تحميل رواية «تزوجت عدو حبيبي» PDF
بقلم ساندي احمد
جارٍ تجهيز التحميل... برجاء الانتظار
سيظهر زر التحميل خلال 10 ثانية
جارٍ توليد الملف...
التحويل يتم بالكامل داخل متصفحك — لا يُرفع أي شيء للسيرفر.
اختر مجموعة الفصول للتحميل (كل ملف حتى 10 فصول)
عن الرواية
يعني إيه؟ – زي ما سمعتي كده، أنتي لازم تتجوزي فهد في أسرع وقت. ميرنا: بس أنا بحبك أنت. مازن: وأنا كمان بحبك صدقيني، بس لازم نضحي عشان نوصل للي عايزينه، ومتخافيش، أول ما نخلص هتطلقي منه وهتجوزك. ميرنا: خلاص أنا موافقة يا حبيبي، هعمل كل اللي أنت عايزه. مازن: ماشي يا روحي، يلا ادخلي جوه عشان شكلك صاحبتك هتأكلنا بعنيها. ميرنا: ههه، حاضر. مازن: ميرنا، حاولي متقوليش لحد على موضوع الجواز ده، حتى صاحبتك، أوكي؟ ميرنا باستغراب: حاضر. ميرنا مشيت من قدام مازن. مازن في سره: ههه، غبية يا ميرنا، وأول خطة نجحت....
رواية تزوجت عدو حبيبي الفصل الأول 1 - بقلم ساندي احمد
يعني إيه؟
– زي ما سمعتي كده، أنتي لازم تتجوزي فهد في أسرع وقت.
ميرنا: بس أنا بحبك أنت.
مازن: وأنا كمان بحبك صدقيني، بس لازم نضحي عشان نوصل للي عايزينه، ومتخافيش، أول ما نخلص هتطلقي منه وهتجوزك.
ميرنا: خلاص أنا موافقة يا حبيبي، هعمل كل اللي أنت عايزه.
مازن: ماشي يا روحي، يلا ادخلي جوه عشان شكلك صاحبتك هتأكلنا بعنيها.
ميرنا: ههه، حاضر.
مازن: ميرنا، حاولي متقوليش لحد على موضوع الجواز ده، حتى صاحبتك، أوكي؟
ميرنا باستغراب: حاضر.
ميرنا مشيت من قدام مازن.
مازن في سره: ههه، غبية يا ميرنا، وأول خطة نجحت.
– إيه ده؟ طول معاكِ كده ليه؟
ميرنا: تعالي الأول نطلع فوق.
دخلوا الشقة.
– يالا، طول ليه معاك؟
ميرنا بتوتر: ها؟ لا عادي مفيش، هو بس بيطمن عليا.
– متأكدة؟
ميرنا: المهم، هو بيحبك؟
في قصر ضخم وكبير، وفي وسط بيت فهد الغمراوي.
في المكتب.
فهد: ههه، شوفت الظابط اتجنن إزاي؟
ياسين: أكيد قاعد دلوقتي وبينُدب حظه.
فهد: ده ولسه ياما هيشوف، لسه متخلقش اللي يقف في وش فهد الغمراوي.
ياسين: طب إيه، نحضر للعملية اللي جاية؟
فهد: تؤتؤ، استنى شوية، لازم ناخد حذرنا جامد الفترة اللي جاية.
في جهة أخرى من القصر، في غرفة جميلة، أخت فهد.
جميلة بدموع: يا نهار أسود، أنا، أنا حامل، هعمل إيه أنا دلوقتي؟
لتفتح الباب الأخرى.
قمر: جميلة، مالك بتعيطي ليه؟
رواية تزوجت عدو حبيبي الفصل الثاني 2 - بقلم ساندي احمد
قمر: مالك بتعيطي ليه ي جميله؟
جميله مسحت دموعها بكدب: لا ابدا بس عنيا بتوجعني.
قمر: الف سلام عليكي.
جميله بتغير الموضوع: صحيح اخبارك ايه مع حبيب القلب؟
قمر: اسكتي والنبي بلا حبيب قلب بلا نيله.
جميله: حصل ايه لكل ده؟
قمر: ماهو المشكلة إنه مش بيحصل حاجة، ابن عمك دا بيخلي الواحد يتشل من كتر بروده ي شيخة.
جميله: طب والله انتي ظالمه، دا يوسف دا عسولة وغلبان ي عيني وطيب ومحترم.
قمر: عندك حق، أنا غبية بشهد مين على مين، أنا هنزل أحسن.
وانفجرت ومشيت.
جميله في سرها: يارب، أعمل إيه أنا في الورطة دي دلوقتي.
مسكت الفون كي تتصل بشخص.
قمر وهي نازلة من على السلم قابلت يوسف.
قمر: إزيك ي يوسف؟
يوسف: تمام الحمدلله، عن إذنك.
ومشي.
قمر بصوت واطي: أبو شكلك باردة ورخم.
كملت نزلت من على السلم.
عند ميرنا.
ميرنا في نفسها: ياترى اللي أنا بعمله دا هو الصح ولا لأ، وإن اتجوز واحد تاني غير مازن، بس مهما يحصل أنا هفضل أحب مازن لأنه هو الوحيد اللي وقف جنبي في الوقت اللي كنت محتاجه فيه لأهلي، وقف شرودها صوت رنة.
رنا: ميرنا الحقيني.
ميرنا: خير، في إيه؟
رنا: طبعاً إنتي عارفة إنك أختي مش بس صحبتي وبتخافي عليا ومش محسساني بفقدان أهلي كمان.
ميرنا: بصي أنا عارف إن بعد الكلام دا فيه مصيبة، فقولي على طول بلاش مقدمات، وحياة أمك.
رنا: هههه، بصراحة أنا محتاجاكي بكرة معايا في قصر الغمراوي، عندهم حفلة بكرة، وبما إني بشتغل في تنظيم الحفلات، فجالي أوردرين وأنا بغبائي وافقت على الاتنين، ف عايزيكي معايا.
ميرنا: بذمتك بقا بعد ما أكون معالجة فيزيائية أكون بتاعت تنظيم حفلات، ياه ع الزمن.
رنا: والنبي ي ميرنا وافقي، والنبي.
ميرنا: خلاص يختي موافقة، يلا روحي نامي، تصبحي ع خير.
رنا حضنتها: قلبي ي ناس، وإنتي من أهله ي روحي.
ثم كل واحدة دخلت تنام.
ملحوظة: ميرنا متعرفش إن فهد من عيلة الغمراوي ولا تعرف شكله حتى.
في القصر.
فهد: ياسين، خلي بالك بكرة أهم حاجة لازم نركز شوية عشان هتم الصفقة بكرة.
ياسين: بس ي فهد، مش إنت قولت نستنى شوية اليومين دول.
ياسين: مفهوم.
عند مازن.
محمد صاحبه: مالك ي مازن؟
مازن: مش عارف، خايف أوي عليها، رغم إنها غبية وبتصدق أي حد بسهولة، بس خايف تحصلها حاجة بسبب المهمة دي.
محمد: متقلقش، وإن شاء الله ميرنا هتبقى قد المهمة دي.
مازن: هو إنت بتحبه؟
رواية تزوجت عدو حبيبي الفصل الثالث 3 - بقلم ساندي احمد
محمد: انت بتحبها؟
مازن: بصراحة هي لحد دلوقتي برتاح معاها في الكلام وجريئة، بس هي عندها مشكلة إنها بتثق في الناس بسرعة رهيبة، وساعات بحسها غبية كده، وأنا النوع ده مش بيعجبني خالص.
محمد: طب إيه هتعمل إيه مع فهد؟
مازن: لا، دا سب هو، لي أنا وصلتني رسالة إنه هيعمل حفلة، وأكيد فيه حاجة ورا الحفلة.
تاني يوم تشرق الشمس على أبطالنا.
في القصر، ميرنا ورنا مشغولين في تنظيم الحفلة.
في جهة أخرى من القصر، الكل متجمع على السفرة، منتظرين نزول فهد.
ينزل فهد بكل هيبته ووسامته الجذابة.
فهد: صباح الخير.
الكل: صباح النور.
ثم يجلسون ليتناولوا الفطور.
سعاد (الجدة): هي الحفلة دي بخصوص إيه يا فهد؟
فهد: احمم، بخصوص الصفقة الجديدة بيني وبين شركة الهنداوي يا تيتا.
سمية (مرات الأب): ما بتاكليش ليه يا جميلة؟
جميلة: هااا، لأ، منا باكل أهو يا ماما، بأكل.
قمر: طب بما إن يا فهد يا ابن خالي فيه حفلة، فـ أكيد مسمحلنا إننا نحضر الحفلة، صح؟
يوسف: لا، مفيش حد منكم، أنتي وجميلة، هيحضر.
قمر (بغضب): أولاً أنا بسأل فهد مش حضرتك، وثانياً ملكش دعوة بيا.
يوسف (ينظر إليها بغضب): انتي...
فهد: يوسف استنى.
ثم يوجه كلامه لقمر: وانتِ يا قمر، مفيش مشكلة إنكم تحضروا، أنا موافق.
يوسف: بس يا فهد...
فهد: خلاص يا يوسف، أنا قولت إنهم هيحضروا.
قمر (من غير ما حد يشوفها، تطلع لسانها ليوسف): 😋
يوسف (بصوت واطي): ي بت الـ...
ثم خلصوا فطور وكل واحد راح يشوف إيه اللي وراه.
في الجهة الثانية من القصر، كانوا بيزينوا السلم بالورد.
رنا: شوفتي يا بت، القصر دا كبير قد إيه، مش العشة اللي ساكنين فيه.
ميرنا: على فكرة هو قصر عادي، واحمدي ربنا إنك لقيتي بيت يلمك ويسترك، غيرك مش لاقي العشة اللي بتتريقي عليه.
رنا: ميرنا... خمس دقايق وراجعالك.
ميرنا: رايحة فين؟
رنا: رايحة الحمام.
ميرنا: ماشي.
تتجه رنا للحمام.
ميرنا: حنين تعالي ساعديني لحد ما رنا تيجي.
حنين: ماشي.
ثم يجي فهد ويكلم ميرنا.
فهد (بجدية وبصوت مرعب): هذه الصفقة مهمة للغاية، ويجب ألا يحدث أي خطأ.
ميرنا تخبر العمال بما يجب أن يفعلوه.
فهد (وهو ينظر للمكان): انتي جاية هنا الحفلة ومش عارفة إن صاحب الحفلة عايز الحفلة إن تكون كل حاجة منظمة؟
ميرنا: طب أنا عملت حاجة غلط؟
فهد: الورد دا لازم يكون أبيض كله، ومتحطيش أي لون ورد تاني.
ميرنا: بس الأبيض لوحده بيدل على الحزن والألم، ولكن لو ضفنا له ألوان تانية بيبقى منظر جميل، بس فيه حاجة مش عجباني وهي...
رواية تزوجت عدو حبيبي الفصل الرابع 4 - بقلم ساندي احمد
ميرنا: بس فيه حاجة مش عاجباني وهي نبرة صوتك يا فندم.
فهد: مشكلتك لا تهمني.
ميرنا: وأنا برضه مشكلتك لا تهمني، لأن التحضيرات تعجبني وتعجب الناس وتعجب صاحب الحفلة.
حنين على وشك أن تخبرها أن فهد صاحب الحفلة، ولكن يوقفها صوت فهد.
فهد بغضب: تمام.
ثم تركها ومش.
ميرنا بصتله: مغرور.
لتنظر حولها، تلقى صورة على الجدار وفيها فهد.
ميرنا: ينهار أسود، هو طلع صاحب الحفلة، الله يرحمك يا ميرنا.
في المكتب، رايح جاي.
فهد: بقا بنت زي دي تتكلم معايا بالشكل ده، ما ينفعش.
يدخل ياسين.
ياسين: صباح الخير.
فهد: صباح الزفت، اقعد عايزك.
ياسين: مالك، إيه اللي حصل؟
فهد: مفيش، قل لي كل حاجة جاهزة.
ياسين: أيوه، متقلقش.
في الجهة الأخرى.
رنا: ميرنا، مالك، إيه فيه؟
ميرنا: شكلك كده، والله أعلم، مش هتكملي في تنظيم الحفلات.
رنا: ليه، إيه فيه؟
في جهة أخرى، في القصر.
مجهول في الفون: متقلقش، إن شاء الله هتقبض عليه، وساعتها هنرتاح كلنا. أيوه، هو عامل حفلة. بيقول عشان صفقة جديدة. ماشي، سلام.
نرجع لعند ميرنا.
ميرنا: وادي كل اللي حصل.
رنا: بصي، هي جملة واحدة بس هقولها، حسبي الله ونعم الوكيل.
ميرنا بتصنع الحزن: اخص عليكي، بتحسبيني فيه، ما كانش العشم يا أختي.
رنا: يقطعني يا ختي، إيه، زعلتي؟ أومال أنا أعمل إيه في المشكلة دي؟ منك لله، أنا غلطانة إني جبتك هنا.
ميرنا: بت اسكتي، هبقى أعتذر منه وخلاص.
رنا: روحي دلوقتي اعتذري منه.
ميرنا: أوففف، حاضر.
ومشيت.
في جهة أخرى، في غرفة سمية.
قمر: طنط، هي جميلة فين؟
سمية: جميلة خرجت، قالت عندها حاجة ضروري هتعملها وترجع.
قمر في نفسها: حاجة إيه دي اللي هتعملها؟
تحت في السلالم.
سعاد كانت قاعدة ومش قادرة تقوم.
سعاد: آآآآه، رجلي.
جريت عليها ميرنا.
ميرنا: إنتي كويسة؟ حضرتك؟
سعاد: رجلي بتوجعني، بس عادي، شوية كده وهقوم.
ميرنا: طب ممكن تسندي عليا وأنا أوصلك لأوضتك.
سعاد ساندت على ميرنا لحد غرفتها ونايمتها على السرير، ودلكت لها رجليها باحترافية لحد ما خفت.
ميرنا: حضرتك عايزة حاجة تاني؟
سعاد: شكراً يا بنتي، هو إنتي اسمك إيه؟
ميرنا: اسمي ميرنا.
ميرنا: ده حضرتك اللي جميلة.
سعاد: هو إنتي تبع تنظيم الحفلات؟
ميرنا: أنا جايه مع صحبتي، أنا بشتغل معالجة فيزيائية.
سعاد في نفسها: يا ريت تبقي من نصيب فهد حفيدي.
ميرنا: يا هانم.
سعاد: هااا، إنتي بتقولي حاجة؟
ميرنا: لا، بس هستأذن حضرتك يا هانم أنزل أساعد صحبتي.
سعاد: هتنزلي، بس بشرط.
رواية تزوجت عدو حبيبي الفصل الخامس 5 - بقلم ساندي احمد
رواية تزوجت عدو حبيبي الفصل السادس 6 - بقلم ساندي احمد
رواية تزوجت عدو حبيبي الفصل السابع 7 - بقلم ساندي احمد
سعاد: إيه ده؟
ثم استأذنت من النساء وراحت اتجاهها.
سعاد: ميرنا، انتي بتعملي إيه؟
ميرنا بصوت مكتوم: بخدم الضيوف.
سعاد: مين طلب منك تعملي كده؟
ميرنا: المغرور.
سعاد: مين المغرور ده يا بنت؟
ميرنا: احم.. قصدي حفيدك يا تيته هو اللي أمرني بكده.
سعاد في نفسها: معقول فهد توصل بيه إنه يهين بنت بالشكل ده؟
ثم تحدثت معها: معلش يا ميرنا، حفيدي ما يقصدش، وأنا هتكلم معاه. بس انتي سيبي الصينية دي من إيدك.
وفعلاً خلتها سابت الصينية وقعدتها على الكرسي.
سعاد: متخافيش، أنا رايحة أشوفه وأتكلم معاه.
ميرنا هزت راسها بإيجاب.
مشت سعاد. وفجأة بتلف ميرنا راسها لتتفاجأ بشخص.
ميرنا: معقول؟
في الجنينة.
جميلة: آهه آهه آهه.
أعمل إيه أنا دلوقتي في المصيبة دي؟ يارب ساعدني. أنا عارفة إني غلط وغلط كبير كمان، بس أنا ضعفت قدامه. سامحني يارب. آهه آهه.
قمر بعد ما مسحت الميكاب وبقى خفيف شوية.
قمر بتتكلم نفسها بصوت مسموع: يا ترى روحتي فين يا ست جميلة؟ بسببك مامتك بهدلتني. وقال إيه بتقولي انتي اللي هتضيعي جميلة؟ وأنا مالي؟ عشان خدتها مرة خرجنا بليل يبقى كده بضيعها.
وفجأة بتخبط في ياسين.
قمر: آآآه.
ياسين: مش تفتحي؟
قمر: أنا آسفة.
ياسين: حقك عليا، أنا اللي آسف.
قمر تنظر له: إيه ده ياسين؟ أنا اللي آسفة، معلش.
ياسين: لا متتأسفيش، أنا اللي كنت سرحان شوية، عشان كده خبط فيكي.
قمر: حتى أنا مكنتش مركزة وأنا ماشية.
ياسين: ليه؟ خير؟ في حاجة؟
قمر: جميلة يا سيدي بدور عليها مش لاقيها.
ياسين: على ما أظن إنها في الجنينة، أنا شفتها هي وطالعة.
قمر: بجد؟ شكراً إنك قلتلي عشان لو رجعت لـ طنط سمية هتعملي محاضرة أدد كده.
ياسين: هههه. طب روحي قبل ما تيجي.
ويغمز لها: أصلها بتيجي على السيرة "سمية".
قمر: هههه. في دي عندك حق. سلام.
ولكن كانت في عيون تراقبهم بكل غضب.
سعاد: فهد عايزك.
فهد استأذن من الضيوف.
فهد: نعم يا تيته؟
سعاد: هو انت فعلاً مخلي ميرنا تلف على الضيوف بالصينية؟
فهد: أيوه، وإيه فيها يا تيته؟
سعاد: فهد، هو انت من امتى وانت بتهين بنت بالشكل ده؟
فهد: تيته، حضرتك مشوفتهاش كانت بتتكلم معايا إزاي؟ بقا حتى بنت زي دي تقف معايا وتتحداني؟ لسه متخلقش اللي يقف قدام فهد الغمراوي.
سعاد: طب خلاص، سامحها عشان خاطر تيته حبيبتك. معلش.
فهد: عشان خاطرك انتي بس يا تيته.
سعاد: طب ممكن يا فهد يا حبيبي يا روحي يا قلبي..
فهد برفع حاجب: تيته، ادخلي في الموضوع بلاش مقدمات.
سعاد: تيجي معايا وتتأسف لـ ميرنا.
فهد: نععععم.
سعاد: تيجي معايا وتتأسف لـ ميرنا.
فهد: نعععععم.
ميرنا كانت بتمشي وراه لحد ما وقفت.
ميرنا: مااازن.
مازن لها باستغراب: ميرنا، انتي.. انتي إيه اللي جابك هنا؟
ميرنا: أنا جيت مع رنا عشان أساعدها في تنظيم الحفلة.
مازن بغضب مسكها من دراعها واتجه في مكان خالي من الضيوف.
ميرنا: مازن! آآه دراعي يا مازن! سيبه!
سابها مازن.
مازن: انتي غبية يا ميرنا صح؟
ميرنا: ليه؟ عملت إيه أنا؟
مازن: انتي هتستعبطي يعني؟ مش عارفة إن اللي قولتلك عليه لازم تتجوزيه يبقى فهد؟
ميرنا: والله ما أعرف إنه هو نفس الشخص، وأول مرة أعرف إن صاحب القصر يبقى اسمه فهد. رنا قالتلي إنه عيلة الغمراوي وأنا معرفش إنه بيكون من نفس العيلة. صدقني يا مازن.
مازن: ميرنا، المهم اللي قولتلك عليها، انسيها تماماً.
قمر: إيه يا بنتي مالك كده؟
جميلة: قمر، انتي أختي صح؟
قمر: طبعاً يا بنتي، بس انتي بتقولي ليه كده؟
جميلة: قمر، أنا حامل.
قمر بصدمة: إيييييه؟
فهد: أنا مش عارف إزاي طوعتك وجيت معاكي عشان أعتذر.
سعاد: عشان بتحبني ومش بترضى تزعلني يا فهودي.
فهد: هههه. طب مش قدام الناس يـ سوسو. هااا، فين الست ميرنا؟
سعاد: مش عارفة، كانت هنا.
وفجأة لقيتها جاية.
سعاد: اهااا، هناك إيه؟ ميرنا يـ ميرنا تعالي.
جاءت ميرنا وكان باين عليها إنها كانت بتبكي. فهد افتكرها بتبكي بسببه.
سعاد: فهد، أنا رايحة أشوف سمية.
ومشت.
فهد: بصي يا آنسة ميرنا، أنا بعتذرلك على التصرف اللي عملته معاكي.
ميرنا: لا عادي، محصلش حاجة.
فهد باستغراب: انتي متأكدة إنك مش زعلانة؟
فهد ربت على رأسها: خلاص اهدئي، متخفيش، أنا جنبك أهو. اهدئي. ياسين، شوف إيه العطل اللي في الكهربا وشغله.
ياسين: حاضر.
فهد: أنا آسف يا جماعة على اللي حصل.
الكل كان مشغل كشافات الموبايل.
فهد: وانتي يـ بنتي اهدئي. هو انتي أفشه فـ حرامي؟
ميرنا بإحراج: طب.. طب خلي النور ييجي وأنا والله هسيبك.
فهد: حس بقلبه بيدق جامد وكان حاسس إن ميرنا سامعة دقات قلبه، وكذلك ميرنا.
وفجأة…
رواية تزوجت عدو حبيبي الفصل الثامن 8 - بقلم ساندي احمد
فهد: يا آنسة، هو انتي نمتي؟
طلعت ميرنا من حضنه بإحراج.
ميرنا: ان... أنا آسفة، حضرتك. أصل بخاف من الضلمة.
فهد: اممم.
ثم تركها ومشى، كمل هو شغله مع الضيوف.
قمر: إنتي غلطانة يا جميلة. ما كانش لازم تسلمي نفسك ليه لمجرد قالك إنه بيحبك. ما لو على كدا يبقى نص بنات البلد حوامل. كدا. هو لو بيحبك كان خاف عليكي. لو كان عايزك كان جه وطلب إيدك من أخوكي.
جميلة: أهو اللي حصل. هااا؟ هتساعديني؟
قمر: هساعدك، بس لازم حد يكون معانا. مش هينفع نكون وحدنا في المهمة دي.
جميلة: طب مين اللي ممكن نقوله وما يكشفش. سريعة الوقت دا.
طلعت ميرنا.
قمر: لقتها.
جميلة: مين؟
قمر: بصي هنا.
كلفت جميلة في المكان اللي بتشاور عليه، لقت ميرنا وسرحانة.
جميلة: مش دي البنت بتاعت تنظيم الحفلة؟
قمر: تؤتؤ. أنا سمعت تيته هي وبتقول لـ طنط سمية إنها بتشتغل معالجة فيزيائية، وأكيد بتروح مشفى، وأكيد تعرف دكتورة كويسة، صح؟
جميلة: طب تفتكري هتقول لحد؟
قمر: لا مفتكرش. شكله بنت غلبانة كدا، وأكيد لما نديها قرشين هتسكت.
جميلة: طب يلا نقولها.
قمر: يلا.
مازن: الخطّة فشلت من قبل ما تبدأ.
مجهول: خلاص هات واحدة تانية.
مازن: مش هينفع. وأنا مضمنش اللي هجبها دي هتسكت. لو انكشفت ولا هتفضحنا معاها. مفيش غير ميرنا بس. الغبية كشفت نفسها قدامهم.
مجهول: خلاص يا حبيبي متزعلش نفسك. ولو عايزني أجوز ميرنا لـ فهد أنا مستعد.
مازن: إزاي؟
قمر: ودا كل اللي حصل. هااا؟ هتساعديني؟
ميرنا: بصي يا آنسة جميلة، اللي إنتي عملتيه دا غلط. بس خلاص هنعمل إيه؟ بس في حاجة ممكن تتعمل من غير ما تنزلي البيبي.
جميلة: إيه هي؟
ميرنا: نجيب أبو الطفل ويكتب عليكي وخلاص. وكمان متقوليش لأخوكي.
قمر: هههه. مش بقولك غلبانة يا جميلة.
ثم نظرت لـ ميرنا.
قمر: حبيبتي، ما هو لو عايزها كان من أول ما عرف إنها حامل كان على الأقل وقف جنبها. مش يقرر إنه يسافر ويسيبها. بس تقولي إيه. البعيد جبل.
ميرنا: طب ادولي كام يوم أشوفلكم دكتورة كويسة وأكلمكم. ماشي؟
جميلة: أو إيه يا ميرنا حد يعرف غيرك إنتي والدكتورة.
ميرنا: متخفيش يا جميلة. إنتي أختي وأنا هساعدك. وإن شاء الله ربنا يستر.
البنات: يا رب.
خلصت الحفلة وتمت الصفقة. ومازن معرفش فهد بيخبي الألماس فين.
يوم جديد.
رنا: اععععع! ميرنا الحقيني!
ميرنا بفزع: في إيييه؟
رنا: أنا مش مصدقة نفسي.
ميرنا: ي بت اتكلمي. وقعتي قلبي.
رنا: جالي 4 أوردرات. أنا مش عارفة أعمل إيه ولا عارفة هخلصهم إزاي.
ميرنا: منك لله يا شيخة. فزعتيني من النوم. ويقطعك ويقطع تنظيم الحفلات معاكي.
رنا: اخص عليكي. دا بدل ما تقوليلي متخفيش وأنا جايه معاكي أساعدك. اخص.
ميرنا: هههه. إنسي. أنا إيه تاني معاكي. امبارح كانت غلطة يختي. وأنا مش هروح للحفلات تاني وأتهزء من اللي يسوا واللي ما يسوا.
رنا: خلاص خلي قلبك أبيض يا مرمر.
ميرنا: متقوليليش الاسم دا تاني.
رنا: خلاص اهدئي كدا وخلاص يا ستي. أنا هتصل بالعاملين ونجهز. وإن شاء ربنا يستر.
في القصر. الكل مستني فهد على السفرة زي كل يوم.
نزل فهد بهيبته وجلس على الكرسي.
يوسف: فهد. أنا عايز أسافر أغير جو.
فهد: ...
يوسف: فهد أنت سامعني؟
فهد: إنت بتقول إنك عايز تغير جو. صح؟
يوسف: أيوه.
فهد: طب تعالي معايا نغيره سوا. الجو اللي إنت عايزه دا.
يوسف فهم ماذا يقصد. سوف يدخله أوضة الملاكمة اللي بيطلع فيها غضبه.
يوسف: لا لا. مين قال إني عايز أغير جو. أنا بهزر معاك.
قمر: يا عيني على اللي عامل أسد. وفي الآخر بيقلب كتكوت.
يوسف: اتلمي يا قمر.
قمر: ليه؟ شايفني متبعترة؟
فهد: أظاهر كدا إن كيس جوافة قاعد وسطكم.
قمر بهزار: أنا آسفة يا كبير.
فهد: طب خلاص. انتهاء الكلام. وانت شاور على يوسف قائلاً: لو لسه مصر على سفرك، أنا جاهز أسفرك سفرية مترجعش منها تاني.
يوسف: لا. أنا أنا مش عايز أسيبكم. سفر إيه دا. لا خالص. مين قال كدا.
وبعد شوية خلصوا أكل. وكل واحد راح شاف اللي وراه.
كانت ماسكة الفون.
ميرنا: والله زي ما بقولك كدا.
الجهة التانية: شكراً يا ميرنا. شكراً.
ميرنا: العفو يا حبيبتي. ولو عايزة إني أجي معاكم معنديش مشكلة.
قمر بضحك: هههه. لا ما إنتي كدا كدا جايه معانا.
ميرنا: تمام. استناكم فين؟
ميرنا بتفكير: اممم. خلاص تمام. سلام.
قمر راحت عند جميلة.
جميلة: هااا؟ قالت لك إيه؟
قمر: قالت إنها لقت دكتورة وشاطرة أوي كمان. ومش هتاخد فلوس كتير. يعني وممكن النهاردة نروح عندها.
جميلة بخوف: أنا خايفة أوي.
قمر: متخفيش. ربنا يستر.
بعد بضع ساعات. وصل ميرنا القصر واستقبلتها قمر.
قمر: اقعد هنا. وثواني نجهز أنا وجميلة ونيجيلك. ماشي.
هزت رأسها ميرنا بإيجاب.
مشت قمر.
رن فون ميرنا.
ميرنا: الو. أيوه يا دكتورة. لا أنا جايه بعد س... الو. مش وقتك تفصل.
رواية تزوجت عدو حبيبي الفصل التاسع 9 - بقلم ساندي احمد
ميرنا: مش وقتك تفصل خالص، أوففف. أعمل إيه دلوقتي؟
وفجأة لقيت فون محطوط على ترابيزة، لفت يمين وشمال، ثم أخذته وفتحت وشغلت عليه.
وكملت مع الدكتورة، ولكن آخر ما خلصت، بتلف بتلقى فهد.
ميرنا: هااا؟
فهد: إيه ده يا قمر؟
قمر: متخلصي البنت مستنية تحت.
جميلة: يعني مكملش لبس خلاص؟ أهو قربت أخلص.
قمر: طب أنا أروح لميرنا لحد ما تجهزي يا أختي.
مشيت.
فهد: مردتيش عليا ليه؟
ميرنا بتوتر: اص... اصل أنا... أنا كنت بكلم...
(بمقطع صوت)
فهد سحب منها الفون: أنا مالي، بكلمي مين؟ إيه اللي يخليكي تمسكي الفون بتاعي؟
ميرنا في نفسها: باين مسمعش كلمنا أنا والدكتورة.
فهد: مترديش عليا، بتروحي مني فين؟
ميرنا: من... من أهو قدامك. وأنا آسفة، مكنتش عاملة موبايلك. أصل أنا موبايلي فصل شحن وكنت محتاجة أتكلم ضروري.
فهد: طب وفتحي فوني إزاي وهو معموله باسوورد؟
ميرنا بتسرع: ي شيخ اتلهي! هو ده رمز أصلاً عشان تحطه؟ قال حططلي 12345 وفاكر نفسك عامل حماية ليه.
فهد: احممم، إنتي مالك، أعمل اللي...
قمر: فيه إيه يا كبير؟ اهدئ كدا.
فهد: ليه شايفاني مجنون؟
ميرنا بصوت واطي: والله المجنون أعقل منك.
فهد قرب منها أوي: اسمعيني كدا، كنتي بتقولي إيه؟
ميرنا برعب من قربه وصوت واطي: مايه.
فهد: نعم؟
ميرنا على نفس الوضع: عايزة أشرب مايه.
قمر سحبت ميرنا من قدامه وقعدتها على الكرسي: حرام عليك يا فهد، بتعمل فيها كدا ليه؟ دا حتى طيبة.
فهد بصوت حاد: الطيب في الزمن دا هو اللي يتخاف منه. وخذي نصيحة مني، بلاش تثقي في حد زيادة عن اللزوم لمجرد إنه طيب.
ثم مشى.
ميرنا كانت خايفة ليكون عرف حاجة عنها هي ومازن.
جاءت جميلة من فوق.
جميلة: مالكم مسهمين كدا ليه؟
قمر: هااا، لا لا مفيش حاجة. يلا بينا.
ميرنا: يلا.
مشوا البنات وفي طريقهم للمشفى.
فهد: إيه يا فهد؟ مالك؟ إنت شاغل بالك بيها ليه؟ ركز في شغلك.
يقطعه صوت رنين الموبايل.
فهد: رقم مين الغريب دا؟
ثم يفتحه ويضعه على أذنه.
وقبل أن يرد، تكلمت هيف جهة أخرى: معلش يا ميرنا، مش هينفع أعمل عملية الإجهاض دلوقتي. ممكن يوم تاني تجيلي؟ أصل حصل ظروف كدا ومضطرة أني أسيب المشفى دلوقت.
فهد قفل الفون وكان في قمة الذهول والصدمة والاستغراب.
فهد: ميرنا حامل.
وبعد شوية، البنات وصلوا المشفى.
ميرنا سألت عن الدكتورة فرح.
الممرضة: الدكتورة فرح من شوية مشيت.
ميرنا باستغراب: مشيت؟ مشيت إزاي وأنا متفقة معاها؟
الممرضة: حضرتك هي قالتلي إنه جوزها تعب فجأة فأضطرت إنها تمشي.
ميرنا: خلاص ماشي، شكراً.
ثم اتجهت للبنات: أنا آسفة يا بنات بجد.
قمر: لا عادي، وإنتي إيه ذنبك؟
ميرنا: صح افتكرت، هي اخت الدكتورة فرح بتشتغل برده دكتورة ونفس أختها بس طماعة حبتين.
جميلة: مش مهم، هي فين؟
ميرنا: طب تعالي نتفق معاه.
فهد: أنا عايز كل المعلومات عنها.
ياسين: حاضر، بس فيه حاجة يا فهد عايز أقولك عليها.
فهد: عايز إيه؟
ياسين: بصراحة... احمم... أنا... أنا...
فهد: متخلص ي ياسين، بتتهته ليه؟
ياسين: بص بصراحة، أنا عايز أتجوز جميلة.
فهد: جميلة أختي أنا.
ياسين: أيوه، وقبل ما تقولي إنك غلطان عشان استأمنتني على أهل بيتك وخونت الأمانة، أنا والله عمري ما بصتلها بصة مش كويسة. وعشان كدا أنا عايز أتجاوزها.
فهد: بص يا ياسين، إنت من أيام المدرسة وإحنا صحاب وعشان منبعدش عن بعض شغلتك معايا. بص أنا مش هوافق قبل ما أشوف رأي جميلة الأول. وأتمنى أي قرار تاخده جميلة م يأثرش على صدقتنا تمام.
ياسين: تمام يا صاحبي.
وبعد بضع ساعات كتير.
قمر: نقدر نقولك حمدلله على السلامة.
جميلة بتعب: الله يسلم يا قمر.
ميرنا: حمد لله على السلامة.
جميلة: الله يسلمك. أنا متشكره أوي على وقفتك جنبي، شكراً.
ميرنا: العفو، وخلاص إنتو بقيتوا أخواتي ومفيش شكر مابين الأخوات، صح؟
قمر: صح يا معلمة. بس أنا مدايقة من بنت الجزمة الدكتورة اللي خدت الفلوس دي، طلعت طماعة أوي.
ميرنا: أنا مش قولتلك.
جميلة: طب هو أنا هطلع إمتى من المخروبة دي؟
ميرنا: ساعة كمان عشان تكوني فوقتي من البنج.
في القصر.
سمية: بقولك إيه يا ماما؟
سعاد: والله أنا غلبت معاه، الواد ده.
سمية: ماعندكيش عروسة ليه الواد ده؟
سعاد: والله يا بنتي أنا عندي وشايفاها مناسبة ليه من أول يوم شفتها.
سمية: مين دي يا ست الكل؟
سعاد: ميرنا.
سمية: بس دي مش من مستوانا.
سعاد: من إمتى إحنا بندور على المستوى ي سمية؟
سمية: أنا آسفة يا ماما بس...
سعاد: مبقاش، أنا هكلم فهد وإن شاء الله يوافق.
سمية: ي رب.
جاء يوسف.
يوسف: طنط هي قمر وجميلة فين؟
سمية...
رواية تزوجت عدو حبيبي الفصل العاشر 10 - بقلم ساندي احمد
يوسف: طنط هي جميلة فين؟
سمية: جميلة قالتلي إنهم رايحين عند صاحبتهم تعبانة هيطمنوا عليها وراجعين.
يوسف: وإزاي تسيبيهم يخرجوا لوحدهم من غير ما حد يبقى معاهم؟ حضرتك مش عارفة فهد ليه أعداء كتير و….
فهد: سكت ليه؟ كمل.
يوسف: فهد أنا مقصدش حاجة، أنا بس خايف على البنات لحد يع..
فهد بنبرة حادة: محدش يقدر يقرب لهم طول ما أنا على وجه الأرض، سامع؟
سمية: خلاص يا فهد، يوسف ميقصدش.
سعاد: تعالي يا فهد.
فهد راح عندها: خير يا تيته، محتاجة حاجة؟
سعاد: أيوه محتاجة.
فهد: أؤمري يا تيته.
سعاد: الأمر لله وحده، بص يا فهد أنا محتاجة أشوف عيالك قبل ما أموت، لحد امتى يا فهد هتبقى كده؟
فهد با*س أيديها: بعد الشر عليكي، متقوليش كده، وبخصوص الجواز فأنا مش عايز يا تيته.
سعاد: ليه يا حبيبي؟
فهد: عشان هتبقى في خطر، اللي هتجوزها وحضرتك عارفة شغلي كويس يا تيته، ولو مصر أنا موافق بس محدش يعرف إني اتجوزت عشان أنتِ متأكدة منهم، لو حد عرف هتبقى هي الهدد.
سعاد: والعروة جاهزة؟
فهد: بسرعة دي، وإن شاء الله مين اللي أمها داعية عليها دي؟
سعاد: العروسة تبقى ميرنا.
في اللحظة دي دخلت البنات.
الكيس اللي كانت ماسكاه ميرنا وقع منها على الأرض، الكل التفت وراها.
فهد بص عليها وكمل: مش هينفع أتجوزها.
سعاد: ليه يا ابني؟
فهد: لأنها متجوزة.
ميرنا: إيييه؟ متجوزة مين قالك حضرتك إن أنا متجوزة؟
فهد في نفسه: معقول تكوني حامل من غير جواز؟
فهد: أومال عايزة تجهضي نفسك ليه؟
الكل في صدمة وذهول.
خصوص البنات: إزاي عرف بالموضوع؟ يعني.
ميرنا: مين قالك الكلام الفارغ ده؟
فهد: الدكتورة اتصلت بي وقالت إنها مش هتيجي تعملك عملية الإجهاض بسبب ظروف عندها.
ميرنا: بس أنا مش متجوزة و…
فهد: يعني اللي في بطنك ده طفل غير شرعي؟
ميرنا بدموع: أنت إزاي تقول الكلام ده؟ على فكرة أنا بنت محترمة ومستحيل أعمل حاجة تغضب ربنا.
جميلة بتستجمع قوتها: يا بيه لو سمحت كفاية إهانات فيها، أنت المفروض تشكرها على اللي هي عملته ده ورجعتلي تاني زي الأول.
ميرنا: جميلة اسكتي خلاص.
جميلة: لا مش هسكت يا ميرنا ولازم يعرفوا.
فهد: نعرف إيه؟ انطقي.
جميلة بدموع: أنا اللي كنت حامل.
الكلام نزل عليهم كالصاعقة.
سمية: جميلة حبيبتي مينفعش تقولي الكلام ده، متدفعيش عنها وتتهمي نفسك زي كده، أنتِ لسه صغيرة مش فاهمة حاجة.
جميلة: مش بدافع والله، ودي الحقيقة.
وفجأة…