رواية تزوجت ابنة عمي الفصل الرابع عشر 14 - بقلم رحمة محمد

احمد: في إيه يا سيف؟ إيه اللي حصل؟ الظابط: أنت مين؟ احمد: أنا أحمد ابن أخوه. أقدر أعرف عمي مات إزاي؟ الظابط: التقرير المبدئي بيقول انتحار، بس لسه متأكدناش. جود: أنت بتقول إيه؟ أبويا مستحيل يعمل كده. الكلام ده كذب أكيد. احمد: أهدي يا جود لحد ما نفهم. الظابط: أظن إنه مش مستحيل ولا حاجة. لأن الأخبار اللي كانت من شوية، واللي بتقول إنكم أعلنتوا إفلاس، ممكن تخليه يعمل كده. احمد بصدمة: إفلاس إمتى وإزاي؟

الظابط: الظاهر إن الأخبار موصلتش عندك. عموماً، تقدر تتأكد واحنا نكمل شغلنا. سيف: جود، هو إحنا مش هنشوف بابا تاني؟ جود: لا يا سيف، لأنه راح عند ربنا. ودلوقتي لازم بس ندعيله عشان ربنا يرحمه ويغفر له. احمد: هي مامتك وخالك فين يا سيف؟ سيف: مش عارف. أنا كنت نايم وصحيت على صوت صريخ سعاد. جود: أنت بتفكر في إيه يا احمد؟ احمد: بفكر، هو أبوكي انتحر إزاي؟ بإنه ضرب نفسه في المنطقة دي؟ جود: بالله عليك، أنت سامع نفسك؟

فرقت معاك مكان الضربة أوي؟ احمد: جود، فكري أنتِ فيها. عمي راجل مش متعلم أوي، يعني وأغلب تعليمه كان في الأراضي والزراعة والتجارة. مش دكتور يعني. جود: قصدك إيه؟ احمد بتفكير: مش عارف. بس خليني أتأكد الأول. داليا: يعني أنت فاكر إنهم مش هيعرفوا؟ أكيد هيعرفوا وكل حاجة هتنكشف. وبعدين أحمد ده داهية، مش هيسكت غير لما يفهم اللي حصل. حسام: قبل ما يفكر، هيكون أمره انتهى. داليا: يعني إيه أمره انتهى؟

حسام: يعني كمان كام دقيقة بالظبط، مش هيبقى في أثر تاني لعيلة المنشاوي. داليا: أيوه، بس ابني فيهم. حسام: وابنك منهم. ولازم تختاري، يا هو يا حياتك انتِ. داليا حسام: هههه، كنت عارف.