رواية تزوجت عمياء الفصل السادس والعشرون 26 - بقلم شيماء ناصر

مازن بصوت جحيمي: ده أنا حبيت رشيد: ماااازن افتح الباب.. مازن خرج وسبهم كلهم ومشي من القصر. ناهد بفزعه: حصل إيه ماله مازن؟ نسمة مصدومة من كلام مازن: ماما ده بيشك فيا، هو بيشك فيا؟ وقالي إن اللي في بطني مش ابنه. ناهد: طب اهدي، إيه اللي خلاه يقول كده؟ سماح: شوفي أختك مالها مش بتتكلم مع حد بقالها يومين. ابتسام: حاضر هروح أكلمها. هناء: إيه يابنتي مفيش عريس كده ولا كده؟ رشا بتوتر: لأ وأنا مش مستعجلة على حاجة.

هناء بسخرية: انتي بتقولي كده بقالك 10 سنين، اللي في سنك متجوزين ومعاهم عيال. رشا: عندك كلمة حلوة قوليها، غير كده اسكتي. هناء: حاضر، وانتي خليكي كده لحد ما تعنسي أكتر، أنا همشي أصل جوزي مستنيني. رشا قلبها وجعها من كلام هناء، هي معاها حق لحد دلوقتي وأنا كنت برفض العرسان لحد ما بقى سني 30… مروان: امضي على الورق ده و… مالك شكلك متعصب ليه؟ مازن: سيبني في حالي. مروان: طيب ياصاحبي لو محتاج مساعدتي قولي مش هتأخر…

= الجنين بخير؟ -أيوا هو بخير، بس الحمل فيه مضاعفات، ياريت تبعدوها عن أي توتر وأنا هكتبلها على فيتامينات. ناهد: تمام.. = بتتت، مالك انتي مطفية لي كده؟ محمد مزعلك صح؟ تصدقي هروح أضربه. فرح: مبقاش فيه فايدة خلاص، كل حاجة خلصت. ابتسام بأستغراب: يعني إيه مش فاهمة؟؟ فرح ببرودة أعصاب وكسرة: هو مشي خلاص، سبني ومشي. ابتسام بدهشة: إيه الكلام ده؟ فرح بسخرية وهي بتمسح دموعها: مكنش بيحبني، طلع بيحب كيان.

ابتسام بتوتر: هو اللي قال كده؟ فرح: آه قال كده، "مش بحبك ولا عمري فكرت فيكي". هو ليه بيحصل معايا كده؟ أنا قلبي بيوجعني. راحت في نوبة عياط. ابتسام جريت عليها تحضنها.. = ششش، اهدي، انتي قولتي لبابا صح؟ فرح: لأ. ابتسام: أنا هتصرف، اهدي بطلي عياط، والله هو ميستهلش دموعك. -أنا بعيط على الطريقة اللي كلمني فيها وكسرته ليا.. أنا شفت لمعة في عينه وابتسامة لما قال "أنا بحب كيان".. قلبي اتقطع وقته.

نسمة راحت تقعد في الأرض قدام مازن اللي كان قاعد وحاطط إيده على راسه. -أنا معملتش حاجة ولا خنتك، والله العظيم اللي في بطني ده ابنك، انت طب بص تعال معايا عند الدكتورة وهثبتلك إن الجنين ابنك، ثق فيا المرة دي، اديني فرصة واحدة. مازن رفع راسه وبص ليها وعينيه محمرة زي الدم… روحي البسي. ريم: إيه ده، بقيت بتلعب من امتى ياسيف؟ سيف: إيه رأيكم؟ معتز: لا بجد حركة حلوة.