رواية تزوجت العمدة الفصل الثامن والثلاثون 38 - بقلم سارة خالد

فارس بصدمة: غزل! ثم اقترب منها وقال: إيه اللي جابك هنا؟ أزاحته غزل بكل قوتها، ثم أخذت المصعد ونزلت. وجدت شمس تقف أمام العمارة. شمس بقلق: مالك يا غزل؟ غزل بدموع: طلع خاين. حبيته وطلع مش بيحبني. ذهبت إلى السيارة وهي تحدث نفسها: حبيته وهو مش بيحبني. جوزي مش بيحبني. ثم صعدت السيارة وأدارتها ورحلت. شمس بخوف: غزل! فارس من خلفها: استني! شمس: إنت بتعمل إيه هنا؟ فارس بقلق: راحت من أنهي جهة؟ أخلص! شمس: مشيت كده.

ركب فارس السيارة ثم ذهب في الاتجاه الذي أشارت إليه شمس. ثم أمسك الهاتف وقام بالاتصال بغزل. عند غزل: كانت تقود بسرعة ثم وجدت هاتفها يرن باسم فارس. أمسكت الهاتف وأجابت. فارس بقلق: غزل، اهدي، هشرحلك كل حاجة. غزل بدموع: مش عاوزاك تشرحلي حاجة. فارس: غزل، علشان خاطري، طب هدي السرعة. غزل: أنا بكرهك. ثم أغلقت الهاتف. رفعت نظرها وجدت شخصًا يعدي الطريق. حاولت تفاديه وقامت بالاصطدام في الرصيف. فارس: غزل!

أوقف سيارته وذهب لسيارة غزل. أخرجها من السيارة وجدها تنزف من رأسها. حاول إفاقتها لكن لم تستجب. فارس بدموع: غزل، قومي علشان خاطري. ثم قام باحتضانها وقال: إنتي كويسة ومش هيحصلك حاجة. ثم حملها وذهب بها إلى المستشفى. وصل فارس المستشفى. فارس: دكتور. الدكتور: مالها؟ فارس: عملت حادثة. الدكتور: رأسها بتنزف جامد. حضروا غرفة العمليات بسرعة. ثم أخذوها. فارس بدموع: يارب تبقي بخير يارب. بعد وقت، رجعت شمس الفيلا.

شمس: غزل وفارس رجعوا؟ مهران: يرجعوا منين؟ شمس: مافيش، كانوا في مكان مع بعض. عفاف: لأ، مرجعوش. شمس: هيكونوا راحوا فين؟ مهران: هتصل بفارس أشوفه فين. ثم أمسك هاتفه وقام بالاتصال بفارس. فارس بتعب: أيوه يا بويا. مهران: فين يابن؟ فارس: في المستشفى. مهران: وإنت بتعمل إيه هناك؟ إنت كويس؟ فارس: كويس، بس غزل عملت حادثة. مهران: حادثة إزاي حصل كده؟ شمس في سرها: يارب متكونش غزل. مهران: طيب، إحنا هنيجلك. فارس: طيب.

مهران: مستشفى إيه؟ فارس: ***** مهران: جايين. عفاف: خير يا حج؟ مهران: غزل عملت حادثة. شمس بدموع: غززززل! مهران: أهدي، هتبقي بخير إن شاء الله. شمس: أنا هروحله. مهران: استني، كلنا هنروح. اطلعي البسي يا عفاف. عفاف: حاضر. بعد مرور ساعتين، خرج الدكتور. فارس: طمني يا دكتور. الدكتور: الحمد لله، عدت على خير. بس تفوق ونطمن. فارس: هو ممكن تحصلها حاجة؟ الدكتور: ربنا يستر. هي وقعت قبل كده على رأسها أو اتخبطت فيها؟ فارس: أيوه.

الدكتور: كتير؟ فارس: لا، يمكن مرتين كده. الدكتور: إن شاء الله خير. فارس وهو يجلس بتعب: يارب. بعد وصل مهران وعفاف وشمس. شمس بدموع: أختي فين؟ حصلها إيه؟ فارس: الدكتور قال كويسة، بس لما تصحي لسه هيشوف. شمس بصراخ: كله بسببك! من ساعة ما عرفتك وهي مفيش غير بتتأذي بسببكم. مهران: أهدي يابنتي. إيه دخل فارس بالحادثة يعني؟ وبعدين مين اللي اداها العربية؟ شمس: أنا عاوزة أشوفها. فارس: ادخلي الأوضة. أهدت.

دخلت شمس الأوضة ووجدت غزل نائمة ورأسها مربوطة. شمس بدموع: غزل، غزل، يلا قومي، متسبنيش. إنتي هتكوني بخير. دخل مهران وعفاف. مهران: هتكون بخير، متخافيش. مستنين تصحي والدكتور يطمن. شمس: يارب. بعد وقت، وصل محمد والد غزل. محمد: أختك عاملة إيه؟ شمس بدموع: لسه مفقتش. محمد: متتبكيش يا شمس. بتفولي عليها ليه؟ هي هتكون بخير، متخافيش. شمس: يارب. محمد نظر لفارس: ليك دخل بالموضوع؟ فارس: لأ. نظرت له شمس بكره: إنت. ثم قاطعهم صوت غزل.

غزل وهي مازالت مغمضة العينين: فارس. فارس: هروح أنادي الدكتور. ذهب ثم رجع مع الدكتور والممرضة، وجد غزل تقول: محمود. فارس: محمود! بتقول محمود ليه؟ فتحت غزل عينها. اقتربت منها الممرضة وأعدلت جلستها. الممرضة: كده أحسن. غزل: امم. الدكتور: إزيك؟ غزل: أهلا. الدكتور: تعرفي دول؟ نظرت غزل لهم وقالت: أيوه، عرفاهم. الدكتور: عارفة اللي قبل؟ غزل: آه. الدكتور: إنتي كنتي فاقدة الذاكرة؟ غزل: امم. الدكتور: طب فاكرة اللي حصل؟

غزل: فاكرة قبل ما أفقد الذاكرة. الدكتور: كويس، وده بسبب انتظامك على العلاج. وإن ممكن من الصدمة وكده افتكرتي ورجعتلك الذاكرة. فارس: شكرا يا دكتور. خرج الدكتور والممرضة. فارس: هروح أدفع المصاريف. ثم خرج من الغرفة. محمد: ألف سلامة عليكي يا حبيبتي. إيه اللي حصل؟ غزل: مش عاوزة أحكي. محمد: طيب، على راحتك. مهران: ألف سلامة عليكي يا بتي. غزل: الله يسلمك. عفاف: ألف سلامة عليكي. غزل: شكرا. شمس: غزل، إنتي كويسة؟ غزل: امم.

شمس: متأكدة؟ غزل: أه. شمس: ماشي، نسيبك ترتاحي. غزل: بابا، عاوزاك متمشيش. محمد: طيب. مهران: طب نستأذن إحنا. محمد: اتفضل. رحل كل من مهران وعفاف من المستشفى. وخرجت شمس من الغرفة تنتظر بالخارج حتى انتهاء حديثهم. عند فارس: ذهب حتى يدفع المصاريف، لكن لم يجد محفظته. تذكر أنه تركها عند جنات. فارس وهو يمسح على وجهه: استغفر الله العظيم يارب. بعد وقت، وصل فارس. فتحت له جنات. جنات: حبيبي، جيت. فارس: غوري من وشي، مش ناقصك.

جنات: إيه؟ فارس بصوت عالي: بسببك غزل عملت حادثة. جنات: كل العصبية دي علشان عملت حادثة؟ على فكرة أنا مراتك زي ماهي مراتك. فارس: هه. لو لقيتي الورقة اللي تثبت. ثم أخذ المحفظة وخرج. جنات: قصد إيه؟ ثم دخلت غرفتها وأخذت تبحث عنها، لكن لم تجدها. جنات بصراخ: فاااااارس! اااااه يابن الـ***. عند غزل: محمد: عاوزة إيه يا حبيبتي؟ غزل: عاوزة أبعد. محمد: إزاي؟ غزل: إنت مش قولت لو حصلت حاجة هتبعدني عنه ومش هتخليه يعرف يوصل لي. محمد: