رواية تزوجت عمياء الفصل الرابع 4 - بقلم شيماء ناصر

رشيد: حضّروا وليمة. كبير الخدم: أمر جنابك. رشيد: الناس كلها هتيجي بكرة تشوف مرات حفيدي. ابدأ جهّز كل حاجة ومش عايز غلطة. كبير الخدم: حاضر. نسمة: هو إحنا رايحين فين؟ ناهد: أنا هوديكي جناح مازن. منار: سِت هانم، أنا طلعت شنط نسمة هانم فوق. ناهد: إحنا دلوقتي هنطلع السلم. ماشية نسمة ماسكة فيها وطالعة على مهلها لحد ما وصلوا لجناح مازن. ناهد: دي بقى أوضتك زي ما هي أوضته. أسيبك بقى تاخدي راحتك، ولو عزتي حاجة اندهي على.

نسمة بتوتر: ماما ممكن قبل ما تمشي تساعديني أغير هدومي؟ ناهد: بس كده، عيوني تعالي. أحمد بسخرية: هتفضل قاعد في المكتب لحد إمتى يا عريس؟ مازن: عريس إيه بس. أحمد: هتتعود، يلا اطلع استريح قبل ما جدك ياخد باله إنك لسه هنا. نسمة غيرت هدومها وقاعدة على السرير خايفة. الباب اتفتح مرة واحدة. نسمة: مين اللي دخل؟ مازن ببرود مردش عليها. نسمة عرفت إنه هو وكملت: الطريقة اللي كلمتني بيها تحت أنا محبتهاش. مازن: محدش قالك حِبّيها.

نسمة بكسرة: إنت قولتلي إنك اتدبست في واحدة زيي ليه؟ مازن بسخرية: هو إنتي شايفة نفسك. وأكمل بخبث: وهتشوفي إزاي وإنتي عمياء. مازن غير هدومه وراح ناحية السرير. اتفاجأ لما شاف شكلها. ملامح أطفال وشكلها جميل جداً وكان أحلى بسبب عياطها اللي حَمَّر وشها. مازن بابتسامة: بتعيطي؟ نسمة بشهقة: إنت بتزعقلي! أنا مش عاوزة أفضل هنا، أنا عاوزة أمشي. نسمة قامت من السرير ومشيت لحد ما خبطت في صدره.

مازن بيمسح على وشه: بقولك إيه، مش فاضي لجو العيال ده، روحي نامي دلوقتي. نسمة بتفرك في إيديها: أنا عاوزة أرجع لخالتي. مازن: أعتقد إنها استريحت منك زي أهلك. هما فين أهلك؟ مشفتش غير خالتك وبنتها. وأكمل بسخرية: أكيد اتبروا منك. نسمة بعياط: هما... هما ماتوا في حادثة وأنا كنت معاهم ونظري راح من وقتها. مازن قلبه وجعه من عياطها. ناهد قلقانة على نسمة. أحمد: مش هنام بق في يومنا ده. ناهد: نام إنت.

أحمد: أعملها إزاي يا فالحة وإنتي مشغلة النور؟ أنا عندي شغل الصبح، اخلصي اطفي النور واتخمدي. ناهد طفت النور وهي مكسورة: أنا قدرت استحمل كل السنين دي معاك، بس نسمة هتستحملها إزاي؟ مازن بخنقة قعدها على السرير: نامي هنا وأنا هنام في حتة تانية. نسمة مسكت في إيده: متسبنيش لوحدي. مازن: متخافيش، أنا موجود، نامي. مازن راح على الشزلونج وهو باصص على نسمة وبيفكر. أنا إيه اللي خلاني اتسحب من لساني وأطلب مأذون؟

كان فين عقلي وأنا جايب معايا المصيبة دي.