رواية تزوجت عمياء الفصل الثاني والعشرون 22 - بقلم شيماء ناصر

مازن: ومتصلتيش بيا ليه؟ جنة بحب: حبيت أعملك مفاجأة. أنا مقولتش لحد إني جيت. مازن: جدك هيتبسط لما يشوفك. جنة: تعال هنا بق. ماما قالتلي إنك اتجوزت. ده بجد؟ أنا مصدقتش غير لما شفت صورك أنت ومراتك. مازن: سيبك من الكلام ده دلوقتي ويلا روحي البيت. ناهد بقلق: كل حاجة كويسة. العملية نجحت صح؟ حاتم: أيوا. مبروك. هي دلوقتي لازم ترتاح. وبعد 48 ساعة هنفك الشاش على عينها. ناهد بفرحة: أنا مبسوطة. شكراً يا حاتم.

=الو. أنا عرفت إن المدام موجودة في المستشفى. سيف بابتسامة خبث: حلو أوي كده. نسمة كانت نايمة ومش حاسة بأي حاجة. ناهد دخلت قعدت جنبها: مازن هيفرح لما يسمع الخبر ده. تلفونها رن. خرجت ترد: الو.. رشيد: العملية نجحت. ناهد: أيوا نجحت. أنا مبسوطة ليها. بعد كل السنين دي هتشوف من تاني. ناهد خلصت المكالمة ورجعت أوضة نسمة. باستغراب: هي راحت فين. ناهد: نسمة فين؟ سيف حط نسمة في العربية ومشي. =نبقى نشوف بق هتنقذ مراتك مني إزاي.

ناهد بزعيق: أنتِ شوفتي البنت اللي كانت في الأوضة دي راحت فين؟ -لأ يا فندم. ناهد: الحقيني نسمة مش موجودة. حاتم باستغراب: يعني إيه؟ دي واخدة بنج قوي متقدرش تفوق منه الوقت ده. ناهد بخوف: اتصرف. أكيد في كاميرات مراقبة هنا. اعمل أي حاجة. حاتم: حاضر. محمد بيبعت رسايل لـ كيان. كيان: نعم يا محمد. في حاجة ولا إيه؟ محمد: مش عاوزك تخطبي. مفهوم؟ كيان: ماله ده؟ الأحسن إني مردش على الرسالة. تلفونه رن. رد بسرعة.

محمد: الو يا كيان. اسمعني. أنا مش عاوزك تتخطبي. وارضي العريس. = بس أنا فرح. مش كيان يا محمد. محمد بص للرقم كويس. عرف إن دي فرح. = فرح. آسف. افتكرت إني بكلم كيان. فرح: وتكلمها ليه؟ ممكن أعرف؟ وبتقول مش عاوزك تتخطبي ليه؟ محمد بيمسح على وشه بخنقة: مفيش. عادي يعني. أنا هقفل دلوقتي. ماشي. تصبحي على خير. فرح: أنا ليه خايفة كده؟ مازن دخل جناحه واندهش لما لقى المكان هادي. أومال راحت فين الزنانة. = الو يا ماما.

ناهد: تعال بسرعة على المستشفى. مازن: انتي كويسة؟ حصلك حاجة؟ ناهد: تعال بس وهحكيلك. في المستشفى. مازن: خير يا ماما. انتي بتعملي إيه هنا؟ ناهد حكت لمازن كل حاجة. في حد خد نسمة من هنا. مازن: مين اللي هيعمل كده؟ في رسالة وصلت على تليفون مازن. = معقول كل الجمال ده ومخبياه عني يا صاحبي 😈 مازن اتجنن لما شاف نسمة. ناهد بقلق: مازن. في إيه؟ مازن: استني. مازن: روحي انتي على البيت.