رواية توبه الفصل الأول 1 - بقلم منة هاني

قومي يا توبة النهاردة ابن عمك جاي يتقدملك. صحت من النوم: يوه يا ماما، ما يخطب واحدة من البلاوي الأربعة اللي خلفتيهم غيري. أقولك شوفي مين صاحية وخليها تتجوز. دخلت تمارا اختي الصغيرة قالت: يا ريت بس هما بيقولوا انتي أحلى واحدة فينا. ضحكت ماما وقالت: معلش يا توبة، ده شرط عمك عشان يدي أبوكي ميراثه بالأرض والشركة بعد ما حرمني وحرمنا سنين من حقه، لأن أبوكي الطيب كان عامله توكيل باع لنفسه للي معندوش ضمير.

دخلت تالا وتالية التوأم الوسطاني وقالت تالا: هو يعني لازم توبة تتجوز ابنهم؟ أنا في حقوق وتالية بكلية الشرطة وتوبة بتشتغل بالنيابة، يعني نقدر ندوخه بالمحاكم. بابا دخل بالكلام: أنا عمري ما أقف قدام أخويا بمحاكم مهما عمل. أنا اشتغلت وربنا كرمني بيكم بدون مساعدة من حد وسيبته ووكلت أمري لربنا لحد ما بقيت صاحب أكبر محل قطع غيار سيارات.

وهو لما تعب وحس باقتراب أجله بعتلي وطلب إنه يرجعلي حقي وأسامحه، بس يجوز ابنه من توبة عشان يضمن زوجة محترمة لابنه رجل الأعمال البايظ. بس يا توبة لو رافضة مش هاجبرك وطز بالورث.

قمت وبوست إيده: يا حاج طاهر، أنا كفاءة بعيلتك كلها، بس إخواتي وجهازهم وتعليمهم وتمارا اللي مصممة تكمل تعليمها برة والغلا اللي على الطبقات تنزل لتحت. وفوق ده كله حقك وحقنا، وطالما أنت رافض المحاكم يبقى هريحك زي ما طول عمرك مريحنا، ده أقل واجب أعمله تجاهك. أمي حضنتنا كلنا وقالت: ربنا يخليكم ليا وأشوفكم عرايس ويكملك بعقلك يا رب يا توبة. تالا: يلا نفطر عشان نلحق نجهز نفسنا. فطرنا ودخلت لبست.

تالية قالتلي: إيه يا توبة، الكلام؟ هاتضحي بنفسك يا حبيبتي؟ : عيب عليكي، ده أنا هاوافق مخصوص عشان أكفر سيئاتهم. العيلة اللي طول عمرهم بيتمتعوا بفلوسنا وبيتعالوا علينا لازم أخلص منهم وهاتشوفي. ده عنده 4 شباب ولا واحد منهم فالح. الحمد لله إننا عمرنا ما شفناهم إلا لما كانوا أطفال قبل ما يسرق أبويا ويشتري عمارة عالبحر. لبست وكنت بأبسط وصف مبهرة.

كنت لابسة دريس أسود في دهبي ضيق يناسب طولي وقوامي الممشوق، وبشعري البني الفاتح المفرود على ضهري وعنيا العسلي الفاتح لون عسل النحل، وميكب رقيق. أول ما أخواتي شافوني تمارا قالت: خسارة في أمّه بلونداية ملبن. تالا وتالية: قمر، الله أكبر. ضحكنا كلنا. ماما دخلت قالت: يلا يا بنات عشان تسلموا على عمكم ومراته وأولاده. حضنتني وبصتلي وقالت: بسم الله ما شاء الله، ربنا يحفظك من عينيهم.

خرجنا ورا بعض واحدة واحدة نسلم ونقعد لحد ما جه دوري. بابا قال: بنتي توبة الكبيرة. تقدمت بشموخ وأول ما خرجت…