رواية تزوجت عمياء الفصل الأربعون 40 - بقلم شيماء ناصر

نرمين ندهت على البنات. جت نسمة مع رشا باستغراب لما شافت مازن هنا. = إنت مقلتش إنك جاي؟ مازن برفع حاجب: أجي عند حماتي وقت ما أحب، ولا إنتي عاوزاني آخد إذنك قبل ما أجي؟ نسمة لسة هترد وقفتها نرمين. -يا ولاد اتخانقوا بعدين، يلا خلونا نسيبهم لوحدهم شوية. مازن قام وشد نسمة. رشا قعدت وبقت بتفرك في إيديها من التوتر وباصة في الأرض. عمر: احم، أنا اسمي عمر الهواري، عندي 32 سنة وبشتغل ظابط. رشا هزت راسها. -أنا عارفة ده.

عمر: طب اتفضلي اسألي على اللي إنتي عاوزاه. رشا بتوتر: هو حضرتك يعني متجوزتش قبل كده؟ عمر اعتدل في مكانه: لا متجوزتش. رشا باستغراب: لي يعني؟ عمر: يمكن النصيب لسه مجاش. رشا باستفسار: طب إنت عارف سني كام صح؟ عمر: بصي، أنا جيت أتقدملك عشان أنا شوفتك كذا مرة وسألت على أهلك وعنك، وأنا شايف إنك حد كويس. *** عند ابتسام اللي بقت بتعيط. مدحت بانزعاج منها: يابنتي بطلي عياط. ابتسام: إحنا هنموت صح؟

مدحت حس بوجع من كلامها: متخفيش، دلوقتي الكهرباء هتشتغل والاسانسير هيتحرك. ابتسام بتمسح دموعها: طب لو مشتغل... مدحت: شوفتي الكهربا جت أهي، اهدي بقى. ابتسام بفرحة قامت بسرعة تقف، وأول ما الاسانسير فتح خرجت وبقت بتحاول تاخد نفسها. مدحت كان عايز يطمن عليها بس غير رأيه وسابها ومشي. = خير يا بابا؟ رشيد بهدوء: اقعد إنت ومراتك، عايزكوا في كلام مهم. ناهد باستغراب: هو هيقول إيه؟ ناهد قعدت هي وأحمد قدامه.

رشيد مد إيده في درج المكتب وطلع ورق وقلم وحطهم قدامه. أحمد: إيه ده يا بابا؟ رشيد بتنهيدة طويلة: بصوا، أنا عارف إني غلطت في الأول لما فكرت أغصبك على الجواز، وأسف ليكي يابنتي على كل اللي حصلك والمعاملة اللي خدتيها من أحمد. ناهد باستغراب: بابا إنت ليه بتقول الكلام ده؟ رشيد: أنا عرفت كل حاجة، وعرفت إنك عاوزة تطلقي منه. ودي ورقة الطلاق والنفقة، امضوا عليها. قال كلامه ده وسابهم ومشي. ناهد بصت لأحمد. = هو إحنا بجد هنطلق؟

أحمد بيمسح على وشه بحزن: مش ده اللي إنتي عاوزاه؟ ناهد هزت راسها بالنفي: لا، لا، كنت عاوزة كده بس دلوقتي لا. أحمد بص ليها: وإيه اللي اتغير؟ ناهد: مش عارفة أبطل أحبك. أحمد بلهفة: احلفي، يعني سامحتيني وهتديني فرصة تانية؟ ناهد هزت راسها بالموافقة. أحمد قام حضنها. = وأنا بحبك، ووعد، وعد والله العظيم مش هزعلك تاني ولا هغلط... وباس راسها وإيديها. *** محمد شد كرسي وقعد قدامها. -كنت عارف إني هلاقيكي هنا.

فرح لمّت حاجاتها وجت تقوم. محمد مسكها من إيديها. فرح بانزعاج منه: إيه اللي بتعمله ده! محمد بعصبية: اسمعي الكلمتين دول وبعدين أنا هسيبك وهمشي. فرح: اتفضل قول. محمد بضيق: والله عارف إن اللي عملته ده غلط، مكنش المفروض أجرح مشاعرك كده، بس أنا كنت حاسس بضغط ومكنتش فاهم أنا بعمل إيه، لحد ما فهمت إني بحبك فعلاً. فرح: بتحبني! آه قصدك بتحب كيان؟ محمد: يابنتي، كيان خلاص اتخطبت. فرح بسخرية: آه، فترجع ليا؟

محمد: أنا فهمت إنك بتحبيني، وأنا دلوقتي بحبك وحابب أكمل معاكي حياتي. فرح، أنا عارف إنك لسه بتحبيني. فرح لفت بوشها تمسح دموعها اللي خانوها ونزلوا على خدها. = ممكن تسيب إيدي؟ محمد: حاضر، حاجة أخيرة بس وهمشي... شاور لحد يجي. محمد خد بوكيه الورد منه وأداه لفرح. محمد بحب: أحلى بوكيه ورد ليكي. فرح: لسه فاكر إني بحب النوع ده من الورد؟ محمد: مقدرش أنسى حاجة زي دي... بحبك. فرح خدت منه الورد: وأنا كمان.

محمد بلهفة: وإنتي كمان إيه؟ فرح: بحبك. *** رشا: طيب ممكن تديني وقت أفكر؟ عمر: تمام. مازن جه هو ونسمة. نرمين: ها يا ولاد؟ عمر: هستأذن أنا بقى وأسيبها تفكر براحتها. مازن مشي مع عمر. نسمة راحت بسرعة تقعد قدامها. رشا اتنفضت من الخضة. = في إيه يا بنتي، فزعتيني! نسمة: قوليلي، اتكلمتوا في إيه؟ رشا بكسوف. نرمين بفرحة على شكلها: ربنا يقدم اللي فيه الخير ليكي يابنتي. مازن: ها، عملت إيه؟

عمر بيمسح على شعره: والله بقى الموضوع واقف على موافقتها هي. مازن: طيب. عمر: يلا سلام. عمر ركب عربيته ومشي وعنده أمل إن هيحصل نصيب. نسمة: طب إيه رأيك في شكله؟ رشا لسة هتتكلم قطعها مازن. = مش يلا يا هانم نمشي؟ نسمة: شوية بس. نرمين بصت لنسمة: اسمعي كلام جوزك. نسمة ومازن مشيوا. جنة بفرحة: بجد... يا منار، مناااار! منار: نعم؟ جنة: زغرطي. منار: لوووووولي! نسمة دخلت القصر على صوت الزغاريط. = فرحوني معاكم.

جنة: ماما وبابا مش هيطلقوا. مازن بص لناهد: يعني الأمور تمام؟ أحمد: تمام التمام، وكمان محمد وفرح هيتخطبوا، والمراد خطوبة كبيرة. مازن: احم، خطوبتين؟ جنة: مين هيتخطب تاني؟ مازن: إنتي. ناهد بفرحة: يسمع منك ربنا. جنة: مش فاهمة، بس أنا محدش اتقدملي. أحمد: صاحب أخوكي اتقدملك. جنة بشك: ومين هو؟ مازن: عمار. جنة: مش موافقة. أحمد: هو إنتي شوفتيه عشان ترفضي؟ مازن: دي حكاية طويلة، المهم دلوقتي مش هنتعشى ولا إيه؟

ناهد: طبعًا، خد نسمة وغيروا هدومكوا، وأنا هجهز الأكل. جنة راحت لـ رشيد اللي كان قاعد بيشرب شاي وبيتفرج على الأخبار. = أنا مش عاوزة أتجاوز. رشيد بضحك: هههه، ليه إن شاء الله؟ جنة: مش بفكر في الكلام ده يا جدو، وبعدين أنا لسه صغيرة. نسمة بارتباك: احم، بقولك إيه؟ مازن وهو بيفك القميص ويخلع الساعة: امم، قولي. نسمة: نفسي آكل فسيخ ورنجة. مازن انفجر من الضحك: 😂 هههههه.

نسمة بزعل: بطل تضحك، أنا بتوحم على فكرة، وماما قالتلي إن ده طبيعي. مازن: بكرة الصبح أبقى كلي فسيخ ورنجة. نسمة: طب هاتلي آيس كريم. مازن: بت انتي هتجننيني. نسمة: إنت بتزعقلي ليه؟ وبعدين ابنك هو اللي عايز. مازن ساب اللي في إيده وقرب منها: طب وهو حبيبي مش عاوز بوسة كده ولا كده؟ نسمة مشيت من قدامه بسرعة. *** نعمة: حبيبي يلا عشان تاكل، أنا جهزت الأكل. مدحت: حاضر يا ماما. ابتسام: بت انتي سرحانة لي كده؟ فرح: مبسوطة قوي.

ابتسام قعدت جنبها على السرير: احكيلي حصل إيه؟ فرح خدت نفس: اتكلمنا أنا ومحمد وكل حاجة اتحلت وهنرجع تاني. ابتسام: مبروك، قولتي لبابا وماما؟ فرح: هو اتصل لبابا وكلمه، عقبالك يا قلبي. ابتسام: إن شاء الله يا حبيبتي، يلا روحي نامي، تصبحي على خير. فرح: وإنت من أهل الخير. في تمام الساعة 3 الفجر. مازن بقلق: بت بطلي تفركي، مش عارف أنام. نسمة: أنا جعانة. مازن: إيه اللي خلاني أتجوز بس! نسمة ربعت على السرير: نفسي في مانجا.

مازن بيمسح على وشه: نامي يا ماما وكفاية عكننة. نسمة سابته وقامت تنزل تروح المطبخ. الصبح. مازن فاق وبيحسس على السرير ملقهاش جنبه، قام ياخد دش. ناهد بخضة: إيه اللي حصل في المطبخ ده؟ وإنتي بتعملي إيه؟ منار: بعمل عصير للمدام نسمة. نسمة سابت الرنجة من إيديها. -معلش يا ماما، أنا جعانة قوي. ناهد: مانجا إيه اللي عاوزة تشربيها بعد اللي بتاكليه ده؟ نسمة بعياط: طب أنا جعانة. منار راحت تهمس لـ

ناهد: هي بقالها تقريبًا 10 ساعات في المطبخ بتاكل. ناهد بصت لـ منار بتنهيدة: تعالي يانسمة. نسمة خرجت من المطبخ وراحت معاها تقعد على السفرة. ناهد مدت إيديها في طبق الفواكه وجابتلها تفاح. -كلي أكل مفيد وبلاش عك. نسمة: حاضر. ناهد: مازن النهارده إجازة، ودي فرصة إنك تقوليله ياخدك ويفسحك. نسمة بفرحة: هقوله. مازن كان خرج وواقف قدام المرايا بيلبس تيشيرت. نسمة فتحت الباب مرة واحدة. مازن: في إيه يا بت؟

نسمة بدلع: أنا عاوزة أخرج، فسحني. مازن مهتمش ليها وكان بيسرح شعره. نسمة راحت تقف جنبه في المرايا. -بص، شايف كرشي بق عامل إزاي من كتر الأكل؟ أنا تخنت قوي. مازن من غير اهتمام على كلامها: يعني أعمل إيه؟ نسمة: يعني اهتم بيا وفسحني، بقولك إيه؟ اعزميني على سمك مشوي. مازن ببرود: ليه مكفاكيش الوقت اللي قعدتيه في المطبخ؟ نسمة: لا. مازن لف وبص ليها: اممم، إنتي تخنتي فعلاً، أنا بفكر أتجوز عليكي.

نسمة حطت وشها في الأرض وبقت بتعيط. صعبت على مازن وخدها في حضنه. = أنا بهزر، متخفيش، مش هتجوز تاني. نسمة بعدت عنه وهي بتمسح دموعها: طب هتعزمني على سمك؟ مازن: كده كتير... وسابها ونزل. *** عند رشا اللي قاعدة قدام التليفزيون بتفكر هل توافق ولا لأ. نرمين: مالك يا بت سرحانة في إيه؟ رشا: أنا موافقة يا ماما على عمر. تعالت الزغاريط: مبروك يا قلبي، مبروك، ربنا يتمملك على خير. عمار راح لـ مازن البيت. رشيد: تعال يابني، ادخل.

عمار: أخبارك إيه يا حج؟ رشيد: الحمد لله، قولي بقى إنت عملت مشكلة مع جنة ليه؟ عمار بضحكة أظهرت غمازاته: والله يا حج، هي اللي غلطانة. جنة كانت بتسمع كلامهم. = أنا هوريك. رشيد: هي عملت إيه عشان تكون غلطانة؟ جنة قطعت كلام عمار واتكلمت وعنيها على عمار. = البيه خبط عربيتي وجاي يقولي إنتي مش بتعرفي تسوقي. عمار: بطلي عناد، وبعدين هنروح بعيد لي؟ العربية برة، وتشهد على اللي عملتيه.

جنة بتوتر: أنا يعني معرفتش أفرمل في الوقت المناسب، دي مش مشكلة عادي. عمار: تعرفي إن الميكانيكي قالي سيبيهالي أسبوع. مازن جه وسمع كلامهم. : بس بقى، مزهقتوش؟ عمار: أنا حابب أقعد مع جنة قعدة تعارف. رشيد: مفيش مشكلة يابني... جنة بصت لـ مازن عشان يرفض. مازن: أنا موافق، خدها واتمشوا في الجنينة. جنة لسة هتعترض بس قطعها رشيد. .. أها، يلا يا ولاد. *** محمد: بصي بقى، أنا اتفقت مع عمي على شهر واحد ونكون متجوزين.

فرح: لا طبعًا، لازم ناخد وقت. محمد برفع حاجب: ليه إن شاء الله؟ عشان تفكري تكملي ولا لأ؟ فرح: طيب موافقة، بس على شرط. محمد: إيه هو؟ فرح: أول ما يشغلوا أغنية وبتخلي الدنيا في عيني وأنا جنبك، فمتبعدنيش، شلني ولف بيا لحد ما نفسك يتقطع. محمد باستغراب: إنتي بتنتقمي يعني ولا إيه؟ فرح: آه، هو كده، اطلب بقى حاجة نشربها. *** ناهد كانت بتاخد دش وخرجت من الحمام وهي لابسة بورنس واتخضت لما شافت أحمد قاعد على السرير.

= مش المفروض تكون في الشغل، بتعمل إيه هنا؟ أحمد وهو عينه عليها: إيه القمر ده؟ ناهد: أول مرة أسمعها منك. أحمد قام وراح ناحيتها ودفن وشة في رقبتها. -من هنا ورايح مش هتسمعي مني غير الكلام الحلو... وبدأ يفك رباط البورنس و... *** نسمة: الخطوبة عاوزين يعملوها يوم الجمعة. مازن: أخبارك قديمة قوي، ما أنا عارف. نسمة: طب سيب الفون من إيدك وبص على الفستان ده. مازن: ماله؟ نسمة: هلبسه عشان أروح بيه الخطوبة. مازن وتعبير

وشه اتغير وساب الفون: وحياة أمك، لإيه كيس جوافة أنا عشان تلبسي ده؟ ناسيه إنك منقبة؟ نسمة: إنت بتزعق ليه؟ مش ده اللي هروح بيه... ومسكت الفستان التاني. -ده اللي هروح بيه. مازن: أومال ده ليه؟ نسمة: عشان ألبسهولك بس. عارف أنا غيرت رأيي. مازن بضحك على شكلها: طب خلاص، معلش، البسيه ووريهولي. نسمة: رخمة. مازن باستغراب: راحة فين يا ماما؟ نسمة: هدخل الحمام ألبسه. مازن بخبث: لا يا حلوة، البسيه قدامي. نسمة: لا طبعًا.

مازن: طب خلاص، ادخل معاكي الحمام وألبسيه. نسمة: أنا مش عاوزة أقلع قدامك. مازن بمكر: لا اقلعي، مش أنا جوزك، يلا. نسمة بتزمر: هي دي المشكلة إنك جوزي. مازن: بطلي تكلمي نفسك وإنجزي، تحبي أساعدك؟ نسمة بتريقة: لا ياخويا، شكرًا. مازن: أخوكي؟ حصلت تقوليها؟ طب إيه رأيك إن عقابك النهارده هيكون الضعف؟ *** الشقة جاهزة وكل حاجة بقت تمام، مفيش حاجة ناقصة. فرح: طبعًا فيه. محمد: إيه تاني ناقص؟ فرح: القطة. محمد: نعم ياختي؟ قطة إيه؟

أنا مش بطقهم. فرح: وأنا بحبهم وهجيب القطة. محمد بيجز على سنانه: ماشي ياحبيبتي، هاتي القطة. فرح: آه، ويا ريت تعملها بيت صغير عشان هتنام فيه. محمد: ليه؟ كانت من بقيت أهلي؟ فرح: إنت متضايق ليه؟ خلاص متعملش بيت ليها، أنا هنيمها في حضني. محمد: وأنا هنام فين؟ فرح اتكسفت وحطت وشها في الأرض: نام على الكنبة. محمد: لا، هنام في حضنك. *** الساعة بقت 8. ابتسام كانت في كافيه مع صحابها. رتاج: إنتوا مالكوا ساكتين كده لي؟

ابتسام: ماليش نفس أقول حاجة. رحمة: أنا بقول نطلب الأكل أحسن. رتاج: مالكم مكشرين كده لي؟ ابتسام: زعلانة قوي. رحمة ورتاج في نفس الوقت: ليه؟ ابتسام: فرح هتتجوز، وهمشوا، كل البنات كده، مصيرهم هيتجوزوا ويمشوا، وإنتي كمان كده. ابتسام: لا، مش عاوزة أسيب بابا وماما لوحدهم. رتاج: بصت لـ رحمة: وإنتي زعلانة ليه؟ رحمة بعياط: ماما تعبت امبارح وودناها المستشفى. ابتسام: إنتي عبيطة ومقولتيش لي؟ يلا نروح نطمن عليها. ***

جنة: ماما، هو فين مازن؟ ناهد: بيفسح نسمة. جنة: طب وأنا؟ ناهد: لما تتجوزي ابقي اتفسحي إنتي كمان. آه صحيح، مقولتيش إيه رأيك في العريس؟ جنة: مش عارفة. ناهد: مش عارفة ده كلام عليا برضو؟ ده أنا شوفتك واقفة وبتتأصتي على كلامه مع جدك. جنة بخجل: نهار أسود! أنا اتفضحت. ناهد مسكت كوباية الشاي: اممم، يعني أقول لجدك إنك موافقة؟ جنة وهي بتداري وشها... : آه، موافقة. رشيد جه قعد معاهم. .. اعملي قهوة. -حاضر يا بابا.

باستغراب: هو فين أحمد؟ ناهد: بيخلص شوية شغل في الشركة وجاي، مش تبارك لي جنة؟ رشيد بص لـ جنة: أباركها على إيه؟ جنة: أنا موافقة على العريس يا جدو. رشيد: مبروك. *** ابتسام بعد ما زارت مامت رحمة خدت بعدها وكانت مستنية تاكسي. ابتسام: لما أعوز المواصلات بتنقرض. فجأة لي مازن وقف بالعربية. ابتسام: بتعملي إيه قدام المستشفى؟ نسمة: ابتسام، إنتي كويسة؟ ابتسام: كويسة يا جماعة، أنا بس كنت بطمن على مامت صحبتي. مازن: طب يلا اركبي...

وبص لـ نسمة: انزلي اركبي ورا، وإنتي يا مدحت تعال هنا جنبي. ابتسام اتفاجأت لما شافته. نسمة: يلا يابنتي. ابتسام: حاضر... ابتسام ركبت جنب نسمة ورا، ومدحت ركب جنب مازن. ابتسام بقت بتبص على مدحت وراحت تهمس لـ نسمة. .. هو مين الشخص ده؟ نسمة بنفس الهمس: ده مدحت صاحب مازن. مدحت: عربيتي هناك أهي، شكرا يا صاحبي، يلا سلام. مازن: سلام... ولف بالعربية ورجع. *** نعمة: حمد الله على السلامة يا حبيبي. مدحت: الله يسلمك يا ماما.

نعمة: غير هدومك وأنا هحضر الأكل. مدحت: لا، تعبان وهروح أنام. نعمة: وهتسبني لوحدي؟ أنا مأكلتش عشان مستنياك ناكل سوا. مدحت باس إيديها: طيب جهزي الأكل وأنا هاخد دش وهاجي. مدحت راح يغير هدومه وهو بيفكر فيها. بطل تفكير وراح ياخد دش. نعمة جهزت الأكل ومدحت جه، وبدأوا ياكلوا. وأنعمة: بقولك يا حبيبي. مدحت: لا يا ماما، أنا عارف إنتي هتقولي إيه. نعمة: هو الصراحة، في بنت عجبتني وأنا خدت معاد مع أهل البنت وهنروح نشوفها.

مدحت ساب الأكل من إيده. -إيه اللي خلاكي تعملي كده؟ نعمة: عاوزة أفرح بيك، عاوزة أشوف عيل ليك قبل ما أموت، أنا مش هعشلك مصيري، هتكل على الله. مدحت: بعد الشر عليكي. نعمة: روح وشوف البنت، عشان خاطري. مدحت: طيب، ممكن بقى تهدي عشان الضغط ما يعلاش؟ *** ابتسام قاعدة في البلكونة. -ليه حاسة إني كنت رخمة وقليلة ذوق معاه؟ سماح: امسكي كوباية الشاي. ابتسام: شكرا يا ماما.

سماح: عندي ليكي خبر حلو، بكرة في واحد هيجي مع مامته عشان يتقدمولك. ابتسام اتفقت الشاي وبصدمة: إيه؟ سماح: في إيه يا بت مالك؟ ابتسام: أنا مش عاوزة أسيب بابا وأمشي. سماح: آه، ما أنا هقول إيه غير إنك بنت أبوكي. جاسر جه على صوتهم. .. بتتكلموا عني ليه؟ سماح: تعال شوف بنتك. جاسر: مالها؟ ابتسام: مش عاوزة أتجوز يا بابا، خلوني معاكوا.

جاسر: ياقلبي، كل بنت في الآخر هتتجوز وهتروح بيت جوزها، وبعدين وقت ما تحبي تيجي بيت أبوكي مفتوح دايماً. *** نعمة: تخلصي شغل وتيجي عشان هنروح للناس، ماشية. مدحت: حاضر يا ماما، يلا سلام. وقفل السكة. فرح: بتعملي إيه؟ ابتسام: بفكر هلبس إيه. فرح بضحك: يابنتي ده الدولاب ولا كانه معرض ملابس ومش عارفة هتلبسي إيه 😂. ابتسام بغيظ: بت انتي أمشي. فرح: خلاص همشي. ابتسام: ليه؟

فرح: عمالة بفكر فيه، آه، أنا اتكلمت معاه بقلة ذوق وخلاص خلصنا. *** نسمة: ماما، أنا تعبانة. ناهد بقلق: إيه مالك؟ إنتي خدتي حقنة الفيتامينات صح؟ نسمة هزت راسها بالنفي. ناهد: طب أنا هروح أكلم الدكتورة. *** جاسر: منورين يا جماعة. نعمة: بنورك. سماح: السلام عليكم. مدحت ونعمة: عليكم السلام. نعمة: لاحظت إن مدحت عاوز يخلع بأي طريقة. سماح: اتفضلوا العصير. نعمة: شكرا يا حبيبتي، تسلم إيدك، أومال فين عروستنا؟

فرح: يلا تعالي، بيسألوا عليكي. ابتسام: طب إيه رأيك، حلو صح؟ فرح: لا طبعًا وحش، يلا امشي. ابتسام: إنتي إيه أخبارك إزاي يابت؟ سماح: وادي عروستنا. نعمة: بسم الله ما شاء الله. مدحت رفع عينه ليها، وابتسام مستغربة: هو ده العريس؟ جاسر: تعالوا نخرج ونسيبهم. ابتسام راحت قعدت قدامه. -آسفة على طريقة كلامي اللي كانت في محل الدهب. مدحت ببرود: ولا يهمك. ابتسام: حابب تسألني عن حاجة؟

مدحت: أنا عاوز أتجوز وأكون مرتاح، والأهم، هو إنتي هتوافقي تعيشي مع ماما؟ ابتسام: آه. مدحت: يعني مفيش اعتراض؟ ابتسام: لا، معنديش اعتراض، هي طبعًا زي والدتي. مدحت: تمام، أنا الابن الوحيد لوالدتي، أبويا متوفي، وبشتغل ظابط. ابتسام: تمام. جاسر: ها؟ نعمة بنظرة أمل لـ مدحت. مدحت: احم، اللي فيه الخير يقدمه ربنا. *** بعد مرور 5 شهور. فرح: محمد اصحى بقى. محمد شدها لحضنه: نعم، صحيت أهو. فرح: أنا مبسوطة.

محمد: امم، عشان إنتي في حضني. فرح: لا، عشان معاد ولادة نسمة بكرة. محمد: عقبالك يا حبيبتي، طب ما تيجي نجيب عيال إحنا كمان. فرح بضحك: محمد، بس وسع، هههه. *** مدحت: هتأخر النهارده في الشغل، هاجي متأخر، اتعشوا إنتوا، ماشي. ابتسام: حاضر يا حبيبي، خلي بالك على نفسك. مدحت: يلا سلام. نعمة هزت كتفها: يلا، بت، قولي له. ابتسام ندهت على مدحت. مدحت: نعم؟ ابتسام راحت تحضنه وهمست: أنا حامل. مدحت

شالها ودفن وشة في رقبتها: مبروك يا قلبي، مبروك، ماما، أنا هكون بابا. نعمة: الحمد لله يا رب على السعادة دي. عمار: هو فين الفطار؟ جنة: لسه معملتوش. عمار: ليه إن شاء الله؟ جنة: لحظت إني حامل، متزعقش. عمار وهو بيجز على سنانه: تمام يا حبي، هروح أنا زي الشاطر أجهز الفطار. جنة: شاطر، وهات لي شوكولاتة موجودة في التلاجة. *** رشا: إيه رأيك نسمي ابننا خالد؟ عمر: اسم حلو يا قلبي، إنتي بس أولدي بالسلامة.

رشا: هو إنت ليه مجبتليش رمان؟ عمر: أنا تعبت، كان جوافة وبعدين رنجة وتونة، ودلوقتي رمان. رشا: إنت بتزعقلي 🥺. عمر: يالهوووي، والله ما أقدر يا حبيبتي، خلاص، هعملك اللي إنتي عاوزاه. *** نسمة بخضة: نهار أسود، نهار أسود، اصحى، ماااازن، اصحى، مش قادرة. مازن بفزعة: حصل إيه؟ نسمة: بولد، اتحلحل، قوم بسرعة. مازن قام وهو مش عارف هيعمل إيه. نسمة: إنت يابني هاتلي العباية والنقاب بسرعة، بتلف حوالين نفسك ليه؟ مش قادرة، أنجززز.

مازن: حاضر، خدي نفس واهدي. نسمة: بولد بس، والله لهوريك، يااااااازن. ناهد جت بخضة: الطلق اشتغل. نسمة: الحقيني، إنتي والنبي. ناهد: لبسها ونزلها، يلا. *** رشا: يا خراشييي، حبيب خالتو. جنة: بسم الله ما شاء الله، قمر. ابتسام: الواد طالع مز من دلوقتي. جنة راحت تقف جنب عمار وخبطت في صدره: الواد مز ها، واخد بالك إنت؟ عمار: آه يا حبيبتي، مبروك. جنة وهي بتجز على سنانها: أنا عاوزة عيل. عمار: بس كده، حاضر، عنيا. وغمزلها.

ناهد: نسمة فاقت. مازن راح وقعد جنبها على السرير: مبروك يا حبيبتي، ولد. نسمة: الله يبارك فيك يا حبيبي. رشيد: مبروك يا ابني، بقيت جد. أحمد: الله يبارك فيك يا بابا. النهاية.