رواية تلك الرقيقة يا سيدي هي كل جيشي الفصل الثاني عشر 12 - بقلم نورا محمد

سمعت صوت إشعار وصول رسائل لموبايلها. نورا مسكت الموبايل: كذب كذب أكيد كذب. نورا بعياط رنت على ياسمين: آلو ياسمين الحقيني. ياسمين بخوف: مالك يا روحي؟ نورا بعياط: أنا بعتلك على واتس صور عايزة أعرفها حقيقية ولا لأ. ياسمين: ماشي اهدي بقى. نورا بدموع أكتر: بسرعة يا ياسمين. ياسمين: حاضر هغيّر وأروح. نورا واقفة

قدام المرايا وبتكلم نفسها: أنا لازم أنهي اللعبة دي، أنا عمري ما كنت ضعيفة، جواز مؤقت وسكت، عنده بنت قولت عادي وحبيتها زي بنتي وأكتر، عصبي وقولت عادي بحكم شغله لازم يكون عصبي، وكلم ست دينا يوم جوازنا وسكت، إنما حكاية الصور دي والمسخرة لأ بقى. ومسكت كوباية ورمتها على المراية. _أسر راح القسم ودخل بهيبته التي يخشاها الجميع، وكل العساكر تلقي عليه التحية، دخل المكتب. أسر: عسكري. العسكري

بعد أن أدى التحية الرسمية: تمام يا فندم. أسر: ضبط وإحضار أمين الشرطة حازم الأسيوطي. العسكري: تمام يا فندم. وخرج العسكري. _مراد: خرجت. مراد: خليك وراها وابعتلي الكويشن. _ياسمين: صور حقيقة ولا إيه؟ ثواني وأقول لحضرتك. بعد دقائق. الآنسة ياسمين: فعلاً حقيقية. ياسمين بحزن: شكرًا. بصت على الموبايل وكمية المكالمات من نورا. ياسمين: أفتح ولا أعمل إيه؟ يا رب ارحمنا برحمتك. ياسمين بتوتر: آلو عاملة إيه؟ نورا بتعب: الصور كدب صح؟

ياسمين بخوف: هتفرق إيه حقيقة أو مش حقيقة؟ أنتِ مش بتحبيه وكلها وقت وتطلقوا. نورا بدموع: يبقى طلعت حقيقة. ياسمين: ممكن تهدي شوية. نورا بدموع: متخافيش عليّا يا روحي، أنا لازم أقفل، روفينا بتعيط. وقفلت قبل ما تسمع الرد. ياسمين كانت حزينة على أختها وهي ماشية في طريقها للبيت. مراد كان سايق العربية بجوارها. مراد: بس بس بس. ياسمين بزهق: أنت بتكلم قط؟ مراد: لسانك عايز يتقص. ياسمين بخبث: شكل القلم وحشك.

مراد بسخرية: ده أنا هطلع عين أمك بس صبر. ياسمين بتحدي: شكلك متعرفنيش أنا زي زيك. مراد رفع حاجب: وده زي بقى؟ ياسمين وقفت وهو كمان وقف العربية وقربت من شباك العربية وقالت: يعني لو حد رفع عينه عليا بقلعها، وميغركش إني بنت هكون كيوت، تؤ تؤ. مراد بابتسامة: وعلشان كدا عجباني وهتيجي هتيجي. ولبس نضارة شمس وقاد العربية بسرعة. ياسمين: عيل غتت ومتكبر بس قمر وكاريزما. _عند نورا كانت بتعيط وفضلت ترن على أسر كان مغلق.

فتحت دولابه وقطعت كل هدومه، وبعده نامت من التعب والعياط. _في مكتب أسر. الأمين حازم: تمام يا فندم حضرتك طلبتني. أسر قام من الكرسي وبقى يلف حواليه: طبعًا كسر دراعك كان إنذار ليك علشان حاولت تقرب من حاجة تخصني. حازم: يا فندم حضرتك فاهم غلط أنا كنت بساعدها. أسر: وعلشان ساعدتها أنا مش هأذيك في شغلك خصوصًا في ترقيات جاية وحضرتك لسه أمين شرطة. بس مش غريبة تكون موجود في وقت متأخر في المنطقة اللي أنا ساكن فيها. حازم: أنا...

أسر بحدة: على العموم خلص الموضوع، بس نصيحة مني ابعد عن أي حاجة تخصني، انصرااااااااف. حازم: تمام يا فندم. وخرج. مراد دخل لأسر. مراد بمرح: أنت عملت إيه في حازم؟ أسر: يستاهل علشان يقرب من حاجة تخصني، المهم أخبار ماكس إيه؟ مراد: كله تمام بس المعاد والمكان لسه متحددوش. أسر: الأيام دي شايفك مبسوط. مراد: بجد يا هاني؟ أسر برفع حاجب: ولا اتلم وحكيلي. مراد

بابتسامة يملؤها الحزن: عارف يعني تقفل على نفسك وتفكر بعقلك وحياتك تبقى شغل بس، وفجأة حد يظهر في حياتك يغير ده وتبقى عايز تشوفه بأي طريقة وقلبك يدق جامد لما تشوفه وتحس بسعادة لما تتخانق معاه بس خايف خايف قوي. أسر قام وحط إيده على كتف مراد: متخافش يا صاحبي من حقك تحب وتعيش. مراد بدموع: مقدرش مقدرش وأنت عارف السبب. أسر لتغيير الموضوع: هتقلبها نكد اطلع بره. مراد اتنهد: وأنت أخبارك؟

أسر قعد: مش عارفة أنا لسه محبيتهاش وهي كمان مش بتحبني. مراد بهدوء: نورا لسه محبيتهاش دي قمر. وتلقى لكمة من أسر. أسر بغيرة: نورا خط أحمر. مراد بابتسامة وجع: يا ابني إيدك تقيلة، وبعدين أنت مش قولت مش بتحبها؟ أسر ببرود: بس مراتي. مراد: طيب أنا ماشي. أسر: استنى أمشي معاك.

_أسر دخل البيت بسعادة فهو مشتاق لرؤيتها، وكانت الشقة شبه مدمرة والخوف تملك منه، دخل يشوفها في أوضة النوم، وجدها نائمة على وجهها وباقيًا من الدموع والغرفة مدمرة والمراية متحطمة، اقترب من نورا بخوف. أسر بخوف: نورا نورا. نورا فتحت عينها وزقته. أسر باستغراب: مالك ومين اللي بهدل الشقة كدا؟ نورا بجمود: طلقني. أسر: هههه على فكرة أنا مش بحب الهزار. نورا قامت: وأنا مش بهزر أنا عايزة أطلق أظن كفاية لحد كده.

أسر بهدوء: أنتِ لسه زعلانة أنا اعتذرتلك وصلحتك كمان وأنا آسف تاني يا ست البنات. نورا بجمود: بقولك طلقني. أسر بعصبية: وأنا بقولك إيه اللي حصل؟ نورا بصوت عالي: اللي حصل إني مش عايزاك، بكرهك وأتمنى الموت ولا إني أقعد معاك دقيقة. أسر مسكها من شعرها: صوتك يا حلوة ميعلاش، وأنا كان على كره القلوب عند بعضها ولولا إني وعدتك إني ممدش إيدي عليكي كنت وريتك. نورا ببعض من القوة: وأنت راجل قوي وبتوفي بوعدك صح؟ أسر شد أكتر على

شعرها وهو بيجز على سنانه: متختبريش صبري. نورا بصراخ: آآآه لأ مش هسكت تاني آآآه الخيانة لأ إلا الخيانة. أسر ساب شعرها: خيانة خيانة إيه؟ نورا رفعت الموبايل لأسر: شوف صورك مع حبيبة القلب. أسر: دي دي؟