : يا مجنونة من يوم حبيتك كرهت جنس حواا كلهم
حلا : وانا مثل الغبية اصدق
سعد : وحيااة من خلقني وخلقك يا حلاتي ما طالعت ولا بنية شايفتني مجنون اخلي الجمال والادب الي عندي واروح للاجنبيات
حلا ابتسمت : ربي يحفظك لي
سعد : تعبببااااان
حلا : عسا التعب فيني ولا فيك
سعد : تحبيني
حلا بخجل : شلووون ما احبك وانت كنت اخوي وحبيبي وسندي تفرح لفرحي وتزعل لزعلي من يوم كنت صغيرة وانت معاي ما حسستني بالوحدة ابدا وما تبيني احبك لا لا انتظر لحظة انا ما احببك
سعد : وشوو
حلا : انا تعديت مرحلة الحب انت الحين نبض قلبي والنفس حقي ان كل شي بحياتي
سعد قاطعها : طيب وش خليتي لي كل الكلام الحلو اخذتي وانا ما بقا لي شي
حلا بضحكة خفيفة ذوبت قلب سعد

< نخليهم بحبهم ونروح للثنائي المجنون > ________________________________
حاضنة مخدتها وتبكي بقهر لي كل ذا صار معاها ليي كل الي تحبه يروح منها وما تعرف لي كانها غريبه بوسط اهلها
جوري وهي تمسح دموعها : دامكم دمرتو حياتي تحملو شبجيكم من جوري ......-راحت توضت وصلت ركعتين ونامت -

عند بندر ...كنت اسمع صوت شهقاتها تقطع القلب عمري ما حبيت جوري بس رحمتها وهي كذا بس هي تعذب نفسها كان ودي اروح لها اهديها بس هي الحين كارهتني اكثر من الاول قمت ابي اشوفها بس ارتحت يوم شفتها تصلي وتدعي من قلبها رجعت غرفتي وانا افكر بحياتنا مع بعض
________________________________
_@/"-)(؛:»«،؟!!؟،«»:؛()-"/@_
يوم جديد على ابطالنا
بندر : جوري بنتأخر
جوري وهي تحط نقابها : جيبت
بندر : ليي تلبسين نقابك
جوري : ما فهمت
بندر : اقصد بالبرازيل ما له داعي كل هالشي
جوري طالعته : ليي رب البرازيل يختلف عن السعودية !!! انا ما البس نقابي بس بالسعودية البسه وين ما رحت لاني انا احافظ على نفسي لنفسي مو عشان احد وانا راضية بلبس النقاب حتى لو هو مو فرض فهمت الحين
بندر ما عرف وش يرد عليها وحب يغير الموضوع : الطيارة بتروح خلينا نستعجل
جوري وهي تسحب شنطتها : مشينا
ركبو السيارة وراحو المطار
بندر كان بروح يخلص الاوراق
جوري : بندر دقيقه
بندر : نعممم
جوري نزلت راسها : اسفه
بندر مو مستوعب : وشووو
جوري : امس صرخت عليك وكنت معصبة وقلت كلام مدري وش هو بس والله كله من عصبيتي وكنت عارفه انك جايه تساعدني ونيتك صافية بس كنت حييل معصبة وابي احط حررتي بواحد وانت طلعت قدامي وحطيت حررتي كللها فييك فعشاان كذا اسسفه وربي
بندر ابتسم على طيبة قلبها : ما له داعي تعتذرين والحين شرايك نطلع الطيارة لتفوتنا
جوري بخووف : هااا ...اي يلا
بندر وجوري طلعو الطيارة
جوري : ب..بنطير
بندر ابتسم : اي
جوري : بجلس هنا -واشرت علكرسي الي جنب الشباك -
بندر : اووكي جلسي
بدت الطيارة تتحضر للإقلاع
جوري بخوف : جوري لي خايفة ما في شي يخوف ...ككلها طيارة وببطير ..ججوري خخلاص اهددي ...ييا رب تتحميننا ...جووري ليي خخايفة مما في شيي
بندر كاتم ضحكته : جوري لا تخافين انا هنا
جوري مغمضة عيونها : ممو خخايفة اأصصلا ممنوو ققال
بندر : ترا بنقلع الحين
جوري : يممممما
بندر : يعني اول مرة تركبين طيارة
جوري : لا ببس ككل ممرة ييصير ككذا
بندر : يقولون الخطورة عند الاقلاع مو الحين
جوري : ذا ذووق منك تكلمني كذا وبالحاله ذي
بندر بضحكة خفيفة : ههههه هاتي يدك واقري الادعية ولا تخافين
جوري مسكت يده بسرعة وقامت تقرا الادعية
________________________________
سعد : صباح الخير يالقمر
ام سعود : ههههه يا صباح الورد يا ولددي
راكان : احم احم
سعد طالع في : ترا مو شايفينك ارتاااح
ام سعود : رانيا ما قامت
سعد بسرعه : بقووومها......ووقام يركض مع الدرج
راكان : الله يعينها
ام سعود : لييي
راكان : صبررري وشووفي
ام سعود : جايبة مجانين موب عيال
راكان ضحك

* عند رانيا *
سعد جاب موووية باردة فيها ثلج وجا على رانيا وهي نايمة وكبها فوقها
رانيا قامت مفزوعة : يييييييمممممممهههههه
سعد قعد علارض يضحك على شكلها : هههههههههههههههههههههههههههههههههههههه برب نكتة هههههههههههنهه شايفة نفسك كييف ههههههههههههه
رانيا ودموعها بعيونها : يااا نذذذل يااا كلب انا اورييييك -وقامو يلحقون ببعض -
سعد باستهبال : انسييي تمسكييني
رانيا بكذب : يببببه امسكه
سعد سمع يببه ووقف بسرعه وجت رانيا مسكته من شعرة
سعد : فكيي شععري يا دوووبه
رانيا بعصبية : اجلل تكب عليا مووية
سعد : خلاص خلاص ما بعيدها
رانيا : اعتتتذر
سعد : احللللمي
رانيا : برااحتك وقاامت تشد بشعره
سعد : رنووو يالكلبه شعري فكييي
رانيا : اعتتذر افكك
سعد : اووكي يلا خلاص اسف اسف بس فكيني
رانيا فكته وطالعت في قاامت تضحك : ههههههههههههههههه برب نكته ههههههههههههه شايف نفسك كيف هههههههههههه
سعد بعصبية : تقلدييني
رانيا بغرور : وييع ماالت انا اقلدك انت عشتوو
سعد قرب لها وهي تشرد : تعااالي
رانيا بركض عن الدرج : ييييمممه يمممه
ام سعود بعصبية : يعني لازم واحد منكم يطيح عشان ترتاحون
رانيا : راكان راكان نخييتك قوم له بيضربني
راكان : سعد وخرر عنها
سعد : هلمرة عشان راكان والا كنت دوست ببطنك
رانيا : قصدك خووف من راككان هههههه
سعد بعصبية : اقصري الهرج
رانيا : اووكي
ابو سعود جا : صباااح الخير
الكل : صباااح النور
ابو سعود : شصااير من الصبح اسمع صوت
ام سعود : ما تعرف عيالك
ابو سعود : رانيا قومي من هنا
رانيا : لي بابا
ابو سعود بعصبية : اقووووول قوومي
رانيا بزعل : حاضر
راكان : يييبه لي تعاملها كذا
ابو سعود : لا حد يتدخل مفهووم
سعد : بقوووم اشوفها
ابو سعود : اققعد
سعد : ما بخليها زعلانه
ابو سعود : قلت لا حد يروح لها
سعد ما رد على ابو وطلع لرانيا
راكان : يببه حرام عليك ترا ملاحظ عليك
ام سعود : ليي قلبك صاير كذا يا رجال
راكان : الله يسامحك يببه ...ولحق سعد
ام سعود : ليي كذا ليي
ابو سعود : قوومي عن وجههي يا حررمة
رانيا تبكي بغرفتها ودخل سعد
سعد بحزن : رنووو حبيبتي قوومي
رانيا : سعد دخيلك اطلع
راكان جا : مابي
رانيا زاد بكاها : اببوي ييكرهنني
راكان راح لها وحضنها : ما عاش الي يكرهكي
رانيا وهي تحضن اخوها : ليي ييعامملني ككذا لييي
سعد رحم اخته : رنوو تحبيني
رانيا طالعت وهزت راسها : طيب قومي معاي
رانيا قامت مع سعد : وين بنروح
سعد : بنروح حق ابوي وبتقوليله الي بقلبك
رانيا بخوف : لا لا اخاف
سعد : امششششي
رانيا وسعد وراكان راحو حق مكتب ابوهم
سعد طق الباب : يببه ادخل
ابو سعد : تعال
دخل سعد ورانيا وراكان مع بعض
ابو سعود : مجتمعين شسالفه شتبون
سعد طالع رانيا وراحت عند رجول ابوها
رانيا وهي تصيح : سامحني يا بوي تكفى سامحني اذا غلطت ف شي بس لا تعاملني كاني غريبه .....يبه والله اسوي اي شي بس بس لا تسوي فيني كذا والله اصير خدامة عند رجولك بس لا تعاملني كاني وحدة من الشارع يبه والله انا احبك انت ابووي حبيبي تاج راسي
سعد الكلام اثر في ودمعته طاحت وراكان حزن على اخته
ابو سعود مسك رانيا وحضنها : سامحيني يا بنيتي سامحيني
رانيا :لا يببه لا تطلب السماح انا الي سامحني اذا سويت شي ضايقك
ابو سعود يحب راس بنته " يا رب تعطيني القوة اتحمل هالسر " : يلا طلعوو بكمل شغلي
رانيا : من عنووني
طلعو الكل ...راكان : ووالحين يا رنوو شتبين
رانيا تحط يدها عخصرها : امممممم نروح المجمع
سعد : قصدك تروحين
رانيا : نب نب كلنا وامي معانا
راكان عجبته الفكرة : ليي لا نروح
رانيا بحماس : يياااي بتصل بشلة كلها
سعد بحماس اكثر : واحمد بعد يجيب الكل
رانيا بغموض : اي اي لازم
راكان : بشوف فيصل
رانيا بحزن : اووووف
سعد : شصاار الحين
رانيا : جوري ما بتجي
راكان باندفاع : ليي.....-صحا على نفسه -قصددي يعني ..
قاطعته رانيا : سافرت مع بندر للبرازيل
راكان بصدمة : وشووو
سعد يغير الموضوع : يلااا عاد
رانيا : بتجهزز وبجي
سعد :وين وين موب الحين الساعه اربعه نروح
رانيا : طيب ودني حق مها
سعد : طيب بسرعه تجهزي
رانيا : اوووكي

♥اذا كان عز الآخوهً يرفع الراس ً
عزالله اني فيكً رافعًه ً راسي ♥

________________________________
♪°^ عند العرسان ^°♪
قامت شوق قبله تروشت ولبست وطلبت فطور
شوق تتكلم على الجوال : قولي والله.....ليتني شفته ......لدرجة ذي يخقق .....شكلي بسحب .....ههههههه لا وين .......ههههه متزوج هو .......يييي راح من يديني .........ههههههههههه اكلمك بعديين باكل الحين .....وجعع انقلعي -وسكرت السماعة
شوق لفت ولا سعود واقف يطالع فيها : فيي شيي
سعود بهدوء : سلامتك ...من كنتي تكلمين
شوق بهدووء يقتل وهي تاكل : مو شغلك
سعود للحين هادي : شووق لا تنرفزيني من الصبح
شوق بثقة : انت مالك اي دخل فيني فااااهم
سعود بدا يعصب : شووق ذكري الله ولا تعصبيني
شوق وهي قاصدة تعصبه : هههه لا من جد ياا شيخ
سعود عصب وراح مسك يدها : شووووق
شوق وهي تفك يدها : يدك وخرررها عني
سعود وهو يقربها له : اذا ما انعدلتي بعدلك
شوق قربت وجهها لوجهه : تحلممم
سعود : ترااك تلعبين بالنار
شوق بضحكة سخرية : قصدك العب مع طفل
سعود عصب ورماها علكنبه : وربي يا شوق لتشوفين
شوق وهي توقف : وربي انت لتشوف يا سعود الا انت تطلقني
سعود وهو يضحك بلحيل : ههههههههههه احلمي يا بنت ابوك
شوق وهي تزبط قميصه بكل جرأة : نشوووف
وراحت عنه

♪ اذا بيوم رحت عنك ،،،
ع نفسك ماوصيك ... ♪
________________________________
سلمى : يممممه يممممه
ام فيصل : هلا
سلمى : الساعه اربع تجهزي بنروح المجمع
ام فيصل : لييي
سلمى : مدري فيصل اتصل فيني وقال لي
ام فيصل : اتصل فيكي ليي هو مو هنا
سلمى : هاا ....تصدقي ما انتبهت
ام فيصل : احسه متغيير هلولد
سلمى وهي تلعب بلجوال : تلاقيه عشقان
ام فيصل : ما ظنيت يا بنيتي شي كبير وكبير وااجد
سلمى طالعت امها وبوجهها علامات استفهام
ام فيصل : برووح فوق
سلمى : براحتك
راحت ام فيصل فوق وسلمى بالصالة
سلمى تنهدت : وييينك يا راشد وينك ارحمني وارجع طلبتك اررجع وبوقف معاك بكل شي بس تعاال
________________________________
♠& البرازيل. &♠
بندر يصحي جوري : جووري جورري
جوري فتحت عينها : هلا
بندر : قومي يلا وصلنا
جوري تفرك عيونها كانها بزر : لحقنا
بندر يضرب راسها : قوومي
جوري : ماني بزر تضربني
بندر : اوو سوري يا حرمتي
جوري : وعععع
بندر :شفيك انتي
جوري : خلك ع جوري يرحم امك
بندر : حاضر بس نزلي ولا بتبقين بالطيارة
جوري : بس بروح اضبط شيلتي ونقابي
بندر : بسررعه طيب
جوري راحت وضبطت شيلتها وعدلت نقابها
بندر : يلا بجي السواق
جوري : وين بنروح
بندر : بنروح شقتنا ونرقد لين ما نصحى ونشوف بعدين برنامجنا
جوري ابتسمت : اووكي يلااا
ركبو بندر وجوري السيارة واخذهم السواق وراحو الشقة
بندر : هذه الغرفة لي وذي لك
جوري :اووكي بروح اضبط الشنط وارتب الشقة واسوي الغدا
بندر : اي تكفين جووعان
جوري : دقايق
بندر : هاتب شنطي اسويهن
جوري : خلاص اسوي شنطك وبعدين شنطي
بندر : اووكي يلا
دخلو الغرفة وقامو يرتبون الملابس بالخزاين
جوري : موب جايب لك اشيا كثيرة لي
بندر : ما بنطول اسبوع اسبوعين وبنروح
جوري : امممم ...بس هنا المكان بارد وانا ما حسبت حسابي
بندر : ولا يهمك نروح نشتري
جوري : اووكي بروح احط شنطي
بندر : روحي
راحت جوري وحطت ملابسها بالخزانه ......يا ربي شلون بصل الطابق الي فوق اووووف ....يا ربي ...اي صح الكرسي - راحت وجابت كرسي وركبت عليه - .....وقامت تغني : ثلاث ايام يالغالي وحالي ما هو بحالي.... تغيب وينشغل بالي عسا ربي يصبرني ....انا مشتاق صدقني ....تعال ولا تفارقني لين العمر يسرقني عسا ربي يصبرني ....
بندر من وراها : صووتك حلو
جوري بخوف لفت والكرسي تحرك : اااااااااه
بندر مسكها من يدها وطاحت فوق بندر بس ضرب راس بندر بالسرير وجوري طاحت عالسرير وبندر طاح علارض
بندر : ااااه راسي
جوري : اسفه اسفه وربي اسفه
بندر : لا تخافين ما صار شي
جوري شهقت وبصرااخ : بببندر ددددم
بندر : الحين اسوي لا تخافي
جوري قامت ترجف : دددم دددم لا لا بتمووت بتموووت لا لا لا
بندر تذكر وراح لها : جووري جووري طالعيني مافيني شي طالعييني جووري
جوري : موووت متتت انت متت لا لا دمم انا السبب لا لا لا
بندر رحم حالها بس كان مجبور يسوي كذا ضربها كف وبصراخ : جوووووورري
جوري صحت عنفسها : بععععد عنني اكررهك اكررررررررهك
بندر نزل راسه وبعد عنها : بطلع
جوري ببكا : اطلع مابي اشووووفك
بندر طلع وسكر الباب وتنهد : يا رب سااامحني
( السر بعديين تعرفوه )
جوري تصيح وتذكر شصار فيها من عشر سنين
________________________________
الجد : ليي زعلانه
ابرار : لا مو زعلانه بس فاقدة جوري
الجد : الله يهنيهم
ابرار : امييين يا رب
الجد : ابرار
ابرار : سمم يا جدي
الجد : في شي باخذ رايك في
ابرار : وشوو
الجد : راكان
ابرار : شفي
الجد : شرايك في ....يعني رجال كفو
ابرار : اي والله راكان اخلاقه عاليه وكفوو
الجد : زين زين
ابرار " الله يستر منك يا جدي "
مها ورانيا دخلن : السلام عليكم
الجد وابرار : وعليكم السلام
البنات راحن وحبن راس جدهن
الجد : شخباركن يا بنات
البنات :الحمد الله يا جدي انت شلونك
الجد : اشووف الشلة ناقصة اليوم بس كانه اهم اعضاء الشله موب هنا
مها : نسيت اقولك يا جدي ترا عيد ميلادهن قرب وبنسوي حفله
الجد : وشوو ذا
ابرار : جدي انت ارتاح وحنا بنسوي كل شي لا تخاف
الجد : الله يستر منكم انتو
الا بدخلة حلا وغلا : هاااي
الجد : وانا اقول الحين من ناقص الناس تقول السلام عليكم
غلا عضت شفتها : سووري جدوو احم احم السلام عليكم
الكل : وعليكم السلام
حلا : شلونك جدي
الجد : الحمد الله وانتي شلونك يا بنيتي
غلا : عسااك دوووووم بخير يا رب
راكان وسعد : السلام عليكم
الجد : البنات هنا يلي ما تستحون
سعد : شدراني انا ومن متى البنات يدخلون المجلس
الجد : لا يكثر الهرج فاهم
راكان : شلونك جدي
الجد : بخيرر انت شلونك
راكان : عايش الحمد الله
الجد : اجل دحووم وين
سعد : من خلص العرس بندر ما شفنا
الجد : شاف زوجته سحب عليكم
سعد : شنسوي حظ المتزوج يا جدي
الجد : خلاص ازوجك الحين اذا تبي
سعد : احلللف اي اي موافق
الجد : خلاص بزوجك بنت من بنات عمك ابو نايف
سعد بصدمة : من ذااا بعد
الجد : اذا واحد صديقي من زمان ازوجك بنته
حلا بتصيح وتطالع سعد
سعد طالع ببنات عمه يبي يدورها بعدين لف ع جده : لا يا جدي تراني مجهز ومخلص بعد اصبر يومين كذا واجيك
الجد : نشوووف يمكن ما اوافق شيدريك
سعد وهو يطيح عند رجول جده : لا لا تكفى يبه ترا امووت نفسي
الجد : رح مت فارقه معي يعني
الا بدخلة احمد : من بمووت
الجد : سعد
احمد : وليي
سعد : جدك ما يبيني اتزووج
احمد : وذا الي هامك يعني
سعد يحط يدع عكتف احمد : الزواج نعمة يا صديقي
احمد وهو يشيل يد سعد : انا طالع مع السلامه
سعد حس ان احمد مضايق

وكملو سوالف
________________________________
♪♥ طيور الحب ♥♪
بيان نايمه وعبدالرحمن يلعب بشعرها
ودق جوال عبدالرحمن وصار يدور عليه عشان ما يقومها
عبدالرحمن : هلا راكان .....شفيك .....لا بنرجع اليوم .....جدي لي .....الله يستر .....اجل فمان الله
بيان قامت : صباح الخير
عبدالرحمن : صباح الورد والفل والياسمين
بيان استحت
عبدالرحمن : قومي تروشي بنرجع
بيان : ليي
عبدالرحمن وهي يمسك شعرها : في محكمة اليوم
بيان بباتسامه : من الجاني والمجني عليه
عبدالرحمن وهو يبوس خدها : مجهول لحد الآن يلا قومي تجهزي
بيان : اووكي
قامت بيان وتروشت ولبست
عبدالرحمن : يلاااا
بيان : هيااا
عبدالرحمن : هاتي يدك
بيان : هههه للحين
عبدالرحمن : وللأبد ....ومسك يدها وطلعو
بيان :دخيلك دحووم لا تسرع
عبدالرحمن : يا خواافه
بيان تمسك يده : طلبتك لا تسرع
عبدالرحمن : امرررك
بيان : شلون صار كل هذا
عبدالرحمن : جوري وبندر
بيان : اي
عبدالرحمن : مدري يا بيان مدري
بيان : وراكان شسوى
عبدالرحمن : شبسوي يعني تدمر
بيان : حب حياته
عبدالرحمن : عاد ما اشوفه كذا يمكن يرجع يحب من اول
بيان : كيف ...??
عبدالرحمن : الحب يجي مررة بلعمر واذا كانت جوري نصيب راكان بيكونون مع بعض
بيان : معااك حق
عبدالرحمن : جوري وبندر بحبون بعض
بيان : ما اشوفها كذا جوري طول العرس كانن مثل التمثال
عبدالرحمن بباتسامه : انا واثق
بيان : الله يهنيهم على كل حال
________________________________
# البرازيل #
دخلت الشقة وانا حيل تعبان واحس الدنيا ضايقة فيني جوري تعبت نفسيتها بسببي وانا لازم اخليها تفهم ان كل الي صار من زمان كان مقلب بس هي كارهتني وحيل بعد
جوري : الغدا جاهز تعال
بندر " طيبة قلبها غريبه قبل شوي كانت تقول انها كارهتني والحين مسويه غدا " : بغسل يديني واجيك
جوري : بحط الاكل
رحت غسلت يديني وانا ادعي اني اقدر اتكلم معاها بأي شي
جوري : خلصت
بندر : اي ......قعدت علكرسي وانا اطالع عيونها الي صايرة حمر من البكي حبيت افتح اي موضوع عشان اكسر السكوت الي بيننا : تروحين معاي
جوري : وين
بندر : نشتري لك ملابس حق الشتا يقولو بتمطر هنا
جوري : اي يا ريت وعادي اذا تمشينا
بندر " حسيتها مرتاحه وتتكلم عادي " : واعرفك عالبرازيل
جوري : تعرفها
بندر : اي كنت هنا سنتين
جوري : اممم
بندر : مشكوورة علمكرونه
جوري : لا عادي
بندر : جوالك معك
جوري : اي بس انكسر
بندر : كيف !!?
جوري : يوم طحت كان بجيبي وطاح علارض والشاشه خربت
بندر : خلاص نشتري واحد
جوري : مشكور ....بشيل الاكل واجلي الصحون
بندر : وانا بدخل ارتاح تعبان
جوري : زين
بندر " دخلت وانا اشوف حالتها تدر علي بهدوء كانها تحاول تشيل اي فكرة تزعجها من راسها بس لي كذا هي لي ما تحاول تنسا الي صار ااااخ يا بندر كله بسببك انت كرهتها فيك انت السبب يا رب تسامحني وجوري تقدر تسامحني "
جوري قاعدة تجلي الصحون وتفكر ببندر وحياتها معاه كيف بتعيش معاه هي مو تكرهه بلحيل بس ما تحبه هو شي عادي بحياتها بس من جهة ثانية تحس نفسها تخون صديقتها بعيشتها معه اي خيانه يا جوري ذا زوجك الحين وكل زوج يبي حقوقه وهو للحين ما طالبني بشي ياا رب انك تفرجها وتوريني الطريق الصح "
خلصت جلي وراحت انسدحت بالصاله فتحت التلفزيون تلقا لها فلم كذا تشوفه
جوري : اوووووف شيفهمني الحين انا ......يا ربي مليت ......بشوف بندر نطلع
راحت لغرفة بندر ودخلت شافت الغرفة باردة جدا وبندر نايم بس ما كان متغطي وبدون تيشيرت راحت عنده وغطته بالبطانية وطلعت من الغرفه
جوري : بروح اصلي وانام احسلي
________________________________
♦ مكان اخر حيث المؤامرات ♦
*** : اسمعني يا ابو نايف اقسم بالله ان سمعت لك حس بنهييك فاااهم
ابو نايف بثقة : تحسب تقدر تهددني اسمع انت هيي ترا بدوووني ما تسوى شي فاهم ولولا مساعدتي كنت الحين مييت
*** : مسااااعدتك
ابو نايف : لو ما سوينا فيها شرطة واخذنا راشد كان الحين حضرتك فالسجن
*** : ترا كل هذا عشان فلوس ولا نسيت
ابو نايف : انت شنوو اااه شنوو انت ذبحته بدم بارد ولا كانه بينكم رابط دمم
*** : هو الي جننا على نفسه
ابو نايف : يعني لو ما حطيت يدي بيدك كنت بتذبحني
*** : اي اكيييييد
ابو نايف : انت احقر انسان شفته بحياااااتي
*** : كل الي سويته عشان مصلحتنا
ابو نايف : اي مصلحه الي تتكلم عنها انت سويت كذا عشان الطمع ولا تنسى المثل الي يقول الطمع ضر ما نفعععع
*** : اذا خلللصت انقلع
ابو نايف : بروووح برووووح وصدقني بتتندم
*** : ههههههههههههههههههههههههههه
ابو نايف وهو طالع : لا تضحك واجد عشان ما تبكي بعدين
طلع ابو نايف وهو خلاص مو قادر يتحمل الهم الي على كتوفه الا وجواله يدق
ابو نايف : هلا بولددي هلا بنيوووف
نايف : نيوووف اجل ههههه شلونك يالغالي
ابو نايف يخفي حزنه : بخير يا ولددي انت شلونك
نايف : دااامي سمعت صوت ابوي انا بأحسن حال
ابو نايف : سمعت انك بالسعودية
نايف شهق : ترااقبني يابوي
ابو نايف : خووف عليك وانا بوك
نايف يضحك : افا عليك يا ابو نايف تراك جايب ذيب ذيب
ابو نايف : ربي يحفظك لي يا ولددي
نايف : الا يببا
ابو نايف : هلا يابوي
نايف : ويينك في الحين
ابو نايف بارتباك : مسافر الحين بشغل نيووف يببا اكلمك بعدين
نايف : اووكي ييبه اخليك
ابو نايف : انتبه على نفسك
نايف : وانت يابوي
--------------------------------------------
احمد : ابووك
نايف : اي ابوي
سعد : مسافر بعد
نايف : يا رجال ما يقعد بس يسافر
فهد : شباب نروح المجمع زمان ما رقمت
سعد : لاااا حووول ما تشبع انت
فهد : لا ما اشبع
( فهد يكون اخو بيان )
سعد : انا واحمد بنروح مع العيلة
احمد مو معهم
فهد : احمدوو وين وصلت
احمد بملل : السودان تيجي
فهد : وييععع ما لقيت غير السودان
سعد : شباب سمعتو بالبنت الي منتحرة
نايف : اي انا سمعت قصتها ناقصة عقل
فهد : ولي انتحرت بالله
سعد : يقولون عشان منعوها تتزوج الي تحبه
احمد : قسسم ناس فاضية الحين تنتحر عشان ما رضو يزوجونها اياه
نايف : والله مدري شقول
احمد جا اتصال وطلع
فهد : ملاحظين احمد متغير وااجد
سعد : كل واحد وهمه ياخي
نايف وجهه تغير
سعد بغموض : ولا شرايك نايف
نايف بارتباك : ششدخلني انا
________________________________
نايف واحمد شمسوين ??
جوري وبندر والسر ?!
الجد والخطط حقه ??!