رواية تولين الرعد الفصل الخامس 5 - بقلم حبيبه نصر

منار: يعني عارف إن اختك مقصودة وساكت؟ رعد: اه. تولين: أما انت إنسان بارد بصحيح. رعد بنرفزة: طب لسانك عشان مقطعوش. تولين: لو تقدر اعملها ليه؟ هدوس على الناس عشان حتة مقدم لا رايح ولا جاي. أحمد محاولًا تهدئة الجو: يا آنسة تعالي معايا وقولي كل اللي حصل هناك، خلاص يا رعد ملكش دعوة إنت الموضوع ده. رعد وتولين بصوا لبعض بغضب، ومشيت تولين ومنار على مكتب أحمد. أحمد: ها قولوا كل اللي حصل بتفصيل.

تولين: حاكتله كل حاجة من ساعة ما اتخطفوا لغاية دلوقتي. أحمد: مقدرتوش تشوفوا وشه؟ منار: لا، لأنه كان فيه رجالة كتير. بس ما كناش إحنا المقصودين، كانت إيه وإنت بتحبها وإحنا شوفنا ده. فمتسبهاش تضيع منك، وعلى فكرة هي بتحبك برضه. عارفة إنه مش وقته الـ... قطع كلامه أحمد اللي قال بلهفة: قولي والله، يعني هي كمان بتحبني؟ تولين بضحك: طب لما إنت واقع، متقدم لأخوها البجح ده. رعد من ع الباب: ده مين اللي بجح؟

تولين: إنت بجح، ويلا يا منار. رعد بنرفزة: خدي يابتاعة إنتي، اختي عايزة تشوفك وبتعيط عشانكوا وإنتوا زي الفقر كده. أنا عارف هي مصاحباكوا على إيه. تولين دموعها نزلت. منار بغضب: إنت إنسان زبالة ومش متربي. أنا عارفة إيه اختك دي وإزاي، وكلامك ده هتندم عليه. رعد مشي وسابهم، ومنار بتهزر تولين. أحمد: أنا آسف بنيابة رعد. تعالوا هوصلكوا، إيه كانت قاعدة بتعيط أوي عليكوا.

تولين: لا مش هنروح مكان. الإنسان ده كان فيه، هنرن عليها يلا يا منار. أحمد راح لمكتب رعد بعصبية: إنت مش هتبطل كلامك الجارح ده؟ متنساش إنت كنت إيه في الأول، هما عملوا إيه غير إنهم خافوا على أختك؟ وبعدين حسن كلامك. رعد: مش وقت محاضرة. عايز ملف كامل ليهم هما الاتنين، لأني شكيت في حاجة. أول ما أتأكد هقولك، تمام؟ أحمد: تمام.

عند تولين ومنار بعد ما نزلوا، رنوا على إيه على طول. في فيلا النويري، في أوضة إيه تليفونها رن، وكانت إيه نامت من كتر العياط، ومصطفى هو اللي رد. منار: الوو. مصطفى: أيوا مين؟ منار: مش ده تليفون إيه؟ مصطفى: آه، أنا أخوها. فيه حاجة؟ منار: مفيش، كنا هنرن نطمن عليها لأنها كانت قلقانة علينا. مصطفى: آه، إنتوا تولين ومنار مش كده؟ منار: آه. مصطفى: تمام، ثواني هصحّيها لأنها نامت من كتر العياط. تولين: طيب، خلاص هنيجي إحنا نشوفها.

مصطفى: تمام، في انتظاركوا. وقفل. منار بصت لتولين: يابنتي مش قولتي لا مش هتروحي؟ تولين: آه، بس هي كانت تعبانة وزعلت علينا. تعالي هنطمن عليها بس ونمشي على طول. منار: طيب. وتمم، ووقفوا تاكسي وقالوا المكان. وصلوا الفيلا، رنوا الجرس، فتح مصطفى. منار وتولين في صوت واحد: لا، مش معقول بجد.