في منطقة شعبية وفي حي من الأحياء اللي البطلة ساكنة فيه.
كانت البطلة نايمة وصحت بفزع على صوت الباب اللي كان هيتخلع من كتر الخبط عليه، عفواً الرزع.
قامت بسرعة وراحت تفتح، وهي عارفة مين اللي بيخبط. وفعلاً اتأكدت لما لقيته أبوها.
عشق بخوف أخفته: نعم.
سيد وهو بيزقها، حتى إنها كانت هتقع، لكن ستيها مسكتها.
سيد: إيه يابنت فوزية (أم عشق)، انتي هتفضلي قاعدة كتير؟
بعدين مسك إيديها جامد وزعق: انتي هتروحي تدوري على شغل النهاردة، فاهمة؟
عشق بدموع: حاضر يابابا.
سيد: متقوليش ياازفت، أنا مش أبوكي.
عشق: حاضر ياسيد باشا.
سيد وهو بيخرج: أنا خارج، بعد يومين ألاقيكي اشتغلتي. ما أنا عايز فلوس، هصرف عليكي ولا على أخواتك. كتكوا هم.
خرج وهو بيرزع الباب وراه.
وعشق اترمت في حضن نينتها وقعدت تعيط.
عشق: ليه ياتيته؟ ليه بيعمل معايا كدا؟ أنا كان نفسي في أهل يحبوني مش أكتر.
أنعام بدموع على حالها: خلاص ياحبيبتي، بس ياروحي.
عشق وهي بتبص لنينتها: مالك ياتيته؟ انتي وشك أصفر كدا ليه؟
أنعام: لا ياحبيبتي، مفيش حاجة. أنا بخير.
عشق وهي بتقف: أنا هروح ألبس ياتيته وأدور على شغل. ياريت ألاقي.
أنعام: ربنا يوفقلك ولاد الحلال ويرزقك بشخص يحبك، يحبك أوي. يابنت بنت بطني.
عشق: ربنا يخليكي ياتيته.
دخلت عشق الأوضة، وبعدين أنعام دخلت أوضتها وقعدت على السرير تعيط وهي بتفتكر الكلام اللي سيد قالها إمبارح.
فلاش باك.
كانت أنعام نازلة تجيب حاجة من الدكان اللي جنب البيت وقابلت سيد.
سيد: إزيك ياحماتي.
أنعام: حماتي دب.
سيد: ماشي ياحماتي، مقبولة منك. أنا أساسًا كنت طالع، أصل عايزك في موضوع بعيد عن البت.
أنعام: خير. لا خير إيه، وانت وش خير.
سيد بخبث: فيه عريس متقدم للبت.
أنعام: عريس؟ ومن ناحيتك؟ لا شكراً ياسيد. بلاها.
سيد بخبث: ومين بقا اللي هيمنعني؟ انتي؟ أنا ممكن أمصيها غصب عنها ونطلبها في بيت الطاعة، إلا...
أنعام: إلا إيه؟
سيد بخبث: تتسجن.
أنعام ببكاء: حسبي الله ونعم الوكيل فيك ياسيد. حسبي الله ونعم الوكيل.
سيد: ليه بس؟ دي هتبقى الرابعة.
أنعام: لا لا ياسيد، سيب البت في حالها. هعملك أي حاجة تعوزها، بس سيب البت.
سيد: كدا تمام أوي. أنا عايزك تكتبلي الشقة اللي انتي قاعدة فيها، انتي والمحروسة.
أنعام: وأنا أترمى في الشارع أنا والبت؟
سيد: لا، هتفصلوا فيها، أصل هتبقى بتاعتي.