رواية طيف الفيروز الفصل الرابع 4 - بقلم غير معروف

-مراد / يبقي الحل أنهم لازم يفترقوا والطيف دا يتحظر تماما من دخول عالم البشر للأبد وبيكون دا عقابه. -والبشري لو فضح سر أن في أطياف بيتقتل علطول عشان كده بيحفظوا السر وينسوه مع الوقت. -فيروز / اممم وحضرتك بتعمل إيه في شقتي؟ ويا ترى في أطياف موجودة هنا غيرك؟ -مراد / مفيش أطياف هنا غيري لأن ممنوع أي طيف يدخل عالم البشر الفترة دي بسبب شوية ظروف خاصة بعالمنا.

-بس مسموح لهم حاليًا يراقبوا عالم البشر من بعيد، إنما يدخلوه لا. -فيروز / إشمعنى أنت يعني؟ -مراد بمرح / أنا اخترقت القوانين وبما إني ابن الملك، لو اكتشفوا عقابي هيكون بسيط. -فيروز / ههههه كوسة يعني.. حتى العفاريت فيه كوسة. -مراد / أنا مش عفريت قلت لك. -فيروز / خلاص أعم أنت مش عفريت، بس برضو عايزة أعرف بتعمل إيه في شقتي؟

-مراد / مهو كان لازم أختار مكان أستخبى فيه بعيد عن حراس الملك اللي بيدوروا على أي حد بيخالف القوانين. -والشقة دي كانت المكان المناسب. -فيروز / بدأت ألف حواليه وأنا بسأله. -والرعشة الغريبة ولمسة الهوا ليه كنت بحس بيهم؟ -مراد / الرعشة اللي حسيتي بيها عند الباب حسيتي بيها لأن فيه مكان سري عند الباب بيوصل لعالم الأطياف.

-والرعشة اللي كانت في الأوضة بسبب إني أنا اللي مجهز الأوضة دي بنفسي من عفش وألوان.. وأنا ملمستش غير الباب والأوضة والأكل. -عشان كده حسيتي بالرعشة.. بس فيه حاجة غريبة. -فيروز باستغراب / حاجة إيه دي؟ -مراد / محدش بيحس برعشة الأطياف غير شخص شاف الخوف بعينه. -فيروز / ... -مراد / عجبك الأكل؟ -فيروز / اطلع بره. -مراد / نعم؟ -فيروز / هو إيه اللي نعم؟ اطلع بره دي شقتي.

-مراد / مش هينفع أمشي دلوقتي، حراس الملك أكيد حوالين المكان. -فيروز ربعت إيديها وردت ببرود / مش مشكلتي. -مراد / وقف قصادها وعيونه قلبت بني. -مش هضرك صدقيني، أنا بس هفضل هنا شوية لحد ما دورية الحراس تخلص. -فيروز / سكت شوية وبصت له، والغريبة إني مش خايفة، بالعكس حاسة بـ ونس وأمان. -مش عارفة إيه حول المشاعر اللي أنا فيه ده. -مشيت لحد باب الأوضة. -ورجعت بصت له وهي رافعة صباعها في وشه بتحذير.

-لو عملت حركة كده ولا كده هما ركعتين قيام ليل وآية الكرسي يجيبوك الأرض، آمين! آمين. -ودخلت الأوضة وقفتلت الباب. -بصيت في الأوضة اللي قال إنه مجهزها وبدأت المس كل حاجة فيها وأنا حاسة بالرعشة. -وبعدين صليت ونمت وأنا حاسة إن كل دا حلم أو أنا بتخيل.. أيهما أقرب. -صحيت على صوت عالي، قمت بسرعة فتحت الباب. -يا فتاح يا عليم يا رزاق يا كريم، إيه الأغاني دي ع الصبح؟ -لقيته واقف وبيعمل حركات غريبة على أغاني مهرجانات.

-روحت عنده وسألت بهدوء. -أستاذ عفريت أنت بتعمل إيه؟ لمؤاخذة في السؤال يعني. -لقيته فجأة بص لي وعيونه اتحولت أخضر وكشر وقال لي.