رواية تزوجت العمدة الفصل السابع والعشرون 27 - بقلم سارة خالد

فارس قالك ايه شمس: مفيش، كان بيوصيني آخد بالي منك وكده. غزل: اممم، هسجل رقمه بقي. شمس: أوكي، مش يلا ننام بقي؟ غزل: تمام، يلا. ثم صعدوا. *في شقة فارس* عدي: مالك؟ فارس: من بكرة الصبح تروح هناك، ومش تراقب غزل، لا، راقب محمود. عشان الواد ده شكلي هحطه في دماغي وهأذيه. عدي: عمل إيه طيب؟ فارس: كنت بكلم غزل وسمعت صوته بيكلمها. عدي: اممم، عايز يقرب منها في غيابك؟ فارس: اقتله. عدي: دي غيره؟ فارس: لا. عدي: امال إيه؟ مش فاهم.

فارس: هو كده. وميت مرة أقولك مراتي أخليها إزاي تكلم واحد غريب يعني؟ عدي: أعرف إن الواحد لما مش بيحب مراته مش بيغير عليها وبيسيبها براحتها، وبتكون مش في دماغه. فارس: أنا غير الناس دي. عدي: طيب يا عم، لما نشوف آخرتها. بكرة هغور هناك. فارس: جدع. عدي بغيظ: عارف، رايح أتخمد، مش فاضي غير ليك وللمشاكل بتاعتك، حتى مش عارف ارتبط يا بعيد. فارس: ترتبط؟ ههه، لا مش هرتبط يا أخويا. عدي: ناعم، وليه مرتبطش يا أخويا؟

يعني أنا قمر ودمي زي العسل. فارس: ههه، قصدك زي البصل. روح نام يا عم. عدي: راااايح. فارس: تصبح على خير. عدي: وانت من أهل الخير. في صباح اليوم التالي غزل: شمس، يلا قومي. شمس بنوم: إيه؟ غزل: يلا عشان نروح لفارس. شمس وهي تقوم: لا، مش هنروح، مش هينفع. غزل: ليه؟ شمس: تعبانة، مش هقدر أروح. غزل: خلاص، هروح أنا. شمس: غزل، في وقت تاني. وبعدين إحنا منعرفش فين مكانه. غزل: هتصل بيه في الطريق، يعرفني مكانه. يلا بقي.

شمس: لااا، هنتفخ. غزل: انتي خايفة من إيه؟ يلا بقي. شمس: هو لازم يعني؟ ما هو بقي كويس، مش لازم تروحي. غزل: لا، لازم. شمس: يووه، طيب قايمة. غزل: حبيبتي. بعد نصف ساعة شمس: أنا جهزت. غزل: وأنا كمان، يلا بينا. شمس: يلا، ربنا يستر. ثم نزلوا. عنيات: يوه، صاحيين بدري أكده ليه؟ غزل: ششش، رايحين نطمن على فارس. عنيات: قولتي لمهران بيه؟ غزل بصوت واطي: لا، هو رفض، فأنا هروح بسرعة وأجي على طول. عنيات: طب يا هانم، استأذني.

غزل: خلاص يا عنيات بقي، هخلي السواق يوديني. عنيات: طيب، ارجعوا بسرعة. غزل: أوكي، يلا يا شمس. شمس: يلا ياختي. ثم خرجوا من الفيلا. غزل: فين اللي اسمه محمود والراجل التاني؟ مش موجودين. شمس: يمكن نايمين. غزل: اممم، طيب هنعمل إيه؟ شمس: نرجع ننام. غزل: يووه يا شمس. شمس: في حد بينادي على فارس. غزل: تعالي نفتح البوابة نشوف مين. شمس: رايحة فين؟ لا طبعًا. غزل: هنسيبه ينادي. شمس: آه. غزل: اوعي يابت. ثم ذهبت وفتحت البوابة.

غزل: انتحازم. حازم: آه، أخبارك إيه؟ غزل: الحمد لله. حازم: كنت عاوز فارس. غزل: في وقت زي ده؟ حازم: شغل بقي، وعاوز ضروري. غزل: بس هو مش هنا. حازم: امال فين؟ غزل: مستأجر شقة. أنا كنت لسه هروحله، بس للأسف الحراس نايمين. حازم: طب تعرفي مكانه؟ غزل: كنت هتصل بيه يقولي، أو أتصل بعدي. حازم: عدي معاه؟ غزل: آه. حازم: طيب، تعالي معايا أوصلك. غزل: لا، شكرًا، مش عايزة أتعب حضرتك.

حازم: ولا تعب ولا حاجة. كده كده أنا هتصل بيهم أعرف هما فين وأروح لهم. غزل: طب ثواني. حازم: خدي راحتك. غزل: شمس. شمس: إيه؟ غزل: هنروح مع أستاذ حازم. شمس: حازم مين ياختي اللي نروح معاه؟ غزل: دا صاحب فارس، وكان جاي هنا عاوزه، بس أنا قولته فارس مش هنا، وقولتله إني كنت رايحاله، قالي أوصلك. شمس: لا، مش لازم يوصلنا. غزل: ماهو هيروح لفارس برضه. شمس: لا يا غزل، انسي، مش هنروح معاه. غزل وهي تسحب شمس: شمس، يلا بقي.

شمس: غزل، لا. غزل: يلا بس. شمس: ياربي. حازم: مين دي؟ غزل: دي أختي. حازم: اممم. شمس: إيه؟ في مانع إني أروح معاها ولا إيه؟ حازم: ههه، لا، مفيش. اتفضلوا. شمس بهمس: هنركب من ورا. غزل: أوكي. ثم ركبوا السيارة. حازم: حاولي بقي تتصلي بيهم يعرفونا مكانهم. غزل: ماشي. ثم قامت بالاتصال بفارس. غزل: مش بيرد. حازم: أكيد نايم، رني على عدي. غزل: مش معايا رقمه. حازم: أنا معايا، استنى، أهو، ده اكتبيه ورني عليه. غزل: طيب.

ثم رنت على عدي. عدي بنوم: الو. غزل: الو. عدي: مين؟ غزل: أنا غزل. عدي: إيه يا غزل؟ في حاجة؟ غزل: لا، كنت عاوزة أعرف مكان شقة فارس فين. عدي: ليه؟ غزل: عشان أجي أطمئن عليه. عدي: هو بقي كويس، مش لازم تيجي. غزل: أنا خرجت من البيت وركبت. عدي وهو يقوم: ركبتي مع مين؟ غزل: إيه؟ مالك؟ عدي: ركبتي مع مين؟ وكمان جاية لوحدك؟ غزل: لا، معايا شمس، وركبت مع أستاذ حازم. عدي بغضب مكتوم: نعممممم؟ أستاذ مين ياختي؟ غزل: إيه؟

أستاذ حازم جه وكان عاوز فارس، فأنا قولته مش هنا. عدي: آه، وبعدين ياختي، كملي كملي. غزل: قولته أنا كنت هروحله بس الحراس نايمين، راح قال تعالي أوصلك وكده. عدي بغضب مكتوم: افتحي الموقع بتاعك طيب. غزل: طيب، قول العنوان. عدي: *********************. أهو، شكل نهايتك قربت. ثم أغلق. قالت غزل العنوان لحازم، ثم نظرت إلى شمس وقالت بهمس: هو أنا عملت حاجة غلط؟ شمس وهي تربت على كتفها: ربنا يستر يا غزل، ربنا يستر.

بعد نصف ساعة وصلوا ودقوا الجرس. عدي: فارس، بهدوء. فارس: عيوني. ثم ذهب وفتح الباب. غزل بابتسامة: إزيك عامل إيه؟ فارس: أنا تمام جدًا، اتفضلي. ثم نظر إلى شمس وقال: اتفضلي يا شمس، اتفضلي، متتكسفيش. حازم: إزيك يا فارس؟ فارس: أهلاً، جاي ليه؟ حازم: عشان الشغل. فارس: والشغل مش هيصبر لبعد الضهر حتى؟ حازم: لآ. فارس: اممم، طيب، أنا هنا مش في مكان شغل للأسف. حازم: يعني إيه؟

فارس: يعني تستنى لما أكون في الشركة، وتتكلم معايا في الشغل. حازم بغيظ: تمام يا فارس. آآه، كنت عاوز أقولك، ابقي شد على المدام أكتر من كده، شكلها طيبة وبتثق بسرعة في الناس، ها. أغلق فارس الباب في وجهه. حازم بغضب مكتوم: ماشي يا فارس، مااااشي. فارس بصوت عالي: غزززل.