رواية تزوجت ابنة عمي الفصل الخامس 5 - بقلم رحمة محمد

حاتم: الو يا جود، انتي فين؟ جود: أنا لسه بجهز، شوية وهبقى عندكوا. حاتم: طيب تعالي مع أحمد عشان هو كمان لسه منزلش. جود: طيب ماشي. *** "انت إزاي تدخل كده؟ أحمد، على فكرة كده ميصحش أبداً." "وإيه اللي يصح إنك تعشمي واحد بالحب والجواز وإنتي على ذمة راجل تاني؟ "اخ... قصدي أنا عمري ما فكرت أعمل حاجة زي دي، إنت فاهم؟ وبعدين حتى لو أنا، وقتها لأ هبقى خا... نه ولا وحش...

ة. أنا وإنت مفيش حاجة تربط بينا غير ورقة محدش فينا معترف بيها." "بس إنتي مراتي ولازم تفهمي ده." "إنت بتقرب كده ليه؟ اسمع، أنا مش هسمحلك تعمل... "ششششششش. دلوقتي أنا هثبتلك إنك بتاعتي لآخر يوم في عمرك." *** حسام: أومال فين جود يا حاتم؟ حاتم: يا ضنا، إنت احترم فرق السن اللي بينا شوية، وبعدين هي زمانها جاية مع أحمد. حسام باستغراب: وإنت إزاي تسيبها معاه لوحدها؟ وإزاي جود تقبل بده أصلاً؟ حاتم: وفيها إيه بقى؟

أحمد ابن عمها وجوزها كمان. حسام: إيه؟ إنت بتقول إيه؟ إزاي وإمتى؟ حاتم: ده موضوع يطول شرحه يا حسام، هبقى أشرحلك بعدين، بس دلوقتي هحاول أتصل بيهم لأني فعلاً قلقت. عن إذنك. *** حسام: داليا! يا داليا! داليا: في إيه يا حسام؟ بتشدني كده ليه؟ مبراحة شوية. حسام: بطلي بقى! إنتي كنتي عارفة بموضوع جواز جود ده؟ داليا: 😏😏 إنت عرفت؟ طيب كويس. حسام: اتكلمي عدل! إنتي فاهمة؟

داليا: لأ مش فاهمة. وأنا معرفتش غير من كام يوم لما أحمد ده جه من بلدهم عشان شغله والدكتوراه بتاعته. وحاتم لحد دلوقتي رفض يفهمني، أعمل إيه بقى أنا؟ وبعدين أنا حاولت أقولك امبارح بس إنت اللي رفضت تسمعني. حسام: هو قرب منها؟ داليا: على حد علمي لأ، ومش هيحصل. محدش فيهم حابب وجود التاني أصلاً. حسام: يبقى هتساعديني عشان نطلقها منه وبسرعة قبل ما يفكر يعتبر نفسه جوزها بجد. داليا: يعني عايزني أعمل إيه؟ حسام: هقولك.