رواية تزوجت عمياء الفصل الثاني 2 - بقلم شيماء ناصر

نسمة: انتي حطيتي إيه على وشي؟ شرشا: يابت اثبتي بس، مش عارفة أحطلك روج. نسمة: شكلي عاملة إزاي؟ شرشا: اممم، أنده العريس يقولك. نسمة بتوتر: اسكت. تعلو الزغاريد في بيت نسمة. رشيد: مبروك يا ابني، هو ده الصح، بكرة تشكرني على اللي عملته. مازن: تمام، أنا عايز أمشي. نرمين: استنى يا ابني تاخد عروستك معاك. نسمة: أنا كان نفسي في فرح زي أي بنت. رشيد بيحضنها: ده كله نصيب يا حبيبتي، وأنا متأكد إن أي حاجة نفسك فيها جوزك هيعملهالك.

أحمد: إيه اتخنق؟ انت لحقت، اومال لما تبق معاها في أوضة واحدة هتعمل إيه؟ مازن: بس بقى يا بابا. نرمين: بوصيك على بنتي، خد بالك منها وحطها في حتة من عينيك. مازن بيمثل الحب: حاضر، متخفيش عليه. ناهد: اتأخرتوا كده ليه؟ أحمد: روحي سلمي على مرات ابنك. ناهد: هو اتجوز؟ مش انتوا رحتوا تلبسوا شبكة؟ أحمد: المحروس هو اللي طلب المأذون من جده. رشيد: امسك إيد مراتك وخلي بالك منها. مازن بخنقة مسك إيد نسمة جامد وشدها وراه.

نسمة: براحة، انت كده بتوجعني، أنا مش شايفة، انت ناسي؟ مازن بهمس ليها: لا مش ناسي إنك عمياء، ولا ناسي إني اتدبست في واحدة زيك. نسمة بقت بتعيط من تحت النقاب. مازن: يا ريت مسمعش صوتك. ناهد: ازيك يا حبيبتي، أنا أم مازن. ناهد: قوليلي ماما، انتي زي بنتي. مازن: معلش بقى، أصلها عمياء مبتشوفش. ناهد بعصبية من طريقته مع نسمة، خدت نسمة معاها وهي ماشية. ناهد بحب: متزعليش من كلام مازن يا حبيبتي.

نسمة: مش زعلانة يا ماما، هو معاه حق، أنا عمياء. ناهد: آه، بس قمر، وإيه يعني؟ هو انتي ناقصك إيد ولا رجل؟ انتي حتة قمر. نسمة ابتدت تطمن إن أم مازن مش قاسية عليها زيه. رشيد: حضروا وليمة. كبير الخدم: أمر جنابك.