رواية تزوجت ملتزمة ولكن معاقة الفصل السابع عشر 17 - بقلم صباح عبدالله

الله يبارك فيك يابني. ونزلوا الأرض، كل واحد شغال في حاجة. أما قمر، فهي عمالة تزراع في الورد تاني وبتصلح في النجيل بتاعت الجنينة. شغالين ومش حد فاضي. أشرف: هو في إيه؟ إيه العربيات دي كلها؟ الحج أحمد والحج عبدالله ياخدوا بالهم من العربيات اللي نزلت الأرض. الحج عبدالله: خير. الله مافي خير. تعالوا نروح نشوف، في إيه؟ واحد يسيب اللي في إيده ويروحوا يشوفوا في إيه. الحج عبدالله: خير ياباشا، في إيه؟

إسلام: ظابط مخدرات في الشرطة وصاحب محمد من أيام الجامعة، 27 سنة، شاب طويل وشكله حلو، البشرة قمحاوية والشعر أسود والعيون خضراء. إسلام: معانا معلومات إن الأرض دي مدفون فيها مخدرات. الكل في صدمة من اللي بيسمعوه. الحج أحمد: انت بتقول إيه يابني؟ مخدرات إيه؟ إيه اللي انت بتتكلم عليه؟ الحج عبدالله: أكيد انت غلطان يابني، أو جيت المكان الغلط. احنا ناس ماليناش في السكة دي. أشرف: أكيد معلوماتك غلط يا بيه.

إسلام: مش انتوا اللي هتعرفوني شغلي. ويشوف بنت جاية على كرسي متحرك. قمر: خير يابابا، في إيه؟ الحج عبدالله: خليكي انتي بعد ياقمر، ملكيش دعوة. إسلام يبص على قمر باستغراب. إسلام: معقول إن دي البت اللي محمد قصدها؟ إسلام بصوت عالي: يلا يا شباب، شوفوا شغلكم. قمر: ثواني، بس شغل إيه؟ ويروحوا فين؟ أبو قمر: اسكتي انتي ياقمر، ملكيش دعوة. معلش ياشرف يابني، خد قمر وروحها. قمر ترد بسرعة: أنا مستحيل أمشي من هنا من غيرك يا حج.

الحج عبدالله يبص ليها ويسكت. إسلام وقف وعينه على قمر. واحد من العساكر: اتفضل معايا ياباشا، الأرض دي فيها مخدرات فعلاً. الحج عبدالله: انت بتقول إيه يابني؟ مخدرات إيه اللي لقيتها في الأرض؟ قمر تفتكر الاتصال اللي جاله الفجر، وتفتكر كلام محمد ليها امبارح، وتعرف إنه ورا كل حاجة بتحصل. تتفوق من الصدمة على صوت التلفون. تلقي نفس الرقم، تفتح. المتصل: إيه رأيك في أول هدية مني ليكي؟ قمر: انت واحد رخيص.

محمد: توتو توتو، احفظي على دموعك، احنا لسه في الأول يا حلوة. قمر: ده يكون نجوم السما أقربلك، ولا أسمح إن دموعي تنزل بسبب واحد رخيص زيك. وانت اللي بدأت الحرب دي، وأنا اللي هنهيها. وتقوم قافلة التلفون.