رواية تزوجت عمياء الفصل السابع والثلاثون 37 - بقلم شيماء ناصر

فرح شافت محمد جاي ناحيتها وقامت بسرعة تمشي. محمد وقف قدامها. = اديني بس فرصة أتكلم. فرح بعناد: مش عاوزة أسمع منك حاجة. ابتسام: فرح اسمعيه ولو لمرة. فرح: أنا قولت لا، أنت قولت اللي عايزه وجرحت مشاعري وكسرتني، ابعد عني بقى... حنان: يخيبها، إيه اللي بتعمله ده؟ لأ وكمان بترقص ومحسساني إنها لسه عيلة. كيان سمعت كلامها: أنتي بتتكلمي عن مين يا ماما؟ نورهان: بقولك إيه، خدي بعضك وشوفي أنتِ بتعملي إيه، يلا.

نسمة: مش قادرة، حاسة بدوخة. سماح شافت مازن ساند نسمة، راحتلهم بسرعة: أنتي كويسة؟ مازن: دايخة. سماح: طب سيبها، أنا هتصرف. روح أنت... خلصت الليلة والكل رجع على بيته. ناهد: امسكي يانسمة، اشربي العصير ده. نسمة: شكراً يا ماما. ناهد: هو الحمل كده في أوله متعب، لازم ترتاحي. ماشي؟ نسمة: حاضر... أحمد خبط على أوضة ناهد: ممكن أدخل؟ ناهد باستغراب: إيه الأدب ده كله؟ وكمان بتستأذن.

أحمد: عارف إني مستاهلش فرصة تانية، وعارف إني ما اتعملتش كويس معاكي طول السنين دي، بس أنا هسيبك على راحتك تفكري، واللي أنتِ عاوزاه أنا هعملهولك... في مكتب مازن. مازن: احكيلي في إيه؟ عمر: عاوزك معايا آخر الأسبوع. = لي؟ عمر: هروح أتقدم لأهل البنت. = بجد؟ ومين بقى هي؟ عمر: اسمها رشا خالد المرصفاوي. مازن بدهشة: نعم؟ ده بجد ولا إيه؟ رايح تخطب أخت مراتك؟ عمر: هي تبق أختها. = نسمة هتفرح لما تسمع الكلام ده.

عمر: يعني هتيجي معايا؟ = طبعاً هاجي، بس سيبني دلوقتي واتكل على الله عشان عندي اجتماع كمان شوية. عمر: أنت بتطردني بالذوق، تصدق؟ أنا لو مكنتش محتاجك مكنتش جيت. يلا سلام... عند رشا اللي كانت قلقانة: طب هو عارف سني قد إيه؟ نرمين: أنتِ عندك 30 سنة وسنك كويس، وهو سنه 32 مناسب ليكي. رشا: مش عارفة، بس خايفة. نرمين: متخفيش، هو بس هييجي يتعرف عليكي. ابتسام بخنقة: أنتِ هتجننيني! إزاي مخدتيش من الراجل وصل؟

أومال لما نروحله دلوقتي هيديكي الخاتم بناءً على إيه؟ ملك: معرفش إني لازم آخد وصل من عنده أو ورقة عشان لما أرجعله آخد الخاتم. ابتسام: صبرني يارب. امشي نروحله. مدحت: الشغل تحفة، متشكر. في محل الدهب... ملك: لو سمحت. -نعم يا فندم. ملك: أنا كنت هنا من أسبوع وجبت خاتم عشان أظبطه. -تمام يا فندم، معاكي وصل؟ ابتسام: يا فرحتي. بصت ليها: أفندم؟ ابتسام بصت حواليها: كاميرات المراقبة شغالة صح؟ -أيوه.

ابتسام: ممكن تراجع كاميرات المراقبة وتتأكد إنها جت من أسبوع. -أنا مش مسمحلي أعمل كده. ابتسام: لي؟