رواية تزوجنا بالاجبار الفصل الثالث والعشرون 23 - بقلم دعاء تهامي

انت متعرفش أنا دخلت حياتك من امتى. أنا موجود من زمان، من قبل ما تتجوز رهف وأنا كنت في حياتك. أول حاجة عملتها، اتفقت مع مرات أبو رهف إنها تديها الدواء عشان أبوها يشك فيها وتتتشوه. سمعتوا بس للأسف خطتي منجحتش، وانت وافقت تتجوزها. بعدها اتفقت مع بتاع الدليفري إنه يخليك تمضي على ورقة التنازل عن الأسهم من غير ما تاخد بالك. وفعلاً انت طلبت الأكل ومضيت من غير ما تاخد بالك. طول الوقت أنا كنت براقبك.

بعدها انت اكتشفت إن رهف مش حامل، بس معرفتش مين اللي كان وراء المشكلة. وعرفت إن هنا بتحبك فدخلتها معايا في اللعبة، وهي زي الهبلة صدقت. وأنا كانت رغبتي الانتقام بأي طريقة منك، ورهف كانت هتبقى انتصار الانتقام ده. مراد: قد إيه طلعت إنسان وسخ. ماهر: ولو بإيدي أعمل أي حاجة تاني هعملها. أكرم: مش هتلحق تعمل حاجة. اتفضل ياحضرة الشرطي. ماهر: إيه؟ مراد: أكيد سمعت كل عمايله بنفسك.

الشرطي: متقلقش، الموضوع بقى تحت إيدينا. كل كلامه متسجل هنا. مراد: أتمنى يتعاقب أشد عقاب. ماهر: الموضوع مش بالسهولة دي. مسك المسدس من الشرطي وحطه على راس هنا. ماهر: أي حد هيقرب هتكون نهايته. مراد: مشكلتك معايا أنا. سيب المسدس. ماهر: ارجعوا مكانكم. مراد شاور لأكرم بإيده إنه يحاول ياخد منه المسدس من غير ما ياخد باله. مراد: سيبها تمشي وخليك راجل وتعالى واجهني.

لسه أكرم هيمسك إيده، أخد باله منه وبقوا هما الاتنين ماسكين المسدس. طلعت رصاصة. لحظة صمت عمت المكان، والشرطة مسكت ماهر بسرعة وهنا وقعت على الأرض. مراد: هنا! هنا: سامحني يامراد على كل حاجة. الحب عماني ومفكرتش في حاجة تانية. مراد: متقوليش كده، انتي هتبقي كويسة. إسعاف بسرعة. هنا: معادش في وقت. أتمنى تسامحني. بتتكلم وهي بتاخد أنفاسها الأخيرة. مراد: بلايش تتكلمي. شششش.

هنا: رفعت إيدها حطتها على خده، وبعدها مرة واحدة اترمت جمبها. مراد: هنااا! إسعاف بسرعة! جت الإسعاف خدتها بس كانت ماتت. وماهر أخدته الشرطة وهيتحاكم على اللي عمله. في المستشفى عند رهف، حكالها كل اللي حصل. مراد: عمي، مراتك هي السبب في كل اللي حصل لرهف. هي اتفقت مع ماهر. محمد: هي عملتلك إيه؟ ليه كده؟ كنت دايماً تفترى عليها وأنا أصدقك وأضربها. رهف: لا يابابا متعملش كده. رغم كل اللي عملته أنا مسامحاها.

محمد: شوفي بعد كل اللي عملتيه. صفاء: سامحيني يابنتي، حقك عليا. الغل والجشع عماني. فلاش باك أنا قابلت ماهر مرة في النادي وهو طلب مني إني أديكي الدواء. كنت مترددة إني أقبل وسألته إيه مصلحتك. ماهر: إنتي ملكيش دعوة، نفذي اللي بقولك عليه. صفاء: لو كنت فاكر إني أنا بيضحك عليا تبقى غلطان ياحبيبي. ماهر: معاكي بنت اسمها روح، جميلة أوي بصراحة. هخلي رجالتي يخطفوها ويتسلوا شوية. صفاء: إياك تقرب من بنتي.

ماهر: يبقى تعملي اللي بقولك عليه وبلاش أسئلة كتير. صفاء: حاضر. باك صدقوني ده اللي حصل. هو هددني إنه هيخطف بنتي روح. سامحيني يابنتي يارهف، سامحني يامحمد. رهف: مسامحاك. مراد: خلاص ي جماعة ننسى اللي فات ونفكر بإيجابية شوية. لولا كل ده حصل مكنتش اتجوزت أحلى بنت في العالم. روح: يعيني على الرومانسية. أكرم: بمناسبة التجمع ده، أنا كنت حابب أقول...