رواية طلبني قلبي وعطيته وطلبته قلبه وتردد الفصل الثاني والأربعون 42 - بقلم Misoo

ليه لا فكّرت
في [ حبـہ ] سِهيت؟؟
وأنسى كل الجالسين اللي معي !!
وليه لا جَتْ
عيني بـ/ عينـہ [ انْعَميت ]؟
وقلبي أسمع دقّته بين أضْلِعـــي!!
وليه لا حاولت
[ آصـد ] ماقويت؟؟
ضايعٍ ما أقدر أحدد مَوْقِعــي!!
أعتقد أني تأكدت و دريت "
إني مهما رِحْت [ هو] مَرْجِعي!!
والدليل إنّي. { بـ/ سبتـہ انْتِهيييت }"
[ تلفوني ] أدَوْره ، وهو في [ يدي

فارس بحزن : لا حول ولا قوة الا بالله ...الله يرحمها ويغفر لها
سيف : امييين يا رب
سعود : عمي تعبان ...الا فارس عمي سعد له كم يوم مختفي مدري وينه
فارس ببرود : عمك يدور علي
سعود : كل ما ودي اجمعكم يصير شي
فارس : رب العالمين ما يبينا نجتمع
سعود : كل تبن زين كذا
سيف : شباب شبنسوي بالموضوع المهم
سعود : والله مدري احسه ناوي ع شي
فارس : معاك حق ...هدوئه ذا ما يدل على خير
عمر دخل : السلام عليكم
الكل : وعليكم السلام
سيف : اررحححب ... متى وصلت
عمر : هذه وصلتي ..
سيف : نايف وينه
عمر : وراي ..
نايف دخل : السلام عليكم
الكل : وعليكم السلام
فارس قام : شلوونك
نايف حضن فارس
فارس : نايف انت رجال خلك قوي ...
نايف طاحت دمعته : شفت كل شي بعيوني شفت شلون مات
فارس : اذكر الله يا نايف ..
نايف : راكان بخطر ...حامد ناوي عليه ...بس في شي ما فهمته الحرمة الي عند حامد لي مخبيها وش يبي منها
فارس : الحرمة وينهي
نايف : بالمستشفى ...
فارس : سعود رح انت وفارس وابي سامي يعرف كل شي وحاول تجيبه ...نايف وعمر انتو عليكم حماية راكان ...وانا في موضوع لازم احله
سعود : وشهوو
فارس طالع في : ما عليك الموضوع خله علي
سعود : حنا بنروح نكلم سامي ...
فارس : يلا بسرعه ...شباب انتبهو
________________________________
حامد يضحك : هههههههههههه ياخي ولدي سوا شي عظييم ...خلاني ادخل بينهم بكل سهوله ...الحين بجيب راس سعود وراكان بكل سهوله
البودي قارد : طال عمرك في خطر عليك
حامد : يا فادي لو في خطر علي ما دخلت
فادي : طال عمرك سيف شبنسوي معاه
حامد : اقرب فرصة خلصو عليه
فادي : امررك طال عمرك
حامد : ابي حراسه مشددة ع سامي ...هذا ولدي مابي يتأذى ابدا ...الا راشد شوضعه
فادي : طال عمرك راشد صار معاه حادث وفقد ذاكرته يعني ما يتذكر شي
حامد : حتى لو كان فقدها نهائيا هالشي يشكل خطر كبير علينا
فادي : شتآمر عليه
حامد : ابي شي يوجعه
فادي : طال عمرك في شي لازم تعرفه
حامد : وشهوو
فادي : راشد خطب اخت فيصل ...و...راشد ولد عم سعود
حامد وقف بسرعه : شلوووون
فادي : هذا الي صار ...راشد يكون ولد عمهم ...
حامد منصدم : ولد عمهم ...شلووون يعني ...
فادي : شنسوي الحين
حامد ضحك : هذه العايله كلها تبي تموت على يدي ...ابيكم تجيبون نقطة ضعف راشد ...سلمى هو يحبها من زمان ...جيبوها
فادي منصدم : اجيب البنت هنا
حامد طالع في : اي تجيبونها ...امش بسرعه
فادي : امررك طال عمرك
________________________________
ابرار جالسه بالحديقة وجاها راكان
راكان : شقاعده تسوين هنا
ابرار طالعت في : ولا شي افكر
راكان : وش تفكرين في
ابرار حطت يدها عبطنها : افكر بالطفل الي جاي
راكان قعد جمبها : من جد تبينه
ابرار بحب : اي ..ابيه
راكان : لو قلتلك نبدا حياة جديدة مع بعض توافقين
ابرار طالعت في : تتكلم صدق
راكان : وتسامحيني
ابرار : الايام تنسي
راكان : يعني مستعدة تعيشين معاي
ابرار : ما ابيك تحبني ...اقل شي تحترمني وتثق فيني
راكان : لهدرجه الاحترام والثقه صعبين
ابرار وقفت : الاحترام لا طاح ما يرجع ...والثقه لا راحت ما ترجع بعد
راكان وقف جمبها : كل شخص يحق له ياخذ فرصه ثانيه
ابرار : يعني تطلب فرصه ثانيه
راكان : عمري ما طلبت شي انا من النوع الي اخذ الشي اخذ
ابرار ابتسمت : تهقا نقدر نتأقلم مع بعض
راكان : عادي اكسر راسك كل ما كبرتي
ابرار : وانا اكسر غرورك الزايد
راكان ضحك : هههه ما تقدرين غروري صعب
ابرار ابتسمت : وانا راسي ما ينكسر
راكان : كان ودي نفتح صفحه جديدة بس باين ان انتي ناوية عالحرب -وراح -
ابرار مسكت يده : تقدر تحبني
راكان : اذا حبيتيني انتي
ابرار " اخاف صار لك مكان بقلبي يا راكان وانا مدري " : يمكن احبك وش يعرفك
راكان طالع فيها بنظرة رومانسيه : لن حبيتيني احبك ...-وراح -
ابرار قعدت عالكرسي وحطت يدها عقلبها " يا قلبي شفييك هد ...بتفضحني وبتفضح كبريائي "
راكان راح وهو يبتسم : ابرااار ...حلو اسمها ...-وقام يضحك - الحين اكتشفت ان اسمها حلو هههه
الجد شافه : قل اعوذ برب الفلق شفييك يا ولد تتكلم مع نفسك وتضحك ...انجنيت انت
راكان باحراج : لا يا جدي بس ...يعني ...شسمه ...تبي قهوة
الجد : رح رح شف شغلك ...الله يهداك بس
راكان لف وجهه وراح : توهقننا ...الله يقلعك يا ابليس
________________________________
بندر يتكلم بالجوال : هلااا بو احمد ...شلوونك عساك طيب ...ابشرر بعززك طال عمركك ...اي كلمت راكان وبنوقع العقد بعد اسبوع ان شاء الله ...يا رجال صدقني الصفقة ناجحه ميه بالميه ...افاا علييك بس ...كفوو والله ...اي خذ راحتك ...مع السلامه ...
جوري جته : مشغوول ...اجيك بوقت ثاني
بندر يطالع فيها : سكرتيرتي انتي ..
جوري باين عليها التعب
بندر قام لها : جوري شفيك
جوري طاحن دموعها وحضنت بندر : تعبانه يا بندر ...تعبانه والله ...مو قادر امر من عند الغرفه ابد ...خايفه والله خايفه ...للحين مو قادر انساها شلون طاحت ...ولا كلماتها ...والله اني تعبانه ...لي ثلاث ايام ما نمت كل ما اغمض عيوني اشوفها ...صح ما كانت قريبه مني بس بس يوم حضنتها حسيت انها اختي ...والله حسيت انها اختي ...-وزاد بكاها - خلاص رااحت ...راااحت
بندر دمعته طاحت مو قادر يتكلم ..." ااخ يا جوري لو تعرفين الكلام الي قلتي هو نفس الكلام الي كان بقلبي ...نوف مهما سوت تبقى اختي ...تبقى قطعه من قلبي ...اااخ يا نوف كسرتيني بمووت حلا والحين بموتك ..."
جوري تصيح " نوف قبل ما تموت قالت ان في رساله " جوري بعدت عن بندر : الرساله ...نوف قالت في رساله
بندر مسح دموعه : اي رساله
جوري : نوف قبل لا ...تموت قالت ان في رساله عند سريرها
بندر : تعالي معايا
جوري راحت مع بندر
جوري : انت ادخل ...
بندر دخل : ويين الرساله ...." معقوله هذه واخذها وطلع " ججووري اجمعي لي العيله تحت
جوري هزت راسها ...جوري راحت وجمعت العيله معدا سعود ما كان موجود
الجد : لي جمعتنا يا بندر شفيك ..
بندر بحزن : نووف قبل لتموت قالت ان في رساله لازم تنقرا قدام الكل
ابو عبدالرحمن : وش هي اقراها
بندر فتح الرساله الا بدخلة غلا
شوق : غلا تعالي
غلا راحت وقعدت جمب شوق : شصاير هنا
شوق : اصبري تعرفين
بندر فتح الرساله : (بسم الله الرحمن الرحيم ...ما عرفت وش اكتب لكم ...لاني مستحية منكم والله ...اعرف الي سويته ما ينغفر ابد ...انا ذبحت اختي من ورا كرهي وحقدي لها ...بس والله اني ندمانه واعرف ندمي ما برجع شي ابدا لان الميت ما يرجع ابدا ...
بندر وجوري ابيكم تسامحوني وتحللوني ...انا ظلمتكم معاي بس يوم جوري قامت تدافع عني حسيت قد ايش انا رخيصه ووضيعه قدام طيبتها وقلبها الكبير ...
ابرار وراكان انا حبيت راكان من يوم كنت صغيرة بس هو ما كان يشوفني كان يشوف دايما جوري ويوم تزوجت جوري فرحت بس فرحتي ما تمت بزواجه من ابرار وقررت ادمر حياتهم ودمرتها ...
- بندر يقرا ودموعه تطيح -
سعد ولد عمي ابيك تسامحني لاني حرمتك من زوجتك وحبيبة قلبك ابيك تسامحني والله كرهي وحقدي اعموني ...سامحني
اختي غلا ...هالشي ما قلته لك من قبل بس والله اني احبك من قلبي وكنت افرح يوم اقهرك من حبي لك بس ..بس مدري شلون كرهي اعماني وسويت كذا معاكم ...
ابوي ...ادري انك بتخجل مني وبتستحي تقول اني بنتك بس ابيك تسامحني وتحللني يا بوي ...
ما عندي كلامات تصف الاحساس الي بداخلي بس انا مستحيل اشوه سمعتكم عشان كذا قررت اني انتحر ...ادري انه حرام بس ما عندي حل ثاني ...
ابي منكم تحللوني وتسامحوني ...بنتكم نوف)
الورقه طاحت من بندر ودموعه تطيح معاها
جوري حاطه يدينها عفمها وتشهق
ابرار تصيح بهدوء
شوق حاضنه غلا ويصيحن بهدوء
راكان حاط يدينه ع راسه
مهت ماسكه يدين احمد الي دموعه تطيح بهدوء
ابو عبدالرحمن يصيح
والحريم يصيحن
ام راشد وام سعود يصيحن
راشد حاط يدينه ع وجهه " يا ربي مدري اصيح ولا وش اسوي ...احس اني بختنق هنا "
الهدوء كان سيد الموقف الكل يصيح بهدوء ما غير اصوات انفاسهم بالمجلس
بندر قام وطلع ولحقه راكان وراح وراه راشد واحمد طلع وراهم
ابو عبدالرحمن طلع وطلع وراه اخوه سلطان وابو سعود
شوق اخذت غلا وطلعو الغرفه ومها وجوري وابرار لحقوهن
والحريم طلعو من المجلس
________________________________
ام فيصل : بينسانا
فيصل : يمما شهلكلام الله يهداك انتي تعرفين راشد يحبك اكثر من اي شي
سلام : يمما فيصل معاه حق ...راشد يحبك وااجد
سلمى وقفت وطلعت غرفتها
رانيا : انا بروح لها
سلام : خذيني معاك
ام فيصل : كانت تننظره سنتين ويوم خطبها كانت اسعد انسانه والحين ...
فيصل : وش الحيين يمما راشد يحب سلمى
ام فيصل : والله يا وليدي مدري شقولك
راشد جاهم : الا اعشقها مو احبها
ام فيصل : بسم الله الرحمن الرحيم
فيصل قام يسلم عليه : شجاابك الحين
راشد : ياخي مو قادر اتحمل القعده هناك
فيصل : بتتعود
راشد حب راس امه : شلونك يالغاليه
ام فيصل : قلت الولد لقا اهله ونسا امه
راشد : افاا يممما تهقيين اخلي امي الي ربتني مانيب نذل يام فيصل
ام فيصل : اشتقتلك يا يبووي
راشد حضن امه : وانا بعد اشتقتلك
فيصل يسوي نفسه يكح
راشد طالع في : انتبه لا يقرح لك عرق
فيصل : نسيتيني يمما
ام فيصل : تعال هنا
فيصل قعد جمب امه
ام فيصل : ربي يحفظكم لي ويطول اعماركم ويسعدكم بحياتكم يا عيالي
راشد : ويطول لنا بعمرك يالغاليه
ام فيصل : راشد ..
راشد : امرييني يمما
ام فيصل : زوجتك هنا يا راشد
راشد : وانا هنا عشان اكلمكم بهالموضوع ...تعرفون بنت عمي توفت وما اقدر اسوي عرس وعمي حزين
ام فيصل : هذا هو الصح يا ولييدي
راشد : عشان كذا ...ابي اخذ زوجتي الحين
فيصل : بس راشد ...
قاطعته امه : فييصل ...راشد معاه حق ..
فيصل : بس يمما لازم نشوف سلمى
ام فيصل تنادي : سلمى سلمى
سلمى من فوق : امريني يمما
ام فيصل : غطي راسك ونزلي ابيك
سلمى : ثواني يمما
ام فيصل : لا تتأخرين
سلمى نزلت : نعم يم....راشد
راشد غمز لها
سلمى صدت عنه وراشد فهم انها زعلانه منه
ام فيصل : تعالي جمبي يبنيتي
سلمى : وش في يمما شصاير
ام فيصل : زوجك يبي ياخذك معاه
سلمى طالعت براشد : توه يذكر انه عنده حرمه
راشد طالع فيها : انا اسف
فيصل : سلمى انتي تعرفين انه مشاكله كثيرة يعني لازم تتفهمين
سلمى قامت جت بتروح
راشد وقفها : سلمى شفيييك
سلمى طالعت في : ما بجهز شنطي يعني
راشد ابتسم
سلمى طلعت غرفتها وبدت تجهز شناطها
دخلن سلام ورانيا
سلام ماسكه نفسها : بتروحين
سلمى بزعل : اي بروح ...استناسي الغرفه بتصير لك
سلام طاحت دمعتها : مابي غرفتك ...ابيك انتي
سلمى حضنت اختها : بشتاقلك يا دوووبا
سلام تصيح : وانا بعد ...
سلمى تمسح دموعها : بعدي عني يلا ابي اجهز نفسي
رانيا : حسبي الله على ابليسكم خليتوني اصيح
سلمى وسلام حضنو رانيا
رانيا : يلا يا عروس بنجهزك
سلمى ابتسمت : يلا
سلام : بجيب الفستان الي اشترينا
رانيا : اي يلا
________________________________
غلا تصيح : خواتي راحن ...خواتي خلوني
جوري تهدي فيها : خلاص يا قلبي هدي
غلا : ليي كذا يصير معانا ليي
شوق : غلا حرااام الي تقولينه
غلا تصيح : طييب شسوي ما بقى عندي احد
ابرار ضربتها ع كتفها : وحنا وشو هنا
مها حضنت غلا : انتي اختنا وصديقتنا وكل شي بالنسبه لنا
غلا حضنتهن وقامت تصيح
الجد دخل عند البنات
جوري : جدي
الجد قعد والبنات حوالي
ابرار : جدي لي حزين كذا
الجد حط يده ع راس ابرار : يوم لقيتك وانتي صغيرة كنتي قد يدي ...كنتي تبكين بقووة مسكتك بين يديني سكتي ...وابتسمتي واخذتك معاي وربيتك وخليتك هنا وكنتي بمكان بنتي
جوري : جدي لي تتكلم كذا
الجد : يوم كانت نوف صغيرة كانت شايفه نفسها كانت تبي كل شي لنفسها بس كنت احبها .........